- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حىشيە اتتى تۇڭعىش جۇردەك پويەز ءۇرىمجى قالاسىنا جەتتى
120 كۇن سىناق رەتىندە قاتىناپ، لانجوۋ - شينجياڭ جوعارى جىلدامدىقتى تەمىر جولىن جالپى بەتتىك سىنايدى
2014.05.19 10:36 كەلۋ قاينارى : ءتاڭىرتاۋ تورابى
14 - مامىر كۇنى تەحنيكتەر ءۇرىمجى جۇردەك پويەز جۇمىس بولىمشەسىندە جوعارى جىلدامدىقتى امبەباپ تەكسەرۋشى پويەزCRH2-061Cنى تەكسەرۋدە.
14 - مامىر تۇندە جوعارى جىلدامدىقتى امبەباپ تەكسەرۋشى پويەز − حىشيە CRH2-061C ۇرىمجىگە جەتتى. اتالعان پويەز الداعى 120 نەشە كۇندە لانجوۋ - شينجياڭ تەمىر جولىنىڭ 2 - قوس جەلىسىن جالپى بەتتىك سىناقتان وتكەرىپ، ءۇرىمجى مەن شىباندۇن (گانسۋ اۋماعىندا) ارالىعىنداعى 844 كيلومەترلىك جولدا سىناق رەتىندە قاتىناپ، بىرىككەن تەكسەرۋ، سىناۋ جۇمىستارىن ورىندايدى.
«وقتىڭ ۇشى» ءتارىزدى پاراۆوز تۇمسىعى سونادايدان كوز تارتادى، ۆاگوندارعا ءتۇرلى تەكسەرۋ اسپابى مەن جابدىقتار ورناتىلعان. مەن بۇل پويەزدى 14 - مامىردا ءۇرىمجى جۇردەك پويەز جۇمىس بولىمشەسىنەن كورگەنىمدە، تەحنيكتەر تەكسەرۋ جۇرگىزىپ جاتىپتى. ۇعىسۋعا قاراعاندا، جوعارى جىلدامدىقتى تەمىر جولدا پويەز قاتىناۋدان بۇرىن تىنىش جانە قوزعالىس كۇيىندە بىرىككەن تەكسەرۋ، سىناۋ جۇمىستارىن جۇرگىزۋ قاجەت ەكەن، اتاپ ايتقاندا، جۇردەك پويەزدى جولمەن، ەلەكتر جەلىسىمەن قايتا - قايتا سايكەستىرۋگە تۋرا كەلەدى. بۇل، باستىسى، لەنيانىڭ حاۋىپسىزدىك جاعدايىن تۇراقتاندىرۋ، سيگنال جابدىقتارىن تەكسەرۋ، بايلانىس جەلىسىن تەكسەرۋ، جولاۋشى تاسىمالىنا قىزمەت وتەيتىن ينفورماتسيالىق جۇيەنى تەكسەرۋ، جاراتىلىستىق اپات رەتىندەگى جاۋىن - شاشىننىڭ مولشەرىن، سۇراپىل داۋىلدىڭ جاعدايىن بارلاۋ، سونداي - اق تەمىر جول شەگىن تەكسەرۋ، جول بويىنداعى سايكەستى قۇرىلىستاردىڭ جاعدايىن، تەربەلىس پەن شۋىلدى سىناۋدى قامتيدى ەكەن. مىنە وسى تەكسەرۋ جۇمىستارى بۇكىلدەي اياقتاعاننان كەيىن عانا قوزعالىس كۇيىندەگى تەكسەرۋدىڭ ناتيجەسى تولىمدى بولىپ ەسەپتەلەدى، سودان كەيىن حاۋىپسىزدىكتى تەكسەرىپ وتكىزىپ الۋ، حاۋىپسىزدىكتى باعالاۋ سياقتى قىزمەتتەر جۇرگىزىلىپ، ارى قاراي لانجوۋ - شينجياڭ تەمىر جولىنىڭ 2 - قوس جەلىسى سىناق رەتىندە پايدالانۋ ولشەمىنە جەتەدى.
لانجوۋ - شينجياڭ تەمىر جولىنىڭ 2 - قوس جەلىسى وتەتىن 2 ولكە، ءبىر اۆتونوميالى رايوننىڭ اراسىنان شينجياڭ بىرىككەن تەكسەرۋ، رەتتەۋ جۇمىستارىن الدىمەن اتقارادى. ءۇرىمجى تەمىر جول مەكەمەسى بىرىككەن تەكسەرۋ، رەتتەۋ جۇمىستارىنا قولباسشىلىق ەتۋ شتابىن قۇرىپ، مەكەمە بويىنشا وسى قىزمەتكە جابال ات سالىسىپ، جىلدامدىقتى ءبىر جولدا ولشەمگە جەتكىزىپ، تاسىمال جۇمىستارىن باستاۋ نەگىزگى نىساناسىنىڭ ورىندالۋىنا كەپىلدىك ەتەدى. قازىر تەمىر جول تىنىش كۇيدەگى تەكسەرىپ وتكىزىپ الۋ كەزەڭىندە تۇر، تاياۋ ارادا قوزعالىس كۇيىندەگى بىرىككەن تەكسەرۋ، رەتتەۋ جۇمىستارى باستالادى.
ءۇرىمجى تەمىر جول مەكەمەسى باس ينجەنەرىنىڭ ورىنباسارى، بىرىككەن تەكسەرۋ، رەتتەۋ جۇمىستارىنا قولباسشىلىق ەتۋ شتابىنىڭ باستىعى ياڭ يدىڭ ايتۋىنشا، لانجوۋ - شينجياڭ تەمىر جولىنىڭ 2 - قوس جەلىسى 30 شاقىرىمدىق جەل ءوتىن، دابانچىڭ جەل ءوتىن، 100 شاقىرىمدىق جەل ءوتىن جانە ياندۇن جەل ءوتىن باسىپ وتەدى، سوندىقتان بوراندى كۇنى پويەز قاتىناتۋ وسى رەتكى بىرىككەن تەكسەرۋ، رەتتەۋ جۇمىستارىنىڭ ءتۇيىنى بولماق.
لانجوۋ - شينجياڭ تەمىر جولى 2 - قوس جەلىسىنىڭ قۇرىلىسى 2009 - جىلى 4 - قاراشادا باستالعان، تەمىر جول جەلىسىنىڭ شىعىسى لانجوۋ باتىس ۆوكزالىنان باستالىپ، چيڭحاي ولكەسىنىڭ شينيڭ قالاسىن، گانسۋ ولكەسىنىڭ جاڭيە، جيۋچۋان، جيايۇيگۋان قالالارىن، شينجياڭنىڭ قۇمىل، تۇرپان ايماعىن باسىپ، ءۇرىمجى جاڭا ۆوكزالىنا جەتەدى، پويەزدىڭ ساعاتتىق جىلدامدىعى 250 كيلومەترگە جەتەدى دەپ جوبالانعان. تەمىر جول سالىنىپ بولعاننان كەيىن، ۇرىمجىدەن لانجوۋعا دەيىنگى جول بارىنشا قىسقارادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
