بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

جەر - جەر بوران، سۋىق اعىس، ۇسىك جونىندەگى ساقتىق سيگنالىن كۇشىنەن قالدىردى

اپاتتى اۋا رايىندا رايونىمىزدان 180 مىڭنان استام ادام اپاتقا ۇشىرادى، ەگىس داقىىلدارى كەڭ كولەمدە زياندالدى

2014.04.25 13:12     كەلۋ قاينارى : ءتاڭىرتاۋ تورابى

  24- ساۋىردە اۆتونوميالى رايوندىق اۋا رايى ستانسياسىنىڭ باس مالىمەتشىسى چىن چۇنيان بىلاي دەدى: كەلۋىنەن كەتۋى تەز بولعان سۋىق اعىستىڭ اياقتاۋىمەن، جەر - جەر بوران، سۋىق اعىس، ۇسىك جونىندەگى ساقتىق سيگنالىن كۇشىنەن قالدىردى، تەمپەراتۋرا دا كورنەكتى جوعارىلادى. الايدا قاشقاردان گۋماعا دەيىنگى القاپتا شاڭ - توزاڭ ايىقپاي، كورۋ ارالىعى 200 مەترگە جەتپەگەندىكتەن، ءىشىنارا كەزەكشى ۇشاقتار كۇشىنەن قالدىرىلدى، كەشەۋىلدەتىلدى نەمەسە قايتا قايتتى.

  اۆتونوميالى رايوندىق حالىق ىستەرى مەڭگەرمەسىنىڭ اپاتتان قۇتقارۋ، كومەك بەرۋ باسقارماسىنان ۇعىسۋىمىزشا، 22 - ساۋىردەن بەرى، سۋىق اعىستىڭ ىقپالىنان اقسۋ، تۇرپان، قاشقار، قارامايلى، ءۇرىمجى سياقتى 13 ايماق، وبلىس، قالاداعى 45 اۋدان - قالادا قاتتى بوران سوعىپ، كۇن سۋىتقان. 24 - ءساۋىر ساعات 17گە دەيىن 182 مىڭ ادام اپاتقا ۇشىراپ، ءبىر ادام ولگەن، 364 ءۇي قۇلاپ، 493 ءۇي اۋىر دارەجەدە، 2488 ءۇي جەڭىل دارەجەدە بۇلىنگەن، 7270 مال ولگەن، 81 مىڭ 320.8 گەكتار اۋماقتاعى ەگىس داقىلى اپاتقا ۇشىراعان، تىكە ەكونوميكالىق زيان 519 ميلليون يۋانعا جەتكەن.

  اپات تۋىلعاننان كەيىن، اۆتونوميالى رايوندىق پارتكوم مەن حالىق ۇكىمەتى باسا ءمان بەرىپ، جەر - جەردەن اپاتقا قارسى اتتانۋدى، اپاتتان قۇتقارۋدى تالاپ ەتتى. ءار دارەجەلى پارتكوم مەن حالىق ۇكىمەتىندەگى، سونداي - اق حالىق ىستەرى تاراۋلارىنداعى قىزمەتكەرلەر اپات تۋىلعان وڭىرگە دەرەۋ جەتىپ، اپاتتان قۇتقارۋ قىزمەتىن ورىستەتتى. قازىر اپاتقا ۇشىراعان وڭىرلەردىڭ ءوندىرىسى مەن تۇرمىسى نەگىزىنەن قالپىنا كەلدى.

  تانىستىرۋعا قاراعاندا، سولتۇستىك شينجياڭدا بوران سوعىپ، جاڭبىر ارالاس قار جاۋىپ، تەمپەراتۋرا تومەندەپ، ۇسىك جۇرگەن. بوران ماقتا اتىزىنداعى سۋلياۋ جارعاقتاردى، تامشىلاتىپ سۋارۋ قۇرىلعىلارىن قيراتقان، قۇرىلعى اۋىل شارۋاشىلىعى جىلىجايلارىنا جابىلعان سۋلياۋ جارعاقتاردى سىپىرىپ اكەتىپ، توپىراقتارى توبارسىعان. جاڭبىر ارالاس قاردان جىلىجايلار قۇلاعان، ءبيدايدىڭ كوكتەۋى باياۋلاعان، ۇسىك جۇرۋدەن ماقتا، قىشى، بۇرىش سياقتى جازعى داقىلدار ولگەن. وڭتۇستىك شينجياڭدا قاتتى بوران سوققان، بوران سۋلياۋ جارعاقتاردى ۇشىرىپ، جىلىجايلاردى قۇلاتىپ، تامشىلاتىپ سۋارۋ قۇرىلعىلارىن قوپارىپ تاستاعان. سۋلياۋ جارعاقتاردى ۇشىرىپ كەتكەندىكتەن، جەر كەبەرسىپ، مايسالار بوراندا ولگەن.

  جوعارىداعى اپات جاعدايىنا مەڭزەس، اۆتونوميالى رايوندىق ەگىن شارۋاشىلىق مەڭگەرمەسى جەر - جەردەگى ەگىن شارۋاشىلىق تاراۋلارىنان شارۋالاردى بەلسەنە اتتانىسقا كەلتىرىپ، اپاتقا ۇشىراعان ەگىس اتىزدارىن دەر كەزىندە تولىقتاپ ەگۋدى، قايتادان ەگۋدى؛ سونداي - اق اپات بولعان جەرلەرگە مامانداردى جىبەرىپ، اپات جاعدايىن كوزدەن كەشىرىپ، سالا بويىنشا جەتەكشىلىك ەتىپ، شارالار بەلگىلەۋدى؛ جەر - جەردىڭ اپات جاعدايىنا قاراي اپاتتان كەيىنگى تولىقتاپ ەگۋگە، قايتادان ەگۋگە قاجەتتى تۇقىم، سۋلياۋ جارعاق، حيميالىق تىڭايتقىش سياقتى ماتەريالداردى دەر كەزىندە تولىقتاپ جەتكىزۋدى، اۋىل شارۋاشىلىق قۇرال - جابدىقتارىن ساتۋشىلاردىڭ وسى ورايدا باعانى قىمباتتاتۋىنىڭ الدىن الىپ، اپاتتان كەيىنگى كوكتەمگى ەگىس ءوندىرىسىنىڭ ءساتتى جۇرگىزىلۋىنە شىنايى كەپىلدىك ەتۋدى تالاپ ەتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.