- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ساياحاتىنىڭ جالىندى كوكتەمى
2014.04.24 09:57 كەلۋ قاينارى : ءتاڭىرتاۋ تورابى
بيىلعى العاشقى ماۋسىمدا ەل ىشىنەن 6 ميلليون 580 مىڭ ساياحاتشى (رەت) قابىلداپ، بىلتىرعى سول تۇستاعىدان %9 ارتتى، ەل ءىشى ساياحاتىنا جۇمسالعان جالپى قاراجات 6 ميلليارد 800 ميلليون يۋانعا جەتىپ، بىلتىرعى سول تۇستاعىدان %29 ارتتى
تابيعاتتىڭ جايماشۋاق كوكتەمىمەن قوسا، شينجياڭنىڭ ساياحات كاسىبىنىڭ ومىرشەڭدىك كۇشى جالىن اتقان تىنىستى كوكتەمى دە جەتتى. اۆتونوميالى رايون ساياحات كاسىبىن ستراتەگيالىق تىرەكتى كاسىپ سالاسى، حالىقتى اۋقاتتاندىرۋ كاسىپ سالاسى ەتىپ قۇرىپ شىعۋ نىساناسىن العا قويعاننان كەيىن، شينجياڭنىڭ ساياحات كاسىبى «دامۋدىڭ التىن مەزگىلىنە» قادام تاستادى. وسىعان وراي، اسا باسىمدىلىققا جانە ەرەسەن مۇمكىندىككە تولى ساياحات كاسىبىنىڭ جارقىن دامۋ بولاشاعىن ەلەستەتىپ، رايونىمىزدىڭ ساياحات كاسىبىندە جارىققا شىققان «دۇيىم جۇرت بولىپ باسەكەگە دەن قويعان» جاڭا جاعدايدى كورسەتىپ، بۇكىل قوعامدى وسى ءبىر جاڭا گۇلدەنگەن كاسىپ سالاسىنىڭ دامۋىنا دەم بەرىپ، شينجياڭ ساياحاتىنىڭ جارقىن بولاشاعىن بىرگە قۇرۋعا جۇمىلدىرۋ ءۇشىن، گازەتىمىز «كورىكتى شينجياڭ» اتتى ارناۋلى ايدار اشىپ وتىر.
«1 - مامىر» حالىقارالىق ەڭبەكشىلەر مەرەكەسىنىڭ دەمالىسى تاياپ قالدى. ىلەدە ورىك گۇل اشسا، شىحىزىدا شاپتول گۇلى شەشەك اتتى، ال ۋجياچۇيدە قىزعالداقتار قۇلپىردى. كوكتەمنىڭ شۋاقتى كۇندەرىندە بۇكىل شينجياڭ وڭىرىندە گۇلدى دانەكەر ەتكەن ساياحات مەرەكەلەرى بىرىنەن سوڭ ءبىرى ءوتىپ، ساياحاتشىلار كورىنىستىك وڭىرلەرگە قاراي اعىلدى. ناۋرىز ايىنان بەرى ءتيىمسىز اسەرگە تاپ بولعان شينجياڭنىڭ ساياحات كاسىبى باسەڭ كۇيدەن بىرتىندەپ قۇتىلىپ، جاندانا باستادى.
شينجياڭ دۇنيەنىڭ ءتورت توڭىرەگىنەن كەلگەن ساياحاتشىلارعا ىستىق ىقىلاس تانىتىپ، قۇشاعىن ايقارا اشتى. اۆتونوميالى رايوندىق ساياحات مەكەمەسىنەن كەلگەن ينفورماتسيادا كورسەتىلگەنىندەي، تاياۋدان بەرگى ەل ءىشى - سىرتىنداعى بازاردىڭ جاعدايىنا قاراعاندا، بۇكىل ەل كولەمىندەگى نەگىزگى ساياحاتشى قاينارى بازارلارىنىڭ بەلسەنە ءۇن قوسىپ، قولداۋىنىڭ ناتيجەسىندە، ءساۋىردىڭ اياعىندا چاڭجياڭ اتىراۋى مەن جۋجياڭ اتىراۋىنان ساياحات ۇيىرمەلەرى ىركەس - تىركەس شينجياڭعا ات باسىن تىرەيتىن كورىنەدى. بيىل جىل باسىنان بەرى، شينجياڭنىڭ ساياحات كاسىبىندە تاماشا دامۋ اۋقىمى جالپى العاندا ساقتالدى. اۆتونوميالى رايوندىق ساياحات مەكەمەسىنىڭ ۇلگى الىپ تەكسەرۋ ناتيجەسى شينجياڭ بويىنشا ءبىرىنشى ماۋسىمداعى ساياحات ساندى مالىمەتتەرىنىڭ بىلتىرعى سول تۇستاعىدان زور مولشەردە ارتقانىن، ەل ىشىنەن 6 ميلليون 580 مىڭ ساياحاتشى (رەت) قابىلدانىپ، بىلتىرعى سول تۇستاعىدان %9 ارتقانىن، ەل ءىشى ساياحاتىنا جالپى 6 ميلليارد 800 ميلليون يۋان قاراجات جۇمسالىپ، بىلتىرعى سول تۇستاعىدان %29 ارتقانىن كورسەتىپ وتىر.
ءبىراق جىل باسىندا ءساتتى باستالعان شينجياڭنىڭ ساياحات كاسىبى ناۋرىز ايىندا ىركەس - تىركەس ءتيىمسىز وقيعالاردىڭ اۋىر سوققىسىنا ۇشىرادى. ساياحاتشىلار سانى كۇرت ازايدى، ەل ءىشى - سىرتىنان شينجياڭنىڭ كوركەم تابيعاتىن تاماشالاۋعا كەلۋشىلەردىڭ اياعى سايابىرلادى.
وسىنداي قيىن جاعداي الدىندا، اۆتونوميالى رايوننىڭ ساياحات جۇيەسى 10 ءتۇرلى شارانى جەدەل اتقارىپ، شينجياڭ ساياحاتىنىڭ اقاۋسىز دامۋىنا دەم بەردى.
ناۋرىزدىڭ ورتا شەنىندە، شينجياڭدا 100 ساياحات كووپەراتيۆىندەگى 10 مىڭ ساياحات باستاۋشىسى بۇكىل ەلدەگى كاسىپتەستەرىنە ۇندەۋ حات جولدادى، سونداي - اق ىشكى ولكەلەردەگى ساياحاتشى قاينارىنداعى ءتۇيىندى ساياحات كاسىپورىندارىن شينجياڭعا كەلىپ كاسىپ جاعدايىن يەلەۋگە ۇيىمداستىرىپ، شينجياڭنىڭ ساياحات كووپەراتيۆتەرى مەن ىشكى ولكەنىڭ ساياحات كووپەراتيۆتەرىنىڭ، شينجياڭنىڭ ساياحات باستاۋشىلارى مەن ىشكى ولكەنىڭ ساياحات باستاۋشىلارىنىڭ ءوزارا سەلبەسۋ قيمىلىن ورىستەتتى، كوپشىلىك QQ، ۋيچات سياقتى ينفورماتسيا تاراتۋ قۇرالدارىنان پايدالانىپ عالامتوردا «شينجياڭنىڭ جارشىسى» بولىپ، شينجياڭدى ۇگىتتەپ، شينجياڭنىڭ جاراسىمدى وبرازىن ايگىلەۋمەن بىرگە، تۇرلىشە ارنالارمەن شينجياڭنىڭ ساياحات وبرازىن سومدادى. شينجياڭعا باعىتتامالى كومەكتەسەتىن ولكە، قالالارمەن سەلبەسىپ، شينجياڭ ونىمدەرىنىڭ ىشكى ولكەدەگى بازارىن بارىنشا كەڭەيتىپ، بازار ورتاسىن ساپالىلاندىرۋمەن بىرگە، ساياحات تاراۋلارى شينجياڭ كولەمىندە ساياحاتتاۋدى ۇيىمداستىرۋعا جانە كورىنىس تۇيىندەرىن اشۋعا باسا ءمان بەرىپ، الۋان ءتۇرلى شارالار قولدانىپ، ساياحات بازارىن جانداندىردى.
اۆتونوميالى رايوندىق ساياحات مەكەمەسى شينجياڭ قوناق ءۇي قوعامىن اتتانىسقا كەلتىرىپ، ۇرىمجىدەگى 5 جۇلدىزدى قوناق ۇيلەردى «حالىققا پايدا جەتكىزۋ، كوپشىلىككە يگىلىك اكەلۋ» اتتى ساۋدا - جالپىلاستىرۋ قيمىلىن وتكىزۋگە ۇيىمداستىردى، ۇعىسۋعا قاراعاندا، وسى قيمىل ارقىلى ناۋرىزدان ماۋسىمنىڭ ورتا شەنىنە دەيىن ىشكى ولكەلەردەن 10 مىڭعا تارتا ساياحاتشىنى شينجياڭعا كەلىپ ساياحاتتاۋعا باۋرايدى ەكەن.
ساياحات تاراۋلارى وڭتۇستىك اۆياتسيا سەرىكتەستىگىنىڭ شينجياڭ بولىمشەسىمەن سەلبەسىپ، الدىڭعى جارتى جىلدا 3 مەملەكەتتە شينجياڭ ساياحات جىبەك جولى ساۋدا ورتالىعىن قۇرادى؛ وڭتۇستىك اۆياتسيا سەرىكتەستىگى ارقىلى ماۋسىمدا ۇرىمجىدەن وڭتۇستىك كورەيانىڭ استاناسى سەۋلگە ۇشاتىن اۋە جولىن اشىپ، ساياحات تاراۋلارى مەن اۆياتسيا سەرىكتەستىگى وڭتۇستىك كورەياعا بارىپ شينجياڭ ساياحاتىن بار كۇشپەن ۇگىتتەيدى، ەكى جاق بىرلەسىپ ۇرىمجىدەن فرانكفوردقا ۇشاتىن حالىقارالىق ۇشاقتى جالداپ الىپ، جۇڭگونىڭ شينجياڭى مەن ەۆروپانى تۇتاستىراتىن «اسپانداعى جىبەك جولىن» اشۋدى جوسپارلادى.
قازىر رايونىمىزدا جەر - جەر «شينجياڭدى ءسۇيۋ، مەكەندى ساياحاتتاۋ» اتىندا 17 ءتۇرلى كولەمدى ساياحات قيمىلىن ورىستەتىپ، شينجياڭنىڭ ساياحات بازارىن جانداندىردى.
شينجياڭداعى ساياحات كاسىبىمەن شۇعىلدانۋشىلار بيىل ەل ءىشى - سىرتىنان 58 ميلليون ساياحاتشى (رەت) قابىلداۋ، ساياحات جالپى كىرىسىن 83 ميلليارد يۋانعا جەتكىزۋ سىندى ساياحات كاسىبىن دامىتۋ نىساناسىن ورىنداۋعا كۇش سالۋدا. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
