- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
4 - كەزەكتى جۇڭگو − ازيا - ەۆروپا كورمەسىنە دايىندالۋ، جۇمىلدىرۋ ءماجىلىسى اشىلدى ءتىپتى دە تارتىمدى، بۇرىنعىدان دا ىقپالدى كورمە وتكىزەيىك
2014.04.04 14:40 كەلۋ قاينارى : شينجياڭ حالىق راديو ستانسياسى تورابى
جۇڭگو − ازيا - ەۆروپا كورمەسىن ۇيىمداستىرۋ القاسىنىڭ مەڭگەرۋشىسى، اۆتونوميالى رايوننىڭ ءتوراعاسى نۇر باكىر ءسوز سويلەدى.
اۆتونوميالى رايون 3 - ءساۋىر كۇنى تۇستەن كەيىن 4 - كەزەكتى جۇڭگو − ازيا - ەۆروپا كورمەسىنە دايىندالۋ، جۇمىلدىرۋ ءماجىلىسىن اشتى. جۇڭگو − ازيا - ەۆروپا كورمەسىن ۇيىمداستىرۋ القاسىنىڭ مەڭگەرۋشىسى، اۆتونوميالى رايوننىڭ ءتوراعاسى نۇر باكىر ماجىلىستە مىنانى تالاپ ەتتى: جۇمىستى ۇستىنە الۋشى ورىندار ەرتەن باستان جوبا جاساپ، ەرتە باستان اتقارىپ، ەرتە باستان تياناقتاندىرىپ، ءار جاقتىڭ اقىل - پاراساتى مەن كۇش - قۋاتىن تولىق جۇمىلدىرىپ، 4 - كەزەكتى جۇڭگو − ازيا - ەۆروپا كورمەسىن ءتىپتى دە تارتىمدى، اناعۇرلىم تابىستى، بۇرىنعىدان دا ىقپالدى كورمە ەتىپ اشۋعا قۇلشىنۋ كەرەك.
جۇڭگو − ازيا - ەۆروپا كورمەسى حاتشىلار باسقارماسىنىڭ دايىندىق قىزمەت جاعدايى جونىندەگى مالىمەتىن تىڭداعان سوڭ، نۇر باكىر بىلاي دەپ اتاپ كورسەتتى: مەملەكەت دەڭگەيىندەگى كورمە سانالاتىن جۇڭگو − ازيا - ەۆروپا كورمەسىن وتكىزۋدە، دۇنيە ءجۇزى مەن جۇڭگونىڭ دامۋ جاعدايىنا نازار اۋدارىپ، كورمەنىڭ حالىقارالانۋ، بازارلانۋ، ارنايىلانۋ، ماركالانۋ ورەسىن اناعۇرلىم ءوسىرىپ، كورمەنىڭ تەكشەلىك رولىن كەڭەيتىپ، جۇڭگو − ازيا - ەۆروپا كورمەسىنىڭ شينجياڭنىڭ وسى زامانعى كاسىپ جۇيەسىنىڭ قۇرىلۋىنا، ەكونوميكاسىنىڭ جىلدام دامۋىنا، سىرتقا ايقارا ەسىك اشۋىنا ءتىپتى كەڭ كولەمدە، ءتىپتى كەڭ سالادا، ءتىپتى جوعارى دەڭگەيدە دەم بەرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە پارمەندى قوزعاۋشى كۇش ازىرلەۋىنە مۇمكىندىك جاساۋىمىز كەرەك.
نۇر باكىر بىلاي دەپ باسا دارىپتەدى: جۇڭگو − ازيا - ەۆروپا كورمەسىن وتكىزۋ −شينجياڭنىڭ كەلەلى ءىسى، سوندىقتان جەر - جەر، تاراۋلار كۇش سالا قولداۋ كورسەتىپ، دايىندىق جۇمىسىنا جۇدىرىقتاي جۇمىلىپ، كورمەدە شينجياڭنىڭ ەرەكشەلىگىن ايگىلەپ، شينجياڭنىڭ وبرازىن سومداۋعا كەپىلدىك ەتىپ، شينجياڭنىڭ دامۋى مەن ورنىقتىلىعىن جەبەۋى كەرەك. جۇڭگو − ازيا - ەۆروپا كورمەسىنە دايىندالۋ جانە ونى وتكىزۋ بارىسىندا «قاراپايىم بولۋ، ناقتى ءىس ىستەۋ» پرينسيبىنە تاباندى بولىپ، ناقتى ونىمدىلىكتى ارتتىرۋعا باسا ءمان بەرىپ، فورماشىلدىقتى ازايتىپ، حالىققا قولايلى قىزمەت ەتۋ شارالارىن كوپتەپ بەلگىلەۋگە كوڭىل ءبولىپ، ءتىپتى جاڭا، ناقتى كورمە ستيلىن ارتتىرۋ كەرەك. نۇر باكىر تاراۋلاردىڭ ەرتە باستان قيمىلداپ، تالقى مىنبەرىن، ارناۋلى قيمىلداردىڭ جوباسىن، ساۋداگەر شاقىرۋ، كورمەگە شاقىرۋ قىزمەتتەرىن تەزىرەك باستاۋىن؛ جەر - جەردىڭ ساۋداگەر شاقىرۋ، كورمەگە شاقىرۋ جانە ۇگىتتەۋ، تانىستىرۋ قىزمەتتەرىن جاقسى ىستەۋىن؛ حاۋىپسىز، ءساتتى وتۋىنە كەپىلدىك ەتۋدى ماقسات ەتە وتىرىپ، توسىن وقيعالارعا توتەپ بەرۋ جوباسىن كەمەلدەندىرىپ، كورمە كەزىندەگى قوعامدىق جالپى جاعدايدىڭ ورنىقتىلىعىن قامتاماسىز ەتۋىن تالاپ ەتتى.
جۇمىلدىرۋ ءماجىلىسىن اۆتونوميالى رايوننىڭ ورىنباسار ءتوراعاسى شى داگاڭ باسقاردى. 4 - كەزەكتى جۇڭگو − ازيا - ەۆروپا كورمەسى اتقارۋ كوميتەتىنىڭ شينجياڭداعى مۇشە ورىندارى ماجىلىسكە قاتىناستى.
ۇعىسۋىمىزشا، 4 - كەزەكتى جۇڭگو − ازيا - ەۆروپا كورمەسى بيىل 1 - قىركۇيەكتەن 6 - قىركۇيەككە دەيىن ۇرىمجىدە وتكىزىلەدى ەكەن. وسى كەزەكتەگى كورمەنىڭ نەگىزگى تاقىرىبى − «ەسىك اشىپ، سەلبەستىك جاساپ، جىبەك جولى ەكونوميكالىق بەلدەۋىن بىرگە قۇرۋ».
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
