- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ارزان دا ساپالى سيىر مەن قوي ەتىن قايتكەندە تۇتىنا الامىز؟
2014.03.18 08:56 كەلۋ قاينارى : شينجياڭ حالىق راديو ستانسياسى تورابى
سيىر مەن قوي ەتى شينجياڭدىقتار تۇتىناتىن نەگىزگى ەت تۇرلەرى، الايدا سوڭعى جىلداردان بەرى، سيىر مەن قوي ەتى باعاسىنىڭ ءۇرتىس ورلەۋىنەن بۇقارا ەتتى قالاعانشا ساتىپ الۋعا شاماسى جەتپەي قالدى. ءۇرىمجى بەييۋانچۇن تولايىم ساتۋ بازارىنداعى باعانى باقىلاۋ-تەكسەرۋ ساندى مالىمەتىنە قاراعاندا، 7-ناۋرىزدا سيىر ەتىنىڭ ءار كيلوگرامىنىڭ تولايىم ساتىلۋ باعاسى 60 يۋان، قوي ەتىنىڭ ءار كيلوگرامىنىڭ تولايىم ساتىلۋ باعاسى 57 دە 58 يۋان بولعان. بۇدان بىلاي ءبىز قايتكەندە ارزان دا ساپالى سيىر مەن قوي ەتىن تۇتىنا الامىز؟
بيىلعى «ۇكىمەت قىزمەتىنەن باياندامادا» تۇڭعىش رەت «سيىر مەن قوي ەتى ءوندىرىسىن سۇيەمەلدەۋ» اتاپ كورسەتىلدى. بۇعان شينجياڭنان بارعان مەملەكەتتىك حالىق قۇرىلتايىنىڭ ۋاكىلدەرى ەرەكشە قۋاندى. حوتاننان بارعان مەملەكەتتىك حالىق قۇرىلتايىنىڭ ۋاكىلى ازەز مۋسا، مۇنىڭ جەرگىلىكتى بۇقارا ەڭ كوكسەيتىن يگى ءىس ەكەنىن ايتا كەلىپ: «سيىر مەن قوي ەتى بۇكىل ەلىمىزدەگى ءبىر ميلليارد 300 ميلليون حالىقپەن بايلانىستى ماڭىزدى ماسەلە، وتە-موتە شينجياڭدا ەرەكشە كورنەكتى بولىپ وتىر، سيىر مەن قوي ەتىنە كومەك قاراجاتىن بەرۋ ساياساتى مالشىلاردىڭ سيىر مەن قوي باعۋ بەلسەندىلىگىن جەبەپ، ءوندىرىس ونىمدىلىگىن ارتتىرىپ، ءوندىرىس وزىندىك قۇنىن تومەندەتىپ، سيىر مەن قوي ەتىنىڭ باعاسىن تومەندەتۋگە ءتيىمدى، بۇل بۇقارا ەڭ كوكسەيتىن ءىس»،-دەدى.
مەملەكەتتىك حالىق قۇرىلتايىنىڭ ۋاكىلى ياسىن تۇرسىن لوپنۇر اۋدانى گۇلباق اۋىلى اقچىكە قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى، ول تىلشىگە، قىستاقتاعى ەگىنشى-مالشىلاردىڭ قازىر سيىر مەن قوي باعۋدا ءدوپ كەلگەن ەڭ زور ماسەلەسىنىڭ قارجىنىڭ جەتىسپەۋ، قارىز مەرزىمىنىڭ قىسقا بولۋى ەكەنىن ايتتى، «ۇكىمەت قىزمەتىنەن باياندامانى» گرۋپپاعا ءبولىپ قاراۋ بارىسىندا ول ءوزىنىڭ ۇسىنىسىن ورتاعا قويىپ: سيىر مەن قوي باعۋعا بەرىلەتىن قارىزدىڭ مەرزىمى ەكى-اق جىل، تىم قىسقا، ايتالىق ديحاندار العاشقى جىلى قارىز الىپ، اسىل تۇقىمدى قوي ساتىپ السا، كەلەسى جىلى مال تولدەيدى، ال وسى جىلى ونىڭ ءونىمى بولمايدى دا ديحاندار قارىزدى قايتارا المايدى، سوندىقتان قارىزدىڭ ۋاقىتىن ءۇش تە بەس جىلعا ۇزارتۋعا بولارما دەيتىن ۇسىنىس الا كەلدىم. «ۇكىمەت قىزمەتىنەن باياندامادا» سيىر مەن قوي ەتى ءوندىرىسىن كۇشەيتۋ اتاپ كورسەتىلگەندىكتەن، ۇسىنىسىمنىڭ جوسپارعا ەنگىزىلۋىنە دەگەن سەنىمىم كۇشەيدى،-دەدى.
سيىر مەن قوي ەتى ءوندىرىسىن دەمەۋ ءۇشىن رايونىمىز 2012-جىلدان باستاپ ءۇش جىل ىشىندە 10 ميلليون سويىس قوي، سويىس سيىردى تىڭنان ارتتىرۋدى ورتاعا قويدى، وسى جوسپاردىڭ تياناقتانۋىنا كەپىلدىك ەتۋ ءۇشىن، رايونىمىز ءبىر قىدىرۋ ساياساتتىق شارالاردى شىعاردى. مەملەكەتتىك حالىق قۇرىلتايىنىڭ ۋاكىلى لي جيانگو بىلاي دەدى: «مەملەكەتتىڭ سۇيەمەلدەۋىنىڭ ارقاسىندا الدا وسى ساياساتتىڭ قالا تۇرعىندارىنا جانە ەگىنشى-مالشىلارعا تيىمدىلىك اكەلەتىندىگىنە كامىل سەنەمىز. سويىس قوي، سويىس سيىر كاسىبىن دامىتۋ مەملەكەت دەڭگەيىندە سۇيەمەلدەيتىن ساياساتقا اينالدى، وسى كاسىپتىڭ دامۋىن ىلگەرلەتۋدە ناقتى نىساندار مەن قارجىلاي كومەك قاجەت، بۇل ءبىر جاعىنان ءبىر ءتۇرلى كاسىپ بولسا ەندى ءبىر جاعىنان حالىققا ءتيىمدى ساياسات، سانجى وبلىسى سويىس سيىر، سويىس قويدى دامىتۋ پىكىرىن بەردى، قازىر اۋدان، وبلىس-قالا، اۆتونوميالى رايون، مەملەكەت قولداپ وتىر، بۇل كاسىپتىڭ بولاشاعىنىڭ نۇرلى بولاتىندىعىنا سەنەمىن. سويىس قوي مەن سويىس سيىردى باعۋ كولەمىنىڭ كەڭەيىپ، ءونىم مولشەرىنىڭ ارتۋىنان باعا سالىستىرمالى تومەندەيدى، سونىمەن بىرگە بۇل ەگىنشى-مالشىلاردىڭ كىرىسىن ارتتىرۋدا اسا ماڭىزدى كاسىپ جانە ماڭىزدى ارناعا اينالادى».
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
