- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ەڭ الىستاعى ءبىر وتباسىنا» بارىپ، «ەڭ سوڭعى ءبىر شاقىرىمدى» باستى
− شينجياڭدا كادرلاردىڭ نەگىزگى ساتىعا بارىپ «حالىقتىڭ جاعدايىن ۇعىسىپ، حالىق تۇرمىسىنا تيىمدىلىك جاساپ، حالىقتىڭ تىلەگىن توعىستىرعاندىعى» جونىندە
2014.04.25 11:18 كەلۋ قاينارى : ءتاڭىرتاۋ تورابى
بيىل ناۋرىزدا شينجياڭدا 3 جىل ىشىندە 200 مىڭ كادردىڭ نەگىزگى ساتىعا بارىپ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى باستالدى. بۇكىل شينجياڭدا ورگان كادرلارى 3 جىل ىشىندە ءبىر رەت نەگىزگى ساتىعا بارادى، نەگىزگى ساتىعا جىبەرىلگەن قىزمەت گرۋپپالارى نەگىزگى ساتىداعى 10 مىڭ ورىندى تۇگەلىمەن قامتيدى.
ءبىر ايدان استام ۋاقىتتان بەرى، العاشقى توپتا نەگىزگى ساتىعا جىبەرىلگەن 70 مىڭنان استام كادر تيانشاننىڭ تۇستىگى مەن تەرىستىگىندەگى قىستاقتاردا، الەۋمەتتىك اۋماقتاردا ءار ۇلت بۇقاراسىمەن بىرگە ەڭبەك ەتىپ، اڭگىمەلەسىپ، قيىن ماسەلەلەردى شەشىپ، اۋىل - قىستاق كادرلارىمەن بىرگە ءادىس - امال قاراستىرىپ، حالىق تۇرمىسىنا تيىمدىلىك جاساپ، دامۋعا ۇمتىلىپ، «ەڭ الىستاعى ءبىر وتباسىنا» بىرگە باردى، بۇقارامەن بايلانىس ورناتۋداعى «ەڭ سوڭعى ءبىر شاقىرىم جولدى» بىرگە باستى.
كادرلار ديقاندارمەن بىرگە ەڭبەك ەتتى، «مەڭگەرمە باستىعى» «قىستاق باستىعىنىڭ» قيىن ماسەلەلەردى شەشۋىنە كومەكتەستى
شينجياڭ قاشقار ايماعى مارالباسى اۋدانى شارباق اۋىلىنىڭ 7 - قىستاعىندا تۇراتىن اۆتونوميالى رايوندىق مال شارۋاشىلىعى مەڭگەرمەسى پارتيا باسشىلىق گرۋپپاسىنىڭ مۇشەسى، شينجياڭ مال شارۋاشىلىعى عىلىم اكادەمياسى پارتكومىنىڭ شۋجيى حى حاييۋان مەن ونىڭ جانىنداعى 7 ادام 24 - ءساۋىر كۇنى ەرتەمەن اتىز باسىندا ماقتاشى ديقاندارمەن بىرگە ەڭبەك ىستەپ، ولاردان ەگىس جۇمىسىن سۇراپ، ساياساتتى ءتۇسىندىرىپ، مارە - سارە بولدى.
«حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى باستالعاننان بەرى، اۆتونوميالى رايونعا توتە قاراستى ورىنداردان جانە ورتالىقتىڭ شينجياڭداعى ورىندارىنان 262 مەڭگەرمە دارەجەلى كادر باستاعان 182 قىزمەت گرۋپپاسى وڭتۇستىك شينجياڭداعى 3 ايماق، ءبىر وبلىسقا باردى. سونىمەن قاتار اۆتونوميالى رايون «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا باستاماشىلدىقپەن قاتىناسىپ، قيمىلدىڭ ىشكەرىلەي ورىستەتىلۋىن ىلگەرىلەتۋ ءۇشىن، ولكە دارەجەلى 6 كادردى تاڭداپ جىبەردى
. مارالباسى اۋدانى شارباق اۋىلىنىڭ 7 - قىستاعىنا بارعان كادرلارعا بۇقارا كوكتەمگى وندىرىسكە قاجەتتى اۋىل شارۋاشىلىق ءوندىرىس قۇرال - جابدىقتارىنىڭ جەتكىلىكتى ەمەستىگىن اڭىس ەتتى. قىزمەت گرۋپپاسى دەرەۋ اۋىل شارۋاشىلىعى ءوندىرىس قۇرال - جابدىقتارىن ءوندىرۋشى كاسىپورىندارمەن سايكەسە وتىرىپ، بۇل ماسەلەنى شەشتى. «اۋىل شارۋاشىلىق ءوندىرىس قۇرال - جابدىقتارى قىستاق كوميتەتىنە اكەلىنگەن سوڭ، قىستاقتا تۇراتىن كادرلار بىزگە ديقاندارعا تاراتىپ بەرگىزدى. ولار قىستاعىمىزعا كوپتەگەن يگى ىستەر ىستەپ بەردى، ءبىراق ەلگە مۇنى قىستاق كوميتەتىنىڭ، قىستاق كادرلارىنىڭ ارقاسى دەيدى ەكەن»، − دەيدى قىستاق پارتيا ياچەيكاسىنىڭ شۋجيى حەلەل.
مارالباسى اۋدانى اۋات قالاشىعىندا 22 اكىمشىلىك قىستاق پەن قىستاق تۇرعىندار كوميتەتى، 42 كادر بار. «قالاشىقتاعى بارلىق كادردى نەگىزگى ساتىعا جىبەرۋ شىندىققا جاناسپايدى».
اۋات قالاشىعى پارتكومىنىڭ شۋجيى جاۋ شينكۇن بىلاي دەدى: شينجياڭ بويىنشا 70 مىڭنان استام كادر نەگىزگى ساتىداعى 10 مىڭ ورىنعا باردى، بۇل ءاربىر نەگىزگى ساتى ورنىنداعى كادردىڭ قاتارىنا 7 ادام قوسىلعانمەن بارابار، بۇل نەگىزگى ساتىنى جونگە سالۋدا ادام از، مىندەت اۋىر بولۋ سىندى كەدەرگىنى تالقاندادى.
«اتىز باسىندا ەڭبەك ەتكەندە عانا، بۇقارانىڭ جۇرەگىنە جول تارتۋعا بولادى»
ناۋرىز، ءساۋىر ايلارى شينجياڭدا كوكتەمگى ەگىس جۇمىسىنىڭ ءدال مەزگىلى.
اۋىل شارۋاشىلىعى بانكەسى شينجياڭ بيڭتۋان بولىمشەسىنىڭ كادرى گۋ شۇيگىن شينجياڭ ءوندىرىس - قۇرىلىس بيڭتۋانى اۋىل شارۋاشىلىق 1 - ديۆيزياسى 1 - پولكى ۇلتتىق روتا - اترەتىنىڭ 26 - روتاسىنا كەلگەن ءبىر ايدان بەرى ءار كۇنى اترەتتەگى ديقاندارمەن بىرگە ەڭبەك ىستەپ، ولارمەن دوستاسىپ كەتتى.
بۇقارامەن اتىز باسىندا، دۋماندى ەڭبەك ۇستىندە شىنايى اڭگىمەلەسىپ، سىرلاسۋعا بولاتىنىن بىلگەن ول: بۇقارامەن قانشا ەتەنە بولساڭ، ولار دا ساعان سونشا جاقىنداي تۇسەدى. اتىز باسىندا ەڭبەك ەتكەندە عانا، بۇقارانىڭ جۇرەگىنە جول تارتۋعا بولادى ەكەن، − دەيدى.
اقسۋ قالاسى ايكول قالاشىعىندا اۆتونوميالى رايوندىق قوعام حاۋىپسىزدىگى مەڭگەرمەسىنەن نەگىزگى ساتىعا كەلگەن كادر حۇڭ شياڭشىنى قىستاققا تۇسكەن كادرلارمەن بىرگە ءبىر ۇيعۇر قاريانىڭ اعاش ەگۋىنە كومەكتەسىپ جاتقان جەرىنەن كەزىكتىردىك. «اۋىل شارۋاشىلىعى ءوندىرىسى كادرلاردىڭ بۇقارامەن قويان - قولتىق ارالاسۋىنا تاماشا وراي جاسادى، بىرگە ەڭبەك ىستەۋ اراداعى سۇيىسپەنشىلىكتى ارتتىرا تۇسەدى» دەگەن ول مۇنداي ساتتە پارتيا مەن ۇكىمەتتىڭ ساياساتىن تۇسىندىرسەڭ، بۇقارانىڭ تەز قابىلداپ، كوكەيىنە وڭاي قوناتىندىعىن ايتتى. قىستاقتا تۇراتىن كادرلاردىڭ وتباسىلارىن ارالاپ جاعداي ۇعىسىپ، اتىز باسىندا بىرگە ەڭبەك ەتىپ ديقاندارمەن سىرلاسۋىن جۇرت جىلى قاباقپەن قارسى الدى.
قاشقار ايماعىنان مارالباسى اۋدانى اۋات قالاشىعىنىڭ 19 - قىستاعىنا بارعان قىزمەت گرۋپپاسىنىڭ باستىعى، ءبىرىنشى ياچەيكانىڭ شۋجيى حى شياڭيۇي قاتارلى بىرنەشە كادر قىستاققا كەلگەن ءبىر ايدان بەرى 5 رەت قىستاق تۇرعىندارىنىڭ تويىنا، ءنازىر - شىراعىنا قاتىناسىپ قايتتى.
بىلەك سىبانا ىستەپ، حالىققا پايدا جەتكىزدى
«حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنىڭ شىنايى تياناقتاندىرىلىپ، ناقتى ونىمگە قول جەتكىزۋىنە مۇمكىندىك جاساۋ ءۇشىن، اۆتونوميالى رايوندىق پارتكوم قىستاقتا تۇراتىن قىزمەت گرۋپپالارىنىڭ «وندى ىستەمەۋ» بەلگىلەمەسىن، ياعني نەگىزگى ساتىنىڭ قالىپتى قىزمەتىنە كەدەرگىلىك جاساماۋ، نەگىزگى ساتىنىڭ كولىكتەرىن يەمدەنىپ الماۋ، قىزمەت ورنىنان ءوز بەتىمەن كەتىپ قالماۋ، نەگىزگى ساتىعا بارۋدان پايدالانىپ جەكە ءىسىن ىستەمەۋ، بۇقارانىڭ مۇددەسىنە زيان جەتكىزبەۋ، تۇرمىستا نەگىزگى ساتىدان قوسىمشا قاراجات الماۋ، ارتىق تالاپ قويماۋ، ۇكىمەت اقشاسىمەن كوڭىل اشۋ قيمىلىن وتكىزبەۋ، داستارقان جايىپ، تارتۋ - تارالعى الماۋ، قىزمەت ۋاعىندا اراق ىشپەۋ سىندى بەلگىلەمەنى، ءسوز جوق، قاتاڭ اتقارۋىن ايقىن تالاپ ەتتى. «قىستاقتا تۇراتىن ءاربىر كادر حالىق ءۇشىن شىنايى قىزمەت ەتىپ، قالىڭ بۇقاراعا شىن مانىندە پايدا جەتكىزەدى».
اۆتونوميالى رايوندىق پارتكوم ۇيىمداستىرۋ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى پۋ شىيۇي بىلاي دەدى: «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى ورىستەتىلەتىن 3 جىلدا بارلىق باسشى كادر قىستاقتارعا ءبىر جىل ۋاقىتپەن قىزمەت ىستەۋگە جىبەرىلىپ، بارلىق كادردىڭ اۋىل - قىستاقتاعى، الەۋمەتتىك اۋماقتاعى، سونداي - اق ەڭ نەگىزگى ساتىداعى بۇقارانىڭ تۇرمىسى مەن قاجەتىن جەتە تانىپ، رايونىمىزدىڭ جاڭا جاعدايىن جان - جاقتى، تەرەڭ تۇسىنۋىنە مۇمكىندىك جاسالادى، سونداي - اق وسى ارقىلى بارلىق كادردىڭ كەدەرگىلەردى الاستاپ، ءتۇرلى داعدارىستى ارىلتۋ قابىلەتىن وسىرۋىنە مۇمكىندىك بەرۋگە بولادى.
قىستاقتا تۇراتىن كادرلار مەن بۇقاراعا اڭگىمەلەسۋ، ينفورماتسيادان بىرگە يگىلىكتەنۋ تەكشەسىن ازىرلەپ بەرۋ ءۇشىن، اۆتونوميالى رايوندىق پارتكومنىڭ ۇگىت ءبولىمى «ەڭ سوڭعى ءبىر شاقىرىم» ۋيچات الەۋمەتتىك ءنومىرىن اشتى. قازىر وقىرمان سانى 73 مىڭعا جەتىپ وتىر. بۇل جەردەن قىستاقتا تۇراتىن كادرلاردىڭ نەگىزگى ساتىداعى بۇقارانىڭ ءوندىرىس، تۇرمىسىنداعى قيىن ماسەلەلەردى شەشىپ بەرگەن ناقتى ىستەرىن ءار كۇنى كورە الاسىز.
شينجياڭداعى قاتىستى ماماندار بىلاي دەپ ەسەپتەدى: 200 مىڭ كادردىڭ نەگىزگى ساتىعا بارىپ، حالىقتىڭ جاعدايىن ۇعىسىپ، حالىق تۇرمىسىنا تيىمدىلىك جاساپ، حالىق تىلەگىن توعىستىرۋى − جاڭا داۋىردە شينجياڭنىڭ نەگىزگى ساتىنىڭ نەگىزدىك قىزمەتىن كۇشەيتۋدەگى كەلەلى جاڭالىعى، شينجياڭنىڭ باياندى تىنىشتىعى سىندى جالپى نىسانانى جۇزەگە اسىرۋداعى ماڭىزدى ىزدەنىسى، شەكارا ءوڭىر ساياسيىن وسى زامانعى جونگە سالۋ ۇلگىسى جونىندەگى تىڭ ىزدەنىس جانە سونى دامۋ، مۇنىڭ نەگىزگى ساتى بيلىگىن اناعۇرلىم بەكەمدەپ، ساياسي اتقارۋ قابىلەتىن زور دارەجەدە وسىرەتىندىگىندە داۋ جوق. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
