- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇدىرىقتاي جۇمىلىپ، جاۋعا جاي وتىنداي ءتيىپ، قوعامنىڭ ورنىقتىلىعىن كۇش سالا قورعايىق
2014.05.23 13:45 كەلۋ قاينارى : ءتاڭىرتاۋ تورابى
22 - مامىردا ءۇرىمجى قالاسى سايباق رايونى باقشا سولتۇستىك كوشەسىندەگى تاڭعى بازاردا اۋىر زورلىقتى كۇش لاڭكەستىك دەلوسى تۋىلىپ، اۋىر ءولىم - ءجىتىم بولدى، بۇل تۇتاس شينجياڭداعى ءار ۇلت حالقىنىڭ ىزالى كەگىن قوزعادى. باس شۋجي شي جينپيڭ تاباندا ماڭىزدى نۇسقاۋ بەردى، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان دەر كەزىندە ورنالاستىرۋ جاسادى، اۆتونوميالى رايوندىق پارتكوم مەن حالىق ۇكىمەتى ورەسكەل توسىن وقيعالارعا توتەپ بەرۋ، ءبىر جايلى ەتۋ مەحانيزمىن دەرەۋ ىسكە قوسىپ، جاعدايدى دەر كەزىندە مەڭگەردى، جارالانعان جۇرتشىلىق دەر كەزىندە قۇتقارىلدى.
جان تۇرشىكتىرەتىن، جيىركەنىشتى، قانقۇيلى زورلىقتى كۇش لاڭكەستىك قىلمىسى جازىقسىز جانداردى مەرت قىلىپ، زيانكەستىككە ۇشىراۋشىلاردىڭ وتباسىن شەكسىز قايعىعا باتىرىپ، جانىنا جازىلماس جاراقات سالدى، زورلىقتى كۇش لاڭكەستەردىڭ قۇتىرىنعان قىلمىستىق ارەكەتى بۇكىل شينجياڭداعى ءار ۇلت حالقىنىڭ كەگىن قوزعادى، بۇكىل ەل حالقىنىڭ زىعىردانىن قايناتتى، بۇعان حالىقارالىق قوعام جاپپاي قارسى تۇردى. زورلىقتى كۇش لاڭكەستەرىنىڭ جاۋىزدىق قىلمىسى قوعامدىق ورتاق تارتىپكە، ادامزات وركەنيەتىنىڭ ەڭ تومەنگى شەگىنە اشىقتان - اشىق سوقتىققاندىق، بۇعان ءارقانداي ءبىر ەل، ءارقانداي قوعام ءتوزىپ تۇرا المايدى. قانقۇيلى زورلىقتى كۇش لاڭكەستىك ارەكەتى لاڭكەستەردىڭ − ءار ۇلت حالقىنىڭ ورتاق جاۋى، قوعامدىق جالپى جاعدايدىڭ ورنىقتىلىعىن قورعاۋ − ءار ۇلت حالقىنىڭ ورتاق جاۋاپكەرلىگى ەكەندىگىن تاعى ءبىر رەت سىپاتتادى. ءبىز زورلىقتى كۇش لاڭكەستەرىنىڭ كەشىرۋگە بولمايتىن قىلمىستىق ارەكەتىن قاتاڭ جازعىرامىز، قازا بولعان جازىقسىز جاندارعا قايعىلى ازا بىلدىرەمىز، قازا بولعانداردىڭ وتباسىنداعىلاردان جانە جارالانعانداردان شىنايى حال سۇرايمىز، قازا بولعانداردىڭ ارۋاعىنا تىنىشتىق تىلەيمىز، جارالانعانداردىڭ ەرتەرەك ساۋىعۋىنا تىلەكتەسپىز.
ءبىز زورلىقتى كۇش لاڭكەستەرىنىڭ سۇرقيا ماقساتىن جىعا تانۋىمىز كەرەك. ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاندىعىنىڭ 4 جىلدىعى كەزىندە، اۆتونوميالى رايوننىڭ 23 - رەتكى ۇلتتار ىنتىماعى تاربيە ايى قيمىلى دابىرالى ورىستەتىلگەن تۇستا، زورلىقتى كۇش لاڭكەستەرى اۋىر زورلىقتى كۇش لاڭكەستىك وقيعاسىن تۋدىرىپ، ادام ەڭ كوپ جيىلاتىن تاڭعى بازاردى تاڭداپ، كارى، جاس، ايەل دەمەي جاۋىزدىق ىستەدى، ولاردىڭ ماقساتى ايانىشتى وقيعا ارقىلى قوعامدا اۋىر ىقپال تۋدىرىپ، ۇلتتىق وشپەندىلىك قوزعاپ، ۇلتتار ىنتىماعىن، قوعام ورنىقتىلىعىن ءبۇلدىرىپ، سول ارقىلى وتاندى بولشەكتەۋ بولىپ تابىلادى. زورلىقتى كۇش لاڭكەستەرى سالعان اۋىر ازاپ الدىندا، ءبىز وي − سانانى، ءسوز جوق، ءتىپتى دە سەرگەك ۇستاپ، جاۋدىڭ اككىلىكپەن جوبالاعان شىرعاسىنا ءتۇسىپ، جاقىندارىمىزدىڭ جانىن جارالاپ، جاۋدى ماسايراتاتىن ءىستى استە ىستەمەۋىمىز كەرەك. ءبىز، ءسوز جوق، ولاردىڭ قارانيەت قاسكۇنەمدىگى مەن جيىركەنىشتى كەسپىرىن جىعا تانىپ، جۇدىرىقتاي جۇمىلىپ، جاۋعا نالەت جاۋدىرىپ، ولاردىڭ قارانيەتىن قابىنداتپاۋىمىز، زورلىقتى كۇش لاڭكەستەرىن قاسكۇنەمدىك ماقساتىنا استە جەتكىزبەۋىمىز كەرەك.
قوعام ورنىقتىلىعىن باتىل قورعاۋىمىز كەرەك. ورنىقتىلىق − دامۋدىڭ العى شارتى، ورنىقتىلىق − گۇلدەنىپ - كوركەيۋدىڭ نەگىزى، ورنىقتىلىق − ەڭ ماڭىزدى حالىق تۇرمىسى، بۇل − تاريحتىڭ سىنىنان وتكەن بۇلجىمايتىن اقيقات. تۇتاس شينجياڭداعى ءار ۇلت حالقى ءتول كەشىرمەلەرى ارقىلى ورنىقتىلىقتىڭ الاڭسىز تىرشىلىك ەتۋدىڭ ءتۇپ نەگىزى ەكەندىگىن، ورنىقتىلىق بولماسا، باقىت دەگەننەن اۋىز اشۋعا بولمايتىندىعىن جەتە اڭعاردى. زورلىقتى كۇش لاڭكەستەرىنىڭ قانقۇيلى ارەكەتى شينجياڭداعى ءار ۇلت حالقىنىڭ پارتيا ورتالىق كوميتەتىنىڭ پارمەندى باسشىلىعىندا جانە اۆتونوميالى رايوندىق پارتكوم مەن حالىق ۇكىمەتىنىڭ جەتەكشىلىگىندە، بۇكىل ەلىمىزدەگى ءار ۇلت حالقىمەن بىرگە مەكەندى كوركەيتۋ، ۇلى جۇڭگو ارمانىن جۇزەگە اسىرۋ بەكىمىن بۇرىندى - سوڭدى بۇلجىتا العان ەمەس ءارى ماڭگى بۇلجىتا المايدى. زورلىقتى كۇش لاڭكەستەرىنىڭ قۇتىرىنعان ارەكەتى الدىندا، تۇتاس شينجياڭداعى ءار ۇلت كادرلارى مەن بۇقارا ونان ارى ىنتىماقتاسىپ، ورتالىق كوميتەت پەن اۆتونوميالى رايوندىق پارتكومنىڭ، حالىق ۇكىمەتىنىڭ شەشىمدەرىن، ورنالاستىرۋلارىن باتىل قولداپ جانە قورعاپ، جاۋعا بىرگە كەكتەنىپ، زورلىقتى كۇش لاڭكەستەرىمەن باتىل كۇرەس جاساۋى كەرەك. سەنىمدى بەكەمدەپ، ءار ۇلت حالقىنىڭ مۇددەسىنە زيان كەلتىرەتىن، مەملەكەتتىڭ حاۋىپسىزدىگىنە زالال جەتكىزەتىن قىلمىستىق ارەكەتتەردىڭ، ءسوز جوق، زاڭنىڭ قاتاڭ جازاسىنا تارتىلاتىندىعىنا، جەڭىلىسپەن تىندىم بولاتىندىعىنا، شينجياڭنىڭ رەفورما، دامۋ، ورنىقتىلىق اياق الىسىنا ءارقانداي كۇشتىڭ كەدەرگى بولا المايتىندىعىنا كامىل سەنۋىمىز كەرەك. ءبىز قوعام ورنىقتىلىعىن قورعاۋدى شينجياڭ قىزمەتىن ويداعىداي ىستەۋدەگى ماڭداي الدى مىندەت ەتىپ، قاتاڭ سوققى بەرۋدىڭ تەگەۋرىندى كۇيىن باستان - اياق ساقتاپ، قوعامنىڭ تىنىشتىعى مەن جاراسىمدىلىعىن ونان ارى ويداعىداي قورعاپ، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىن ، زاڭنىڭ بەت - بەدەلىن ءونىمدى قورعاپ، شينجياڭنىڭ كوركەيىپ - گۇلدەنۋى مەن باياندى تىنىشتىعىن جۇزەگە اسىرۋىمىز كەرەك.
وتاندى بولشەكتەۋ، بىلىقپالىق تۋدىرۋ، ورنىقتىلىقتى ءبۇلدىرۋ − بارىپ تۇرعان جەكسۇرىندىق. شينجياڭ دامىعان سايىن، ءار ۇلت حالقى ىنتىماقتى، قوعام ورنىقتى بولعان سايىن، زورلىقتى كۇش لاڭكەستەرى تىعىرىققا تىرەلەدى! تۇتاس شينجياڭداعى ءار ۇلت كادرلارى مەن بۇقارا، ءسوز جوق، قىراعىلىقتى ارتتىرىپ، اق پەن قارانى ايىرىپ، وسەك - اياڭعا سەنبەي، وسەك - اياڭ تاراتپاي، وزگەلەردىڭ جات نيەتتى جەلىكتىرۋىنە، ايتاقتاۋىنا ىلەسپەي، قوعامنىڭ تىنىشتىعىن، جاراسىمدىلىعىن بىرگە قورعاپ، لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن بىرگە سوعىپ، شينجياڭنىڭ قوعامدىق جالپى جاعدايىنىڭ ورنىقتىلىعىنا شىنايى كەپىلدىك ەتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
