- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ توپىراعىن شۇرايلاندىرىپ، مول قارجى قوسىپ، حالىق تۇرمىسىن ونان ارى جاقسارتايىق
2014.05.23 13:23 كەلۋ قاينارى : شينجياڭ حالىق راديو ستانسياسى تورابى
مامىر ايىنداعى شينجياڭدا، بار الاپ گۇل-گۇل جايناپ، تاماشا تۇسكە ەنەدى، قورعاس اۋدانى كۇرە قالاشىعى جانبۇلاق قىستاعىنىڭ «كاسىپتەنۋ جۇمىس الاڭىنداعى» ءيستى قۇدىستى مانەرلەۋ سەحىندا، قىستاق تۇرعىنى گۇلنار ءيستى قۇدىستان جاسالعان جاستىقتى قوراپقا سالىپ جاتتى. گۇلنار بۇرىن وتباسىنداعى جۇمىسسىز ايەل بولاتىن، وتكەن ايدا كاسىپتەندىرۋ زاۆودى اشىلعاننان كەيىن، ول ءوندىرىس لەنياسىنىڭ جۇمىسشىسى بولدى، ول بىلاي دەدى: وسى ءبىر ايداءبىر مىڭ 500 يۋان ەڭبەكاقى الىپ، قاتتى قۋاندىم، وتباسىمنىڭ كىرىسى مولايدى، بۇدان كەيىن وسى جەردە ۇزاق ۋاقىت قىزمەت ىستەيمىن.
«كاسىپتەندىرۋ زاۆودى» قورعاس اۋدانىنىڭ ءتۇيىندى جۇرگىزگەن حالىق تۇرمىسىن جاقسارتۋ ينجەنەرياسى. اۋىل-قىستاقتاعى، الەۋمەتتىك اۋماقتاعى بوس تۇرعان جەرلەردەن نەمەسە بوس كەڭسە ورنىنان پايدالانىپ، كاسىپتەندىرۋ ورنىن اشتى، مۇندا نەگىزىنەن ەڭبەككۇش شوعىرلى ىستەتەتىن شاعىن كاسىپ نىسانىن دامىتىپ، قىستاق تۇرعىندارىنىڭ جاقىن ماڭدا كاسىپتەنۋىنە مۇمكىندىك جاسادى. جانبۇلاق قىستاعىنىڭ كاسىپتەندىرۋ جۇمىس الاڭىندا دوپپا، فۋتبول، ءيستى قۇدىس ونىمدەرىن مانەرلەۋ سەحى جانە ۇلتتىق كيىم-كەشەك تىگۋ سەحى بار، اشىلعالى ءبىر ايدان ارتىق ۋاقىتتان بەرى كوپ زاكازعا يە بولدى، قورعاس اۋدانى كۇرە قالاشىعى پارتكومىنىڭ شۋجيى ۋاڭ يۇڭشياڭ بىلاي دەدى: ەكى سەرىكتەستىكپەن ۇزاق ۋاقىتتىق توقتام تىلەگىن جاساستىق، دوپپادان ءبىرىنشى توپتا 200 مىڭ، ءيستى قۇدىس سالىنعان جاستىقتان 20 مىڭىن ءوندىرۋ توقتامىن جاساستىق، قازىر ساتۋدان قينالمايمىز، كاسىپتەندىرۋ جۇمىس الاڭىمىزدا جەرگىلىكتى ورىنداعى ايەلدەردىڭ كۇندە ىستەيتىن جۇمىسى بار، اي سايىن اقشا تاۋىپ، جىل سايىن كىرىسىن ارتتىرادى.
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، اۆتونوميالى رايون بۇرىن-سوڭدى بولماعان كۇشتى تەبىنمەن كاسىپتەنۋ قيىن بولۋ ماسەلەسى، بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن كوركەيتۋ، وڭتۇستىك شينجياڭدا تابيعي گاز جاعىندا حالىققا تيىمدىلىك جاراتۋ ينجەنەرياسىن ىلگەرىلەتۋ سياقتى حالىق تۇرمىسى ماسەلەسىن كۇشتى شوعىرلاندىرا وتىرىپ شەشتى. حالىق تۇرمىسىن جاقسارتۋعا قاتىستى 4 ءتۇرلى قۇرىلىستا، شينجياڭنىڭ حالىق تۇرمىسىن جاقسارتۋ قۇرىلىسىنا جۇمساعان شىعىسى 484 ميلليارد يۋاننان اسىپ، الەۋمەتتىك قازىنا مەجە-ەسەبى شىعىسى سالىستىرماسىنىڭ %70 ىن يەلەپ، مەملەكەت بويىنشا ورتاشا دەڭگەيدەن جوعارى بولدى. وسى بارىستا، بۇقارا شۇعىل قاجەت ەتكەن ءبىر توپ نىسان نەمەسە ەرەكشە بۇقارالىق توپتىڭ دامۋىنا ساياتىن نىساندار الدىمەن ورنالاستىرىلدى. ەمدەۋ دەنساۋلىق ساقتاۋدى مىسالعا الساق، 2010-جىلدان باستاپ قازىرگە دەيىن، ەگىن، مال شارۋاشىلىق رايونىنداعى بۇقارانىڭ ەمدەلۋ جاعىنداعى قىسىمىن باسەڭدەتۋ ءۇشىن، اۆتونوميالى رايون بالاۋسا ينجەنەرياسى مەن قان راگىنا شالدىققان بالالاردى قۇتقارۋ-كومەكتەسۋ ينجەنەرياسىن باستاپ، اۋىل-قىستاقتىڭ جاڭاشا سەلبەسىپ ەمدەۋ قامسىزداندىرۋى بويىنشا ەسەپتەن كوتەرىلەتىن سالماقتى ناۋقاس ءتۇرىن 8 دەن 22 ءتۇر بويىنشا 54 ۇساق تۇرگە كوبەيتتى. وسىنىڭ ارقاسىندا، ومىراۋ بەزى راگىنا شالدىققان كورلا قالاسى تۋوروشى قىستاعىنىڭ تۇرعىنى ۋاڭ شۋجۋان تاياۋدا سالماقتى اۋرۋ قامسىزداندىرۋىنا ءوتىنىش بەرىپ، شيپاحاناعا جاتۋ اقىسىنىڭ %70 ىن ەسەپتەن كوتەردى، ول بىلاي دەدى: 29 مىڭ يۋان ەمدەۋ اقىسىنىڭ 17 مىڭى ەسەپتەن كوتەرىلدى، اۋىرتپالىعىمىز جەڭىلدەپ، كوڭىل-كۇيىمىز دە ورنىعىپ قالدى.ەمدەۋ، دەنساۋلىق ساقتاۋ، وقۋ-اعارتۋ، قوعامدىق قامسىزداندىرۋ سياقتى رايونىمىزداعى بۇقارانىڭ ءتول مۇددەسىنە ساياتىن حالىق تۇرمىسىنا قاتىستى ءىرى ماسەلەلەردى شەشۋ مەن بىرگە، اۆتونوميالى رايون ءتۇيىندى حالىق تۇرمىسىن جاقسارتۋ ينجەنەرياسىنىڭ كولەمىن كەڭەيتتى. بيىل رايونىمىز تاعى 61 ميلليارد 660 ميلليون يۋان اقشا شىعارىپ، تيانشاننىڭ تۇستىگى مەن تەرىستىگىندە 25 ءتۇر بويىنشا 150 حالىق تۇرمىسىن جاقسارتۋ ينجەنەرياسىن جۇرگىزىپ، وتكەن جىلداعىعا تاعى دا 50 ءتۇر قوسىلدى، ەڭ كوپ ارتقانى ايماق، وبىلىس، قالالاردىڭ حالىق تۇرمىسىن جاقسارتۋ يجەنەرياسى بولدى، ءارى كوش جولى قۇرىلىسى، مەكتەپ اۆتوكولىگىن ساتىپ الۋ، اۋىل شاراۋشىلىق ونىمدەرىن تىكە ساتۋ دۇكەنى قۇرىلىسى سياقتى نىسانداردى تۇڭعىش رەت ارتتىرىپ، تىڭنان ارتتىرىلعان حالىق تۇرمىسىن جاقسارتۋ نىسانى اۋدان، اۋىل، قىستاق دارەجەلى ورىنداردى شارپىدى. ج ك پ ورتالق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان بىلاي دەدى: ەگەر دامۋدى جەدەلدەتۋ حالىققا تيىمدىلىك اكەلمەسە، حالىق تۇرمىسىن جاقسارتۋ حالىق تىلەگىنەن شىقپاسا، وندا بۇل دامۋدان ماسەلە بايقالعانىن بىلدىرەدى. بيىلعى حالىق تۇرمىسىن جاسقارتۋ ينجەنەرياسىنىن بۇقارا كوڭىل بولگەن جاقتارعا ويىستىرۋعا اناعۇرلىم ءمان بەرىپ، بۇقارانىڭ ەڭ كوكەيتەستى، بارىنشا ءۇمىت ەتكەن نىساندارىن شەشىپ، اناعۇرلىم كوپ بۇقارانى يگىلىككە كەنەلتەمىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
