بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

وڭتۇستىك شينجياڭنىڭ ءۇش ايماق، وبىلىسىنداعى ىستىق جەلمەن ورىك كەپتىرەتىن ءبىر مىڭ 500 ءۇيدىڭ باستى تۇلعالىق قۇرىلىسى ءبىتتى

2014.05.30 16:50     كەلۋ قاينارى : شينجياڭ حالىق راديو ستانسياسى تورابى

  تاياۋدا، اۆتونوميالى رايوننىڭ «تەز ءونىم بەرەتىن» نىسانىنىڭ ءبىرى بولعان وڭتۇستىك شينجياڭنىڭ ءۇش ايماق، وبىلىسىنداعى ىستىق جەلمەن ورىك كەپتىرەتىن ءبىر مىڭ 500 ءۇيدىڭ باستى تۇلعالىق قۇرىلىسى ءبىتىپ، وڭتۇستىك شينجياڭنىڭ جەمىس اعاشى كاسىبى دامۋدىڭ بۇرىلىس كەزەڭىنە ءوتتى.قاعىلىق اۋدانى زۇڭلاڭ اۋىلى اياققى كەڭساي قىستاعىنىڭ تۇرعىنى مامەتيمىن ابەيدوللا ورىك ەگۋمەن شۇعىلدانۋشى، بۇرىن ورىك قاعىن كەپتىرگەندە ۇنەمى دالاعا سۋلياۋ جاۋىپ، جاڭا پىسقان ورىكتى جايمالاپ، كۇنگە تابيعي كەپتىرەتىن، كەپتىرىلگەن ورىك قاعى بازاردا تومەن باعادا ساتىلاتىن. وتكەن جىلدىڭ سوڭىندا، ول باس بولىپ ورىك كاسىبى ارناۋلى سەلبەستىك كوپەراتيۆىن قۇرىپ، اۆتونوميالى رايوننىڭ نىسان قارجىسىنان پايدالانىپ، ورىك كەپتىرەتىن 20 ءۇي سالدى. قازىر سەلبەستىك كوپەراتيۆىنە 161 ديقان جارنا قوستى، كوپشىلىك ورىك كەپتىرۋ ءۇيىنىڭ رولىن ساۋلەلەندىرىپ، اناعۇرلىم جاقسى كىرىس كىرگىزۋدى ءتورت كوزبەن كۇتتى. مامەتيمىن ابيدوللا بىلاي دەدى: قازىر ورىك كەپتىرەتىن 20 ۇيگە جاۋاپتى 60 قىزمەتكەردى تاربيەلەدىك، جابدىقتى دا رەتتەپ بولدىق، ورىكتىڭ پىسۋىن عانا كۇتىپ تۇرمىز.وڭتۇستىك شينجياڭداعى ءۇش ايماق، وبىلىسقا بيىل سالىنعان ىستىق جەلمەن ورىك كەپتىرەتىن ءبىر مىڭ 500 ءۇي 450 اكىمشىلىك قىستاقتاعى مامەتيمىن سياقتى 16 مىڭنان ارتىق باعبانعا يگىلىك اكەلدى. بۇل عانا ەمەس، اۆتونوميالى رايوننىڭ اۋىل شارۋاشىلىعىن كاسىپ سالالاندىرۋىنداعى ءتۇيىندى كاسىپورنى حوتان گۇلباع جەمىس-جيدەك ونىمدەرى شەكتى سەرىكتەستىگى كەپتىرىلگەن ورىكتى ساۋدا ماركاسىنا تىزىمگە تىركەپ، ءار كلوگرامىن ورتا ەسەپپەن 45 يۋاننان ىشكى ولكە بازارىنا ساتتى. حوتان گۇلباع جەمىس-جۇيدەك ونىمدەرى شەكتى سەرىكتەستىگىنىڭ باس جوراسى ياۋ شياۋحۇڭ بىلاي دەدى: بۇل ورىكتەردى بەيجيڭ، شاڭحاي، شىنجىن سياقتى جەرلەردىڭ ءىرى بازارلارىنا اپارىپ ساتامىز، ول شينجياڭداعى زالالسىز جاسىل ءتۇستى ءونىم بولعاندىقتان، بولاشاعى جاقسى.اۆتونوميالى رايوندىق پارتكومنىڭ ورىنباسار باس حاتشىسى، اۋىل شارۋاشىلىق كەڭسەسىنىڭ مەڭگەرۋشىسى ءداي نيڭشياڭ بىلاي دەپ ەسەپ جاسادى، بۇرىن ديقاندار جاس ورىكتىڭ ءار كيلوگرامىن ءبىر يۋان اينالاسىنداعى باعامەن ساتاتىن، قازىر كەپتىرگەننەن كەيىن، وزىندىك قۇنىن قوسپاعاندا، ەڭ تومەن بولعاندا ءار كيلوگرامىنان 4 يۋان پايدا تابادى. ال ەڭ ماڭىزدىسى ىستىق جەلمەن ورىك كەپتىرۋ ءۇيىنىڭ سالىنۋى وڭتۇستىك شينجياڭنىڭ جەمىس اعاشى كاسىبىنىڭ دامۋىنا بۇرىلىس اكەلەدى. ءداي نيڭشياڭ بىلاي دەدى: ورىك كەپتىرۋ ءۇيى نىسانى ەرەكشە اۋىل شارۋاشىلىعىن قامتىعان جەمىس اعاشى كاسىبىنىڭ ساپاسىن جوعارىلاتتى. بۇرىن ءبىز ۇزاق ۋاقىت شيكىزات ساتىپ كەلگەنبىز، سوندىقتان ونىمنىڭ باعاسى ارزان، كىرىس تومەن بولدى. وسىنداي كەپتىرۋ ءۇيى ارقىلى ورىك، شىلان، جاڭعاق، كوكونىستەردى دە كەپتىرۋگە، مانەرلەۋ ارقىلى ءونىمدى اناعۇرلىم تاۋارلاندىرۋعا بولادى، بۇل بازار ءورىسىن اشىپ، شينجياڭنىڭ جاسىل ءتۇستى ورگانيكالى ونىمدەرىن سىرتقا ساتۋعا اناعۇرلىم پايدالى.وڭتۇستىك شينجياڭداعى ءۇش ايماق، وبىلىستىڭ حالىق تۇرمىسىن جاقسارتۋ كاسىبىن دامىتىپ، كاسىپتەنۋ ءورىسىن كەڭەيتۋ ءۇشىن، بيىل اقپاندا اۆتونوميالى رايون «تەز ءونىم بەرەتىن» نىساندى جالپىلاستىرۋ ءماجىلىسىن اشىپ، ەكى جىلدا 888 ميلليون يۋان قارجى شىعارىپ، قازىرگى بار كاسىپورىنداردىڭ ىشىندەگى ءسال سۇيەمەلدەسە بولعانى كاسىپتەندىرۋ مولشەرىن ارتتىراتىن ءداستۇرلى، ەرەكشە، ابزال كاسىپپەن شۇعىلداناتىن ورتا، شاعىن، ۇساق كاسىپورىنداردى ءتۇيىندى تاڭداپ، باعىتتامالى قارجى سياقتى جاقتاردان قولداۋ ارقىلى، ونى كاسىپورىنداردىڭ زاۆوت قۇرىلىسى، جابدىق الۋ، قىزمەتكەرلەردى تاربيەلەۋ سياقتىلارىنا پايدالانىپ، سوڭىندا 58 مىڭ ادامدى كاسىپتەندىرۋدى جوسپارلادى. ءساۋىردىڭ باسىندا، «تەز ءونىم بەرەتىن» نىسان قۇرىلىسىنىڭ تۇڭعىش توپتاعى 530 ميلليون يۋان قارجىسى بوساتىلىپ، تياناقتاندىرىلدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.