- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتالىقتىڭ 2-رەتكى شينجياڭ قىزمەتى جونىندەگى اڭگىمە ءماجىلىسى اشىلدى
2014.05.30 16:39 كەلۋ قاينارى : شينجياڭ حالىق راديو ستانسياسى تورابى
ورتالىقتىڭ 2-رەتكى شينجياڭ قىزمەتى جونىندەگى اڭگىمە ءماجىلىسى 28-مامىردان 29-مامىرعا دەيىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز سويلەپ بىلاي دەپ باسا دارىپتەدى: دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، پارتيا ورتالىق كوميتەتىنىڭ شينجياڭ قىزمەتى جونىندەگى باعىت-ساياساتتارىن باتىل دايەكتى اتقارىپ، قوعام ورنىقتىلىعى مەن باياندى تىنىشتىق سىندى باس نىسانانى ارقاۋ ەتىپ، شينجياڭدى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتىپ، ەكونوميكانى دامىتۋ مەن حالىق تۇرمىسىن جاقسارتۋدى نەگىز، ۇلتتار ىنتىماعىن ىلگەرىلەتىپ، ءدىني ۇشقارى يدەيانىڭ تارالۋىن توسۋدى ءتۇيىن ەتىپ، شينجياڭدى زاڭ بويىنشا باسقارۋ، ىنتىماقتاسا وتىرىپ ورنىقتىرۋ، ۇزاق ۋاقىت گۇلدەندىرۋ، ىنتىماقتى دا جاراسىمدى، گۇلدەنىپ كوركەيگەن، باي، وركەنيەتتى العا باسقان، حالقى تىنىش تا الاڭسىز تۇرمىس كەشىرەتىن سوتسياليستىك شينجياڭدى كۇش سالا قۇرۋ كەرەك.ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ شينجياڭنىڭ ەكونوميكاسى مەن قوعامىن دامىتۋ جونىندە ءسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ ءماجىلىس اياقتاردا ءسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى جاڭ دىجياڭ، ليۋ يۇنشان، ۋاڭ چيشان، جاڭ گاۋليلار ماجىلىسكە قاتىناستى.بۇل رەتكى ماجىلىستە 2010-جىلى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرگى قىزمەتتەر جاپپاي قورتىندىلانىپ، شينجياڭ قىزمەتىنىڭ جەتەكشى يدەياسى، نەگىزگى تالابى، نەگىزگى بەتالىسى ايقىندالىپ، كەزەكتەگى جانە بۇدان بىلايعى ءبىر مەزگىلدەگى شينجياڭ قىزمەتىنە جالپى بەتتىك ورنالاستىرۋ جاسالدى.شي جينپيڭ بىلاي دەپ اتاپ كورسەتتى، شينجياڭ قىزمەتىن جاقسى ىستەۋ بۇكىل پارتيا مەن بۇكىل مەملەكەتتىڭ كەلەلى ءىسى، وعان ءسوزجوق ستراتەگيالىق وسكەلەڭ تۇرعىدا باسا ءمان بەرىپ، ۇزاق ۋاقىتتىق جوبا-جوسپار جاساپ، باياندى تىنىشتىق جاعدايىن قالىپتاستىرۋ كەرەك. پارتيا ورتالىق كوميتەتى شينجياڭ قىزمەتىنە ەجەلدەن باسا ءمان بەرىپ، ءبىر سىپىرا كەلەلى شەشىمدەر مەن ورنالاستىرۋلار جاساپ، شينجياڭنىڭ رەفورماسى مەن دامۋىن، ۇلتتار ىنتىماعىن، قوعامدىق العا باسارلىق ىستەرىن، حالىق تۇرمىسىن جاقسارتۋ جانە شەكارا رايوندى بەكەمدەۋ قىزمەتىن ىلگەرىلەتىپ، تاريحي ناتيجەلەرگە قول جەتكىزدى.اماليات، پارتيامىزدىڭ شينجياڭدى باسقارۋ ساياساتىنىڭ دۇرىس ەكەنىن، وعان ءسوزجوق ۇزاق ۋاقىت تاباندى بولىپ، ستراتەگيالىق كۇش-قۋاتتى ساقتاۋدىڭ دۇرىس ەكەندىگىن دالەلدەدى. سونىمەن بىرگە، شينجياڭنىڭ جاعدايىنا بىرلەستىرە وتىرىپ، پارتيانىڭ شينجياڭدى باسقارۋ باعىت-ساياساتىن تولىقتاۋىمىز جانە كەمەلدەندىرۋىمىز، شينجياڭدى ۇزاق ۋاقىت باسقارۋعا تاباندى بولىپ،نەگىز قالاۋ، ۇزاق بولاشاق ءۇشىن تيىمدىلىك جاراتۋ قىزمەتىن تىڭعىلىقتى ىستەپ، قوعامنىڭ ورنىقتىلىعى مەن باياندى تىنىشتىق ءۇشىن بەرىك نەگىز قالاۋىمىز كەرەك.شي جينپيڭ بىلاي دەپ باسا دارىپتەدى،قوعامنىڭ ورنىقتىلىعى مەن باياندى تىنىشتىق ــــــ شينجياڭ قىزمەتىنىڭ باس نىساناسى. زورلىقتى كۇش لاڭكەستىك ارەكەتتەرىنە قاتاڭ سوققى بەرۋدى كەزەكتەگى كۇرەستىڭ ءتۇيىنى ەتىپ، سوتسيالزمنىڭ زاڭ-ءتۇزىم تۋىن بيىك ۇستاپ، بۇقارالىق ساقتانۋ قىزمەت قۋاتىن كۇشەيتىپ، قۇرىش قورعان ورناتىپ، ەل ءىشى مەن حالىقارا سىندى ەكى شايقاس شەبىن قاتار ىسكە قوسىپ، حالىقارامەن لاڭكەستىككە قارسى تۇرۋ سەلبەستىگىن كۇشەيتۋ كەرەك.شي جينپيڭ بىلاي دەپ اتاپ كورسەتتى، شينجياڭنىڭ ماسەلەسى ۇزاق بولاشاقتان قاراعاندا جانە دە ۇلتتار ىنتىماعى ماسەلەسىنە سايادى، ۇلتتىق بولشەكتەۋشى كۇشتەر ۇلتتار ىنتىماعىن بۇلدىرۋگە ۇرىنعان سايىن، ءبىز ۇلتتار ىنتىماعىن ونان ارى كۇشەيتىپ، ءار ۇلت حالقىنىڭ وتاننىڭ تۇتاستىعىن قورعاۋ، ۇلتتار ىنتىماعىن بەكەمدەۋ، قوعامنىڭ ورنىقتىلىعىن قورعاۋ قۇرىش قورعانىن اناعۇرلىم بەكەمدەۋىمىز ءتيىس.پارتيانىڭ ۇلت ساياساتى مەن ۇلتتىق تەريتوريالى اۆتونوميا تۇزىمىنە باستان-اياق تاناندى بولۋ قاجەت. ۇلتتار ىنتىماعى ءار ۇلت حالقىنىڭ تىرشىلىگىنىڭ تىرەگى.ءار ۇلت حالقىنىڭ ۇلى ىنتىماعى تۋىن بيىك ۇستاپ، ءار ۇلت حالقى اراسىندا مەملەكەت تانىمى، ازاماتتىق تانىم، جۇڭحۋا ۇلتتارىنىڭ ورتاق تۇلعاسى تانىمىن بەرىك ورناتىپ، ءار ۇلت بۇقاراسىن ىنتىماقتاستىرىپ جانە ولارعا سۇيەنىپ، ءار ءبىر ۇلت، ءار ءبىر ازامات جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىن جۇزەگە اسىرۋعا ۇلەس قوسىپ، وتانىمىزدىڭ گۇلدەنىپ-كوركەيۋ ناتيجەسىنەن ورتاق يگىلىكتەنۋى ءتيىس. ءار ۇلت حالقى ءوزارا ءتۇسىنىسىپ، ءبىرىن ءبىرى قۇرمەتتەپ، ءبىر-بىرىنەن ءلاززات الىپ، ءوزارار ۇيرەنىپ، ءوزارا كومەكتەسىپ، ەتەنە قاتىناس ورناتۋى ءتيىس.ۇلتتار اراسىنداعى اۋىس-كۇيىس پەن بارىس-كەلىستى كۇشەيتىپ، الۋان فورماداعى ورتاق قۇرۋ قىزمەتىن ورنالاستىرىپ جانە ورىستەتىپ، «قوس ءتىل» وقۋ-اعارتۋىن ىلگەرىلەتىپ، ءار ۇلت حالقى ءوزارا توعىسقان قوعامدىق قۇرىلىم مەن الەۋمەتتىك اۋماق ورتاسىن قالىپتاستىرىپ، شينجياڭداعى از ۇلت جۇرتشىلىعىنىڭ ىشكەرى ولكەلەرگە بارىپ تاربيەلەنۋ، كاسىپتەنۋ، وتىرىقتانۋ كولەمىن تارتىپپەن كەڭەيتىپ، ءار ۇلت بۇقاراسىنىڭ ءوندىرىس، تۇرمىستا، قىزمەت جانە ۇيرەنۋدە بىرگە بولىپ، ءبىر ءبىرىن ءتۇسىنۋ، سۇيىسپەنشىلىگىن ارتتىرۋىنا مۇمكىندىك جاساۋ كەرەك.شي جينپيڭ بىلاي دەپ باسا دارىپتەدى، ءدىن قىزمەتىن ۇقىپتىلىقپەن جاقسى ىستەپ، ءدىندى سوتسياليستىك قوعامعا سايكەسۋگە بەلسەنە باستاپ، ءدىني قايراتكەرلەر مەن دىنگە سەنەتىن جۇرتشىلىقتىڭ ەكونوميكا مەن قوعامنىڭ دامۋىن ىلگەرىلەتۋدەگى بەلسەندى رولىن ويداعىداي ساۋلەلەندىرۋ كەرەك.ءدىن ماسەلەسىن ءبىر جايلى ەتۋدىڭ نەگىزگى پريىنسيپى ـــــ زاڭدى ءدىني قيمىلداردى قورعاۋ، زاڭسىز قيمىلدارعا تيىم سالۋ، ۇشقارى ارەكەتتەردى توسۋ، جالبىزبالاپ كىرۋدىڭ الدىن الۋ، قىلمىستىلارعا پارمەندى سوققى بەرۋ. دىنگە سەنەتىن بۇقارانىڭ قالىپتى ءدىني قاجەتىن زاڭ بويىنشا قامتاماسىز ەتۋ، ادەت-عۇرپىنا قۇرمەت ەتۋ، دىنگە سەنەتىن جۇرتشىلىقتىڭ ءدىني بىلىمدەردى يگەرۋدەگى زاڭدى جولىن ورنىقتى كەڭەيتۋ كەرەك. وتانشىل ءدىني قايراتكەرلەردى تاربيەلەۋ قىزمەتىنە باسا ءمان بەرىپ، ءدىني قايراتكەرلەردىڭ ساپاسىن پارمەندى شارالاردى قولدانا وتىرىپ جوعارىلاتىپ، ءدىن ۇيىمى باسشىلىق ۇقىعىنىڭ وتانشىل ءدىني قايراتكەرلەردىڭ قولىندا بولۋىنا شىن مانىندە كەپىلدىك ەتۋ ءتيىس.شي جينپيڭ بىلاي دەپ اتاپ كورسەتتى، شينجياڭنىڭ ءتىپتى دە جاقسى، ءتىپتى دە تەز دامۋىن جەبەۋمەن بىرگە، دامۋدى حالىق تۇرمىسىن جاقسارتۋ، جەرگىلىكتى ورىنعا پايدا جەتكىزۋ، ىنتىماقتى ىلگەرىلەتۋ نەگىزىندە جۇزەگە اسىرىپ، ءار ۇلت حالقىنا پارتيانىڭ قامقورلىعى مەن وتاننىڭ مەيىرىن شىنايى سەزىندىرۋ كەرەك.كاسىپتەندىرۋدى ماڭداي الدى ورىنعا قويۋعا تاباندى بولىپ، كاسىپتەنۋ قابىلەتىن كۇشەيتۋ، ءار ۇلت بۇقاراسىن تارتىپپەن قالاعا بارىپ جۇمىس ىستەۋگە ۇيىمداستىرۋ، ءوز جەرىندە، جاقىن ماڭدا كاسىپتەندىرۋ، ءوز جەرىندە يگىلىك جاراتۋعا شابىتتاندىرۋ كەرەك. وقۋ-اعارتۋدى الدىمەن دامىتۋعا تاباندى بولۋ، ۇزدىك دارىندىلاردى باۋلۋ، وقۋشىلاردىڭ مەكتەپكە ءتۇسۋ سالىستىرماسىن جوعارىلاتۋ، وقۋ جاسىنا تولعان بالالاردى تولىق وقىتۋعا كەپىلدىك ەتۋ كەرەك.ءتىپتى دە كوپ ۇزدىك دارىندىلاردى وقۋ-اعارتۋعا قارجى قوسۋعا باۋراۋ، مەملەكەتتىڭ وقۋ-اعارتۋعا قوساتىن قاراجاتىن شينجياڭعا كوبىرەك بەيىمدەۋ قاجەت.كەدەيلەردى سۇيەمەلدەۋ ۇسىنىلىمىن ارتتىرىپ، ەگىن-مال شارۋاشىلىق رايوندارىنا، شەت-شالعاي وڭىرلەرگە، ەرەكشە قيىنشىلىعى بار توپقا بەيىمدەپ، كەدەيلەردى سۇيەمەلدەۋ قىزمەت مەحانيزىمىن كەمەلدەندىرىپ، كەدەيلەردى سۇيەمەلدەۋ قىزمەتىن جاقسى ىستەۋ كەرەك. وڭتۇستىك شينجياڭدى دامىتۋدى مەملەكەت تۇرعىسىنان جوبالاپ، ەرەكشە ساياسات قولدانىپ، ەسكى ەرەجەنى بۇزىپ، ەرەكشە جۇمىستى ەرەكشە جولمەن ءبىتىرۋ ءتيىس. شينجياڭعا باعىتتامالى كومەكتەسۋ ــــــ مەملەكەتتىڭ ستراتەگياسى، وعان ءسوزجوق ۇزاق ۋاقىت تاباندى بولۋ ءتيىس، شينجياڭعا باعىتتامالى كومەكتەسۋ قىزمەتىن ۇلتتار ىنتىماعىن كۇشەيتۋ يىنجەنەرياسىنا اينالدىرۋ ءتيىس.شينجياڭ ءوندىرىس قۇرىلىس بيڭتۋانى تىڭ اشىپ شەكارانى قورعاۋ ءىسىن جانە بيڭتۋان مەن جەرگىلىكتى ورىننىڭ قاتىناسىن عىلمي ءبىر جايلى ەتىپ، ءتۇبىرلى، ۇزاق بولاشاقتىق ماسەلەلەردى جاقسى جوسپارلاپ، ويداعىداي ىستەۋ كەرەك. شي جينپيڭ بىلاي دەپ باسا دارىپتەدى: ءار ۇلت بۇقاراسى اراسىندا دۇرىس وتان كوزقاراسىن، ۇلت كوزقاراسىن بەرىك ورناتىپ، سوتسياليستىك وزەكتى قۇن جۇيەسى مەن سوتسياليستىك وزەكتى قۇن كوزقاراسىن ساۋلەلەندىرىپ، ءار ۇلت بۇقاراسىنىڭ ۇلى وتانعا، جۇڭحۋا ۇلتتارىنا، جۇڭحۋا مادەنيەتىنە، جۇڭگوشا سوتسياليزم جولىنا دەگەن تانىمىن كۇشەيتۋ كەرەك. يدەيالىق ساياسي قىزمەتتى كۇشەيتىپ، كوتەرىڭكى رۋحپەن العا باسقان قوعامدىق ورتانى جاراتىپ، ءار ۇلت بۇقاراسىن وسىزامان وركەنيەت تۇرمىسىنا ۇمتىلۋعا باستاۋ قاجەت. بۇقاراعا باي مازمۇندى، تارتىمدى مادەنيەت تۇرمىسىن جاراتىپ، الەۋمەتتىك قوعامدىق قىزمەت وتەۋ جۇيەسىن كەمەلدەندىرىپ، نەگىزگى ساتىداعى قۇرىلعى قۇرىلىستاردى، عالام توردى قۇرۋ جانە باسقارۋدى كۇشەيتىپ، ءار ۇلت بۇقاراسىنىڭ شينجياڭدى قىزۋ سۇيەتىن سەزىمىن جانداندىرۋ كەرەك. شي جينپيڭ بىلاي دەپ اتاپ كورسەتتى: شينجياڭ قىزمەتىن ويداعىداي ىستەۋدىڭ شەشۋشى ءتۇيىنى ــــ پارتيانىڭ جالپى جاعدايدى تولىق مەڭگەرۋ، ءار جاقتىڭ باسشىلىق ەتۋ وزەكتى رولىن سايكەستىرۋ، پارتيا قۇرىلىسىن جالپى بەتتىك كۇشەيتىپ جانە جاقسارتىپ، شينجياڭ قوعامىنىڭ ورنىقتىلىعى مەن باياندى تىنىشتىعىن ساياسي جاقتان بەرىك كەپىلدەندىرۋ سانالادى. ساياسيدا بەرىك، قابىلەتى كۇشتى، ستيلدە مىقتى جوعارى ساپالى كادرلار قوسىنىن قۇرۋ قاجەت. ۇزاق ۋاقىت نەگىزگى ساتىنىڭ الدىڭعى شەبىندە قىزمەت ىستەگەن، قىمباتتى جاستىق ءومىرىن شينجياڭعا ارناعان شينجياڭداعى ءار ۇلت كادرلارىنا ەرەكشە قامقورلىق جاساۋ كەرەك. پارتياعا ادال، شەشۋشى ساتتە باتىلدىقپەن ءۇن قاتىپ، پوزيتسياسىن ايقىنداي الاتىن، نەداۋىر كۇشتى بۇقارالىق قىزمەت ىستەۋ قابىلەتىنە يە جانە توساتتان تۋىلعان وقيعالاردى ءبىر جايلى ەتە الاتىن، كۇردەلى جاعدايدى مەڭگەرۋ قابىلەتىنە يە كادرلاردى كۇش سالا سارالاۋ كەرەك. نەگىزگى ساتىنى مىقتى يگەرۋ، نەگىزدى بەكەمدەۋدى شينجياڭدى ورنىقتىرۋ، تىنىشتاندىرۋدىڭ ۇزاق بولاشاقتىق جوسپارى جانە بەكەمدەۋ شاراسى ەتىپ، نەگىزگى ساتى پارتيا ۇيىمىن بۇقاراعا قىزمەت وتەيتىن، ورنىقتىلىقتى قورعايتىن، بولشەكتەۋگە قارسى تۇراتىن بەرىك شايقاس قامالى ەتىپ كۇش سالا قۇرىپ، پارتيانىڭ تۋىن ءاربىر نەگىزگى ساتى بەكىنىسىندە جەلبىرەتۋ كەرەك. پارتيانىڭ بۇقارالىق لۋشيان تاربيەسى جانە امالياتتىق قيمىلىن ورىستەتۋمەن ۇشتاستىرىپ، ورتالىقتىڭ 8 ءتۇرلى بەلگىلەمەسىنىڭ رۋحىن باتىل دايەكتى تياناقتاندىرىپ، ستيل جاعىندا ورىن تەپكەن كورنەكتى ماسەلەلەردى ۋاقىتتى مىقتى يگەرىپ شەشىپ، ءىرىپ-شىرۋگە قارسى تۇرۋ كۇرەسىن باتىلدىلىقپەن ورىستەتۋ كەرەك. لي كىچياڭ بىلاي دەپ باسا دارىپتەدى: شينجياڭ قىزمەتىن ويداعىداي ىستەپ، دامۋ مەن ورنىقتىلىقتىڭ بايلانىسىن ويداعىداي ءبىر جايلى ەتۋ ايرىقشا ماڭىزدى. دامۋ مەن ورنىقتىلىق ءبىر-بىرىنەن ايىرىلا المايدى، ءبىرىن-ءبىرى قاجەت ەتەدى. قوعام ورنىقتىلىعى مەن باياندى تىنىشتىق شينجياڭ قىزمەتىنىڭ باس نىساناسى جانە نەگىزگى مىندەتى. باياندى تىنىشتىق نەگىزىندە دامۋدى كوزدەۋ قوعام ورنىقتىلىعىنىڭ ماڭىزدى قاينارى، ۇلتتار ىنتىماعىنىڭ پارمەندى قوزعاۋشى كۇشى، حالىق تۇرمىسىن جاقسارتۋدىڭ ءتۇبىرلى كەپىلى. ءسوزجوق ورنىقتىلىقتى ساقتاپ دامۋعا ۇمتىلۋ، دامۋ ارقىلى ورنىقتىلىقتى دەمەۋ كەرەك. شينجياڭنىڭ دامۋى تىڭ تالاپتاردى بەينەلەپ، تىڭ جاعداي جاراتۋى قاجەت. بۇقارامەن جاناسىمدى بولۋعا، جەرگىلىكتى ورىنعا تيىمدىلىك جەتكىزۋگە، ورتانى قورعاۋعا، رەفورما جاساپ ەسىك اشۋعا، ەكونوميكا مەن قوعامدى جاپپاي دامىتۋعا بارىنشا ءمان بەرىپ، قاتىناسۋ سيپاتتى، كەڭ پەيىلدى، توعىسقان دامۋدى ىسكە اسىرىپ، 2020-جىلى شينجياڭنىڭ جاپپاي دوڭگەلەك داۋلەتتى قوعام قۇرۋ نىساناسىنىڭ نەگىزىنەن ورىندالۋىنا كەپىلدىك ەتۋ كەرەك. لي كىچياڭ بىلاي دەپ باسا دارىپتەدى: كاسىپتەنۋ شينجياڭداعى ەڭ ماڭىزدى حالىق تۇرمىسى ماسەلەسى، ال حالىق تۇرمىسى حالىق تىلەگىمەن قابىسىپ جاتىر. شينجياڭدى ورنىقتىرۋ، تىنىشتاندىرۋ سىندى ستراتەگيالىق تۇرعىدان كاسىپتەنۋ ورايىن ارتتىرۋدى ءتۇيىن ەتىپ، حالىق تۇرمىسىن جەدەل جاقسارتىپ، قوعام ورنىقتىلىعىن جەبەۋ قاجەت. شينجياڭداعى بارلىق كاسىپورىندار جانە قارجى قوسۋ نىساندارى جەرگىلىكتى ەڭبەككۇشتەردى قابىلداۋعا ءمان بەرۋى ءتيىس. ىشكى ولكەدەگى كاسىپورىنداردى شينجياڭعا رەتىمەن اۋىسۋ، شوعىرلى ورنالاستىرۋ، شوعىرلى دامۋعا قاراي باۋراپ، شوعىرلى، جۇيەلى كاسىپتەنۋدى ىسكە اسىرىپ، ۇلتتىق ەرەكشەلىكتەگى قولونەر كاسىبىن بەلسەنە دامىتۋ، سونىمەن بىرگە، شينجياڭداعى بۇقارانى ىشكى ولكەگە بارىپ كاسىپتەنۋگە شابىتتاندىرۋ كەرەك. ورتالىق ساياسات جاعىندا بارىنشا جانە ەرەكشە قولدايدى. وقۋ-اعارتۋدى كۇشەيتۋ شينجياڭ ەكونوميكاسىنىڭ دامۋىن، قوعامىنىڭ العا باسۋىن جانە باياندى تىنىشتىعىن ىسكە اسىراتىن تۇبىرىنەن وڭايتىن شارا، ءارى كاسىپتەنۋ ورايىن ارتتىرىپ، حالىق تۇرمىسىن جاقسارتۋدىڭ نەگىزى. مىندەتتى وقۋ-اعارتۋ سياقتى ءار دارەجەلى، ءتۇرلى وقۋ-اعارتۋ ىستەرىن تىڭعىلىقتى ويداعىداي جۇرگىزىپ، «قوس ءتىل» وقىتۋى مەن كاسىپتىك وقىتۋدى بەلسەنە ىلگەرلەتىپ، شينجياڭداعى ءار ۇلت بۇقاراسىنىڭ، وتە-موتە جاستاردىڭ مەملەكەت بويىنشا ءبىر تۇتاس پايدالانىلاتىن ءتىل مەن جازۋدى جاقسى ۇيرەنۋىنە كومەكتەسىپ، ولارعا اناعۇرلىم كوپ دامۋ ورايىن جاراتۋ كەرەك. شينجياڭ دامۋىندا ەرەكشە ابزال بايلىقتاردى ويداعىداي پايدالانىپ، بايلىقتى اشۋ، پايدالانۋ جاعىندا شينجياڭدى اناعۇرلىم كوپ يگىلىككە بولەپ، جەرگىلىكتى ورىندا مانەرلەۋ، قۇنىتتاپ مانەرلەۋ سالىستىرماسىن ارتتىرىپ، بايلىق ابزالدىلىعىن ەكونوميكالىق ابزالدىلىققا اينالدىرىپ، جەرگىلىكتى ورىننىڭ ءوزىن-ءوزى دامىتۋ قۋاتىن ارتتىرىپ، جەرگىلىكتى ورىنداعى ءار ۇلت حالقىنا اناعۇرلىم مول يگىلىك جاراتۋ كەرەك. ورتانى قورعاۋ ۇسىنىلىمىن مولايتىپ، جوعارى ونىمدىلىكتە سۋدى ۇنەمدەپ سۋارۋ ينجەنەريا قۇرىلىسى تەبىنىن ارتتىرىپ، ءتۇيىندى وزەن اڭعارلارىن وڭاۋ جانە سۋدىڭ لاستانۋىنىڭ الدىن الۋ، وڭاۋدى كۇشەيتىپ، باياندى دامۋ قۋاتىن ارتتىرۋ قاجەت. ارنا قۇرىلىسىن ارقاۋ ەتىپ ىشكە، سىرتقا ەسىكتى ايقارا اشۋ ءتيىس. تەمىر جول سياقتى نەگىزگى قۇرىلعى قۇرىلىستاردى كۇشەيتىپ، وسىزامان زات اينالىمىن دامىتىپ، وڭىرلىك ابزالدىلىقتى تياناق ەتىپ، جىبەك جولى ەكونوميكالىق بەلدەۋىنىڭ وزەكتى رايونىن جاقسى قۇرۋ كەرەك. ەرەكشە قازىنا، ۇسىنىلىم، فينانس، دارىندى ساياساتتارىن قولدانىپ، كەدەيلەردى سۇيەمەلدەۋدەن قامال الۋ جانە حالىق تۇرمىسىن جاقسارتۋ تەبىنىن ارتتىرىپ، وڭتۇستىك شينجياڭنىڭ دامۋ قارقىنىن تەزدەتۋدى جەبەۋ كەرەك. شينجياڭ ءوندىرىس قۇرىلىس بيڭتۋانىنىڭ دامىپ قۇدىرەتتەنىپ، جاڭا جاعدايداعى ورنىقتىلىقتى قورعاپ، شەكارانى گۇلدەندىرۋ ەرەكشە رولىن جاقسى ساۋلەلەندىرۋ كەرەك. تۇتاس ەلىمىزدىڭ كۇشىن جۇمىلدىرىپ، شينجياڭعا باعىتتامالى كومەكتەسۋ قىزمەتىن ىشكەرلەي ىلگەرلەتىپ، كومەك قارجىسىن باستىسى حالىق تۇرمىسىنا، نەگىزگى ساتىعا پايدالانۋ كەرەك. سەكىرمەلى دامۋدى ىلگەرلەتىپ، شينجياڭ قوعامىنىڭ ورنىقتىلىعى مەن باياندى تىنىشتىعىن جەبەۋ قاجەت. يۇي جىڭشىڭ قورتىندى سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى پارتيا مەن مەملەكەت ىستەرىنىڭ دامۋ جالپى جاعدايىن كوزدە ۇستاپ، ەلىمىز ءىشى مەن حالىقارا سىندى ەكى ءتۇرلى جالپى جاعدايدى ءبىر تۇتاس جوسپارلاپ، شينجياڭ جاعدايىنا عىلمي تالداۋ جاساپ، شينجياڭ قىزمەتىنىڭ ءبىر سىپىرا كەلەلى نازارياسى مەن امالياتتىق ماسەلەلەرىن ىشكەرلەي بايانداپ، جاڭا جاعدايداعى شينجياڭ قىزمەتىن جاقسى ىستەۋگە، اسىرەسە شينجياڭ قوعامىنىڭ ورنىقتىلىعىن قورعاۋ مەن باياندى تىنىشتىعىن ىسكە اسىرۋ قىزمەتىنە جالپى بەتتىك ورنالاستىرۋ جاساپ، اسا كۇشتى ساياسيلىققا، جالپى جاعدايلىلىققا، ستراتەگيالىلىققا يە بولدى. ورتالىقتىڭ جاساعان «شينجياڭ قوعامىنىڭ ورنىقتىلىعى مەن باياندى تىنشتىعىن ونان ارى قورعاۋ جونىندەگى پىكىردە» شينجياڭ قىزمەتىنىڭ جەتەكشى يدەياسى، نەگىزگى پرينسيبى، نىسانالى مىندەتى، نەگىزگى بەتالىسى جانە ساياساتتىق شارالارى ايقىندالدى. بۇنىڭ ءبارى جاڭا جاعدايدا شينجياڭ قىزمەتىنە جەتەكشىلىك ەتۋدىڭ پروگراممالىق حۇجاتى. ول بىلاي دەپ باسا دارىپتەدى: قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ تياناعى مەن ءتۇيىنىن ىشكەرلەي ءتۇسىنىپ، يدەيا مەن ارەكەتتى شىن مانىندە ورتالىقتىڭ كەلەلى شەشىم-ورنالاستىرۋلارىنا شوعىرلاندىرۋ كەرەك. ول بىلاي دەپ اتاپ كورسەتتى: جەر-جەر، تاراۋلار ءوزىنىڭ ءىس جۇزىندىگىمەن ۇشتاستىرىپ، ناقتى اتقارۋ جوباسىن جاساپ، تياناقتاندىرۋدى مىقتى يگەرۋ كەرەك. شينجياڭ نەگىزگى تۇلعالىق رولىن تولىق ساۋلەلەندىرىپ، ءىس جۇزىندىكپەن تىعىز ۇشتاستىرىپ ۇيرەنۋ مەن ۇگىتتەۋدى مىقتى يگەرىپ، ناقتى تياناقتاندىرۋ جوباسىن جاساپ، ساياساتتى قاتاڭ اتقارىپ، قىزمەت ادىسىنە ءمان بەرىپ، قىزمەت ستيلىن شىنايى تۇزەتىپ، قوعام ورنىقتىلىعى مەن باياندى تىنشىتىقتى بۇكىل زەيىن-زەردەنى شوعىرلاندىرىپ ىلگەرلەتۋ كەرەك. ورتالىقتىڭ ءار قايسى تاراۋلارى ساياسيعا ءمان بەرىپ، جالپى جاعدايمەن ساناسىپ، مىندەتتى ءبولىپ، سايكەسۋدى كۇشەيتىپ، يگى ىستەردى ناقتى ورىنداپ، ناقتى ىستەردى ويداعىداي ورىنداپ، شينجياڭ قوعامىنىڭ ورنىقتىلىعى مەن باياندى تىنىشىتىعىن ىلگەرلەتۋدە تىرەكتىك رولىن ساۋلەلەندىرۋ كەرەك. جەر-جەر، وتە-موتە شينجياڭعا كومەكتەسەتىن ولكە-قالالار ەلىمىز جاعدايىنىڭ تۇتاستىق يدەياسىن ورناتىپ، شينجياڭعا كومەكتەسۋ جوباسىن تولىقتاپ، ءار ۇلتتىڭ اۋىس-كۇيىس جاساۋ، توعىسۋىن بارىنشا جەبەپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرلەتۋگە تۇرتكىلىك رول اتقارۋ كەرەك. ورتالىقتىڭ شەشىم-ورنالاستىرۋلارىن دايەكتى تياناقتاندىرۋ جاعدايى جونىندە ارناۋلى باقىلاۋ-تەكسەرۋ جۇرگىزىپ، ورتالىقتىڭ شينجياڭ قىزمەتى جونىندەگى ماڭىزدى ساياسات باعىتتارىنىڭ ناقتى تياناقتانۋىنا كەپىلدىك ەتۋ كەرەك. اۆتونوميالى رايوننىڭ، شينجياڭ ءوندىرىس قۇرىلىس بيڭتۋانىنىڭ، قوعام حاۋىپسىزدىگى مينيسترلىگىنىڭ، حۋبەي ولكەسىنىڭ، گۋاڭدۇڭ ولكەسىنىڭ جاۋاپتى جولداستارى ماجىلىستە ىلگەرىندى-كەيىندى ءسوز سويلەدى. ماجىلىسكە قاتىناسقاندار ءبىر اۋىزدان بىلاي دەپ قارادى: ىنتىماقتى جاراسىمدى، گۇلدەنىپ كوركەيگەن باي، وركەنيەتتى العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ ــــ بۇكىل پارتيا، بۇكىل ەلىمىزدەگى ءار ۇلت حالقىنىڭ ورتاق ارمانى، ورتاق جاۋاپكەرلىگى. باس شۋجي شي جينپيڭنىڭ تالابى بويىنشا، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ كوزدە ۇستالاتىن ءتۇيىنى جانە نەگىزگى ءتۇيىنى ەتىپ، ءماجىلىس رۋحىنىڭ ىرىقتىلىعىن، سانالىلىعىن، بەرىكتىگىن دايەكتىلەندىرۋدى نىعايتىپ، ورتالىق كوميتەتتىڭ كەلەلى ستراتەگيالىق ورنالاستىرۋىن جاقسى ءتۇسىنىپ، ويداعىداي يگەرىپ، جاقسى جۇرگىزىپ، اينا-قاتەسىز مۇقيات اتقارىپ، جەرگىلىكتى جاعدايعا قاراي شىنايى تياناقتاندىرىپ، ءتۇرلى جاقتارداعى قىزمەتتەردى ءبىر تۇتاس ىلگەرلەتۋ كەرەك. بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلارى، مەملەكەت كەڭەس مۇشەلەرى، ەڭ جوعارى حالىق سوتىنىڭ باستىعى، ەڭ جوعارى حالىق پروكۋراتۋراسىنىڭ پروكۋرورى ماجىلىسكە قاتىناستى.رايونىمىزدىڭ پارتيا، ۇكىمەت ورىندارىنىڭ جاۋاپتى جولداستارى جانە ءار قايسى ايماق، وبلىس، قالالاردىڭ، قاتىستى تاراۋلاردىڭ نەگىزگى جاۋاپتى جولداستارى، شينجياڭ ءوندىرىس قۇرىلىس بيڭتۋانى پارتيا، ۇكىمەت ورىندارىنىڭ نەگىزگى جاۋاپتى جولداستارى جانە ءار قايسى شىلاردىڭ، قاتىستى تاراۋلاردىڭ نەگىزگى جاۋاپتى جولداستارى، ءار قايسى ولكە، اۆتونوميالى رايون، قالالاردىڭ جاۋاپتى جولداستارى، ورتالىق كوميتەت پەن مەملەكەت ورگاندارىنىڭ قاتىستى تاراۋلارىنىڭ، قاتىستى ورتالىق كاسىپورىندارىنىڭ جاۋاپتى جولداستارى، حالىق ازاتتىق ارمياسى مەن قارۋلى ساقشى اسكەري ءبولىمىنىڭ جاۋاپتى جولداستارى سياقتىلار ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
