بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

يدەيانى، تانىمدى، ارەكەتتى ورتالىقتىڭ شەشىم - ورنالاستىرۋلارىمەن باتىل تۇردە بارىنشا بىرلىككە كەلتىرەيىك

باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزى ءار ۇلت كادرلارى مەن بۇقاراسى اراسىندا كۇشتى اڭىس تۋدىردى

2014.05.05 13:18     كەلۋ قاينارى : ءتاڭىرتاۋ تورابى

  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭدا قىزمەت تەكسەردى ءارى ءۇرىمجى پويەز ۆوكزالىنداعى زورلىقتى كۇش لاڭكەستىك دەلوسى جونىندە ماڭىزدى نۇسقاۋ بەردى. بۇل رايونىمىزدىڭ ءار جەرىندەگى، ءار سالاسىنداعى ءار ۇلت كادرلارى مەن بۇقاراسى اراسىندا كۇشتى اڭىس تۋدىردى. كوپشىلىك: باس شۋجيدىڭ شينجياڭعا قىزمەت تەكسەرە كەلۋى ادامدارعا شابىت سيلاپ، رۋحىن سەرپىلتتى، - دەدى، سونداي - اق ءۇرىمجى پويەز ۆوكزالىندا تۋىلعان اۋىر زورلىقتى كۇش لاڭكەستىك قىلمىستىق ارەكەتىن قاتاڭ جازعىرىپ، نالەت ايتىپ، باس شۋجيدىڭ شينجياڭدا قىزمەت تەكسەرگەن كەزدە سويلەگەن ماڭىزدى ءسوزىنىڭ رۋحىن ىشكەرىلەي دايەكتى تياناقتاندىرىپ، يدەيانى، تانىمدى، ارەكەتتى ورتالىقتىڭ شەشىم - ورنالاستىرۋلارىمەن باتىل تۇردە بارىنشا بىرلىككە كەلتىرىپ، ۇلكەن جۇمىستار تىندىرۋعا بەل بۋىپ، ءوز قىزمەتىن شىن مانىندە جاقسى ىستەپ، ۇلتتار ىنتىماعى مەن قوعام ورنىقتىلىعىن بەلسەنە قورعاپ، بەرەكەلى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن شينجياڭ قۇرۋعا قۇلشىنۋ كەرەكتىگىن ايتتى.

  شابىت الىپ، جۇرت كوڭىلى سەرپىلدى

  «بيڭتۋانداعى قاراپايىم قىزمەتكەر رەتىندە، باس شۋجيمەن جۇزدەسكەنىمدى ەرەكشە باقىت سەزىنەمىن، كوڭىلىم ەرەكشە شالقىپ تۇر». بيڭتۋان 6 - ديۆيزياسى كوممۋنيستىك جاستار وداعى ەگىس الاڭى 2 - روتاسىنىڭ قىزمەتكەرى حۋ ۋىنشيان ءوزىنىڭ تەبىرەنگەن كوڭىل كۇيىن تىلشىگە وسىلاي جەتكىزدى. «بۇل بىزگە جاسالعان ۇلكەن قامقورلىق»، - دەدى ول.

  باس شۋجيدى ءوز كوزىمەن كورە الماسا دا، شينجياڭ جيۋديڭ اۋىل شارۋاشىلىعى ونىمدەرىن تولايىم ساتۋ بازارىنداعى جەمىس - جيدەك تولايىم ساتۋ ساۋداسىمەن اينالىساتىن كاسىپكەر ۋاڭ ايجۇن دا حۋ ۋىنشيانمەن بىردەي كوڭىل كۇيدە ەكەن. ول قۋانىشىن باسا الماي بىلاي دەدى: «2 كۇننەن بەرى، باس شۋجي شي جينپيڭنىڭ شينجياڭدا قىزمەت تەكسەرگەنى تۋرالى حاباردى، اسىرەسە، باس شۋجيدىڭ شينجياڭ جەمىس - جيدەك توبىنىڭ قىزمەتىن تەكسەرگەنىن كوردىم، مۇنى ەرەكشە ماقتانىش سەزىندىم. سوڭعى جىلداردا شينجياڭنىڭ جەمىس - جيدەك ورمان كاسىبىنىڭ دامۋىنان ءبىز، شىنىندا، زور پايدا الدىق، ساۋدامىز بارعان سايىن كۇسەتتەنە ءتۇستى، كۇندەرىمىز ۇمىتكە تولى».

  بۇراتالا قالالىق پارتكوم ۇگىت ءبولىمىنىڭ چىندەل اۋىلى توعىسىنبۇح شىعىس قىستاعىندا تۇراتىن كادرى بادىنچەچىك وزىمەن بىرگە قىستاقتا تۇراتىن كادرلارمەن بىرگە باس شۋجيدىڭ شينجياڭدا قىزمەت تەكسەرگەنى جونىندەگى حاباردى گازەت، راديو، عالامتور ارقىلى ءبىلدى.

  ول: باس شۋجي وڭتۇستىك شينجياڭنىڭ نەگىزگى ساتىسىندا قىزمەت تەكسەرگەندە حانزۋ كادرلاردى ۇيعۇر ءتىلىن ۇيرەنۋگە شابىتتاندىردى، ءوزىمىز تۇراتىن قىستاقتا ءبىز دە وسىلاي ىستەپ جاتىرمىز، - دەدى ماقتانىشپەن. شينجياڭ اسكەري رايونىنىڭ ساياسي كوميسسارى ليۋ لەي بىلاي دەدى: ءتوراعا شي جينپيڭنىڭ شينجياڭ اسكەري رايونىنداعى اسكەري بولىمدەردى تەكسەرگەندە سويلەگەن ماڭىزدى ءسوزى − اسكەري بولىمدەردىڭ ارميانى قۇدىرەتتەندىرۋ نىساناسىن دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋداعى ءتۇبىرلى نەگىزى جانە ارەكەت قىبلاناماسى. ءبىز ءتوراعا شي جينپيڭنىڭ ماڭىزدى ءسوزىنىڭ رۋحى ارقىلى يدەيانى بىرلىككە كەلتىرىپ، ورتاق تانىمعا كەلىپ، امالياتقا جەتەكشىلىك ەتىپ، قۇرىلىستى ىلگەرىلەتىپ، اسكەري ءبولىم قۇرىلىسىنىڭ دۇرىس بەتالىسىن مىقتاپ يگەرۋىمىز كەرەك.

  زۇلىمدىق شينجياڭنىڭ دامۋىن توسا المايدى

  كۇشار اۋدانىندا تۇراتىن جاڭ ي بىلاي دەدى: باس شۋجي ىنتىماق − دامۋدىڭ نەگىزى، زورلىقتى كۇش لاڭكەستەر شينجياڭداعى ءار ۇلت حالقىنىڭ ورتاق جاۋى ەكەنىن ايتتى. جاقىندا عانا ورىن العان زورلىقتى كۇش لاڭكەستىك دەلوسىنا قاتاڭ سوققى بەرۋمەن قاتار، ءاربىر ءىس - ارەكەت، ءسوز - سويلەمدەرىمىزدەن، كىشكەنە ىستەردەن باستاپ ىنتىماقتاسىپ، زورلىقتى كۇش لاڭكەستەرگە «كوشەدەن قاشقان تىشقاننىڭ بارلىق ادامنىڭ ۇر - ۇرىنا قالاتىن» كۇنىن كورسەتىپ، زورلىقتى كۇش لاڭكەستەردىڭ ساعىن سىندىرىپ، اپتىعىن باتىل باسۋىمىز كەرەك. ءۇرىمجى قالاسى تيانشان رايونى شينحۋا وڭتۇستىك كوشەسى ءمالىسى ىنتىماق باتىس كوشەسى الەۋمەتتىك اۋماعى پارتيا ياچەيكاسىنىڭ شۋجيى لياڭ جىمەي زورلىقتى كۇش لاڭكەستىك دەلوسىنا ەرەكشە كەكتەنەتىندىگىن ايتىپ بىلاي دەدى: «باس شۋجي بىزگە شينجياڭنىڭ بولشەكتەۋ مەن بولشەكتەۋگە قارسى كۇرەستىڭ ۇزاق ۋاقىتتىلىعىن، كۇردەلىلىگىن، قيان - كەسكىلىگىن، ءسوز جوق، جەتە تانىپ، زورلىقتى كۇش لاڭكەستىك كۇرەسىن ەشقاشان بوساڭسىتپاۋ كەرەكتىگى جونىندە نۇسقاۋ بەردى. ءبىرىنشى شەپتە جۇمىس ىستەيتىن نەگىزگى ساتى كادرى رەتىندە زورلىقتى كۇش لاڭكەستىككە قارسى تۇرۋ ماسەلەسىندە ايقىن تانىم، اشىق پوزيتسيا ۇستانىپ، پارمەندى ارەكەت جاساپ، ادام ومىرىنە زالال جەتكىزەتىن جاۋىز لاڭكەستەرگە اياۋسىز سوققى بەرۋىمىز كەرەك».

  «ات توبەلىندەي جاۋلاردىڭ بۇلىگى شينجياڭنىڭ ورنىقتىلىق جالپى جاعدايىن، شينجياڭنىڭ قارىشتاپ دامۋى سىندى تاماشا اۋقىمدى بۇلدىرە المايدى، شينجياڭداعى ءار ۇلت بۇقاراسىنىڭ جارقىن ومىرگە دەگەن ىنتا - ارمانىن تالقانداي المايدى. ولاردىڭ وتپەن ويناعان بۇل ارەكەتى تاريح تەگەرشىگىنىڭ استىندا جانشىلىپ قالا بەرەدى. ولار بۇلىك سالىپ شينجياڭنىڭ ورنىقتىلىعى مەن دامۋى سىندى تاماشا جاعدايدى بۇلدىرگىسى كەلگەن سايىن، ءبىز دە مۇنداي تاماشا جاعدايدى باتىل تۇردە قورعاي ءتۇسۋىمىز كەرەك. شينجياڭداعى ءار ۇلت حالىق بۇقاراسى تاسقىنداعان رۋحاني كۇيمەن، تۇرمىسقا، قىزمەتكە ات سالىسىپ، لاڭكەستەرگە ءىس جۇزىندىك ارەكەتىمەن قايتارما سوققى بەرەدى»، - دەدى بيڭتۋان 6 - ديۆيزياسى كوممۋنيستىك جاستار وداعى ەگىس الاڭى پارتكومى كەڭسەسىنىڭ ورىنباسار مەڭگەرۋشىسى جين گاڭ.

  اسقاق سەزىممەن شىنايى يگەرىپ، ناقتاپ ىستەدى

  «باس شۋجيدى كورگەنىم − مەن ءۇشىن ومىردەگى ۇلكەن ابىروي». بيڭتۋان 6 - ديۆيزياسى كوممۋنيستىك جاستار وداعى ەگىس الاڭى 7 - روتاسى پارتيا ياچەيكاسىنىڭ شۋجيى، جەتەكشى جۋ حۇڭبين بىلاي دەدى: الداعى ۋاقىتتا قىزمەتىمدى ءتىپتى قۇلشىنا ىستەپ، ءىرى ەگىمشىلىگىن، وتباسى باعىمشىلىعىن دامىتۋ، سىرتقا ەڭبەككۇش شىعارۋ سياقتى ارنالار ارقىلى جۇمىسشى - قىزمەتكەرلەر كىرىسىنىڭ ارتۋىنا دەم بەرەمىز؛ ءار ءتۇرلى مادەني قيمىلدار وتكىزىپ، جۇمىسشى - قىزمەتكەرلەردىڭ مادەنيەت ساپاسىن ءوسىرىپ، رۋحاني ءومىرىن بايىتامىز. «ءبىزدى قاجەت ەتكەن زاماندا اتويلاپ العا شىعىپ، لاڭكەستەرمەن باتىل كۇرەسىپ، شينجياڭنىڭ قوعام ورنىقتىلىعى مەن باياندى تىنىشتىعىنا ۇلەس قوسامىز».

  ليۋ لەي بىلاي دەدى: شينجياڭ اسكەري رايونى ءتوراعا شي جينپيڭنىڭ ماڭىزدى ءسوزىنىڭ رۋحىن ۇيرەنۋ جەتىستىكتەرىن شەكارانى، ورنىقتىلىقتى قورعاۋ بورىشى مەن مىندەتىن وتەۋدىڭ ءىس جۇزىندىك ارەكەتىنە اينالدىرىپ، اسكەري كۇرەس دايىندىعىن ويداعىداي ىستەۋدى يگەرىپ، شينجياڭنىڭ قوعام ورنىقتىلىعىن باتىل قورعاپ، ناقتى سوعىس جاتتىعۋىن كۇشەيتىپ، اسكەري ءبولىم قۇرىلىسىن ءبىر تۇتاس يگەرەدى. كەلەسى قادامدا ءتوراعا شي جينپيڭنىڭ ماڭىزدى ءسوزىنىڭ رۋحىن ۇيرەنۋمەن ۇشتاستىرىپ، حالىقتىق قارۋلى بولىمدەردەن 50ىن اۆتونوميالى رايوننىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا ات سالىسىپ، ءتۇيىندى الەۋمەتتىك اۋماقتارعا، اۋىل - قىستاقتارعا، مال فەرمالارىنا بارىپ، بۇقاراعا قىزمەت ەتۋ جۇمىسىن تىڭعىلىقتى ىستەۋگە دەن قويا جەتەكشىلىك ەتەمىز؛ اسكەري رايون پارتكومىنىڭ قاتىستى قىزمەت جوباسىنا ساي، ناقتى مىندەتتەردى جوعارى ولشەممەن ورىنداپ، قوعام ورنىقتىلىعى مەن باياندى تىنىشتىقتىڭ بۇقارالىق نەگىزىن شىن مانىندە مىقتاپ قالايمىز.

  1 - مامىردا لوپ اۋداندىق پارتكوم باس شۋجيدىڭ ماڭىزدى ءسوزىنىڭ رۋحىن دايەكتى تياناقتاندىرۋ جونىندە ورنالاستىرۋ جاساپ، باس شۋجيدىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى بۇكىل اۋدان بويىنشا ماڭداي الدى ماڭىزدى ساياسي مىندەت ەتۋدى ايقىندادى. اۋداندىق پارتكومنىڭ شۋجيى ۋاڭ يۇيجۇن بىلاي دەدى: ءبىز باس شۋجيدىڭ ماڭىزدى ءسوزىنىڭ رۋحىن لوپ اۋدانىنىڭ قوعام ورنىقتىلىعىن قورعاۋدىڭ، كۇشتى شوعىرلاندىرا وتىرىپ رەفورما جۇرگىزىپ، جاڭالىق اشۋدىڭ، لوپ اۋدانىنىڭ باياندى تىنىشتىعىن ىلگەرىلەتۋدىڭ شىعىس جەلىنە اينالدىرامىز.

  گۋما اۋداندىق پارتكومنىڭ شۋجيى شىن ي بىلاي دەدى: گۋما اۋدانى ناقتى جاعدايعا نازا اۋدارىپ، ناقتى ىستەر ىستەپ، ناقتى پىكىرلەرگە قۇلاق اسىپ، شىنايى ونىمدىلىككە ءمان بەرىپ، باس شۋجيدىڭ ماڭىزدى ءسوزىنىڭ رۋحىن باتىل تياناقتاندىرىپ، بۇقاراعا قىزمەت ەتۋ جۇمىسىن تياناقتى ىستەۋگە بارىنشا قۇلشىنادى.

  اۆتونوميالى رايوندىق ايەلدەر بىرلەستىگىنىڭ ءتورايىمى قاسيەت ءالي بىلاي دەدى: اۆتونوميالى رايوندىق ايەلدەر بىرلەستىگى ءار دارەجەلى ايەلدەر بىرلەستىگى ۇيىمدارىنىڭ بۇقارالىق قىزمەت باسىمدىلىعىن ساۋلەلەندىرىپ، ءار ۇلت ايەلدەر قاۋىمىن يدەيا، ءىس - ارەكەتتە پارتيا ورتالىق كوميتەتىمەن بارىنشا ءبىر اۋىزدىلىقتى ساقتاۋعا باستاپ، «شاڭىراقتىڭ» ۇلتتار ىنتىماعىن كۇشەيتۋدەگى، قوعام ورنىقتىلىعىن قورعاۋداعى ءبىرىنشى ساباقحانا، ءبىرىنشى بازا رەتىندىگى ماڭىزدى رولىن شىن مانىندە ساۋلەلەندىرۋى كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.