- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قوعام ورنىقتىلىعى مەن باياندى تىنىشتىقتىڭ تىڭ داستانىن جازۋعا قۇلشىنايىق
2014.05.30 16:22 كەلۋ قاينارى : ءتاڭىرتاۋ تورابى
28 - ، 29- مامىر كۇندەرى ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى جەڭىسپەن اشىلدى. ءماجىلىس 2010 - جىلى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرگى قىزمەتتەردى جان - جاقتى قورىتىندىلاپ، قازىرگى شينجياڭ قىزمەتىندە ءدوپ كەلگەن جاعدايعا عىلمي تالداۋ جاساپ، جاڭا جاعدايدا شينجياڭ قىزمەتىن تىڭعىلىقتى جاقسى ىستەۋدىڭ جەتەكشى يدەياسىن، نەگىزگى تالابىن، باسىم باعىتىن ونان ارى ايقىنداپ، قازىرگى جانە بۇدان بىلايعى ءبىر مەزگىلدەگى شينجياڭ قىزمەتى جونىندە جان - جاقتى، كەلەلى ستراتەگيالىق ورنالاستىرۋ جاسادى. بۇل جولعى ءماجىلىستىڭ اشىلۋى شينجياڭنىڭ قوعام ورنىقتىلىعى مەن باياندى تىنىشتىعى جالپى نىساناسىنىڭ جۇزەگە اسۋىن جەبەۋدە اسا ماڭىزدى ستراتەگيالىق مانگە يە.
4 جىلدان كەيىن ورتالىق شينجياڭ قىزمەتى جونىندە تاعى دا اڭگىمە ءماجىلىسىن اشىپ، شينجياڭ قىزمەتى جونىندە ارناۋلى زەرتتەۋ جۇرگىزىپ، ورنالاستىرۋ جاسادى. بۇل ورتالىقتىڭ شينجياڭ قىزمەتىنە وسكەلەڭ ءمان بەرەتىندىگىن، شينجياڭ حالقىنا شىنايى كوڭىل بولەتىنىن، وتاننىڭ ۇلى شاڭىراعىنىڭ قالتقىسىز سۇيىسپەنشىلىگىن تولىق ايگىلەدى. شينجياڭداعى قالىڭ كادرلار مەن جۇرتشىلىق بۇدان تەرەڭ شابىت الىپ، ەرەكشە جەلپىندى، پارتيا ورتالىق كوميتەتىنىڭ باسشىلىعىندا بەرەكەلى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ بەكىمى مەن سەنىمى ونان ارى بەكەمدەلە ءتۇستى.
پارتيا ورتالىق كوميتەتى شينجياڭ قىزمەتىنە بۇرىننان ايرىقشا ءمان بەرىپ، شينجياڭ قىزمەتىنىڭ پارتيا مەن مەملەكەت قىزمەتىنىڭ جالپى جاعدايىنداعى توتەنشە ماڭىزدى ستراتەگيالىق ورنىن قاشاندا باسا دارىپتەپ، شينجياڭ قىزمەتى جونىندە ءبىرسىپىرا كەلەلى شەشىم − ورنالاستىرۋلار جاساپ كەلدى. وتە - موتە، ءبىر جىلدان اسا ۋاقىتتان بەرى، باس شۋجي شي جينپيڭ شينجياڭ قىزمەتى جونىندە ىلگەرىندى - كەيىندى 30 نەشە رەت نۇسقاۋ بەرىپ، بەكىتۋ جاساپ، قوعام ورنىقتىلىعى مەن باياندى تىنىشتىقتى قورعاۋ قىزمەتىنىڭ نىساناسى مەن تياناعىن اتاپ كورسەتىپ، ءارقايسى جاقتارداعى قىزمەتتەردى ءبىر تۇتاس ىلگەرىلەتىپ، شينجياڭنىڭ دامۋىنا جاڭا باعىت نۇسقاپ، شينجياڭ قىزمەتىنە جاڭا ورنالاستىرۋ جاساپ، پارتيامىزدىڭ شينجياڭدى باسقارۋ ۇستانىمى مەن شينجياڭدى باسقارۋ ستراتەگياسىن بايىتىپ، شينجياڭ قىزمەتىن تىڭعىلىقتى جاقسى ىستەۋگە ءتۇبىرلى ولشەم بەلگىلەپ، شينجياڭنىڭ دامۋ، رەفورما، ورنىقتىلىق ىستەرىنە دۇرىس باعدار سىلتەدى. پارتيا ورتالىق كوميتەتىنىڭ پارمەندى باسشىلىعى مەن بۇكىل ەل حالقىنىڭ زور كۇشپەن قولداپ - قۋاتتاۋىندا، اۆتونوميالى رايوندىق پارتكوم اۆتونوميالى رايونداعى ءار ۇلت كادر - جۇرتشىلىعىنا جەتەكشىلىك ەتىپ، ورايدى ۇتىمدى يگەرىپ، ءورىس اشا العا ۇمتىلدى. شينجياڭنىڭ قالاسى مەن دالاسى شىت جاڭا تۇسكە ەنىپ، حالىق تۇرمىسى مەن ەكونوميكالىق، قوعامدىق دامۋدا وراسان زور وزگەرىستەر جارىققا شىعىپ، ءتۇرلى ىستەر تىڭ بەلەسكە كوتەرىلدى. اماليات پارتيامىزدىڭ شينجياڭدى باسقارۋ ستراتەگياسىنىڭ دۇرىس ەكەنىن، وعان، ءسوز جوق، ۇزاق ۋاقىت تاباندى بولىپ، ستراتەگيالىق تۇراقتىلىقتى ساقتاۋىمىز كەرەكتىگىن تالاسسىز دالەلدەدى.
شينجياڭنىڭ دامۋى مەن ورنىقتىلىعى بۇكىل ەلىمىزدىڭ رەفورما، دامۋ، ورنىقتىلىق جالپى جاعدايىنا، وتاننىڭ بىرلىگىنە، ۇلتتاردىڭ ىنتىماعىنا، مەملەكەتتىڭ حاۋىپسىزدىگىنە، جۇڭحۋا ۇلتىنىڭ ۇلى گۇلدەنۋىنە سايادى. ءبىز، ءسوز جوق، شينجياڭ قىزمەتىندە قوعام ورنىقتىلىعى مەن باياندى تىنىشتىقتى نىسانا جانە تياناق ەتۋدىڭ تەرەڭ ءمانىن جەتە تانىپ، يدەيامىز بەن ارەكەتىمىزدى ورتالىقتىڭ كەلەلى شەشىم - ورنالاستىرۋلارىمەن بىرلىككە كەلتىرىپ، شينجياڭ قىزمەتىنىڭ جاڭا اۋقىمى مەن تىڭ مىندەتىن ءداپ باسىپ دۇرىس يگەرىپ، شينجياڭ قىزمەتىن ويداعىداي جاقسى ىستەۋ سانالىلىعىن، كوكەي تەستىلىگىن، ىرىقتىلىعىن ونان ارى كۇشەيتۋىمىز كەرەك.
شينجياڭ قىزمەتىن ويداعىداي ىستەۋ ءۇشىن، پارتيا ورتالىق كوميتەتىنىڭ شينجياڭ قىزمەتى جونىندەگى كەلەلى ساياسات، كەمەل باعىتىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ جالپى نىساناسىن بەرىك ارقاۋ، شينجياڭدى باسقارۋ جۇيەسى مەن باسقارۋ قابىلەتىن وسىزامانداندىرۋدى جەتەكشى، ەكونوميكانى دامىتۋ جانە حالىق تۇرمىسىن جاقسارتۋدى نەگىز، ۇلتتار ىنتىماعىن جەبەۋ، ءدىني ۇشقارى يدەيانىڭ ەتەك جايۋىن تەجەۋ سياقتىلاردى ءتۇيىن ەتىپ، شينجياڭدى زاڭمەن باسقارۋ، ىنتىماقتاستىرۋ، ورنىقتىرۋ، ۇزاق ۋاقىت كوركەيتۋگە تاباندى بولىپ، ىنتىماقتى، جاراسىمدى، گۇلدەنىپ - كوركەيگەن، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرىپ شىعۋ ءۇشىن قۇلشىنۋىمىز كەرەك.
پارتيا ورتالىق كوميتەتىنىڭ شەشىم - ورنالاستىرۋىنا ساي، الداعى جەردە شينجياڭدى ورنىقتىرۋعا، شينجياڭدى گۇلدەندىرۋگە قاتىستى ءبىر قىدىرۋ ساياسات - شارالار ىركەس - تىركەس شىعارىلىپ، شينجياڭعا تىڭ تاريحي وراي تۋادى. شينجياڭداعى 22 ميلليون ءار ۇلت كادر - جۇرتشىلىعى تاريحي جاۋاپكەرلىكتى ارقالاپ، كورىكتى مەكەن قۇرۋدىڭ نەگىزگى تۇلعاسى. ءبىز ءوز كۇشىنە سۇيەنىپ الۋەتتەنۋ، قاجىرلىلىقپەن كۇرەس جۇرگىزۋ رۋحىن بارىنشا ساۋلەلەندىرىپ، توسىپ وتىرماي، يەك سۇيەمەي، ۋاقىت ۇتا قيمىلداپ، ەرلىكپەن ورگە ۇمتىلاتىن جۇمىس تەبىنىن ساقتاپ، جاڭا تاريحي ورايدى مۇمكىندىكتىڭ بارىنشا مىقتى يگەرىپ جانە ونان ۇتىمدى پايدالانىپ، قاجىرلى ەڭبەك، مول پاراساتىمىز ارقىلى ورتالىقتىڭ قامقورلىعىن قوعام ورنىقتىلىعى مەن باياندى تىنىشتىقتى جۇزەگە اسىرۋ جولىنداعى ناقتى ناتيجەگە اينالدىرۋعا كۇش سالۋىمىز كەرەك.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ مازمۇنى باي، ماڭىزى زور، ىقپالى تەرەڭ. ءماجىلىستىڭ رۋحىن ويداعىداي جەتكىزۋ، ۇيرەنۋ جانە دايەكتى تياناقتاندىرۋ اۆتونوميالى رايونىمىزدىڭ قازىرگى جانە بۇدان بىلايعى ءبىر مەزگىلدەگى ماڭداي الدى ساياسي مىندەتى. ءبىز، ءسوز جوق، پارتياعا، وتانعا، تاريحقا، حالىققا وسكەلەڭ جاۋاپتى بولۋ رۋحىمەن، باس شۋجي شي جينپيڭنىڭ تالابى بويىنشا، ءماجىلىس رۋحىن ىرىقتى، سانالى تۇردە تاباندىلىقپەن دايەكتى تياناقتاندىرىپ، ورتالىقتىڭ ماڭىزدى ستراتەگيالىق ورنالاستىرۋىن مۇقيات ۇيرەنىپ، جەتە ءتۇسىنىپ، ويداعىداي يگەرىپ، بۇلجىتپاي اتقارۋىمىز، ءىس جۇزىندىك جاعدايعا ساي، تىڭعىلىقتى تياناقتاندىرىپ، ءتۇرلى قىزمەتتى ءبىر تۇتاس ىلگەرىلەتۋىمىز كەرەك.
وتكەنگە قايىرىلا قاراساق، شينجياڭنىڭ ەكونوميكالىق، قوعامدىق دامۋىندا كەسەك تابىستارعا قول جەتكەنىن كورەمىز؛ بولاشاققا كوز جىبەرسەك، شينجياڭداعى ءار ۇلت كادر - جۇرتشىلىعىنىڭ سەنىمى نىعايا تۇسكەنىن بايقايمىز. پارتيا ورتالىق كوميتەتىنىڭ، مەملەكەتتىك كەڭەستىڭ پارمەندى باسشىلىعىنىڭ، باۋىرلاس ولكە، قالالاردىڭ قالتقىسىز كومەگىنىڭ، بۇكىل ەلدەگى ءار ۇلت حالقىنىڭ بار كۇشپەن قولداپ - قۋاتتاۋىنىڭ، شينجياڭداعى ءار ۇلت كادر - جۇرتشىلىعىنىڭ جۇدىرىقتاي جۇمىلۋىنىڭ ارقاسىندا، شينجياڭنىڭ قوعام ورنىقتىلىعى مەن باياندى تىنىشتىعى، ءسوز جوق، جۇزەگە اسىپ، شينجياڭنىڭ بولاشاعى ءتىپتى نۇرلى بولاتىنىنا كامىل سەنەمىز! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
