- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭنىڭ رەفورمانى جاپپاي تەرەڭدەتۋىنە نازار
اۆتونوميالى رايوندىق پارتكومنىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسى كەڭسەسىنىڭ جاۋاپتىسى 2014 - جىلعى رەفورما قىزمەتىنىڭ تۇيىندەرىن ءتۇسىندىردى
2014.04.24 10:07 كەلۋ قاينارى : ءتاڭىرتاۋ تورابى
بيىل − اۆتونوميالى رايونىمىزدىڭ رەفورمانى جاپپاي تەرەڭدەتۋى باستالعان جىل. رەفورمانى جاپپاي تەرەڭدەتۋدىڭ ءبىرىنشى قادامىن ءساتتى باستاۋ اسا ماڭىزدى بولماق.
اۆتونوميالى رايوندىق پارتكوم رەفورمانى جاپپاي تەرەڭدەتۋدى باستاۋ قىزمەتىنە ەرەكشە باسا ءمان بەردى. «ج ك پ شينجياڭ ۇيعۇر اۆتونوميالى رايوندىق پارتكومنىڭ <ج ك پ ورتالىق كوميتەتىنىڭ رەفورمانى جاپپاي تەرەڭدەتۋگە قاتىستى كەلەلى ماسەلەلەر جونىندەگى قارارىن> دايەكتى تياناقتاندىرۋ جونىندەگى اتقارۋ پىكىرىن» جازۋ نەگىزىندە، ءبىر مەزگىلدەن بەرگى ورتالىقتىڭ رەفورما جونىندەگى ءبىرقىدىرۋ ورنالاستىرۋلارى جانە اۆتونوميالى رايوندىق پارتكومنىڭ ماجىلىستەرىنىڭ رۋحى، سونداي - اق ورتالىق پەن مەملەكەتتىڭ مينيسترلىك، كوميتەتتەرى شىعارعان رەفورما، ساياسات شارالارى بويىنشا، «اۆتونوميالى رايوندىق پارتكومنىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 2014 - جىلعى قىزمەت تۇيىندەرىن» بەلگىلەدى.
تاياۋدا اۆتونوميالى رايوندىق پارتكومنىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسى كەڭسەسىنىڭ جاۋاپتىسى تىلشىمىزگە ارناۋلى سۇحپات بەرىپ، «اۆتونوميالى رايوندىق پارتكومنىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىىڭ 2014 - جىلعى قىزمەت تۇيىندەرىن» جان - جاقتى ءتۇسىندىردى.
سۇراۋ: بيىلعى رەفورمانىڭ جەتەكشى يدەياسى نە؟
جاۋاپ: باس شۋجي شي جينپيڭنىڭ «تەز ءارى ورنىقتى بولۋ»، «ءبىر ۇلەس ورنالاستىرۋ، توعىز ۇلەس تياناقتاندىرۋ»، «نىق باسىپ، مىقتى يگەرۋ» سىندى ماڭىزدى نۇسقاۋلارىنا جانە جاڭ چۇنشيان شۋجي العا قويعان «شىنايى وزگەرتۋ، شىنايى ىستەۋ، شىنايى ونىمگە قول جەتكىزۋ» تالابىنا ساي، شينجياڭنىڭ ءىس جۇزىندىك جاعدايىمەن ۇشتاستىرا وتىرىپ، ءار تاراپتان كەڭ كولەمدە پىكىر الۋ، قايتا - قايتا توعىستىرۋ ارقىلى پىكىردى بىرلىككە كەلتىرۋ، ورتاق تانىمعا كەلۋ نەگىزىندە بيىلعى رەفورمانىڭ جەتەكشى يدەياسى بەلگىلەندى.
ءبىرىنشى، شينجياڭنىڭ رەفورماسى بۇكىل ەل رەفورماسىنىڭ ءبىر ءبولىمى، سوندىقتان ورتالىقتىڭ «قارارىنىڭ» رۋحىن بۇلجىماي دايەكتىلەندىرىپ، ورتالىق العا قويعان رەفورما جونىندەگى ورنالاستىرۋلار مەن تالاپتاردى باتىل تياناقتاندىرۋ كەرەك، بۇكىل ەلگە ورالعى بولۋعا استە بولمايدى.
ەكىنشى، رەفورما، ءسوز جوق، شينجياڭنىڭ ءىس جۇزىندىك جاعدايىنا ۇيلەسۋى كەرەك، ات ءۇستى ىستەۋگە بولمايدى. رەفورمانى جاپپاي تەرەڭدەتۋدەن ومىرشەڭدىك كۇش، قوزعاۋشى كۇش، پايدا، ءونىم الۋعا تاباندى بولۋ كەرەك.
ءۇشىنشى، ەكونوميكالىق ءتۇزىلىس رەفورماسىن ءتۇيىن ەتىپ، ەكونوميكالىق ءتۇزىلىس رەفورماسىنىڭ جەتەكتەۋ رولىن ساۋلەلەندىرۋ كەرەك.
ءتورتىنشى، شىنايى وزگەرتىپ، شىنايى ىستەپ، شىنايى ونىمدىلىككە قول جەتكىزىپ، بۇقاراعا رەفورما اكەلگەن تابىس پەن وزگەرىستەردى سەزىندىرۋ كەرەك. ناقتى جايعاستىرۋعا، ءدال ورنالاستىرۋعا، جوعارى ونىممەن تياناقتاندىرۋعا تاباندى بولۋ كەرەك. شينجياڭ وسى جولعى رەفورمانى جاپپاي تەرەڭدەتۋدىڭ تاريحي ورايىن، ءسوز جوق، مىقتى يگەرىپ، ءار سالادا نىق قاداممەن تياناقتاندىرۋدان جازباي، تىڭعىلىقتى تۇردە العا ىلگەرىلەتىپ، شينجياڭنىڭ رەفورمانى جاپپاي تەرەڭدەتۋ ءىسىنىڭ تەز ءارى ورنىقتى بولۋىن قامتاماسىز ەتىپ، تاماشا باستاما جاساۋ كەرەك.
سۇراۋ: بيىلعى رەفورما تۇيىندەرى قالاي بەلگىلەندى؟
جاۋاپ: رەفورمانى جاپپاي تەرەڭدەتۋ ورتالىقتىڭ ءبىر تۇتاس ورنالاستىرۋىندا جۇرگىزىلەدى، ورتالىقتىڭ رەفورما جونىندەگى شەشىمدەرى مەن ورنالاستىرۋلارىن، ءسوز جوق، دايەكتى تياناقتاندىرىپ، رەفورمانىڭ ءتارتىپتى تۇردە العا ىلگەرىلەۋىن قامتاماسىز ەتۋ كەرەك. شينجياڭنىڭ جاعدايى ءبىرشاما كۇردەلى، رەفورماعا قوياتىن تالابى دا نەعۇرلىم جوعارى. سوندىقتان اۆتونوميالى رايوندىق پارتكوم بىلاي دەپ باسا دارىپتەدى: پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسىنىڭ «قارارىن» جانە باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ماڭىزدى سوزدەرىنىڭ رۋحىن شينجياڭنىڭ رەفورمانى جاپپاي تەرەڭدەتۋ قىزمەتىنىڭ جالپى نەگىزى مەن جالپى جەلىسى ەتۋگە، ءسوز جوق، تاباندى بولىپ، ورتالىقتىڭ رەفورما جونىندەگى ورنالاستىرۋلارىن تياناقتاندىرۋدى شينجياڭنىڭ ءىس جۇزىندىك جاعدايىمەن تىعىز ۇشتاستىرىپ، ورتالىقتىڭ ءبىر تۇتاس شەشىمىن قاجەت ەتەتىن رەفورمالاردى ورتالىقتىڭ ورنالاستىرۋىنا قاتاڭ نەگىزدەلىپ اتقارۋ كەرەك؛ ءسوز جوق، الدىمەن جۇرگىزۋ، الدىمەن سىناق ەتۋگە ءتيىستى رەفورمالاردى شينجياڭنىڭ ءىس جۇزىندىك جاعدايىنا قاراي بەلسەنە ىزدەنىس جاساپ، دەر كەزىندە ورتالىقتىڭ بەكىتۋىنە جولداۋ كەرەك؛ ورتالىق ايقىن باعىت بەلگىلەگەن، جەرگىلىكتى ورىندار ىلگەرىلەتۋگە بولاتىن رەفورمالار جونىندە جاۋاپكەرلىكتى باتىل ارقالاپ، توسىپ وتىرماي، يەك سۇيەمەي، يدەيانى ازات ەتىپ، بەلسەنە ىلگەرىلەپ، ناقتى ونىمدىلىككە ۇمتىلۋ كەرەك. سونىمەن قاتار، بۇقارا مەن نەگىزگى ساتىنىڭ ءتول جاسامپازدىق رۋحىنا قۇرمەت ەتۋدەن جازباي، جەر - جەردى، تاراۋلاردى پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىنا ساي جۇرەكتىلىكپەن ىزدەنىس جاساۋعا شابىتتاندىرۋ كەرەك.
وسى تالاپ بويىنشا اۆتونوميالى رايوندىق پارتكومنىڭ رەفورما كەڭسەسى «ج ك پ ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى 2014 - جىلعى قىزمەت تۇيىندەرىنە» جانە «ج ك پ شينجياڭ ۇيعۇر اۆتونوميالى رايوندىق پارتكومنىڭ <ج ك پ ورتالىق كوميتەتىنىڭ رەفورمانى جاپپاي تەرەڭدەتۋگە قاتىستى كەلەلى ماسەلەلەر جونىندەگى قارارىن> دايەكتى تياناقتاندىرۋ جونىندەگى اتقارۋ پىكىرىنە» نەگىزدەلە وتىرىپ، «جەڭىلى مەن اۋىرىن، باياۋى مەن شۇعىلىن» ايىرىپ، «الدىمەن وڭايىن، سوڭىنان قيىنىن جۇرگىزۋگە» تاباندى بولىپ، قايتا - قايتا سۇرىپتاۋ، قايتا - قايتا پىسىرۋ ارقىلى ارناۋلى گرۋپپالارمەن، تاراۋلارمەن قايتا - قايتا اڭگىمەلەسىپ اقىلداسىپ، اۆتونوميالى رايوندىق پارتكومنىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ ورنالاستىرۋ تالابى نەگىزىندە، «اۆتونوميالى رايوندىق پارتكومنىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 2014 - جىلعى قىزمەت تۇيىندەرىن» جازىپ شىقتى.
سۇراۋ: بيىلعى رەفورما مىندەتتەرىندە شينجياڭنىڭ ەرەكشەلىگى مەن رەفورما ءتۇيىنى قايسى جاقتاردان ايگىلەنەدى؟
جاۋاپ: بيىلعى رەفورما مىندەتتەرىندە شينجياڭنىڭ رەفورما قىزمەتىنىڭ ەرەكشەلىگى مىناداي 3 جاقتان ايگىلەنەدى:
ءبىرىنشى، ورتالىقتىڭ رۋحى مەن شينجياڭنىڭ ءىس جۇزىندىك جاعدايى ۇشتاستىرىلادى. شينجياڭنىڭ رەفورما مىندەتتەرىن تۇراقتاندىرۋدا، ج ك پ ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحى مەن ورتالىقتىڭ شينجياڭ قىزمەتى جونىندەگى ءبىر قىدىرۋ ماڭىزدى ورنالاستىرۋلارى بۇلجىتپاي دايەكتى تياناقتاندىرىلادى، سونىمەن قاتار ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى تۇتاس شينجياڭنىڭ وزگەرىس، بۇرىلىس، رەفورما، جاڭالىق جاقتارىنداعى ماڭىزدى جەتىستىكتەرىن قابىلداۋعا ەرەكشە ءمان بەرىلىپ، شينجياڭنىڭ ءىس جۇزىندىك جاعدايىمەن جانە ەرەكشەلىگىمەن ۇشتاستىرۋعا كۇش سالىنادى. مازمۇن جاعىندا ورتالىقتىڭ جالپى ماجىلىسىندەگى قارار مەن تالاپتارعا بويسۇنۋمەن بىرگە، شينجياڭ ەرەكشەلىگى مەن ماڭىزدى ءتۇيىنى قۇلشىنا ايگىلەنەدى.
ەكىنشى، ءتۇيىن كورنەكتىلەندىرىلىپ، ادەتتەگى ماسەلەلەرگە دە ءمان بەرىلدى. بيىلعى رەفورما تۇيىندەرىن تاڭداۋدا، ەكونوميكا، حالىق تۇرمىسى، قوعام ورنىقتىلىعى سياقتى «3 ۇلكەن سالا» كورنەكتىلەندىرىلىپ، ءار قايسى جاقتارعا بىردەي ءمان بەرىلدى، سونىمەن قاتار بيىل ورىندالماسادا، ءسوز جوق، باستاۋعا ءتيىستى نەمەسە بيىل سىناق ءتۇيىنى رەتىندە ىزدەنىس جاسالاتىن ءتۇيىندى رەفورما قىزمەتتەرى دە العا قويىلدى.
ءۇشىنشى، «شىنايى وزگەرتۋ، شىنايى ىستەۋ، شىنايى ونىمدىلىككە قول جەتكىزۋ» تالابى تولىق ايگىلەندى. مازمۇن تاڭداۋ جانە ماڭىزدى تۇيىندەردى ورنالاستىرۋدا، جاڭ چۇنشيان شۋجي تالاپ ەتكەن «شىنايى وزگەرتۋ، شىنايى ىستەۋ، شىنايى ونىمدىلىككە قول جەتكىزۋ» ولشەمىنە تاباندى بولىپ، جەڭىلى مەن اۋىرى، باياۋى مەن شۇعىلى ايىرىلىپ، بيىل ورىنداۋعا بولاتىن ماڭىزدى رەفورما نىساندارى مەن ماڭىزدى مىندەتتەر مۇقيات ساراپتالىپ، رەفورمانى جاپپاي تەرەڭدەتۋ ءىسى باستالعان جىلى شىنداپ كىرىسىپ، ناقتى ىستەۋ، سونداي - اق ناقتى ونىمدىلىككە قول جەتكىزۋ كەرەك.
سۇراۋ: بيىلعى جىل − رەفورمانى جاپپاي تەرەڭدەتۋ قىزمەتى باستالعان جىل، شينجياڭ باستامانى قالاي ءساتتى باستايدى؟
جاۋاپ: بيىلعى رەفورما مىندەتتەرىن ورىنداۋدا جاقسى باستاما باستاۋعا، قادامدى جاقسى تاستاۋعا شىنايى كەپىلدىك ەتۋدىڭ تەتىگى−پارتيانىڭ باسشىلىق، ۇيتقىلىق رولىن تولىق ساۋلەلەندىرۋدە. اۆتونوميالى رايون ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان گرۋپپا باستىعى بولعان اۆتونوميالى رايوندىق پارتكومنىڭ رەفورمانى جاپپاي تەرەڭدەتۋگە باسشىلق ەتۋ گرۋپپاسىن قۇرىپ، تۇتاس شينجياڭنىڭ رەفورمانى جاپپاي تەرەڭدەتۋ تۇلعالىق جوباسىن جاساۋعا، ءبىر تۇتاس جوبالاپ سايكەستىرۋگە، تۇلعالىق جاقتان ىلگەرىلەتۋگە جانە تياناقتاندىرۋدى قۋزاۋعا جاۋاپتاندىردى. باسشىلىق گرۋپپاسى مەن سايكەستى قۇرىلعان ارناۋلى گرۋپپالارعا اۆتونوميالى رايوندىق پارتكومنىڭ باسشىلارى جەكە - جەكە جەتەكشىلىك ەتىپ، ورتالىقتىڭ قاتىستى سالالار جونىندەگى ماڭىزدى رەفورما شارالارىن دايەكتى تياناقتاندىرۋعا جاۋاپتى بولىپ، اۆتونوميالى رايوننىڭ قاتىستى سالالار جونىندەگى ماڭىزدى رەفورما ماسەلەلەرىن اقىلداسىپ، ارناۋلى رەفورماعا قاتىستى ساياسات - شارالاردى بەلگىلەۋدى جانە ونى اتقارۋدى سايكەستى ىلگەرىلەتتى. سونىمەن قاتار باسشىلىق گرۋپپاسىنا قاراستى كەڭسە قۇرىلىپ، اۆتونوميالى رايوننىڭ 2 باسشىسى جاۋاپتى بولىپ، رەفورماعا ساياتىن كەلەلى ماسەلەلەردى تەكسەرىپ زەرتتەۋ جانە ساياسات بەلگىلەۋ قىزمەتىن ۇستىلەرىنە الدى. سونداي - اق ءبىر تۇتاس جوبالاپ، سايكەستىرىپ، رەفورما جوبالارى مەن شارالارىنىڭ تياناقتانۋىن جەبەدى. جەر - جەر، تاراۋلار دا اۆتونوميالى رايوندىق پارتكومنىڭ تالابى بويىنشا، سايكەستى قۇرىلىم قۇرىپ، وعان پارمەندى باسشىلىق كۇش ورنالاستىرىپ، رەفورمانى جاپپاي تەرەڭدەتۋدى پارمەندى ۇيىمدىق باسشىلىقپەن قامتاماسىزداندىرادى.
سۇراۋ: رەفورمانى جاپپاي تەرەڭدەتۋ قىزمەتى باستالعان جىلى جەر - جەر، تاراۋلار قانداي قىزمەتتەر ىستەۋى كەرەك؟
جاۋاپ: رەفورمانى جاپپاي تەرەڭدەتۋدە ۇگىت قىزمەتىنە، ءسوز جوق، باسا ءمان بەرۋ كەرەك. ۇگىت جۇرگىزىپ، جەتەكشىلىك ەتۋ ارقىلى قوعامدا ورتاق تانىم قالىپتاستىرىپ، رەفورمانى جاپپاي تەرەڭدەتۋدىڭ قۇدىرەتتى كۇشىن ۇيىستىرىپ، حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، رەفورمانى ءبارى قولدايتىن، قورعايتىن جانە وعان اتسالىساتىن تاماشا جاعداي قالىپتاستىرۋ كەرەك. تۇتاس رايونىمىزداعى ءار دارەجەلى پارتيا ۇيىمدارى مەن پارتيالى كادرلاردىڭ يدەياسىن، ءىس - ارەكەتىن ورتالىقتىڭ جانە اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ جونىندەگى ماڭىزدى شەشىمدەرىمەن، ورنالاستىرۋلارىمەن بىرلىككە كەلتىرۋدەن جازباي، رەفورما بەتالىسىن مىقتاپ يگەرىپ، شينجياڭنىڭ ءىس جۇزىندىك جاعدايىمەن تىعىز بايلانىستىرىپ، تەكسەرىپ زەرتتەۋگە باسا ءمان بەرىپ، زەيىندى رەفورمانى جاپپاي تەرەڭدەتۋدەگى جالپى جاعداي سيپاتىندىق، ستراتەگيالىق سيپاتتى، بولاشاقتىق سيپاتتى ماڭىزدى ماسەلەلەردى شەشۋگە شوعىرلاندىرۋ كەرەك. رەفورمانى جاپپاي تەرەڭدەتۋگە كادرلار، دارىندىلار تىرەك بولۋدى كۇشەيتىپ، نەگىزگى ساتى پارتيا ۇيىمدارىنىڭ جاۋىنگەر قامالىندىق رولىن ساۋلەلەندىرىپ، يدەيانى ونان ارى ازات ەتىپ، «ەكى جاقتا قۇلشىنۋ» جاعدايىن باستان - اياق ساقتاپ، رەفورمانى عىلمي تاسىلمەن ىلگەرىلەتۋدەن جازباۋ كەرەك.
ءار دارەجەلى پارتكومدار رەفورمانى جاپپاي تەرەڭدەتۋدى اناعۇرلىم كورنەكتى ورىنعا قويىپ، رەفورما جوبالارىن جاساۋدى مىقتى يگەرىپ، ۇستەگى جىلى اتقارىلاتىن جوسپارلاردى تياناقتاندىرىپ، ۋاقىت كەستەسىن، باعىت - باعداردى ايقىن بەلگىلەۋ كەرەك. رەفورمانى ىلگەرىلەتۋ بارىسىنداعى كورنەكتى قايشىلىقتار مەن سەبەپتەرگە دەر كەزىندە تالداۋ جاساپ جانە تەكسەرىپ انىقتاپ، ونى شەشۋدىڭ ءادىسىن تابۋ كەرەك. باسشىلىق جاۋاپكەرلىكتى شىن مانىندە تياناقتاندىرۋ قاجەت. رەفورماعا باسشىلىق ەتۋ جاۋاپكەرلىك ءتۇزىمىن ورناتىپ جانە كەمەلدەندىرىپ، مىندەت ءبولىسى جاۋاپكەرلىگى مەن جاۋاپكەرلىك وبيەكتىن ايقىنداۋ قاجەت. سوڭىنا ءتۇسىپ تياناقتاندىرۋدى كۇشەيتىپ، رەفورمالاردى ورنالاستىرۋعا، قۋزاۋعا، تەكسەرۋگە، ناقتى ونىمدىلىك شىعارۋعا شىنايى كەپىلدىك ەتىپ، رەفورمانى ۇزدىكسىز تەرەڭدەتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
