- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىز پارىقتى قىزمەت ناتيجەسىن باعالاۋدى اتقارىپ، وڭىرلىك ەكونوميكانىڭ سايكەستى دامۋ جولىن قاراستىردى
2014.03.26 16:17 كەلۋ قاينارى : شينجياڭ حالىق راديو ستانسياسى تورابى
رايونىمىز پارىقتى قىزمەت ناتيجەسىن باعالاۋدى اتقارىپ، وڭىرلىك ەكونوميكانىڭ سايكەستى دامۋ جولىن قاراستىردى.
جۋىردا ءۇرىمجى قالاسىنىڭ ميچۋان-دۇڭشان رايونى ەكى جىل ىشىندە اۋىل-قالاشىق ونەركاسىپ كاسىپورىندارىن جابۋ، توقتاتۋ، قوسۋ، وتكەرمەلەۋ جانە شەكتى مەرزىم ىشىندە سىرتقا كوشىرۋدى ىسكە اسىرۋدى ورتاعا قويدى. بۇل ميچۋان-دۇڭشان رايونىنىڭ اۋىل-قالاشىق ءمالى باسقارمالارىنىڭ ساۋداگەر شاقىرىپ قارجى ەنگىزۋىن باعالاۋ مىندەتىن كۇشىنەن قالدىرعاننان كەيىنگى رەفورمانى تەرەڭدەتۋىنىڭ تاعى ءبىر شاراسى. ميچۋان-دۇڭشان رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ما جۇن: «بۇرىن ىشكى ءوندىرىس جالپى ءونىم قۇنىن ارتتىرۋ تالابى بويىنشا اۋىل-قالاشىقتارعا جالپى حالىقتىق ساۋداگەر شاقىرۋ مىندەتتەرى ءتۇسىرىلدى. سونىمەن كەيبىر مەشەۋ، قاتاردان قالعان ءوندىرىس قۋاتى ەنىپ، ورتانى بارىنشا بىلعادى، ەندى اۋىل-قالاشىقتاردىڭ ساۋداگەر شاقىرىپ قارجى ەنگىزۋى توقتاتىلىپ، اۋىل-قالاشىقتاردىڭ باستى مىندەتى اۋىل شارۋاشىلىعى، اۋىل-قىستاققا قىزمەت وتەۋ بولدى»،-دەدى.
اتموسفەرانىڭ بىلعانۋ ماسەلەسى سەبەبىنەن 2012-جىلدىڭ سوڭىندا اۆتونوميالى رايوندىق ورتانى قورعاۋ مەڭگەرمەسى مەن باقىلاۋ-تەكسەرۋ مەڭگەرمەسى ميچۋان-دۇڭشان رايونىن شاقىرىپ كەڭەسكەن. سەبەپتەردى مۇقيات ىزدەگەننەن كەيىن، ميچۋان-دۇڭشان رايونى اۋانى بارىنشا بىلعايتىن 100 شاعىن كاسىپورىندى كۇشپەن توقتاتتى، ءارى اۋىل-قالاشىق، ءمالى باسقارمالارىنا بۇدان بىلاي بۇيرىق سيپاتىندىق ساۋداگەر شاقىرىپ قارجى ەنگىزۋ مىندەتىن ەندىگارى قابىلداماۋدى، ميچۋان-دۇڭشان رايونىنىڭ ساۋداگەر شاقىرىپ قارجى ەنگىزۋ ساننىڭ ارتۋىنان ساپا ونىمدىلىگىن ارتتىرۋعا قاراي بۇرىلىس جاساۋىن تەزدەتۋدى ورتاعا قويدى. بيىل ميچۋان-دۇڭشان رايونىنىڭ مۇنداي ءتاسىلى تۇتاس شينجياڭدا جالپىلاستى. شينجياڭ ساۋداگەر شاقىرىپ قارجى ەنگىزۋدىڭ ەندىگارى اۋىل-قالاشىقتاردى باعالاۋدىڭ كورسەتكىشى بولمايتىندىعىن ورتاعا قويدى. اۆتونوميالى رايوندىق ساۋداگەر شاقىرۋ-دامۋ مەكەمەسىنىڭ ورىنباسار باستىعى ۋاڭ ۋىنميڭ: «بۇرىنعىداي جابال اتتاناتىن جالپى حالىقتىق ساۋداگەر شاقىرۋ ءداۋىرى ءوتىپ كەتتى، ەندى كاسىپتىك ساۋداگەر شاقىرۋ قاجەت، وتە-موتە كاسىپ تىزبەگىنە قارجى ەنگىزۋ كەرەك، سوندا عانا بايلىقتى ءونىمدى ۇلەستىرىپ، ەڭ زور ونىمدىلىك جاراتۋعا بولادى»،-دەدى.
ساۋداگەر شاقىرىپ قارجى ەنگىزۋدى باعالاۋدى تۇرلىشە اتقارۋ ـــــ شينجياڭنىڭ پارىقتى باعالاۋ جولىن قاراستىرۋىنىڭ شاعىن كورىنىسى. بيىل، شينجياڭ تاعى دا وڭىرلىك ەكونوميكانىڭ دامۋ پارقىنا ساي، وڭتۇستىك شينجياڭداعى ءۇش ايماق-وبلىستىڭ ىشكى ءوندىرىس جالپى ءونىم قۇنىن باعالاۋدى كۇشىنەن قالدىرىپ، قىزمەت ءتۇيىنىن كاسىپتەنۋدى جەبەۋگە، حالىق تۇرمىسىن وڭاۋعا، تۇرعىنداردىڭ باقىت سەزىمىن كۇشەيتۋگە شوعىرلاندىرۋدى ورتاعا قويدى. حوتان ايماقتىق پارتكومنىڭ شۋجيى يان گوسان:«بىزدە ايتالىق قولمەن توقىلعان كىلەم، اتلاس جىبەك، قاس تاسى مادەنيەتى كاسىبى سياقتى ەرەكشە كاسىپتەر بار، كەلەسى كەزەكتە ەرەكشە كاسىپتەردى دامىتىپ، ابزال بايلىقتاردى كۇشەيتەمىز»،-دەدى.
ىشكى ءوندىرىس جالپى ءونىم قۇنىن باسىم ورىنعا قويۋدى جالپىلاستىرماۋدان جەر-جەردىڭ دامۋ فورماسىنا بۇرىلىس جاساۋىنا وراي جاراتىلدى. كەيبىر جاسىل ءتۇستى ىشكى ءوندىرىس جالپى ءونىم قۇنىن الدىمەن سىناق ءتۇيىنى رەتىندە باعالاعان ەكولوگيالىق اۋداندار ەكونوميكانىڭ دامۋ تاسىلىنە بۇرىلىس جاساۋ بارىسىندا پايداسىن كوردى. بۇراتالا وبلىسى اراسان اۋدانى ىشكى ءوندىرىس جالپى ءونىم قۇنىن تەكسەرۋدى كۇشىنەن قالدىرعاننان كەيىن، اراسان اۋدانى ىلگەرىندى-كەيىندى كرەمني-مارگانەتس قوسپاسىن قورتۋ زاۆوتى سياقتى ءبىر توپ ورتانى باعالاۋ تالابىنا ۇيلەسپەيتىن كاسىپورىنداردى جاۋىپ، بەتالدى اشۋ، قالاعانشا قازۋ سياقتى ورتانى بۇلدىرەتىن، بايلىقتى ىسىراپ ەتەتىن ارەكەتتەردى تەجەدى. ال تارباعاتاي ايماعىنىڭ شاعانتوعاي اۋدانى ىشكى ءوندىرىس جالپى ءونىم قۇنىن باعالاۋ نىسانىن تومەندەتتى، جەرگىلىكتى ورىن جايلىم ەكولوگياسىن قورعاۋدى باستاپ، شاعانتوعاي تاۋ گۇلى مەرەكەسىن ءتۇيىندى وتكىزدى، بۇگىنگى كۇندە جەرگىلىكتى بۇقارا ەكولوگيانى قورعاۋ بارىسىندا ناقتى ونىمدىلىككە قول جەتكىزدى. شارۋالار تاعامجايىنىڭ تيجاراتشىسى احىمەتجان: «وتكەن جىلى 100 مىڭ يۋاننىڭ ۇستىندە پايدا تاپتىم، بيىل ءسال ءتاۋىر، ساياحاتشىلار كوپ»،-دەدى. اۆتونوميالى رايوندىق پارتيا مەكتەبىنىڭ پروفەسسورى شىن جۇنلي تىلشىلىكتى قابىلداعاندا: «وڭىرلىك ەكونوميكانى سايكەستى دامىتۋدا جەرگىلىكتى جاعدايعا قاراۋ قاجەت، ەرەكشەلىكتى كورنەكتىلەندىرۋ، پارىقتى دامۋ بارىسىندا جەر-جەردىڭ پارقىن ازايتۋ كەرەك. پارىقسىز ساياسات اتقارعان سايىن، ورەسكەل جايتتەر بارعان سايىن كوپ تۋىلادى، سوندىقتان قازىر جالپىلاستىرۋ كەرەكپە-جوقپا دەگەندى قايتا-قايتا ويلاستىرىپ، كەيبىرەۋىنە تاباندى بولساق، كەيبىرەۋىن رەتتەۋىمىز قاجەت. سوندا عانا ەكونوميكامىز بەن قوعامىمىز بۇرىنعىدان دا ورنىقتى داميدى»،-دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
