بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ءۇرىمجى قالاسىندا ءىشىنارا تاڭەرتەڭگى، كەشكى بازارلاردى جابۋ قالا بەينەسىن جاقسارتتى

2014.05.04 14:42     كەلۋ قاينارى : شينجياڭ حالىق راديو ستانسياسى تورابى

   ءۇرىمجى قالاسى سايباق رايوندىق قالا اكىمشىلىگى قالا كوركىن باسقارۋ مەكەمەسىنىڭ جاۋاپتىسى بىلاي دەدى: «تاڭەرتەڭگى، كەشكى بازاردى جابۋ قالا بەينەسىن جاقسارتىپ، قالانىڭ قىزمەت وتەۋ رولىن جوعارلاتۋدى ماقسات ەتەدى. 2011-جىلى ءۇرىمجى قالاسىنىڭ جان سانى 3 ميلليون بولاتىن، قازىر جەرگىلىكتى جان سانى مەن سىرت جەردەن كەلگەن جان سانىن، جىلجىمالى جان سانىن قوسقاندا 4 ميلليون 500 مىڭنان استى، 2011-جىلى ۇرىمجىدە 500 مىڭ اۆتوموبيل قاتىنايتىن، قازىر جەرلىك اۆتوموبيل مەن سىرت جەردەن قالاعا كىرگەن اۆتوموبيلدىڭ سانى شامامەن 800 مىڭعا جەتتى؛ 10 جىلدان بەرى شيداچياۋ، گۋاڭميڭ، دوستىق، نانحۋ كوشەلەرى كەڭەيتىلمەدى، قالا رايونىنداعى نەگىزگى جولدار دا كوبەيتىلمەدى. بيىل التاي، باتىس سولتۇستىك كوشەلەرىنە قايتادان اسفاليت جاتقىزىپ، شيشان كوشەسى بيىك كوپىرىنىڭ 2-مەرزىمدىك قۇرىلىسى جانە رەلستى قاتىناسىنىڭ جەر ءۇستى قۇرىلىسى ارت-ارتىنان باستالىپ، جۇرگىنشىلەر، زات تاسىمالى، اۆتوموبيل قاتىناۋ قاتىناسقا زور قىسىم ءتۇسىرىپ، قالاداعى نەگىزگى قۇرىلىعىلار جانە الەۋمەتتىك قۇرىعىلار كونەرىپ، قوعامنىڭ دامۋ قاجەتىن قاناعاتتاندىرا المايتىن بولدى. ونىڭ ۇستىنە تاڭەرتەڭگى، كەشكى بازارداعى ساۋداگەرلەردە ءتۇرلى تيجارات كۋالىكتەرىن بىتىرمەۋ، جولدى بوگەۋ، اۋانى لاستاۋ، ورتا تازالىعى تولىمسىز بولۋ، الەۋمەتتىك حاۋىپسىزدىك جانە ازىق-تۇلىك كومەسكى حاۋىپ-قاتەرى سياقتى ماسەلەلەر بايقالىپ، قالا قاتىناسى توسىلىپ، قالانىڭ ءىشىنارا قىزمەت وتەۋ قۇرىلىعىلارى زياندالدى. وسى احۋالدى وزگەرتۋ ءۇشىن، ءىشىنارا تاڭەرتەڭگى، كەشكى بازارلار جابىلدى. تاڭەرتەڭگى، كەشكى بازارلاردىڭ جابىلۋى قالا تۇرعىندارىنىڭ قولداۋىنا يە بولدى، ءبىراق كەيبىر قالا تۇرعىندارى بۇعان قارسى كوزقاراس ءبىلدىردى، ولار تاڭەرتەڭگى، كەشكى بازار جوق بولعانى تۇرمىستارىنا قولايسىزدىق تۋدىرىپ، ارزان باعالى كوكونىس ساتىپ الا المايتىنىن ايتتى. سايباق رايونى ياڭزىجياڭ كوشەسىندە تۇراتىن حۋاڭ مىرزا: «ءاركۇنى ەرتە تاڭەرتەڭگى بازاردى ارالاپ، سەيىلدەۋدى ۇناتامىن، دەنە شىنىقتىرعاننان تىس ارزان باعالى كوكونىس ساتىپ الاتىنمىن. قازىر بۇل بازار جابىلدى، كوپ جىلدان بەرگى ادەتىمدى امالسىز وزگەرتتىم، ءارى ارزان باعالى كوكونىستى دە الا المايتىن بولدىم، وتباسىمنىڭ شىعىمى دا كوبەيدى، زەينەتكە شىققاندارعا ءسال قيىن بولدى. ال الەۋمەتتىك اۋماقتاعى كوكونىستى توتە ساتۋ تۇيىندەرىنىڭ كوكونىسىنىڭ ساپاسى ناشار، باعاسى قىمبات، ءتۇرى دە از» دەدى. ال تيجاراتشىلار بۇدان بىلاي قالاي جان باعۋدى ۋايىمدادى. رى-يۋەجيڭحۋي كەشكى بازارىندا كوپ جىل جايما اشقان ا مىرزا: «مەن جايماعا سۇيەنىپ جان باعىپ كەلەمىن، قازىر جايمانى جايۋعا تيىم سالىندى، ەندى قالاي تۇرمىس كەشىرەمىن؟ ۇكىمەت وتباسىمىزدىڭ قيىنشىلىعىن شەشىپ بەرەمە؟»،-دەدى. سايباق رايونى قالا اكىمشىلىگى قالا كوركىن باسقارۋ مەكەمەسىنىڭ جاۋاپتىسى تانىستىرا كەلىپ بىلاي دەدى: سايباق رايوندىق حالىق ۇكىمەتى سولتۇستىك باقشا كوشەسندەگى تاڭەرتەڭگى بازاردى جابۋ ۋاقىتىن 30-قىركۇيەككە دەيىن ۇزارتتى؛ تاڭەرتەڭگى، كەشكى بازاردا ۇزدىكسىز جايما جايعىسى كەلەتىن ساۋداگەرلەر چاڭجياڭ كوشەسىندەگى ياڭگۋاڭ-100 ساۋدا سارايىنىڭ الدىندا جالعاستى ساۋدا ىستەۋىنە بولادى؛ سونىمەن بىرگە، 2 مىڭ الەۋمەتتىك يگىلىك سيپاتتى جانە الەۋمەتتىك يگىلىككە جاتپايتىن جۇمىس ورنىمەن قامداپ، سايباق رايونىنداعى تاڭەرتەڭگى، كەشكى بازارداعى ءبىر 200 ساۋداگەردىڭ جۇمىس ورنىن تاڭداۋىنا مۇمكىندىك جاسادى، ءارى بازار جابىلعاننان كەيىنگى ءىشىنارا ساۋداگەرلەردىڭ تۇرمىسىنداعى قيىنشىلىقتارىن شەشىم ەتتى؛ لايىقتى ورىن تاڭداپ، كولەمدى بازار قۇرىپ، جايمالاردى بازارعا كىرگىزىپ، دۇكەن قۇرىپ بەرەدى؛ الەۋمەتتىك رايونداعى كوكونىستى توتە ساتۋ ءتۇيىنىن كوبەيتىپ، كوكونىستىڭ ءتۇرىن مولايتىپ، باعاسىن قاتاڭ باقىلاپ-باسقارادى.تيانشان رايونى جاستار كوشەسى ءمالى باسقارماسىنىڭ ورىنباسار باستىعى ۋاڭ چي تانىستىرا كەلىپ: «جاستار كوشەسى ءمالى باسقارماسى كوكونىستى توتە ساتۋ تۇيىنىنەن ۋاقىتشا التاۋىن قۇرىپ، ۇكىمەت جاعىنان ءبىر تۇتاس ساپالى، جاڭا كوكونىسپەن قامداپ، باعاسىن باعا باسقارماسى باسقارادى، ءارى ساۋداسى ناشار بولعان ساۋدا دۇكەندەرىن كوكونىس، قوسىمشا ازىق-تۇلىك دۇكەندەرىنە وزگەرتىپ، ماڭايداعى تۇرعىندارعا قولايلىلىق جاساپ، ساۋداگەرلەردىڭ قيىنشىلىعىن شەشتى،-دەدى. تيانشان رايونى رىگۋاڭ الەۋمەتىڭ اۋماعىنىڭ ورىنباسار مەڭگەرۋشىسى فاڭ جيڭ تانىستىرا كەلىپ: «تاڭەرتەڭگى، كەشكى بازارعا ساۋداگەر شاقىرعانداعى ساۋداگەرلەردەن الدىن-الا جينالعان جايما ورنىن مايلاۋ اقىسىن تولىق قايتارىپ بەرۋدى ۇقتىردىق»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.