- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايونىمىزدا 49 تاس جول نىسانى جاپپاي جۇمىس باستادى
2014.05.09 13:36 كەلۋ قاينارى : ءتاڭىرتاۋ تورابى
8 - مامىردا سانساكۋ − ياركەن جوعارى جىلدامدىقتى تاس جول نىسانىنىڭ مارالباسىداعى جۇمىس باسىندا جايمالاۋشى، تاسۋشى، جول تاپتاۋشى ماشينالار قايشالىسىپ، جۇمىسشىلار اسفالت توسەۋمەن قاربالاستاپ جاتتى. نىسان بولىمىنەن ۇعىسۋىمىزعا قاراعاندا، سانساكۋ − ياركەن جوعارى جىلدامدىقتى تاس جولىنىڭ قۇرىلىس جۇمىسى 10 - ناۋرىزدا جاپپاي قايتا باستالعان، بۇكىل لەنيا بويىنشا «120 كۇن قاۋىرت ەڭبەك ەتىپ، ينجەنەريانى جاپپاي ساپالى ورىنداۋ» ورلەۋىن كوتەرىپ، قاراشا ايىندا اۆتوكولىك قاتىناتۋ جوسپارلانىپتى.
اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىمىزشا، بيىل اۆتونوميالى رايونىمىز قاتىناس - تاسىمال ىستەرى بويىنشا تۇراقتى مۇلىككە 30 - 35 ميلليارد يۋان (بيڭتۋان دا قامتىلادى) قارجى قوسۋدى جوسپارلاپتى. اۆتونوميالى رايوندىق قاتىناس قۇرىلىسىن باسقارۋ مەكەمەسى 28ميلليارد 300 ميلليون يۋان قارجى قوسۋ مىندەتىن ورىنداۋدى جوسپارلاپ، 49 نىساندى جاڭادان سالادى نەمەسە قۇرىلىسىن جالعاستىرادى ەكەن. 5 - ناۋرىزدان باستاپ وڭتۇستىك شينجياڭداعى جوعارى جىلدامدىقتى تاس جول قۇرىلىستارى ىركەس - تىركەس قايتا باستالدى. كۇننىڭ جىلىنۋىمەن سولتۇستىك، شىعىس شينجياڭداعى تاس جول نىساندارى دا ىركەس - تىركەس جۇمىس باستاعان، ءساۋىر ايىنىڭ سوڭىنا دەيىن بۇكىل شينجياڭداعى جاڭادان سالىناتىن نەمەسە قۇرىلىس جۇمىستارى جالعاستىرىلاتىن 49 نىسان جاپپاي جۇمىس باستاپ، تيانشان تاۋىنىڭ تۇستىگى مەن تەرىستىگىندە تاس جول قۇرىلىسى تىڭ ورلەۋگە كوتەرىلدى.
جاڭادان سالىناتىن نەمەسە قۇرىلىس جۇمىستارى جالعاستىرىلاتىن 49 نىساننىڭ ىشىندە وڭتۇستىك شينجياڭداعى تاس جول نىسانى 19، ولار مەملەكەت تاس جولى 3012 لەنياسىنىڭ اقسۋ − قاشقار تاس جولى سياقتى سالىنۋ ۇستىندەگى 14 نىسان مەن ولكە تاس جولى 326 - لەنياسىنىڭ يۇرۇڭقاش ۇلكەن كوپىر نىسانى سياقتى جاڭادان سالىناتىن 5 نىساندى قامتيدى؛ سولتۇستىك شينجياڭداعى تاس جول نىسانى 17، باستىسى، قۇلجا − ءدوڭمازار جوعارى جىلدامدىقتى تاس جولى، ولكە تاس جولى 319 - لەنياسىنىڭ جەمەنەي − جەمەنەي وتكەلى بولەگى سياقتى سالىنۋ ۇستىندەگى 15 نىسان مەن ولكە تاس جولى 313 - لەنياسىنىڭ شاپشال − دولاتى وتكەلى تاس جولى سياقتى جاڭادان سالىناتىن 2 نىساندى قامتيدى؛ شىعىس شينجياڭداعى تاس جول نىسانى 13، مەملەكەت تاس جولى 30 - لەنياسىنىڭ ءۇرىمجى قالاسى اينالمالى جوعارى جىلدامدىقتى تاس جولى (شىعىس لەنيا)، ولكە تاس جولى 116 - لەنياسىنىڭ ۇلانباي وڭتۇستىك ايقاسپالى كوپىرى − ءۇرىمجى اۋدانى سياقتى سالىنۋ ۇستىندەگى 7 نىسان مەن مەملەكەت تاس جولى 312 - لەنياسىنىڭ سانجى بولەگى، سانجى ۇلكەن كوپىرى سياقتى جاڭادان سالىناتىن 6 نىساندى قامتيدى.
ۇعىسۋعا قاراعاندا، بيىل پايدالانۋعا بەرىلەدى دەپ جوسپارلانعان 14 تاس جولدىڭ قازىرگە دەيىن 2164 كيلومەتر بولەگىندە كولىك قاتىناعان. مۇنىڭ ىشىندە اقسۋ − قاشقار جوعارى جىلدامدىقتى تاس جولى، سانساكۋ − ياركەن جوعارى جىلدامدىقتى تاس جولى، ماكىت − قاشقار جوعارى جىلدامدىقتى تاس جولى، شيحۋ − سايرام جوعارى جىلدامدىقتى تاس جولى، قارامايلى − شاۋەشەك جوعارى جىلدامدىقتى تاس جولى، ورقى − التاي جوعارى جىلدامدىقتى تاس جولى سياقتى 1620 كيلومەترلىك 6 جوعارى جىلدامدىقتى تاس جول نىسانى بار. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
