بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

جاڭ چۇنشيان حوتاندا جەر سىلكىنىسى اپاتىنان كەيىنگى قايتا قۇرۋ قىزمەتى ءماجىلىسىن باسقارىپ اشتى

پارتيا مەن ۇكىمەتكە العىس ايتىپ، ۇلى وتاندى قىزۋ ءسۇيىپ، قايتا قۇرۋ ينجەنەرياسىن حالىق قالاۋى ينجەنەرياسىنا اينالدىرايىق

2014.05.21 13:45     كەلۋ قاينارى : ءتاڭىرتاۋ تورابى

  «12 - اقپان» كەريا اۋدانىنداعى جەر سىلكىنىسى اپاتىنان كەيىنگى قايتا قۇرۋ قىزمەتى ءماجىلىسى 20 - مامىردا اشىلدى.

  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى نۇسقاۋىنىڭ رۋحىن اناعۇرلىم دايەكتى تياناقتاندىرۋ ءۇشىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 20 - مامىر كۇنى حوتاندا كەريا اۋدانىنداعى «12 - اقپان» جەر سىلكىنىسى اپاتىنان كەيىنگى قايتا قۇرۋ قىزمەتى ءماجىلىسىن باسقارىپ اشىپ، پارتيا ورتالىق كوميتەتىنىڭ مەيىرى مەن قامقورلىعىن جەتكىزىپ، اپاتتان كەيىنگى قايتا قۇرۋ قىزمەتىنىڭ شارالارىن جاپپاي تياناقتاندىردى.

  قالپىنا كەلتىرۋ، قايتا قۇرۋ جۇمىستارىندا ماڭىزدى ىلگەرىلەۋشىلىككە قول جەتتى

  بيىل 12 - اقپاندا حوتان ايماعىنىڭ كەريا اۋدانىندا 7.3 بال جەر سىلكىندى. اپات جاعدايىنا پارتيا ورتالىق كوميتەتى مەن مەملەكەتتىك كەڭەس باسا ءمان بەردى، باس شۋجي شي جينپيڭ جەر سىلكىنىسىنە قارسى اتتانىپ، اپاتتان قۇتقارۋ جانە اپاتتان كەيىنگى قايتا قۇرۋ قىزمەتى جونىندە 2 رەت ماڭىزدى نۇسقاۋ بەردى؛ لي كىچياڭ، يۇي جىڭشىڭ قاتارلى باسشىلار دا اپاتتان قۇتقارۋ جانە قايتا قۇرۋ قىزمەتى جونىندە ماڭىزدى بەكىتۋ جازدى. اۆتونوميالى رايوندىق پارتكوم اپاتتان قۇتقارۋ جانە اپاتتان كەيىنگى قايتا قۇرۋ قىزمەتى جونىندە دەرەۋ ناقتى ورنالاستىرۋ جاسادى. 20 - ناۋرىز كۇنى جاڭ چۇنشيان قالىڭ قاردا اپات جاعدايى ەڭ اۋىر كەريا اۋدانىنىڭ اچاڭ اۋىلىنا بارىپ، اپاتتان قۇتقارۋ جانە اپاتتان كەيىنگى قايتا قۇرۋ قىزمەتى جونىندە تەكسەرۋ - زەرتتەۋ جۇرگىزدى؛ وسى رەت حوتانعا تاعى ءبىر رەت ارنايى كەلىپ، قايتا قۇرۋ قىزمەتى جونىندە جاڭا تالاپتاردى ورتاعا قويدى. جەر سىلكىنگەننەن بەرى 3 ايدان اسا ۋاقىت ءوتتى، پارتيا ورتالىق كوميتەتى مەن مەملەكەتتىك كەڭەستىڭ باسا ءمان بەرۋىندە، اۆتونوميالى رايوندىق پارتكوم مەن حالىق ۇكىمەتىنىڭ باسشىلىعىندا، مەملەكەتتىڭ قاتىستى مينيسترلىكتەرى مەن كوميتەتتەرىنىڭ جانە شينجياڭعا باعىتتامالى كومەك بەرەتىن ولكە، قالالاردىڭ قولداۋىندا، اپات تۋىلعان وڭىردەگى كادرلار مەن بۇقارا ءبىر نيەتپەن سەلبەسىپ، قالپىنا كەلتىرۋ، قايتا قۇرۋ قىزمەتىندە ماڭىزدى ىلگەرىلەۋشىلىككە قول جەتكىزدى.

  قايتا قۇرۋدا تۇرعىن ءۇي، الەۋمەتتىك قىزمەت وتەۋ قۇرىلعىلارى مەن نەگىزدىك قۇرىلعىلاردى ءتۇيىن ەتۋ كەرەك

  جاڭ چۇنشيان بىلاي دەدى: 12- اقپان كۇنى كەريادا تۋىلعان جەر سىلكىنىسىنىڭ ءدۇمپۋى كۇشتى، شارپىعان اۋماعى كەڭ بولدى، ءبىراق ءولىم - ءجىتىم جاعدايى تۋىلمادى. جەر سىلكىنگەننەن كەيىن، پارتيا ورتالىق كوميتەتى مەن مەملەكەتتىك كەڭەس باسا ءمان بەرىپ، باس شۋجي شي جينپيڭ، لي كىچياڭ زۇڭلي، ءتوراعا يۇي جىڭشىڭ ماڭىزدى بەكىتۋ جازىپ، تالاپتار قويىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە ءجون كورسەتتى. ورتالىق قازىنا قالپىنا كەلتىرۋ، قايتا قۇرۋ قىزمەتىنە ارناۋلى قارجى ورنالاستىرىپ، تۇرعىن ۇيلەر مەن مەكتەپ، ەمدەۋ، دەنساۋلىق ساقتاۋ، جول قاتىناسى، اۋىز سۋ قۇرىلعىلارى سياقتى الەۋمەتتىك نەگىزدىك قۇرىلعى قۇرىلىستارىن ءتۇيىندى تۇردە قامتاماسىزداندىرىپ، قارجىنى اپاتقا ۇشىراعان وڭىردەگى بۇقارانىڭ ءوندىرىس، تۇرمىس شارت - جاعدايىن جاقسارتۋعا جانە ونى جوعارىلاتۋعا جۇمساۋدى تالاپ ەتتى. قۇلاپ قالعان نەمەسە اۋىر دارەجەدە بۇلىنگەن 13 مىڭ 821 تۇرعىن ءۇي تۇگەلىمەن اۆتونوميالى رايوننىڭ بيىلعى بەيقۇت ءۇي سالىپ حالىقتى اۋقاتتاندىرۋ ينجەنەرياسىنا ەنگىزىلدى. وسىنىڭ ءبارى پارتيا مەن مەملەكەتتىڭ شينجياڭعا، اپاتقا ۇشىراعان وڭىردەگى ءار ۇلت جۇرتشىلىعىنا ەرەكشە ءمان بەرەتىندىگىن تولىق ايگىلەدى. ءبىز ورتالىقتىڭ قامقورلىعىن ەستە بەرىك ساقتاپ، اپاتتان كەيىنگى قايتا قۇرۋدى جاندى مىسال ەتىپ، ورتالىقتىڭ قامقورلىعىن، بۇكىل ەل حالقىنىڭ كومەگىن، اۆتونوميالى رايوننىڭ قولداۋىن، ارميانىڭ جاردەمىن بارىنشا ۇگىتتەپ، ءار ۇلت حالقىنىڭ «4 تانىم» تۋراسىنداعى سانالىلىعىن كۇشەيتىپ، ونى مەكەندى كوركەيتۋدىڭ قوزعاۋشى كۇشىنە اينالدىرۋىمىز كەرەك.

  جايلى ۇيگە كوشىرىپ، جاقسى تۇرمىسقا كەنەلتۋ كەرەك

  جاڭ چۇنشيان مىنانى باسا دارىپتەدى: قالپىنا كەلتىرۋ، قايتا قۇرۋ قىزمەتتەرىن ويداعىداي تياناقتاندىرىپ، ءار ۇلت حالقىنا وزگەرىستەردى سەزىندىرىپ، ءۇمىت باعىشتاۋ كەرەك. اپاتتان كەيىنگى قايتا قۇرۋ قۇرىلىسىندا تۇرعىن ۇيلەردى قايتادان سالۋ، الەۋمەتتىك قىزمەت وتەۋ قۇرىلعىلارى مەن نەگىزدىك قۇرىلعىلاردى قايتادان ورناتۋ سىندى 3 مىندەتتى ءتۇيىن ەتۋ كەرەك. جوبانى عىلمي جولمەن جاساۋ جانە اتقارۋ، جوبا پارتيا ورتالىق كوميتەتىنىڭ قامقورلىعىن ايگىلەۋى، عىلىممەن ءىس جۇزىندىك جاعدايعا ساي كەلۋى، جۇرت تىلەگىن توعىستىرۋى؛ تۇرعىن ۇيلەردى قايتا تۇرعىزۋدان ناقتى ناتيجە شىعارىپ، حالىقتىڭ قالاۋىنان شىعىپ، قىس كىرۋدەن ىلگەرى اپاتقا ۇشىراعان 13 مىڭ 821 وتباسىنىڭ جاڭا ۇيگە كوشۋىنە مۇمكىندىك جاساۋ؛ الەۋمەتتىك قىزمەت وتەۋ قۇرىلعىلارى مەن نەگىزدىك قۇرىلعىلاردى قايتا قۇرۋدى جەدەلدەتىپ، بۇقارانىڭ وندىرىسىمەن، تۇرمىسىمەن تىعىز قاتىستى مەكتەپ، شيپاحانا، جول - قاتىناس، سۋ، ەلەكتر جانە قالاشىق نەگىزدىك قۇرىلعىلارىن قالپىنا كەلتىرۋ، قايتا قۇرۋ قۇرىلىسىن الدىمەن ىلگەرىلەتۋ، سونىمەن قاتار وڭتۇستىك شينجياڭدا اتقارىلىپ جاتقان قۇرىلىس پەريودى قىسقا، ورنىقتى داميتىن، تەز ءونىم بەرەتىن نىساندارمەن ۇشتاستىرىپ، ەڭبەككۇش شوعىرلانعان كاسىپتەردىڭ دامۋىن قولداپ، كاسىپتەندىرۋ مەن كىرىستى ارتتىرۋ ماسەلەسىن شەشىپ، اپاتقا ۇشىراعان بۇقارانى جايلى تۇراققا كوشىرىپ قانا قويماي، ولاردىڭ تۇرمىستارىن جاقسارتۋعا كۇش سالۋ كەرەك!

  يگى ىستەردى تىندىرىمدى ىستەپ، حالىقتىڭ قالاۋىنان شىققان ۇلگىلى قۇرىلىستار سالۋ كەرەك

  جاڭ چۇنشيان مىنانى باسا دارىپتەدى: ۇكىمەتتىڭ ۇيىمداستىرۋ، سايكەستىرۋ رولى مەن اپات تۋىلعان وڭىردەگى بۇقارانىڭ سۋبيەكتتىك رولىن ويداعىداي ساۋلەلەندىرىپ، يگى ىستەردى تىندىرىمدى ىستەۋ كەرەك. ءبىرىنشى، بۇقارانىڭ ەڭ كوڭىل بولەتىن، ماسەلەن، تۇرعىن ءۇي كومەك قاراجاتى، الەۋمەتتىك ادىلەتتىلىك، قۇرىلىس ساپاسى، تۇرعىن ۇيلەردىڭ ورنالاسۋى سياقتى يگى ىستەردى تىندىرىمدى ىستەۋ؛ ەكىنشى، دەموكراتيانى ساۋلەلەندىرۋ بارىسىندا يگى ىستەردى تىندىرىمدى ىستەپ، گۋمانيتارلىق وي مەن دەموكراتيالىق يدەيا ورناتىپ، بۇقارامەن تىعىز بايلانىس جاساۋ؛ ءۇشىنشى، ۇكىمەت ۇيىمداستىرۋ، سايكەستىرۋ بارىسىندا يگى ىستەردى تىندىرىمدى ىستەپ، ءار دارەجەلى كادرلاردىڭ ستيلگە بۇرىلىس جاساۋىن جەبەۋ؛ ءتورتىنشى، سۋبيەكتتىك رولدى ساۋلەلەندىرىپ، اپاتقا ۇشىراعان بۇقارانى اپاتتان كەيىنگى قايتا قۇرۋ جۇمىسىنا بەلسەندى، ىرىقتى تۇردە ات سالىسۋعا جەبەپ، ۇدىرە العا تارتۋ بارىسىندا يگى ىستەردى تىندىرىمدى ىستەۋ كەرەك.

  جاڭ چۇنشيان مىنانى باسا دارىپتەدى: اپاتتان كەيىنگى قالپىنا كەلتىرۋ، قايتا قۇرۋ ينجەنەرياسىن حالىق قالاۋى ينجەنەرياسىنا، ۇلگىلى ينجەنەرياعا، تاريحتىڭ سىنىنا تولىمدى، كادرلاردىڭ بۇقارالىق قىزمەت قابىلەتىن جوعارىلاتاتىن ينجەنەرياعا اينالدىرۋ قاجەت. قايتا قۇرۋ ينجەنەرياسى ارقىلى ءبىر توپ كادردى جەتىلدىرىپ، اپاتتان كەيىنگى قايتا قۇرۋ قىزمەتىندە بۇقارا ريزا بولدى ما، جوق پا، قازىنالىق باقىلاۋ بەلگىلەمەگە ساي ما، جوق پا! - بەت - بەينەدە ەلەۋلى وزگەرىس تۋىلدى ما، جوق پا؟ - ساپالى ما، جوق پا دەگەنگە ءمان بەرىپ، كادرلاردىڭ بۇقارالىق قىزمەت قابىلەتىن ءوسىرۋ كەرەك.

  ۇلتتار ىنتىماعى، دىندەر جاراسىمدىلىعى جانە قوعام ورنىقتىلىعى قىزمەتتەرىن ويداعىداي ىستەۋ كەرەك

  حوتان ايماعى تاريحتان بەرى بولشەكتەۋشىلىككە، زورلىقتى كۇش لاڭكەستىگىنە قارسى كۇرەستىڭ الدىڭعى شەبى بولىپ كەلەدى.

  جاڭ چۇنشيان مىنانى باسا دارىپتەدى: قوعام ورنىقتىلىعى مەن باياندى تىنىشتىقتى نىسانا جانە تياناق ەتىپ، ۇلتتار ىنتىماعى، دىندەر جاراسىمدىلىعى، قوعام ورنىقتىلىعى قىزمەتتەرىن ويداعىداي ىستەۋ كەرەك. زورلىقتى كۇش لاڭكەستەرىنە، ءسوز جوق، قاتاڭ سوققى بەرىپ، ولاردىڭ ەڭسەسىن ءتۇسىرىپ، جۇرەگىن شايلىقتىرىپ، ولارعا باس كوتەرتپەۋ كەرەك. پسيحيكالىق شابۋىلعا باسىمدىلىق بەرۋدەن جازباي، ءتۇيىندى ادامدارعا باسا نازار اۋدارىپ، ءتالىم - تاربيە بەرۋگە ءمان بەرۋ كەرەك. «ەكىدەن باتىل ساقتانۋدى» نىسانا ەتىپ، جيرەنىشتى زورلىقتى كۇش لاڭكەستىك دەلولارىنان، كولەمدى توپتىق وقيعالاردان باتىل ساقتانىپ، قوعامنىڭ ورنىقتىلىعى مەن باياندى تىنىشتىعىنا شىنايى كەپىلدىك ەتۋ كەرەك.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر بىلاي دەدى: كەريا اۋدانىنداعى جەر سىلكىنىسى اپاتىنان كەيىنگى قايتا قۇرۋ قىزمەتىنە باسا ءمان بەرىپ، باتىل، پارمەندى شارالار قولدانىپ، ارناۋلى ادام جاۋاپتاندىرىپ، شارالاردى ناقتاپ تياناقتاندىرىپ، قىزمەتتى ىشكەرىلەي، ەگجەي - تەگجەيلى، مۇقيات جۇرگىزۋ؛ ءبىر تۇتاس ويلاستىرىپ، تۇرلەرگە ءبولىپ ورنالاستىرىپ، قايتا قۇرۋ نىساندارىن اپاتقا ۇشىراعان وتباسىلاردىڭ ناقتى جاعدايىنا باعىتتاۋ؛ قايتا قۇرۋ نىساندارى، كومەك قاراجاتتىڭ ولشەمى سياقتىلاردى بۇقاراعا اشىق ايتىپ ءتۇسىندىرۋ؛ قارجىنىڭ حاۋىپسىزدىگىنە كەپىلدىك ەتىپ، قارجىنى قاتاڭ باسقارىپ، ساپا حاۋىپسىزدىگىنە كەپىلدىك ەتىپ، پارتيا ورتالىق كوميتەتى مەن مەملەكەتتىڭ قامقورلىعىن اقتاۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي اپاتتان كەيىنگى قالپىنا كەلتىرۋ، قايتا قۇرۋ قىزمەتى جونىندە ورنالاستىرۋ جاسادى. اۆتونوميالى رايون باسشىلارىنان باي جىجيە، ۋان حايچۋان ماجىلىسكە قاتىناستى. حوتان ايماعىنداعى جاۋاپتى جولداستار اپاتتان كەيىنگى قايتا قۇرۋ قىزمەتىن ويداعىداي جۇرگىزۋگە ءسوز بەردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.