بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

زورلىقتى كۇش لاڭكەستىك ارەكەتتەرىنە قاتاڭ سوققى بەرىپ، ورنىقتى، جاراسىمدى، كورىكتى شينجياڭ قۇرايىق

 ابلەت ابدىرەشيت

2014.05.28 10:52     كەلۋ قاينارى : ءتاڭىرتاۋ تورابى

  22 - مامىردا ۇرىمجىدە اۋىر زورلىقتى كۇش لاڭكەستىك ۋاقيعاسى تۋىلدى، زورلىقتى كۇش لاڭكەستەرى ەسىرىپ، ەرەكشە قانقۇيلى تاسىلمەن جازىقسىز جانداردى قىناداي قىرىپ، كوپتەگەن بەيكۇنا ادامدى ءولتىرىپ جانە جارالاپ، جان تۇرشىگەرلىكتەي قانقۇيلى قىلمىس تۋدىرىپ، حالىق بۇقاراسىنىڭ ءومىرى مەن مال - مۇلكىنە اۋىر زيان سالدى، قوعامنىڭ حاۋىپسىزدىگى مەن ورنىقتىلىعىنا اۋىر قاتەر ءتوندىردى. مەن زورلىقتى كۇش لاڭكەستەرىنىڭ باسىنان اسقان قىلمىسىن ايرىقشا قاتاڭ جازعىرامىن، وسى رەتكى زورلىقتى كۇش لاڭكەستىك ۋاقيعاسىندا قازا بولعان جازىقسىز جاندارعا قايعىلى ازا بىلدىرەمىن، قازا بولعانداردىڭ وتباسىنداعىلاردان جانە جارالانعانداردان شىنايى حال سۇرايمىن.

  «22 - مامىر» اۋىر زورلىقتى كۇش لاڭكەستىك ۋاقيعاسى زورلىقتى كۇش لاڭكەستەرىنىڭ نەگىزگى ادامدىق ۇقىقتى تيتتەي دە ەلەپ - ەسكەرمەي، ادامگەرشىلىكتى، ادىلەتتى قاساقانا اياق استى ەتكەن، ادامزات مادەنيەتىنىڭ ورتاق توزىمىنە كوپە - كورنەۋ سوقتىققان جاۋىز كەيىپ - كەسپىرىن تاعى ءبىر رەت ايپاراداي اشىپ تاستادى، بۇعان زاڭمەن باسقارىلاتىن ءارقانداي ەل، ار - ۇجدانى بار ءار قانداي ادام استە توزبەيدى. زورلىقتى كۇش لاڭكەستىك قىلمىسى حالىق بۇقاراسىنىڭ ءومىر ءسۇرۋ ۇقىعى مەن دامۋ ۇقىعىنا اۋىر سۇعاناقتىق جاساعاندىق، زورلىقتى كۇش لاڭكەستەرى جۇڭگوداعى ءار ۇلت حالقىنىڭ ورتاق دۇسپانى، دۇنيە جۇزىندەگى ءار ەل حالقىنىڭ ورتاق جاۋى. باس شۋجي شي جينپيڭ ازياداعى ءوزارا ءىس - قيمىل جانە سەنىم شارالارى كەڭەسىنىڭ 4 - رەتكى باسشىلار باس قوسۋىندا: لاڭكەستىك، بولشەكتەۋشىلىك، ۇشقارىلىق سىندى «ءۇش ءتۇرلى كۇشكە» تيتتەي دە كەشىرىم ەتپەي سوققى بەرۋ تەبىنىن كۇشەيتىپ، وسى وڭىردەگى حالىقتىڭ تىنىش تا بەرەكەلى ورتادا باقىتتى تۇرمىس وتكىزۋىنە كەپىلدىك ەتۋ كەرەك، - دەپ اتاپ كورسەتتى.

  «22 - مامىر» اۋىر زورلىقتى كۇش لاڭكەستىك ۋاقيعاسى تۋىلعاننان كەيىن، پارتيا ورتالىق كوميتەتى، مەملەكەتتىك كەڭەس بۇعان ەرەكشە ءمان بەردى، باس شۋجي شي جينپيڭ ماڭىزدى بەكىتۋ جازدى، اۆتونوميالى رايوندىق پارتكوم مەن حالىق ۇكىمەتى ۋاقيعانى تەكسەرىپ انىقتاۋ، جارالىلاردى قۇتقارۋ جانە ەمدەۋ، قوعامدىق باسقارۋ جانە سوڭعى جۇمىستاردى تىڭعىلىقتى ىستەۋ سياقتىلار جونىندە ءبىر قىدىرۋ ورنالاستىرۋ جاساپ، جالپى جاعدايدى ورنىقتىردى، جۇرتشىلىقتىڭ كوڭىل كۇيىن ساباسىنا ءتۇسىردى. مەن ورتالىق كوميتەت پەن اۆتونوميالى رايوننىڭ شەشىمدەرى مەن ورنالاستىرۋلارىن باتىل قولداپ - قۋاتتايمىن.

  تاريح امالياتى شينجياڭدا ورنىقتىلىق بولماسا ەشبىر ءىستى باسىنا الىپ شىعۋعا بولمايتىنىن، قول جەتكىزگەن تابىستاردىڭ دا سەلگە كەتەتىنىن، ءار ۇلت حالقىنىڭ سورلايتىنىن دالەلدەدى. ورنىقتى ورتا بولعاندا عانا، ءار ۇلت جۇرتشىلىعى تىنىش تا بەرەكەلى بولادى، ەكونوميكا مەن قوعام ءارى جاقسى، ءارى تەز داميدى، قوعام گۇلدەنىپ - كوركەيەدى جانە مادەنيەت ىستەرى العا داميدى، حالىقتىڭ تۇرمىسى جاقسارادى. شينجياڭداعى ءار ۇلت حالقى ورنىقتىلىقتى كوكسەيدى، جاراسىمدىلىقتى اڭسايدى، دامۋعا ۇمتىلادى، كورىكتى مەكەن قۇرۋعا زور ءۇمىت ارتادى ءارى سەنىمى دە كۇشتى. زورلىقتى كۇش لاڭكەستىك ۋاقيعالارى شينجياڭنىڭ رەفورما، قۇرىلىس، دامۋ اياق الىسىنا كەسە كولدەنەڭ بولا المايدى، ءار ۇلت كادرلار مەن بۇقاراسىنىڭ دامۋدى جەبەۋ، ورنىقتىلىقتى قورعاۋ كۇشتى ەركى مەن بەرىك سەنىمىنىڭ ىرگەسىن شايقالتا المايدى.

  ۇلتتار ىنتىماعىن تاباندىلىقپەن قورعاۋ − ءار ۇلت حالقىنىڭ ورتاق ارمان - تىلەگى، تاريحتىڭ العا ىلگەرىلەۋىن جەبەۋدىڭ تابيعي تالابى. ۇلتتار ىنتىماعى − شينجياڭداعى ءار ۇلت حالقىنىڭ تىرشىلىك تىنىسى، شينجياڭ قىزمەتتەرىن جاقسى ىستەۋدىڭ ماڭىزدى كەپىلى. شينجياڭنىڭ دامۋ تاريحىنا قايىرىلىپ كوز جىبەرسەك، ۇلتتار ىنتىماعى كۇشەيگەن سايىن قوعام دا ورنىقتى بولعان، ەكونوميكا دا اقاۋسىز دامىعان، ءار ۇلت جۇرتشىلىعىنىڭ تۇرمىسى جاقسارعان. كەرىسىنشە بولعاندا، قوعام بىلىعىپ، ەكونوميكالىق قۇرىلىس جانە ءتۇرلى جۇمىستار ساتسىزدىككە ۇشىراعان. ءار ۇلت حالقىنىڭ ۇلى ىنتىماعى تۋىن بيىك ۇستاپ، ءار ۇلت حالقىنىڭ ءبىر - بىرىنەن ايرىلا الماۋ يدەياسىن بەرىك ورناتىپ، ءار ۇلت حالقى ءبىر - ءبىرىن قۇرمەتتەيتىن، ءبىر - بىرىنە سەنەتىن، ءبىر - ءبىرىن قولدايتىن، ءوزارا ۇيرەنەتىن، ءوزارا تۇسىنىسەتىن بولۋ، ۇلتتار ىنتىماعىنىڭ يدەيالىق نەگىزىن بەكەمدەۋ، ءار ۇلت حالقىنىڭ تاتۋ - ءتاتتى قاتار ءومىر ءسۇرۋىن، ءبىر جاعادان باس، ءبىر جەڭنەن قول شىعارۋىن، جاراسىمدى دامۋىن ىلگەرىلەتۋ، قاي - قاشان دا تىنىستاس، تاعدىرلاس، تىلەكتەس بولۋ، تەرەزەسى تەڭ، بەرەكەلى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەۋ جانە دامىتۋ كەرەك. ءار ۇلت حالقى ىنتىماقتاسىپ كۇرەس جۇرگىزۋ، بىرگە كوركەيىپ - گۇلدەنۋ تاقىرىبىن مىقتاپ يگەرىپ، ۇلتتار ىنتىماعىن جەبەۋ، بىرگە العا باسۋدى ىسكە اسىرۋ سىندى ۇلت قىزمەتىنىڭ نەگىزگى مىندەتىن مىقتاپ ارقاۋ ەتىپ، ۇلتتار ىنتىماعىن ىلگەرىلەتۋ كاسىبىن ۇزبەي دامىتۋ كەرەك.

  زورلىقتى كۇش لاڭكەستەرى ءار ۇلت حالقى بەرەكەلى دە جاراسىمدى، گۇلدەنىپ - كوركەيگەن، دامىعان، ورنىقتى شينجياڭدى كورۋدى قالامايدى. سوڭعى جىلداردا تۋىلعان ءبىر قىدىرۋ زورلىقتى كۇش لاڭكەستىك ۋاقيعالارىنان قاراعاندا، «ءۇش ءتۇرلى كۇشتىڭ» ءدىني ۇشقارى يدەيانى ءسىڭىرۋ ارقىلى ۇلتتار ىنتىماعىن بۇلدىرگەنىن، ۇلتتىق بولشەكتەۋشىلىك تۋدىرعانىن، دىنگە سەنەتىن بۇقارا مەن دىنگە سەنبەيتىن بۇقارانىڭ، دىنگە سەنەتىن بۇقارا مەن پارتيا، ۇكىمەتتىڭ اراسىنا وت جاعىپ، ۇكىمەتكە قارسى تۇراتىن، مەملەكەتتى بولشەكتەيتىن ناقتى كۇش قالىپتاستىرعانىن ءارى زورلىقتى كۇش لاڭكەستىك قيمىلدار ارقىلى قوعامدىق بىلىقپالىق تۋدىرىپ، شينجياڭنىڭ دامۋى مەن ورنىقتىلىعىن بۇلدىرمەك بولعانىن، اقىرعى ەسەپتە وتانىمىزدى بولشەكتەۋدەي سۇرقيا ماقساتقا جەتپەك ەكەنىن وڭاي بايقايمىز. ءدىني ۇشقارى يدەيانىڭ ءمانى − قوعامعا، ۇكىمەتكە، عىلىمعا، ادامزاتقا قارسى تۇرۋ، ول وسى زامانعى حالىقارالىق ساياسي تۇرمىستاعى ءبىر جاۋىز كەرتارتپا كۇش. بۇلتارتپاس شىندىقتار بىزگە ءدىني ۇشقارى كۇشتەردىڭ قوعامدىق تىنىشتىقتى اۋىر دارەجەدە بۇلدىرگەنىن، ءار ۇلت حالقىنىڭ وسىزامانعى مادەنيەتكە تالپىنۋىنا كەدەرگىلىك جاسايتىن قاس جاۋ ەكەنىن، باقىتتى دا تىنىش تۇرمىستى بۇلدىرەتىن پالەنىڭ قاينارى ەكەنىن دالەلدەدى. ءبىز ءدىني ۇشقارىلىقتىڭ ادامزاتقا، قوعامعا، وركەنيەتكە قارسى كەلەتىن ءمانىن ىشكەرىلەي اشكەرەلەپ، ءدىني ۇشقارى يدەيالاردى باتىل الاستاۋىمىز كەرەك.

  شينجياڭداعى ءار ۇلت كادرلار مەن بۇقارا، اسىرەسە، ءدىني سالاداعى قايراتكەرلەر مەن دىنگە سەنەتىن قالىڭ بۇقارا، ءسوز جوق، قىراعىلىقتى ارتتىرىپ، اق - قارانى پارىقتاپ، «ءۇش ءتۇرلى كۇشتىڭ» دىننەن پايدالانىپ، بولشەكتەۋ، ءبۇلدىرۋ قيمىلدارىمەن شۇعىلداناتىن نيەتىن، ءدىني ۇشقارى يدەيانىڭ ءىسلام ءدىنىنىڭ نەگىزگى رۋحىن اياق استى ەتەتىن، ءىسلام ءدىنىنىڭ شاريعاتتارىن قورلايتىن سۇرقيا نيەتىن ايقىن تانۋ كەرەك. ءبىزدىڭ «ءۇش ءتۇرلى كۇشپەن» بولعان كۇرەسىمىز − وتاننىڭ تۇتاستىعىن، ۇلتتار ىنتىماعىن قورعايتىن كەلەلى ساياسي كۇرەس. ءارقانداي زورلىقتى كۇش قىلمىستىق ارەكەتتەرىن ەركىنە جىبەرگەندىكتىڭ ءوزى ءار ۇلت بۇقاراسىنىڭ ورتاق مۇددەسىن اۋىر دارەجەدە اياق استى ەتكەندىك، زورلىقتى كۇش لاڭكەستىك قىلمىستارىنا سوققى بەرۋ − ءار ۇلت حالقىنىڭ ورتاق تىلەگى. شينجياڭداعى بولشەكتەۋشىلىككە، لاڭكەستىككە قارسى كۇرەستىڭ ءالى دە ۇزاق ۋاقىت جالعاساتىندىعىن، جاپالى دا كۇردەلى بولاتىندىعىن سەرگەكتىكپەن تانۋىمىز، ءسوز جوق، وسكەلەڭ قىراعىلىقتى ساقتاپ، تيتتەي دە سالعىرتتىققا سالىنباي، بوساڭسىماي، شينجياڭنىڭ ىنتىماقتى، ورنىقتى جالپى جاعدايىن شنايى قورعاۋىمىز كەرەك.

  پارتيا ورتالىق كوميتەتى مەن اۆتونوميالى رايوندىق پارتكومنىڭ پارمەندى باسشىلىعىندا، ءار ۇلت حالقىن ىنتىماقتاستىرىپ، ورتالىقتىڭ شەشىمدەرى مەن ورنالاستىرۋلارىن بۇلجىتپاي دايەكتى تياناقتاندىرىپ، بۇقاراعا سەنگەندە، بۇقارانى اتتانىسقا كەلتىرگەندە، بۇقاراعا سۇيەنگەندە عانا، ۇلتتىق بولشەكتەۋشىلىككە، ءدىني ۇشقارىلىققا جانە زورلىقتى كۇش لاڭكەستىگىنە قارسى تۇرۋ حالىقتىق شايقاسىندا، ءسوز جوق، جەڭىسكە جەتىپ، شينجياڭنىڭ قوعامدىق ورنىقتىلىعى مەن باياندى تىنىشتىعىنا شىنايى كەپىلدىك ەتە الاتىنىمىزعا كامىل سەنەمىن. «شينجياڭ گازەتى»

  (اۆتور مەملەكەتتىك ساياسي كەڭەستىڭ بۇرىنعى ورىنباسار ءتوراعاسى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.