بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

سۋىق اعىس رايونىمىزدىڭ كوكتەمگى ەگىس جۇمىسىنا ىقپال جاسايدى

ەگىن شارۋاشىلىعى مەڭگەرمەسى جەر - جەردەن قاداعالاي نازار اۋدارىپ، اۋىر جاراتىلىستىق اپاتقا شۇعىل توتەپ بەرۋدىڭ دايىندىق جوباسىن دەر كەزىندە اتقارۋدى تالاپ ەتتى

2014.04.23 13:21     كەلۋ قاينارى : ءتاڭىرتاۋ تورابى

  اۆتونوميالى رايوندىق ەگىن شارۋاشىلىعى مەڭگەرمەسىنەن ۇعىسۋىمىزشا، 22 - ءساۋىر كۇندىزدەن 24 - ساۋىرگە دەيىن سولتۇستىك شينجياڭنىڭ جەر - جەرى، تيانشاننىڭ تاۋلى وڭىرلەرى، قۇمىل سياقتى جەرلەردە بوران سوعىپ، تەمپەراتۋرا تومەندەپ، سۋىق اعىس رايونىمىزدىڭ كوكتەمگى اۋىل شارۋاشىلىق وندىرىسىنە ىقپال جاسايدى ەكەن.

  تانىستىرۋعا قاراعاندا، قازىر رايونىمىزدا اۋىل شارۋاشىلىق ءوندىرىسى وڭتۇستىكتەن سولتۇستىككە قاراي بىرتىندەپ باستالعان، وڭتۇستىك شينجياڭدا جازدىق داقىلدار كوكتەي باستاعان، سولتۇستىك شينجياڭداعى ەگىنشىلىك رايوندارى كوكتەمگى ەگىس ءوندىرىسىنىڭ شەشۋشى كەزەڭىنە وتكەن. اۆتونوميالى رايوندىق ەگىن شارۋاشىلىعى مەڭگەرمەسىنىڭ قاتىستى جاۋاپتىسى وسى رەتكى تەمپەراتۋرانىڭ تومەندەۋىنەن ەگىس قيمىلدارىنىڭ سۋىققا ءتوزۋ قۋاتىنىڭ السىرەيتىندىگىن، ۇسىك جۇرۋدەن ساقتانۋ كەرەكتىگىن ەسكەرتتى.

  21 - ساۋىردە اۆتونوميالى رايوندىق ەگىن شارۋاشىلىعى مەڭگەرمەسى ۇقتىرۋ شىعارىپ، جەر - جەردەن اپاتتان ساقتانۋعا قاداعالاي نازار اۋدارىپ، اۋىر جاراتىلىستىق اپاتتارعا شۇعىل توتەپ بەرۋ دايىندىق جوباسىن دەر كەزىندە اتقارۋدى تالاپ ەتتى. مايساسى كوكتەگەن ماقتا اتىزدارىنا ءتۇتىن سالۋ سياقتى تاسىلدەردەن پايدالانىپ، قىراۋدان، بوراننان ساقتانۋ جۇمىسىن ويداعىداي ىستەۋ، تۇقىم سىڭىرىلگەن ەگىس اتىزدارىنىڭ ۇستىنە سۋلياۋ جارعاق جابۋ سياقتى بوراننان ساقتانۋ شارالارىن قولدانۋ، جەل وتتەرىندە تۇقىم ءسىڭىرۋ جۇمىسىن ۋاقىتشا كەشەۋىلدەتۋ كەرەك.

  سولتۇستىك شينجياڭدا جەمىس اعاشتارىنىڭ گۇل اشىپ، ءتۇيىن سالاتىن مەزگىلى باستالدى، سورەگە شىعارىلماعان ءجۇزىم اعاشتارىن قازىرشە سورەگە شىعارماۋ؛ سونىمەن قاتار جەمىس باقتارىندا ءتۇتىن سالىپ، ۇسىك جۇرۋدەن ساقتانۋ، ءشوپ - شالاڭمەن، توپىراقپەن بەتىن باسىپ قويۋ سياقتى تاسىلدەردەن پايدالانىپ، جەمىس اعاشتارىنىڭ سۋىقتان ساقتانۋ، سۋىققا توتەپ بەرۋ قۋاتىن ارتتىرۋ؛ قۇرىلعى اۋىل شارۋاشىلىق وندىرىسىندە جىلىجايدى بەكەمدەۋ، بوراننان، ۇسىك جۇرۋدەن ساقتانۋ قىزمەتىن ەرتە باستان ويداعىداي ىستەۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.