بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايوندىق ساياسي كەڭەس بيىلعى 2 - رەتكى ايلىق كەڭەس جيىنىن وتكىزدى

شينجياڭنىڭ زات اينالىمى كاسىبىن وسىزامانداندىرۋ قۇرىلىسى جونىندە كەڭەس بەردى

2014.03.27 15:07     كەلۋ قاينارى : ءتاڭىرتاۋ تورابى


  اۆتونوميالى رايوندىق ساياسي كەڭەس 26- ناۋرىز كۇنى تۇستەن بۇرىن بيىلعى 2 - رەتكى ايلىق كەڭەس جيىنىن اشىپ، شينجياڭنىڭ زات اينالىمى كاسىبىن وسىزامانداندىرۋ قۇرىلىسى توڭىرەگىندە كەڭەس وتكىزىپ، تالقى ورىستەتتى، كەڭ كولەمدە ۇسىنىس، پىكىر الىپ، شينجياڭنىڭ زات اينالىمى كاسىبىن وسىزامانداندىرۋ قۇرىلىسىنىڭ دەڭگەيىن جوعارىلاتۋ جونىندە كەڭەس بەردى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى جيىندى باسقاردى.

  ايلىق كەڭەس جيىنى − اۆتونوميالى رايوندىق ساياسي كەڭەستىڭ 18 - قۇرىلتايدىڭ رۋحىن، ج ك پ 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن دايەكتىلەندىرۋدەگى، كەڭەستىك دەموكراتيانى جەبەۋدىڭ ءونىمدى تاسىلدەرىن قاراستىرۋداعى ەلەۋلى قىزمەت جاڭالىعى.

  اۆتونوميالى رايوندىق ساياسي كەڭەستىڭ ەكونوميكا كوميتەتى الدىمەن شينجياڭنىڭ زات اينالىمى كاسىبىنىڭ دامۋ احۋالىن تانىستىردى جانە ساقتالعان ماسەلەلەر جونىندە ۇسىنىس بەردى؛ سوڭىنان، اۆتونوميالى رايوننىڭ، بيڭتۋاننىڭ زات اينالىمى قوعامدارى، كاسىپورىندار، ساياسي كەڭەس مۇشەلەرى، دەموكراتيالىق پارتيا توپتاردىڭ، قاتىستى ايماق، وبلىس، قالالاردىڭ، قاتىستى تاراۋلاردىڭ ۋاكىلدەرى مەن جاۋاپتىلارى ىلگەرىندى - كەيىندى ءسوز سويلەدى. كەڭەسۋ ارقىلى جيىنعا قاتىناسقاندار جوبالاۋ، جەتەكشىلىك ەتۋدى كۇشەيتۋ مەن كاسىپورىننىڭ تۇلعالىق رولىن ساۋلەلەندىرۋدى سايكەستىرۋ، زات اينالىمىنداعى قامداۋدى كۇشەيتۋ مەن بازاردىڭ قاجەتسىنۋىن سايكەستىرۋ، قۇرىلعىلار قۇرىلىسىن كۇشەيتۋ مەن دامۋ ورتاسىن سايكەستىرۋ، تەمىر جولمەن، تاس جولمەن، اۆياتسيامەن جانە قۇبىرمەن تاسىمالداۋ تاسىلدەرى اراسىنداعى سايكەسىمدىلىكتى كۇشەيتۋ، كوپ ءتۇرلى بىرلەسىپ تاسىمالداۋدى، قوراپتاپ تاسىمالداۋدى، ۆاگونمەن تاسۋدى، تىركەپ تاسۋدى جانە قالا ىشىندە جەتكىزىپ بەرۋدى دامىتۋ سياقتى كوپ جاقتاردا ورتاق تانىمعا كەلدى.

  نۇرلان ءابىلماجىن ۇلى بىلاي دەدى: شينجياڭدى «جىبەك جولى ەكونوميكالىق بەلدەۋىنىڭ» وزەكتى رايونى ەتىپ قۇرۋىپ شىعۋدا وسى زامانعى زات اينالىمى كاسىبىنىڭ ماڭىزدى قامتاماسىزداندىرۋ رولى مەن تىرەكتىك رولىن تولىق ساۋلەلەندىرۋ كەرەك. سوندىقتان، اۆتونوميالى رايوندىق پارتكومنىڭ ءبىر تۇتاس ورنالاستىرۋىنا ساي، وسى زامانعى زات اينالىمى جۇيەسىن بەلسەنە قۇرىپ، زات اينالىمى بازارىنداعى قورعانىمپازدىق قامالىن تالقانداپ، كاسىپتىك باقىلاۋ - باسقارۋدى كۇشەيتىپ، بازار ءتارتىبىن ارناعا ءتۇسىرۋ؛ ەلەكتروندى ساۋدا ىستەرىن دامىتۋ مەن زات تاسىمالى تورابىن تۇلعالاۋدى تەزدەتىپ، ساۋدا فورماسىنا جاڭالىق جاساۋعا ءمان بەرۋ، وسى زامانعى زات اينالىمى بويىنشا قامداۋ جەلىسىن قالىپتاستىرۋ؛ زات اينالىمى سالاسىنداعى رەفورماعا قاتىستى ماسەلەلەردى زەرتتەۋگە ءمان بەرىپ، زات اينالىمىنىڭ وزىندىك قۇنىن تومەندەتىپ، وسى زامانعى زات اينالىمى كاسىبىن دامىتۋعا تاماشا ورتا ازىرلەۋ كەرەك.

  نۇرلان ءابىلماجىن ۇلى مىنانى اتاپ كورسەتتى: زات اينالىمى كاسىبىن وسىزامانداندىرۋ قۇرىلىسىن ىلگەرىلەتۋ ۇزاق ۋاقىتتىق مىندەت، مۇشەلەردىڭ، مامان - وقىمىستىلاردىڭ ۇزاق ۋاقىت ءمان بەرۋىن قاجەت ەتەدى، اقىلشى، قولعانات بولا ءبىلىپ، شەشىم جاساۋعا كەڭەس بەرۋ رولدارىن ويداعىداي ساۋلەلەندىرۋ كەرەك.

  اۆتونوميالى رايوندىق ساياسي كەڭەستىڭ ورىنباسار ءتوراعالارى ليۋ يانلياڭ، لي شياڭلين، گۇلشات ابدىقادىر جيىنعا قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.