- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون 32 - رەتكى ۇلتتار ىنتىماعى تاربيە ايى قيمىلى بايلانىسىمەن اتتانىسقا كەلتىرىپ، ورنالاستىرۋ جاسادى ۇلتتار ىنتىماعىن وزىمىزدەن باستايىق
2014.05.08 13:19 كەلۋ قاينارى : ءتاڭىرتاۋ تورابى
 |
6 - مامىر كۇنى اۆتونوميالى رايون 32 - رەتكى ۇلتتار ىنتىماعى تاربيە ايى قيمىلىن اتتانىسقا كەلتىرۋ ءماجىلىسىن اشتى.
|
■ ۇلتتار ىنتىماعىنىڭ شۇلەن شۇعىلاسى ءار ۇلت حالقىنىڭ جان سارايىن شۋاققا بولەسىن
■ ءار ۇلت جاستارى مەن وسپىرىمدەرى كىشكەنتايىنان بىرگە ويناپ، بىرگە ۇيرەنىپ، بىرگە ەسەيىپ - ەرجەتسىن
■ ۇلتتار ىنتىماعى تانىمى قوعامنىڭ ءاربىر كلەتكاسىنا ءنار بەرسىن
■ تيانشان تاۋىنىڭ تۇستىگى مەن تەرىستىگىندە ۇلتتار ىنتىماعىنىڭ بايشەشەگى قۇلپىرسىن
اۆتونوميالى رايون 6 - مامىر تۇستەن بۇرىن تەلەۆيزور - تەلەفون ءماجىلىسى فورماسىمەن «ۇلتتار ىنتىماعىن وزىمىزدەن باستايىق» اتىنداعى 32 - رەتكى ۇلتتار ىنتىماعى تاربيە ايى قيمىلىن اتتانىسقا كەلتىرۋ ءماجىلىسىن اشىپ، باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنۋ، دايەكتىلەندىرۋ، جاڭا جاعدايدا ۇلتتار ىنتىماعى تاربيەسى قىزمەتىن كۇشەيتۋ جونىندە اتتانىسقا كەلتىرىپ، سايكەستى ورنالاستىرۋ جاسادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ماجىلىستە ماڭىزدى ءسوز سويلەدى. ول بىلاي دەپ باسا دارىپتەدى: «ۇلتتار ىنتىماعىن وزىمىزدەن باستايىق» دەيتىن ارەكەت ۇستانىمىن باسشىلىققا الىپ، قوعامدىق كۇشتەرگە كەڭ كولەمدە ۇگىت جاساپ جانە ولاردى اتتانىسقا كەلتىرىپ، بارلىق ادام ۇلتتار ىنتىماعىن قاستەرلەيتىن، بۇكىل قوعام ۇلتتار ىنتىماعىن كوز قاراشىعىنداي قورعايتىن تاماشا جاعداي قالىپتاستىرىپ، ءار ۇلت حالقىنىڭ جان سارايىن ۇلتتار ىنتىماعىنىڭ شۇلەن شۇعىلاسىنا بولەيىك!
كۇش بىرلىكتە، بەرەكە - بىرلىكتىڭ اسپايتىن اسۋ، المايتىن قامالى بولمايدى
جاڭ چۇنشيان: باس شۋجي شي جينپيڭ جاڭا جاعدايدا شينجياڭنىڭ قوعام ورنىقتىلىعىن قورعاۋ، قارىشتاپ دامۋدى جەبەۋ، حالىق تۇرمىسىن قامتاماسىز ەتۋ جانە جاقسارتۋ، ۇلتتار ىنتىماعىن نىعايتۋ، پارتيا قۇرىلىسىن كۇشەيتۋ قىزمەتى جونىندە ايقىن تالاپتار قويىپ، شينجياڭ قىزمەتىنىڭ تابىستارىن تولىق تۇراقتاندىردى. قول جەتكىزگەن ناتيجەلەر شينجياڭداعى ءار ۇلت كادر - جۇرتشىلىعىنىڭ سۋبيەكتتىك رولدارىن جەتە ساۋلەلەندىرىپ، ىنتىماقتاسا كۇرەس جاساۋىنىڭ جەمىسى؛ ۇلتتاردىڭ ۇلى ىنتىماعى بولماسا، شينجياڭنىڭ بۇگىنگى كۇنى بولماس ەدى، - دەدى. جاڭ چۇنشيان: باس شۋجي شي جينپيڭ كۇش بىرلىكتە؛ بەرەكە - بىرلىكتىڭ اسپايتىن اسۋ، المايتىن قامالى بولمايدى؛ شينجياڭ ماسەلەسىندە ەڭ قيىن، ەڭ ۇزاققا جالعاساتىن ماسەلە ۇلتتار ىنتىماعى ماسەلەسى، - دەپ اتاپ كورسەتتى. ءبىز باس شۋجيدىڭ ماڭىزدى ءسوزىنىڭ رۋحىن جەتەكشى ەتىپ، جاڭا جاعدايدا ۇلتتار ىنتىماعى قىزمەتىن ويداعىداي جاقسى ىستەۋدىڭ كەلەلى ءمانىن، جۇڭگوشا سوتسياليزم جولىنىڭ ەلىمىزدىڭ ۇلت ماسەلەسىن شەشۋدەگى دۇرىس جول ەكەنىن جىعا تانىپ، ۇلتتىق تەرريتوريالىق اۆتونوميا تۇزىمىنە باستان - اياق تاباندى بولىپ جانە ونى كەمەلدەندىرىپ، ءار ۇلت جۇرتشىلىعىنا سەنىم ارتىپ جانە ارقا سۇيەپ، تىڭ جاعداي، جاڭا ماسەلەلەرگە تىنباي زەرتتەۋ جۇرگىزىپ، شينجياڭنىڭ ۇلتتار ىنتىماعى قىزمەتىنىڭ جاڭا جاعدايىن قۇلشىنا اشايىق، - دەدى.
ىنتىماق − كۇش
جاڭ چۇنشيان بىلاي دەپ اتاپ كورسەتتى: ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، اۆتونوميالى رايوندىق پارتكوم ورتالىقتىڭ ورنالاستىرۋىنا ساي، ۇلتتاردىڭ ۇلى ىنتىماعى تۋىن بيىك ۇستاپ، وسى زامانعى مادەنيەتتىڭ جەتەكشىلىك ەتۋ رولىن تولىق ساۋلەلەندىرىپ، ۇلتتار ىنتىماعى قىزمەتىن تەرەڭدەتۋگە قاتىستى ءبىر قاتار تىڭ تانىم، تىڭ وي، تىڭ شارانى العا قويىپ، «ۇلى وتاندى قىزۋ ءسۇيىپ، مەكەندى كوركەيتەيىك» تاقىرىبىنداعى تاربيە قيمىلىن ىشكەرىلەي ورىستەتىپ، شينجياڭ رۋحىن زور كۇشپەن ساۋلەلەندىرىپ، ءبىر تۇلعالى، كوپ نەگىزدى، توعىسپالى، اشىق، شينجياڭدىق ەرەكشەلىككە يە وسى زامانعى مادەنيەتتى كۇش سالا دامىتىپ، ءار ۇلت جۇرتشىلىعىن العاباسار، اشىق، باۋىرمال، وركەنيەتتى، عىلمي كوزقاراستار ورناتۋعا تاربيەلەپ جانە جەتەكتەپ، ۇلتتاردىڭ تاتۋ - ءتاتتى ءوتىپ، ءبىر جاعادان باس، ءبىر جەڭنەن قول شىعارىپ، جاراسىمدى دامۋىن ىلگەرىلەتىپ، بۇكىل قوعامدا ىنتىماقتى، تاتۋ - ءتاتتى، بەلسەندى، العا باسقان، شينجياڭدى قىزۋ سۇيەتىن، كورىكتى مەكەن قۇرۋعا ۇمتىلاتىن تاماشا اۋقىم قالىپتاستىردى. جاڭ چۇنشيان: ءار ۇلت پارتيالى كادرلارى ۇلتتار ىنتىماعى قىزمەتىندە قول جەتكەن تىڭ تابىستاردى قاستەرلەپ، تاماشا جاعدايدى ونان ارى بەكەمدەۋى، دامىتۋى كەرەك. جاۋلار ءبىزدىڭ بىرلىگىمىزدەن قورقادى، بۇل كۇش بىرلىكتە ەكەنىن تۇسىندىرەدى؛ جاۋلار ۇلتتار ىنتىماعىن بۇلدىرۋگە سۇقتانعان سايىن ءبىز ىنتىماقتاسا تۇسۋگە ءتيىسپىز! شينجياڭداعى ءار ۇلت حالقى تىعىز ىنتىماقتاسىپ، قاس جاۋلارعا قاتار قارسى تۇرىپ، جۇدىرىقتاي جۇمىلاتىن بولسا، ءسوز جوق، زورلىقتى كۇش لاڭكەستەرىنىڭ اپتىعىن باسىپ ءتۇسىپ، ءار ۇلت حالقىنىڭ وتان بىرلىگىن، ۇلتتار ىنتىماعىن، قوعام ورنىقتىلىعىن قورعاۋداعى قۇرىش قورعانىن بەرىك تۇرعىزا الامىز، - دەدى.
ۇلتتار ىنتىماعىن قورعاۋ − ەڭ ۇلكەن داڭق، ۇلتتار ىنتىماعىن ءبۇلدىرۋ − ەڭ ۇلكەن نامىس
جاڭ چۇنشيان: ۇلتتار ىنتىماعى قىزمەتىن ويداعىداي جاقسى ىستەۋ ءۇشىن، ءسوز جوق، پارتيانىڭ بۇقارالىق لۋشيانىنا تاباندى بولىپ، بۇقارالىق قىزمەتتى باسشىلىققا الۋدان جازباي، ۇلتتار ىنتىماعىنىڭ يدەيالىق نەگىزى مەن قىزمەت نەگىزىن بەكەمدەۋ كەرەك، - دەپ باسا دارىپتەدى. ول: ۇلت ساياساتى − ۇلت قىزمەتىنىڭ جان تامىرى، پارتيانىڭ ۇلت ساياساتىن جاپپاي دايەكتى تياناقتاندىرىپ، ۇلتتار ىنتىماعى العاباسارلىعى جونىندەگى تاربيەنى كۇشەيتۋ، سول ارقىلى ءار ۇلت كادرلارى مەن جۇرتشىلىعى ۇلتتار ىنتىماعىن سانالىلىقپەن قورعاۋ − ەڭ ۇلكەن داڭق، ۇلتتار ىنتىماعىن ءبۇلدىرۋ − ەڭ ۇلكەن نامىس دەگەن تانىم ورناتۋى قاجەت. ساياسات جانە زاڭ ۇگىتىن كۇشەيتىپ، بۇكىل قوعامدا ءىستى ساياسات، زاڭ بويىنشا جۇرگىزەتىن ويلاۋ ءادىسى مەن ارەكەت ۇلگىسىنىڭ قالىپتاسۋىن جەبەۋ كەرەك. حالىقتىڭ ءومىرى مەن مال - مۇلكىنىڭ حاۋىپسىزدىگىنە قاتەر توندىرەتىن، ۇلتتار ىنتىماعى مەن قوعامنىڭ ورنىقتىلىعىنا زيان جەتكىزەتىن، بولشەكتەۋ، ءبۇلدىرۋ ارەكەتتەرىنە ايداپ سالاتىن جانە ونىمەن اينالىساتىن زاڭعا قايشى قىلمىستىق ارەكەتتەردى، مەيلى قايسى ۇلت بولۋىنا قاراماستان، ءسوز جوق، زاڭ بويىنشا تەكتەۋ كەرەك. ءدىندى سوتسياليستىك قوعاممەن سايكەسۋگە بەلسەندىلىكپەن جەتەلەۋ قاجەت، - دەپ اتاپ كورسەتتى.
ءار ۇلت جاستارى مەن وسپىرىمدەرى كىشكەنتايىنان بىرگە ويناپ، بىرگە ۇيرەنىپ، بىرگە ەسەيىپ - ەرجەتسىن
جاڭ چۇنشيان: ۇگىت - تاربيەنى تەرەڭدەتىپ، تانۋ مەن قۇپتاۋدى نىعايتۋ كەرەك. جۇڭگوشا سوتسياليزم جانە جۇڭگو ارمانى، سوتسياليستىك وزەكتى قۇن كوزقاراسى، پارتيا تاريحى، مەملەكەت تاريحى، سوتسياليزمنىڭ دامۋ تاريحى جانە شينجياڭنىڭ «ءۇش تاريحى» جونىندەگى ۇگىت - تاربيە قيمىلىن كەڭ كولەمدى ورىستەتىپ، «ورتاق تاعدىر، ورتاق مۇرات، ورتاق كۇرەس» اتىنداعى ۇگىت - لەكسيانى قانات جايدىرۋ كەرەك. پارتيانىڭ شاپاعاتىن، مەملەكەتتىڭ قولداۋىن، ءار ۇلت حالقىنىڭ ەڭبەكشىلدىگى مەن ءوزارا كومەگىن، شينجياڭنىڭ سۋبيەكتتىك رولىن، بەلسەندى دە ءورشىل رۋحاني بەت - بەينەنى تايسالماي دارىپتەۋ كەرەك، - دەپ اتاپ كورسەتتى. جاڭ چۇنشيان: جاستار مەن وسپىرىمدەرگە ۇلتتار ىنتىماعى تاربيەسىن جۇرگىزۋدى كورنەكتى ورىنعا قويىپ، مەكتەپكە دەيىنگى تاربيەدەن جوعارى مەكتەپ تاربيەسىنە دەيىن، وقۋشىلاردى الدىمەن پارتيانى، وتاندى، حالىقتى، جۇڭحۋا ۇلتىن سۇيەتىن ادام ەتىپ تاربيەلەۋ كەرەك. ۇلتتار ىنتىماعىن مەكتەپ تاربيەسىنىڭ، وتباسى تاربيەسىنىڭ، قوعام تاربيەسىنىڭ ءارقايسى بۋىنىمەن ساباقتاستىرۋ، سول ارقىلى ءار ۇلت جاستارى مەن وسپىرىمدەرىنىڭ كىشكەنتايىنان بىرگە ويناپ، بىرگە ۇيرەنىپ، بىرگە ەسەيىپ - ەرجەتىپ، قول ۇستاسىپ، سىر اعىتىسىپ، دوس بولۋىنا مۇمكىندىك تۋدىرىپ، ولاردى قارشاداي كۇنىنەن ۇلتتار ىنتىماعىن قاستەرلەۋگە باۋلىپ، ءبىر ءۇيدىڭ بالاسىنداي ۇلتارالىق قاتىناس ورناتۋ قاجەت، - دەپ باسا دارىپتەدى.
مادەنيەت − ۇلتتاردىڭ بەرەكە - بىرلىگى مەن جاراسىمدىلىعىنىڭ قۇدىرەتتى رۋحاني دانەكەرى
جاڭ چۇنشيان مىنانى اتاپ كورسەتتى: مادەنيەت − ۇلتتاردىڭ بەرەكە - بىرلىگى مەن جاراسىمدىلىعىنىڭ قۇدىرەتتى رۋحاني دانەكەرى. وسى زامانعى مادەنيەتتى جەتەكشى ەتىپ، ۇلتتار ىنتىماعى قىزمەتىن ويداعىداي ىستەۋ كەرەك. ۇلتتار مادەنيەتىنە اشىق كوزقاراس ۇستانۋدى دارىپتەپ، ۇلتتار ىنتىماعىندا باۋىرمال، كەشىرىمشىل بولۋدى ۇزدىكسىز كۇشەيتىپ، ۇلتتاردىڭ بارىس - كەلىسى مەن اۋىس - كۇيىسىن جەبەپ، ۇلتارالىق كىربەڭدىكتى كۇش سالا جويىپ، ۇلتارالىق سەنىمدىلىكتى نىعايتۋ كەرەك. از ۇلتتاردىڭ زاڭدى ۇقىق - مۇددەسىن قامتاماسىزداندىرىپ، ۇلتتاردىڭ مادەنيەتى مەن ادەت - عۇرپىنا قۇرمەت ەتىپ، ۇلتتىق كەمسىتۋشىلىكتىڭ قانداي دا ءبىر تۇرىنە قارسى تۇرۋ كەرەك. سوتسياليستىك وزەكتى قۇن جۇيەسىن جەتەكشى ەتىپ، شينجياڭداعى ءار ۇلت حالقىنىڭ ورتاق مادەني، رۋحاني مەكەنىن گۇلدەندىرىپ، «4 تانىمدى» ۇزدىكسىز كۇشەيتىپ، ءمورال مەن ىزگىلىكتى ارداق تۇتاتىن قۇدىرەتتى كۇش قالىپتاستىرۋ كەرەك. شينجياڭ رۋحىن بارىنشا ساۋلەلەندىرىپ، «قۇلشىنعاندا عانا وزگەرتۋگە بولادى، قۇلشىنساق عانا وزگەرتە الامىز» دەگەن يدەيانى ءار ۇلت كادر - جۇرتشىلىعىنىڭ تالماي تالاپتاناتىن سانالى ارەكەتىنە اينالدىرۋ كەرەك.
ءار ۇلت حالقىن ىنتىماقتاستىرىپ، «3 ءتۇرلى كۇشپەن» باتىل كۇرەسەيىك
جاڭ چۇنشيان مىنانى باسا دارىپتەدى: ءار ۇلت بۇقاراسىن بىلىقپالىق − جۇت، ورنىقتىلىق − قۇت دەگەن قيسىن مەن ۇلتتىق بولشەكتەۋشى كۇشتەر ۇلتتار ىنتىماعىن بۇلدىرۋگە سۇقتانعان سايىن، ۇلتتار ىنتىماعىنىڭ ۇلى تۋىن ونان ارى بيىك ۇستاپ، ارميا مەن ۇكىمەتتىڭ، ارميا مەن حالىقتىڭ، ساقشى مەن حالىقتىڭ، بيڭتۋان مەن جەرگىلىكتى ورىننىڭ ىنتىماعىن ونان ارى نىعايتۋ كەرەك دەگەن كوزقاراستى اركەز ەستەن شىعارماۋعا تاربيەلەۋ كەرەك. ول مىنانى اتاپ كورسەتتى: زورلىقتى كۇش لاڭكەستىك قىلمىستىلارىنىڭ ادامزاتقا، قوعامعا، وركەنيەتكە قارسى جيرەنىشتى تابيعاتىن ءار ءتۇرلى فورمامەن جەرىنە جەتە پاش ەتىپ، ءار ۇلت بۇقاراسىن، اسىرەسە، جاس وسپىرىمدەر مەن ايەلدەردى دۇرىس پەن بۇرىستى پارىقتاپ، اق پەن قارانى اجىراتا بىلۋگە جەتەكتەپ، بۇكىل قوعامدا زورلىقتى كۇش لاڭكەستىك ارەكەتىنە بارلىق ادام نالەت جاۋدىراتىن، بارلىق ادام قارسى تۇراتىن جاعداي قالىپتاستىرۋ كەرەك. نەگىزگى ساتىداعى كادرلاردى، پارتيا مۇشەلەرىن، وداق مۇشەلەرىن اتتانىسقا كەلتىرىپ، «جيھاد قۇرباندارى ۇجىماققا بارادى» دەگەن ساندىراقتارعا تويتارىس جاساپ، ءدىني ۇشقارىلىقتىڭ تامىرىنا بالتا شاۋىپ، ءدىني ۇشقارى يدەيالاردىڭ كەۋلەپ كىرۋىن باتىل تەجەۋ كەرەك.
ۇلتتار ىنتىماعى مەن دىندەر جاراسىمدىلىعى − شينجياڭداعى ەڭ ماڭىزدى بۇقارالىق قىزمەت
جاڭ چۇنشيان: ۇلتتار ىنتىماعى مەن دىندەر جاراسىمدىلىعى − شينجياڭداعى ەڭ ماڭىزدى بۇقارالىق قىزمەت، بۇل قىزمەتتى ويداعىداي ىستەۋ ءۇشىن، ەڭ الدىمەن، از ۇلتتار ءجيى قونىستانعان جەرلەرگە بارۋ، ەڭ ماڭىزدىسى، نەگىزگى ساتىعا بارۋ، ەڭ ناتيجەلىسى، بۇقارانىڭ اراسىنا بارۋ، ەڭ ءتۇيىندىسى، نەگىزگى ساتى قۇرىلىسىن كۇشەيتۋ كەرەك، - دەدى. ول مىنانى اتاپ كورسەتتى: «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن پارتيانىڭ 2 - توپتاعى بۇقارالىق لۋشيان تاربيەسى جانە امالياتتىق قيمىلىن ورىستەتۋدىڭ ماڭىزدى دانەكەرى، بۇقارامەن تىعىز بايلانىس جاساپ، حالىقتىڭ تىلەگىن توعىستىرۋدىڭ ەڭ ماڭىزدى ءتاسىلى ەتىپ، «ۇلتتار ىنتىماعىن وزىمىزدەن باستايىق» دەگەن تاقىرىپتى مىقتاپ ارقاۋ ەتىپ، ۇلتتار ىنتىماعى العاباسارلىعىنداعى وزات ورىن قۇرۋ قيمىلىن ءتۇرلى فورما ارقىلى ءىس جۇزىندىك جاعدايمەن ۇشتاستىرا ورىستەتىپ، ءار ۇلت بۇقاراسىنا ناقتى، جاقسى ىستەر ىستەپ بەرىپ، مۇمكىندىكتىڭ بارىنشا بۇقاراعا ۇگىت جۇرگىزىپ، تاربيە بەرىپ، اتتانىسقا كەلتىرىپ، قىزمەت وتەپ، ۇگىت - ءناسيحات رولىن شىنايى ساۋلەلەندىرۋ قاجەت. نەگىزگى ساتىلارعا ناقتى، جاقسى ىستەردى كوبىرەك ىستەپ بەرىپ، حالىق تۇرمىسىن جاقسارتۋ بارىسىن پارتيانىڭ حالىققا تيىمدىلىك جاساۋ ساياساتىن ۇگىتتەپ، «4 تانىمدى» كۇشەيتۋ بارىسىنا، بۇقارامەن بايلانىس جاساپ، دوستاسىپ، سىر شەرتىسۋ بارىسىنا، ماسەلەلەردى شەشىپ، جۇرت تىلەگىن توعىستىرۋ بارىسىنا اينالدىرۋ كەرەك.
ۇلتتار ىنتىماعى تانىمى قوعامنىڭ ءاربىر كلەتكاسىنا ءنار بەرسىن تيانشان تاۋىنىڭ تۇستىگى مەن تەرىستىگىندە ۇلتتار ىنتىماعىنىڭ بايشەشەگى قۇلپىرسىن
جاڭ چۇنشيان بىلاي دەدى: ۇيعۇرلاردا «تەڭىزگە تامعان تامشى تەرەڭگە تارتادى» دەگەن ماقال بار. ۇلتتار ىنتىماعىنىڭ تىنىسى امالياتتا، ول قوعام مۇشەلەرىنىڭ دەن قويا قورعاپ، سانالى ارەكەت ەتۋىنە مۇقتاج. ءار ۇلت حالقى ۇلتتار ىنتىماعىن كوز قاراشىقتارىنداي قورعاۋى كەرەك. جاڭ چۇنشيان مىنانى تالاپ ەتتى: ۇيىمدىق باسشىلىقتى كۇشەيتىپ، قىزمەتتە بىرىككەن كۇش قالىپتاستىرۋ كەرەك. ءار دارەجەلى پارتكومدار مەن حالىق ۇكىمەتتەرى ۇلتتار ىنتىماعى جونىندەگى ۇگىت - تاربيە مەن ۇلتتار ىنتىماعى العاباسارلىعىنداعى وزات ورىن قۇرۋ قيمىلىن تاباندىلىقپەن ورىستەتىپ، نەگىزگى ساتى پارتيا ۇيىمدارىنىڭ ۇلتتار ىنتىماعىن قورعاۋداعى ساياسي ۇيتقىلىق رولى مەن جاۋىنگەر قورعاندىق رولىن تولىق ساۋلەلەندىرۋ كەرەك. نەگىزگى ساتىلاردى كوزدە ۇستاپ، ۇلتتار ىنتىماعى تانىمىمەن قوعامنىڭ ءاربىر كلەتكاسىن نارلەندىرۋ كەرەك. پارتيا، ۇكىمەت تاراۋلارى مەن حالىقتىق توپتار ۇلتتار ىنتىماعى قىزمەتىن بىرگە جەبەيتىن تاماشا جاعداي قالىپتاستىرۋ كەرەك. ول مىنانى اتاپ كورسەتتى: پارتيالى كادرلار ۇلتتار ىنتىماعىنىڭ ۇلگىسى بولۋى، بۇقارالىق قىزمەتتى شىن نيەتپەن دەن قويا ىستەپ، ءار ۇلت بۇقاراسىن شىن جۇرەكتەن ءسۇيىپ، ءار ۇلت بۇقاراسىنا شىن پەيىلمەن ارقا سۇيەپ، ءار ۇلت بۇقاراسىنا شىن كوڭىلدەن قىزمەت وتەپ، حالىقتىڭ تىلەگىنە مۇمكىندىكتىڭ بارىنشا قول جەتكىزىپ، حالىقتىڭ تىلەگىن توعىستىرۋ كەرەك. ول مىنانى باسا دارىپتەدى: حالپى حالىق بىردەي ات سالىسىپ، ۇلتتار ىنتىماعىن بىرگە قورعاۋى كەرەك. وزىمىزدەن، جانىمىزداعى ادامداردان، اينالامىزداعى ىستەردەن باستاپ كىرىسىپ، ۇلتتار ىنتىماعىنىڭ سەزىمدىك نەگىزى مەن قوعامدىق نەگىزىن بەكەمدەۋ كەرەك. بۇكىل قوعام مۇشەلەرىن وزىنەن باستاۋعا، كىشى - گىرىم ىستەردەن باستاۋعا جەتەكتەپ، بارلىق ادام ۇلتتار ىنتىماعىن امالياتتا ايگىلەۋشى، ۇلتتار ىنتىماعىنىڭ ۇلگىسى بولۋعا قۇلشىنىپ، ۇلتتار ىنتىماعى بايشەشەگىنىڭ تيانشاننىڭ تۇستىگى مەن تەرىستىگىندە قۇلپىرا جايناۋىنا مۇمكىندىك جاساۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر ءماجىلىستى باسقاردى جانە جاڭ چۇنشيان شۋجيدىڭ ماڭىزدى ءسوزىنىڭ رۋحىن دايەكتى تياناقتاندىرۋ جونىندەگى تالاپتاردى ورتاعا قويدى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇن پارتكومنىڭ «پىكىرىنە» ساي، 32 - رەتكى ۇلتتار ىنتىماعى تاربيە ايى قيمىلى جونىندە تۇسىنىك بەرىپ، ورنالاستىرۋ جاسادى. شوكىرات زاكىر، نۇرلان ءابىلماجىن ۇلى، ليۋ لەي، شاۋكەت يمىن، باي جىجيە، ەركىنجان تۇراحۇن، ت.ب لار ۇرىمجىدەگى نەگىزگى زالداعى ماجىلىسكە قاتىناستى. «شينجياڭ گازەتى»
 |
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوننىڭ 32 - رەتكى ۇلتتار ىنتىماعى تاربيە ايى قيمىلىن اتتانىسقا كەلتىرۋ ماجىلىسىندە ماڭىزدى ءسوز سويلەدى.
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
