بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

«شينجياڭ كىتاپ قامباسىنىڭ» تۇڭعىش توپتاعى كىتاپتارى تاراتىلدى

جاڭ چۇنشيان ۋاڭ مىڭمەن كەزدەستى

2014.04.11 13:11     كەلۋ قاينارى : ءتاڭىرتاۋ تورابى

كولەمدى ماتەريالدىق تىزبەكتى كىتاپ «شينجياڭ كىتاپ قامباسىنىڭ» تاراتىلۋ سالتى

  2 جىل ۋاقىتپەن قۇراستىرىلعان، جۇڭحۋا ۇلتىنىڭ تاڭداۋلى مادەنيەتى مەن شينجياڭنىڭ ۇلتتىق - وڭىرلىك ەرەكشەلىككە يە مادەنيەتىن جالعاستىرىپ، ەلىمىزدىڭ ءىشى - سىرتىنداعى وقىرمانداردىڭ بايىرعى باتىس ءوڭىردى بار قىرىنان تانىپ، بۇگىنگى شينجياڭدى جەتە تۇسىنۋىنە مۇمكىندىك تۋدىرۋدى ماقسات ەتكەن كولەمدى ماتەريالدىق تىزبەكتى كىتاپ «شينجياڭ كىتاپ قامباسى» رەسمي تۇردە باسپادان شىعىپ، تاراتىلدى. «شينجياڭ كىتاپ قامباسىنىڭ» تۇڭعىش توپتاعى 26 تومىن تۇڭعىش تاراتۋ، ۇسىنۋ سالتى 10 - ءساۋىر تۇستەن كەيىن ۇرىمجىدە وتكىزىلدى. بۇل «قۇتتى بىلىك»، «ون ەكى مۇقام»، «جاڭگىر»، «ماناس» سياقتى ءار ۇلتتىڭ كلاسسيكالىق شىعارمالارى العاش رەت تىزبەكتى كىتاپ تۇرىندە جارىق كورۋى.

  «شينجياڭ كىتاپ قامباسىنىڭ» العى ءسوزىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جازدى. 9 - ءساۋىر تۇستەن كەيىن جاڭ چۇنشيان «شينجياڭ كىتاپ قويماسىنىڭ» تۇڭعىش تاراتىلۋ سالتىنا قاتىناسۋعا كەلگەن اۆتونوميالى رايوندىق حالىق ۇكىمەتىنىڭ مادەنيەت اقىلشىسى، اتاقتى جازۋشى، مادەنيەت مينيسترلىگىنىڭ بۇرىنعى مينيسترى ۋاڭ مىڭمەن، مەملەكەتتىك اقپارات - باسپا ءسوز، راديو - كينو، تەلەۆيزيا باس مەكەمەسى پارتگرۋپپاسىنىڭ مۇشەسى سۇڭ ميڭچاڭمەن كەزدەستى.

  جاڭ چۇنشيان بىلاي دەدى: شينجياڭ − ۇلى وتانىمىزدىڭ اسىل جەرى، «ءبىر تۇلعالى، كوپ نەگىزدى» بولۋ جۇڭحۋا وركەنيەتىنىڭ، شينجياڭ مادەنيەتىنىڭ كورنەكتى بوگەنايى، سونداي - اق شينجياڭنىڭ ارتىقشىلىعى دا. «شينجياڭ كىتاپ قامباسىن» قۇراستىرىپ، باسپادان شىعارۋ شينجياڭنىڭ رۋحاني - مادەني قازىناسىن ونان ارى قورعاپ، قۇتقارىپ، جاڭعىرتىپ، رەتتەپ، جۇڭحۋا ۇلتىنىڭ تاڭداۋلى مادەنيەتى مەن شينجياڭنىڭ ۇلتتىق - وڭىرلىك ەرەكشەلىككە يە مادەنيەتىن جالعاستىرىپ، شينجياڭنىڭ تاريحي - مادەني قورىنىڭ كولەمى مەن جۇڭحۋا مادەنيەتىنە ءتان «ءبىر تۇلعالى، كوپ نەگىزدى» بولۋ ەرەكشەلىگىن ايگىلەۋدى؛ وسى زامانعى مادەنيەتتى جەتەكشى، تاريحتى اينا، وتكەندى ونەگە ەتىپ، ءداستۇرلى مادەنيەتتىڭ ءىنجۋ - مارجاندارىن جاڭعىرتىپ جانە جالعاستىرىپ، دۇنيە ءجۇزىنىڭ تاڭداۋلى مادەنيەت جەتىستىكتەرىن جاسامپازدىقپەن قابىلداپ جانە قورىتىپ، وسى زامانعى قوعامنىڭ تالابىنا ۇزدىكسىز تۇردە سايكەستىرىپ، وسى زامانعى وركەنيەتپەن ۇيلەستىرىپ، تاڭداۋلى ءداستۇرلى مادەنيەت پەن ءداۋىردىڭ دامۋىن جاندى تۇردە ۇشتاستىرۋدى؛ شينجياڭدى ۇگىتتەپ، بۇقارانى تاربيەلەپ، قوعامعا قىزمەت ەتىپ، گۇلدەنگەن، باي، جاراسىمدى، ورنىقتى، كورىكتى شينجياڭ قۇرۋعا رۋحاني كۇش ازىرلەپ، بەلسەندى كۇشتى ساۋلەلەندىرىپ، ونىڭ قوعامنىڭ ورنىقتىلىعى مەن باياندى تىنىشتىعى ءۇشىن ماڭىزدى رول اتقارۋىنا مۇمكىندىك تۋدىرۋدى ماقسات ەتەدى.

  ۋاڭ مىڭ بىلاي دەدى: «شينجياڭ كىتاپ قامباسىن» قۇراستىرۋ، باسپادان شىعارۋ شينجياڭ ءۇشىن كەلەلى ءىس، ول شينجياڭنىڭ «ءبىر تۇلعالى، كوپ نەگىزدى» دامۋىنا، حالىق تۇرمىسىنا سايادى، سونداي - اق شينجياڭنىڭ دارىندى دايىنداۋىنا دا پايدالى. ءار ۇلت زيالىلارى شينجياڭ مادەنيەتىن بەلسەنە زەرتتەپ، شينجياڭنىڭ ەكونوميكالىق، قوعامدىق دامۋىندا بەلسەندى رول اتقارۋى كەرەك.

  «شينجياڭ كىتاپ قامباسى» شينجياڭنىڭ تاريحىندا بۇرىن بولماعان، كولەمى زور، ۇكىمەت جەتەكشىلىك ەتىپ ۇيىمداستىرعان مادەنيەت، باسپا ءسوز ينجەنەرياسى. 2011 - جىلى ساۋىردە جاڭ چۇنشيان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ماجىلىسىندە شينجياڭنىڭ رۋحاني - مادەني قازىناسىن ونان ارى قورعاپ، قۇتقارىپ، جاڭعىرتىپ، رەتتەپ، شينجياڭدى ۇگىتتەپ، بۇقارانى تاربيەلەپ، قوعامعا قىزمەت ەتۋ ءۇشىن، «شينجياڭ كىتاپ قامباسىن» قۇراستىرۋ، باسپادان شىعارۋ ۇسىنىسىن ورتاعا قويدى. سول جىلى قازان ايىندا اۆتونوميالى رايون «شينجياڭ كىتاپ قامباسىن» قۇراستىرۋ باسپادان شىعارۋ قىزمەتىنە باسشىلىق ەتۋ گرۋپپاسىن قۇرىپ، وسى جۇمىستى رەسمي باستادى.

  اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، «شينجياڭ كىتاپ قامباسىن» قۇراستىرۋ - باسپادان شىعارۋ قىزمەتىنە باسشىلىق ەتۋ گرۋپپاسىنىڭ باستىعى لي شۋەجۇن كىتاپ تاراتۋ، ۇسىنۋ سالتىندا ءسوز سويلەپ، مىنانى اتاپ كورسەتتى: «شينجياڭ كىتاپ قامباسى» جىبەك جولى ەكونوميكالىق بەلدەۋىن جانە مادەنيەت، عىلىم، وقۋ - اعارتۋ ورتالىعىن قۇرىپ، شينجياڭدى ۇگىتتەپ، شينجياڭ حيكاياسىن تاراتىپ، مادەنيەت اۋىس - كۇيىسى مەن بايلانىس قۇرىلىسىن كۇشەيتىپ، شينجياڭدى دۇنيە جۇزىنە تانىتۋدا ايرىقشا ءمان الادى. «شينجياڭ كىتاپ قامباسى» اۆتونوميالى رايوندىق پارتكوم مەن حالىق ۇكىمەتىنىڭ شينجياڭنىڭ عىلمي دامۋىن، قوعام ورنىقتىلىعىن جانە باياندى تىنىشتىعىن ىلگەرىلەتۋدە كۇش سالا قول جەتكىزگەن اسىل رۋحاني قازىناسى.

  ۇعىسۋعا قاراعاندا، «شينجياڭ كىتاپ قامباسىن» قۇراستىرۋ، باسپادان شىعارۋ جۇمىسى 2012 - جىلى باستالعان، مەجەمەن 2020 - جىلى اياقتالادى ەكەن. تىزبەكتى كىتاپ جالپى مىڭ تومنان قۇرالىپ، A، B، C، D ءتورت ءتۇر بويىنشا تارتىپكە تۇرعىزىلىپ، قوسىمشا مازمۇندار كىرگىزىلگەن. A ءتۇر شينجياڭداعى ءار ۇلتتىڭ كلاسسيكالىق شىعارمالارىنان، B ءتۇر شينجياڭنىڭ باعالى تاريحي كىتاپتارى مەن تاريحي ماتەريالدارىنان، C ءتۇر شينجياڭدا ءار داۋىردە جاساعان تاريحي تۇلعالاردىڭ شىعارمالارى مەن عۇمىرنامالارىنان، D ءتۇر جالپىلىق جانە ارناۋلى تاقىرىپتىق تۋىندىلار مەن جازبا ەڭبەكتەر توپتامىنان قۇرالعان.

  اۆتونوميالى رايون باسشىلارىنان نۇر باكىر، باي جىجيە، ليۋ شۋەجۇندەر كەزدەسۋدە بىرگە بولدى. قىرعىزستان، موڭعۇليا، تاجىكستان سياقتى ەلدەردىڭ جۇڭگوداعى ەلشىلىكتەرىنىڭ قىزمەتكەرلەرى، مەملەكەتتىك كىتاپحانا، بەيجيڭ ۋنيۆەرسيتەتىنىڭ كىتاپحاناسى، جۇڭگو حالىق ۋنيۆەرسيتەتىنىڭ كىتاپحاناسى، اۆتونوميالى رايوندىق كىتاپحانا، شينجياڭ ۋنيۆەرسيتەتىنىڭ كىتاپحاناسى سياقتى 12 كىتاپ قابىلداۋشى ورىننىڭ ۋاكىلدەرى تۇڭعىش تاراتىلۋ، كىتاپ ۇسىنۋ سالتىنا قاتىناستى. «شينجياڭ گازەتى»
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوندىق حالىق ۇكىمەتىنىڭ مادەنيەت اقىلشىسى، اتاقتى جازۋشى، مادەنيەت مينيسترلىگىنىڭ بۇرىنعى مينيسترى ۋاڭ مىڭمەن كەزدەستى

كولەمدى ماتەريالدىق تىزبەكتى كىتاپ «شينجياڭ كىتاپ قامباسىنىڭ» تۇڭعىش تاراتۋ، ۇسىنۋ سالتىندا قوناقتار «شينجياڭ كىتاپ قامباسىنىڭ» تۇڭعىش كىتاپتارىن كورۋدە

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.