بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

قۇتىبي اۋدانى زاڭسىز تىڭ جەر اشۋ، قۇدىق قازۋ جايىتتەرىن قاتاڭ جونگە سالدى

17 ماشينالى قۇدىقتى جاۋىپ، تالقانداپ، 2000 مۋدان استام جەردى قايتارىپ الدى

2014.04.24 09:55     كەلۋ قاينارى : ءتاڭىرتاۋ تورابى

  17 - ءساۋىر كۇنى ساعات 12دە، قۇتىبي اۋدانى ۋگۇڭتاي قالاشىعىندا «گۇرس» ەتكەن قوپارىلىس ءۇنى كوتەرىلىپ، زاڭسىز قازىلعان 10 ماشينالى قۇدىق ءاپ - ءساتتىڭ اراسىندا تالقاندالىپ تىندىرىلدى؛ زاڭسىز اشىلعان 1000 مۋعا تاياۋ جەر قايتارىلىپ الىندى. ءسويتىپ، قۇتىبي اۋدانىندا زاڭسىز تىڭ جەر اشۋ، قۇدىق قازۋ ارەكەتتەرىن ارنايى جونگە سالۋ قيمىلى رەسمي باستالدى. 20 - ساۋىرگە دەيىن اۋدان زاڭسىز قازىلعان 17 قۇدىقتى جاۋىپ، زاڭسىز اشىلعان 2000 مۋدان استام جەردى قايتارىپ الدى.

  الدىڭعى عاسىردىڭ 80 - ، 90 - جىلدارىنان بەرى، وسى اۋداننىڭ كورشىلەس اۋدان، قالالارمەن، بيڭتۋاننىڭ پولك - الاڭدارىمەن شەكارالاساتىن جەرلەرىندەگى شولەيتتى دالالاردا تىڭ جەر اشىپ، ەگىن ەگۋدى نەگىز ەتكەن وتباسىندىق شاعىن ەگىس فەرمالارى ىركەس - تىركەس جارىققا شىقتى. سوڭعى 30 جىلدان بەرى، شاعىن ەگىس فەرمالارى 200دەن، تىڭ يگەرىلگەن جەر اۋدانى 400 مىڭ مۋدان استى. وسى شاعىن ەگىس الاڭدارىن باسقارۋدى كۇشەيتۋ ءۇشىن، الدىڭعى عاسىردىڭ 90 - جىلدارىنىڭ اياعىندا اۋدان ەگىس فەرمالارىن باسقارۋ مەكەمەسىن قۇرىپ، شاعىن ەگىس الاڭدارىنا مەرزىم سايىن تەكسەرۋ جۇرگىزىپ، زاڭسىز تىڭ جەر اشىپ، قۇدىق قازۋشىلاردى قاتاڭ تەكسەرىپ ءبىر جايلى ەتتى.

  زاڭسىز تىڭ جەر اشۋ، قۇدىق قازۋ ەكولوگيالىق ورتانى ءبۇلدىرىپ قانا قويماي، سۋ بايلىعىنا ادا اسا زور ىقپال جاسايدى. اۋداندىق سۋ ىستەرى مەكەمەسىنەن ۇعىسقانىمىزداي، اۆتونوميالى رايون وسى اۋدانعا جىلىنا 167 ميلليون تەكشەمەتر جەر استى سۋىن اشۋ كورسەتكىشىن بەرگەنىمەن، ءىس جۇزىندە 260 ميلليون تەكشە مەتر سۋ الىپ، جەر استى سۋى دەڭگەيىنىڭ جىل سايىن تومەندەۋىنە اپارىپ سوققان.

  وسى جولعى بۇقارالىق لۋشيان تاربيەسى جانە امالياتتىق قيمىلىندا قۇتىبي اۋداندىق پارتكوم مەن حالىق ۇكىمەتى مۇقيات ۇعىسۋ، تەكسەرۋ - زەرتتەۋ نەگىزىندە، بۇقارانىڭ اڭىسى كۇشتى بولعان ماسەلەلەردەن باستاپ كىرىسىپ، زاڭسىز تىڭ جەر اشۋ، قۇدىق قازۋ ارەكەتتەرىن ارناۋلى جونگە سالۋ قيمىلىن ورىستەتىپ، ۇزاق جىل بويى شەشىلمەي كەلگەن قيىن ماسەلەنى تۇبەگەيلى وڭاعان. رەتتەۋ - وڭاۋ قيمىلى ءبىر قىدىرۋ ادامداردىڭ مۇددەسىنە سايعاندىقتان، ءىشىنارا زاڭسىز تىڭ جەر اشىپ، قۇدىق قازۋشىلار اراعا كىسى سالىپ، اۋداندىق پارتكوم شۋجيى مەن اۋدان اكىمىنە جولىقتى، اۋدان باسشىلارىنا تەلەفون سوعىپ جاعداي ايتقاندار دا بولدى، ءبىراق اۋدان ايقىن پوزيتسيا ءبىلدىردى: مەيلى كىم كەلىپ جاعداي ايتسىن، زاڭسىز تىڭ جەر اشىپ، قۇدىق قازۋ ارەكەتىن ءبىرجايلى ەتۋ ساياساتى وزگەرمەيدى.

  قۇتىبي اۋداندىق پارتكومنىڭ ورىنباسار شۋجيى، اۋدان اكىمى حاۋ يۇڭجۇن بىلاي دەدى: اۋدان ۋاقىت كەستەسىن جاساپ، زاڭسىز قازىلعان 42 ماشينالى قۇدىقتى ءبىر ايدىڭ ىشىندە قيراتىپ، تىندىرىپ بولدى، تامىزدىڭ سوڭىنان بۇرىن زاڭسىز قازىلعان قالعان قۇدىقتاردى تەكسەرىپ انىقتاپ، جاپپاي قيراتىپ تىندىرامىز؛ 10 مىڭ مۋعا جۋىق زاڭسىز تىڭ يگەرگەندەرگە اۋىر ايىپ سالۋدان سىرت، ەگىستىك جەردى تۇگەل قايتارىپ الىپ، ەكولوگيانى قالپىنا كەلتىرەمىز. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.