- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
4 جىلدا 40 ادام: شينجياڭعا تىلەك
4 جىلدىق قۇلشىنىس، ادامدى جەلپىندىرەتىن وزگەرىستەر
2014.06.03 13:10 كەلۋ قاينارى : ءتاڭىرتاۋ تورابى
1. ابىلەز مامەتنياز اۆتونوميالى رايون دارەجەلى ادىلەت جولىندا باسىن ءباي تىككەن ءمورال ۇلگىسى، حوتان قالاسى مۇگەدەكتەر ونەركاسىپ - ساۋدانى دامىتۋ ورتالىعى اۆتوموبيل جوندەۋ زاۆودىنىڭ باس جوراسى
وسى بىرنەشە جىلدا كوپتەگەن تانىسىم كونەتوز جەر ۇيدەن تازالىق بولمەسى بار جاڭا ۇيگە كوشىپ كىردى، اۋىل - قىستاقتىڭ توپىراق جولدارىنا اسفالت توسەلدى، اۆتونوميالى رايوننىڭ بۇقارانىڭ اۋقاتتانۋىنا دەم بەرەتىن جاقسى ساياساتتاردى كوپتەپ شىعارۋىن، لاڭكەستىك ارەكەتتەرگە ۇزبەي باتىل سوققى بەرىپ، بۇقاراعا تىنىش، جاراسىمدى تۇرمىس ورتاسىن ازىرلەپ بەرۋىن ءۇمىت ەتەمىن.
2. قادىلبەك قاقان ۇلى اۆتونوميالى رايوندىق قوعامدىق عىلىمدار بىرلەستىگىنىڭ ورىنباسار ءتوراعاسى
4 جىلدان بەرى اۆتونوميالى رايوننىڭ حالىق تۇرمىسى قۇرىلىسىندا قول جەتكىزگەن تابىستارىن كوزبەن كورىپ وتىرمىز، 2012 - جىلى شەشەمە «60 -، 70 - جىلدارى وتباسى ادامدارىنان قابىلدانعان جۇمىسشى» رەتىندە مامىلە جاسالىپ، اي سايىن 1200 يۋان زەينەتاقى الاتىن بولدى، وتباسىمداعىلارمەن بىرگە پارتيانىڭ يگى ساياساتىنا العىس ايتامىن. قارت انامنىڭ عۇمىرىنىڭ ۇزاق بولۋىن، وتانىمىزدىڭ ايرىلماس ءبىر بولەگى سانالاتىن شينجياڭنىڭ گۇلدەنە بەرۋىن تىلەيمىن.
3. ۋاڭ شياۋپيڭ اۋات اۋدانى دولان تايپاسىنىڭ «سۇلتانى»
4 جىلدىڭ الدىنداعى ورتالىقتىڭ شينجياڭ قىزمەتى جونىندەگى اڭگىمە ءماجىلىسى دولان تايپاسىنا بۇرىن بولىپ كورمەگەن ورايلار اكەلدى، ءبىز بولاشاقتا ساياحاتقا، اسىرەسە، وڭتۇستىك شينجياڭنىڭ ساياحاتىنا باعىتتالعان دەمەۋ ساياساتتارىنىڭ العا قويىلىپ، وڭتۇستىك شينجياڭنىڭ ساياحات ىستەرىن ونان ارى جانداندىرۋىن، جىبەك جولى ەكونوميكالىق بەلدەۋىندەگى ساياحات شارۋاشىلىعى جەلىسىن دامىتا ءتۇسۋدى جەبەۋىن تىلەيمىز.
4. ياڭ رۇڭ بۋىرشىن اۋدانى ويماقى اۋىلى قىزىلقاباق قىستاعىنىڭ تۇرعىنى
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، ءۇي سالساق، اۋىل شارۋاشىلىعى ماشينالارىن ساتىپ الساق، قوسىمشا قاراجاتتان يگىلىكتەنەتىن بولدىق، ناۋقاس كورسەتۋ اقىمىز ەسەپتەن كوتەرىلىپ، بالالارىمىزدان وقۋ قاراجاتى الىنبايتىن بولدى... تۇرمىسىمىز جاقسارا ءتۇستى. مەملەكەتىمىزدىڭ حالىققا تيىمدىلىك جاساۋ ساياساتتارىن كوپتەپ شىعارىپ، ءار ۇلت بۇقاراسىنىڭ تۇرمىسىن باقىتقا كەنەلتە ءتۇسۋىن تىلەيمىن.
5. لي يان اۆتونوميالى رايوندىق پارتيا مەكتەبى ەكونوميكا ءىلىمى كافەدراسىنىڭ مەڭگەرۋشىسى، دوتسەنت
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم شينجياڭ قىزمەتىن ويداعىداي ىستەۋدىڭ كوپتەگەن جاڭا تانىمىن، جاڭا وي جەلىسىن العا قويدى؛ اماليات بارىسىندا يدەيانى ازات ەتۋدى دارىپتەپ، دامۋدى جەبەيتىن، حالىق تۇرمىسىنا تيىمدىلىك جاسايتىن، ورنىقتىلىقتى قورعايتىن تىڭ شارالار بەلگىلەپ، اتقارىپ، قىزمەتتەردە ىلگەرىلەۋشىلىكتەرگە قول جەتكىزدى. شينجياڭنىڭ بولاشاعىنىڭ ورايلارعا، ومىرشەڭدىككە، ۇمىتكە تولۋىن تىلەيمىز.
6. مادەنبەك ەلەش ۇلى كوكتوعاي اۋدانى مەملەكەت باجى مەكەمەسىنىڭ پەنسياعا شىققان كادرى
مۇگەدەكتەر، كەدەي وقۋشىلار كوڭىل بولۋگە جانە جاردەمگە ەڭ مۇقتاج توپ، سونداي - اق جەرگىلىكتى بۇقارانىڭ باقىت كورسەتكىشىن ولشەيتىن ماڭىزدى شوعىر سانالادى. پارتيا مەن ۇكىمەتتىڭ وسىنداي ءالسىز توپتارعا نەعۇرلىم كوڭىل ءبولىپ، قاتىستى تيىمدىلىك جاساۋ ساياساتتارىن كوپتەپ شىعارىپ، ولاردىڭ پارتيا مەن ۇكىمەتتىڭ مەيىرىن كوپتەپ سەزىنۋىنە مۇمكىندىك جاساۋىن ءۇمىت ەتەمىز.
7. مامەتجان ءومار قۇلجا اۋدانى ونيار اۋىلى بولەكەي قىستاعى پارتيا ياچەيكاسىنىڭ شۋجيى
جاسىم 60تان اسقانشا بولەكەي قىستاعىندا قىزمەت ىستەپ كەلەمىن. بۇل قىستاقتا نەشە كوشە جولى بار ەكەنى جانە ونىڭ ءاربىر قالتارىستارى ماعان ايان؛ قاي وتباسىندا كىمدەر تۇراتىنى، قانشالىقتى جەرى بارى... ءبار − ءبارىن بەس ساۋساعىمداي بىلەمىن. بولەكەي قىستاعىنداعى ءار ۇلت بۇقاراسىنىڭ تۇرمىستارىنىڭ توتىداي تۇرلەنىپ، كۇن سايىن جاقسارا ءتۇسۋىن تىلەيمىن.
8. حالىق مامەت 2013 - جىلى «ەڭ ارداقتى شينجياڭدىق» بولىپ باعالانعان، توقسۇن اۋدانى شايماق اۋىلى بازار قىستاعىنىڭ تۇرعىنى
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعان 4 جىلدان بەرى تۇرمىسىمىز تۇرلەنىپ، كوڭىلىمىز توعايدى، ديقانداردىڭ دەنى كەڭ دە جارىق ۇيگە كوشىپ كىردى، بەيقۇت ۇيلەر كەمەلدى دە كەلىستى ەتىپ سالىندى، اۋداننىڭ قالا قۇرىلىسى دا كۇن سايىن ساۋلەتتەنە باستادى، جۇرتشىلىقتىڭ تۇرمىسى تۇلەجىدى. حالىق تۇرمىسىنا ابزال ساياساتتاردىڭ ءالى دە مولايىپ، تاڭدارىمىز ارايلاپ اتىپ، جانىمىز شۋاققا بولەنسە، باي - باقىتتى بولا تۇسسەك دەپ ويلايمىن.
9. لي يۋانمين قۇلجا اۋدانى حۇديار ءيۇز اۋىلى گەمە قىستاعى پارتيا ياچەيكاسىنىڭ شۋجيى جانە قىستاق تۇرعىندار كوميتەتىنىڭ مەڭگەرۋشىسى
ورتالىقتىڭ كوپ جىلداردان بەرى شينجياڭدى، ىلە قازاق اۆتونوميالى وبلىسىن، سونىڭ ىشىندە گەمە قىستاعىن زور كۇشپەن قولداعانىنا العىس ايتامىن. پارتيا مەن ۇكىمەتتىڭ قامقورلىعى بولماعاندا گەمە قىستاعىنىڭ بۇگىنگى باقىتتى كۇنى دە بولماس ەدى. الداعى كۇندەردە ەڭ تومەنگى تۇرمىسى قامتاماسىزداندىرىلاتىن، بەستە قامدالاتىن جانە قيىنشىلىعى بار وتباسىلارىنىڭ بەيقۇت ۇيگە كوشىپ كىرۋىن، قيىنشىلىعى بار ەگىنشى - مالشىلاردىڭ كەدەيلىكتەن قۇتىلىپ، اۋقاتتانۋ جولىنا ءتۇسۋىن تىلەيمىن.
10. جوۋ شيحۋا قورعاس اۋدانى ەرەكشە تاربيە مەكتەبىنىڭ مۇعالىمى
2000 - جىلدان بەرى كەرەڭدىكتىڭ قاسىرەتىن شەككەن 100دەگەن بالانىڭ وزگەمەن سويلەسۋىنە كومەكتەستىم. مەملەكەتىمىز بيىل «ەرەكشە تاربيەنى كۇشەيتۋ جوسپارىن (2014 - جىلدان 2016 - جىلعا دەيىن)» العا قويدى، پارتيا مەن ۇكىمەتتىڭ قامقورلىعىندا مۇگەدەك بالالاردىڭ ءار تاڭى مەرەيگە شوماتىنىنا كوزىم جەتەدى.
11. چي شۋشۋان ءۇرىمجى قالاسى ىنتىماق كوشەسى اۋماعىن باسقارۋ كوميتەتى باحۋلياڭ الەۋمەتتىك اۋماعى پارتيا ياچەيكاسىنىڭ شۋجيى
كوركەيىپ - گۇلدەنە تۇسكەن قوعامدىق قۇرىلىس بارىسىندا حالىق تۇرمىسىنىڭ تاماشا كارتيناسى سىزىلدى، ءۇرىمجى قالاسى باحۋلياڭ الەۋمەتتىك اۋماعىن باسقارۋ كوميتەتى رەفورما دامۋىنا ءۇن قوسىپ، تۇرعىنداردىڭ قيىنشىلىعىن شەشۋگە قاي - قاشان دا دايىن بولىپ، الەۋمەتتىك اۋماقتى ءتىپتى دە تاماشا ەتىپ قۇرۋعا قۇلشىنادى.
قايراتىن جانىپ، ارمانعا قۇلاش ۇرعاندار
12. ابىلەيىن ابىلەز قۇمىل ايماقتىق ورتا دارەجەلى حالىق سوتىنىڭ پەنسيونەرى
ورتالىقتىڭ شينجياڭدا اتقارعان ءبىر قىدىرۋ ءتيىمدى ساياساتتارى شينجياڭداعى ءار ۇلت بۇقاراسىنا شىنايى جاقسىلىق اكەلدى. پەنسيونەر كادر رەتىندە پارتيانىڭ قامقورلىعىن اقتايمىن. قالعان كۇندەردە دە بەكەر قاراپ جاتپاي، زاڭ - ءتۇزىمدى ەگىنشى - مالشىلار اراسىنا بارىپ ۇگىتتەپ، جاراسىمدى، ورنىقتى، كوركەيىپ - گۇلدەنگەن شينجياڭ قۇرۋعا ءوز ۇلەسىمدى قوسامىن.
13. دارحانچي سۇبۇت قوبىقسارى موڭعۇل اۆتونوميالى اۋدانى موتگە اۋىلى جىمىگىر قىستاعى پارتيا ياچەيكاسىنىڭ شۋجيى مەملەكەتىمىزدىڭ حالىققا ءتيىمدى ساياساتتاردى كوبىرەك شىعارىپ، شينجياڭنىڭ ەكونوميكالىق، قوعامدىق دامۋىن قولداۋىن، ءار ۇلت حالقىن رەفورما دامۋىنىڭ جەتىستىكتەرىنەن ءتىپتى دە يگىلىكتەندىرۋىن ءۇمىت ەتەمىن. مەن نەگىزگى ساتىداعى كادر رەتىندە ورتالىقتىڭ، اۆتونوميالى رايوننىڭ قامقورلىعىن قىزمەتىمىزدە جاڭالىق جاساۋدىڭ قوزعاۋشى كۇشى ەتىپ، ەل - جۇرتىما اناعۇرلىم جاقسى، ناقتى ءىس ىستەپ بەرەمىن.
14. رايحان قاسىم «جۇڭگوداعى ەڭبەگى ەرەن 10 انا» اتاعىن العان شينجياڭ مۇناي ينستيتۋتىنىڭ پەنسيونەرى
10 نەشە جىلدان بەرى باستاپقىدا قۇرىلعان «مەيىربان انا» گرۋپپاسىنداعىلار العاشقى 30 ادامنان نەشە ون مىڭ ادامعا جەتكەن ۇلكەن قوسىنعا اينالىپ، ءار ۇلت بالالارىنا جاساعان قامقورلىعى 10 مىڭ ادام - رەتتەن استى. جۇرتشىلىقتىڭ مەيىر باعىشتاۋ ىستەرىنە ات سالىسۋىن، قاي جەردە قيىنشىلىعى بار بالا بولسا، سول ارادا مەيىر باعىشتاۋ قيمىلىنىڭ ورىستەتىلىپ، بالالارعا مەدەت بولۋىن ءۇمىت ەتەمىن.
15. ابدراقىپ دامولدا شينجياڭ ءىسلام ينستيتۋتىنىڭ باستىعى
مەن شينجياڭنىڭ كوپ ءوڭىرىن ارالاپ كوردىم، بارعان جەرلەرىمنىڭ بارىنەن ءار ۇلت حالقىنىڭ تۇرمىستارىنىڭ كۇن سايىن جاقسارىپ كەلە جاتقانىن سەزىندىم. پارتيانىڭ مەيىر - شاپاعاتىن ۇمىتا المايمىز. مەن بارلىق وتانشىل، ءدىني قايراتكەرلەرمەن بىرگە پارتيا مەن ۇكىمەتكە سايكەسە وتىرىپ، دىنگە سەنەتىن قاۋىمدى وتاننىڭ تۇتاستىعىن، ۇلتتاردىڭ ىنتىماعىن، قوعامنىڭ ورنىقتىلىعىن قورعاۋ جاعىنا تاربيەلەۋگە كوبىرەك ۇلەس قوسىپ، پارتيا باسشىلىعىندا تاباندى بولۋدان جازبايمىن.
16. ليۋ شينشۋان ءۇرىمجى قالاسى بەيجيڭ وڭتۇستىك كوشەسى ورتا تازالىعى باسقارماسىنىڭ قىزمەتكەرى
مەن ءۇرىمجى بەيجيڭ وڭتۇستىك كوشەسىندە 4 جىل ورتا تازالىعى قىزمەتىمەن شۇعىلداندىم، قالا كەلبەتىنىڭ ورتا تازالىعى جاعىنداعى زور وزگەرىسىنە ءوز كوزىممەن كۋا بولدىم؛ جولدار كەڭەيدى، شىراق نۇرلاندى، عيماراتتار اسپانعا بوي سوزدى، اۆتوكولىكتەر كوبەيدى، قورشاعان ورتا كورىكتەنە ءتۇستى. مەكەنىمىزدىڭ اناعۇرلىم تاماشا بولۋى ءۇشىن، مەن «قالا كەلبەتىن اسەمدەۋشى» بولا بەرۋگە پەيىلمىن.
17. جۋاڭ شىحۋا قارۋلى ساقشى شينجياڭ باس اترەتى شيپاحاناسىنىڭ باستىعى
شينجياڭدا 4114 جىل قىزمەت ىستەدىم، ءار ۇلت بۇقاراسىمەن تەرەڭ سۇيىسپەنشىلىك ورناتتىم. حالىق ارمياسىنىڭ ۇكىمەتتى قولداپ، حالىقتى سۇيۋدەي داڭقتى ءداستۇرىن ۇزبەي ساۋلەلەندىرىپ، ءار ۇلت بۇقاراسىن ءسۇيىپ، ءار ۇلت بۇقاراسى ءۇشىن كوبىرەك قىزمەت ىستەۋگە قۇلشىنامىن.
18. جۇماتاي اۋباكىر ۇلى تەكەس اۋدانى بوزادىر مال شارۋاشىلىق رايونى دەنساۋلىق ساقتاۋ بولىمشەسىنىڭ شيپاگەرى
اۋىل شيپاگەرىمىن ءارى مالشىنىڭ بالاسىمىن، مالشىلار مەنەن، مەن مالشىلاردان قول ۇزە المايمىن، ولاردىڭ اۋرۋىن ەمدەۋ مەنىڭ بورىشىم، جاڭا بىلىمدەر ۇيرەنىپ، ولاردىڭ اۋرۋ ازابىن جەڭىلدەتسەم دەيمىن.
19. نۇربيام مامەت شينجياڭ قازىنا - ەكونوميكا ۋنيۆەرسيتەتى فينانس ينستيتۋتىنىڭ وقۋشىسى
جارىمجان اپەكەمدى ارقالاپ ءجۇرىپ ۋنيۆەرسيتەت وقىعانىم ءۇشىن، وقىتۋشىلارىم مەن ساباقتاستارىمنىڭ قامقورلىعى ءارقاشان ءبىزدىڭ جانىمىزدان تابىلدى، اپەكەم ەكەۋىمىز اقىلداسىپ، بىرگە اسپيرانتۋراعا ەمتيحان تاپسىراتىن بولىپ كەلىستىك، ءبىز ءتىپتى دە كوپ ءبىلىم يگەرىپ، كورىكتى پوسكام قۇرۋعا كۇش قوسامىز.
20. ەرلان ساۋىت ۇلى اۆتونوميالى رايوندىق وقۋ - اعارتۋ عىلىمىن زەرتتەۋ زەرتتەۋ ورنىنىڭ ورىنباسار باستىعى
قىستاقتا تۇراتىن كادر رەتىندە، مەن ءار ۇلت جۇرتشىلىعىمەن تۋىستاس، دوستاس بولۋدى جالعاستىرامىن، ولاردىڭ قيىنشىلىعىن شەشىپ، ۋايىمدارىن سەيىلتۋگە كۇش سالىپ، كورىكتى مەكەنىمىزدى بىرگە قۇرۋعا كۇش سالامىن.
21. ءسامارجان ءۇرىمجى قالاسى تيانشان رايونى قاتىناس ساقشى ۇلكەن اترەتى شينحۋا كوشەسى ورتا اترەتى شيداچياۋ كوپىرى وبرازدان ۇلگى كورسەتۋ قىزمەت ورنىنىڭ ساقشى باستىعى
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان كەيىن، ءۇرىمجى قالاسىنىڭ قاتىناس ساقشىلىق قىزمەتىندە بەيجيڭ سياقتى جەرلەردىڭ زاڭ اتقارۋ تاجىريبەسى ەنگىزىلدى، بۇل قاتىناس ساقشىلارىنىڭ جالپىلىق ساپاسىن جوعارىلاتىپ قانا قالماي، قالا تۇرعىندارىنىڭ ءتۇسىنۋى مەن قولداۋىنا دا بولەنە باستادى، قۇلشىنا قىزمەت ىستەپ، قالا تۇرعىندارى ۇناتاتىن جاقسى قاتىناس ساقشىسى بولۋعا قۇلشىنامىن.
22. ۋاڭ گۇيجىن قۇتىبي اۋدانى قۇتىبي قالاشىعى شۋاڭچياۋ الەۋمەتتىك اۋماعى ىنتىماق كوشەسىندەگى مەيىربان انا
مەن تۇرعان شاعىن اۋماق كۇن سايىن وزگەرىپ، بارعان سايىن جاقسارىپ كەلەدى. ءبىزدىڭ «التۇنحان مەيىر جالعاۋ قىزمەت اترەتى»ءتىپتى دە كوپ قيىنشىلىعى بار بۇقاراعا كومەكتەسۋدى جالعاستىرىپ، ولارعا سۇيىسپەنشىلىك ارقىلى جىلۋ باعىشتايمىز.
23. ءانۋار ءمانسۇر جەكە كولىگىن الەۋمەت قاجەتىنە ارناعان «شينجياڭنىڭ جاقسى ادامى»، گوديان سەرىكتەستىگى شينجياڭ حوتان ەلەكتر سەرىكتەستىگىنىڭ قىزمەتكەرى
2010 - جىلى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلىپ، شينجياڭ دامۋىندا «كوكتەم سامالى» ەستى. قازىر حوتاندا ءزاۋلىم عيماراتتار كۇن سايىن مولايىپ، جولدار بارعان سايىن كەڭەيە ءتۇستى، جولداعى جەكە كولىكتەر دە كوبەيۋدە، دەسەدە، تەك ءبىر ادام قاجەت دەپ بىلسە بولدى، جاقسى ءىستى جالعاستىرا بەرەمىن.
توعىسسىن جۇرەك، ۇستاسسىن قولدار، نۇرلانسىن شينجياڭدا ەرتەڭگى جولدار
24. احات توقسۇن ۋىنسۋ اۋدانى پيڭ - ان جولاۋشى تاسىمالى اۆتوكولىك جالعا بەرۋ جاۋاپكەرشىلىگى شەكتەۋلى سەرىكتەستىگىنىڭ القالار ءتوراعاسى
قازىر اۋىل - قىستاقتىڭ بارىنە اسفالت جول جەتكىزىلدى، شارۋالاردىڭ ءجۇرىس - تۇرىسى بۇرىنعىدان قولايلى بولا ءتۇستى. ءبىز وتاننىڭ كۇشەيۋىن، گۇلدەنۋىن، بايىپ - قۇدىرەتتەنۋىن، حالىق تۇرمىسىنىڭ جاراسىمدى، تاتۋ - ءتاتتى بولۋىن، جۇڭحۋا ۇلتىنىڭ ۇلى ىنتىماعىن شىن جۇرەكتەن تىلەيمىز.
25. تيان جۇڭفۋ شينجياڭ سوتسياليستىك ينستيتۋتى بىرلىكساپ نازارياسىن وقىتۋ - زەرتتەۋ كەڭسەسىنىڭ پروفەسسورى
ءبىز پارتيا ورتالىعىنىڭ شىنايى قامقورلىعىندا، باۋىرلاس ولكە - قالا حالقىنىڭ پارمەندى قولداۋىندا، شينجياڭداعى ءار ۇلت كادر - جۇرتشىلىعى ءبىر تىلەك، ءبىر نيەتتە بولىپ، قايراتتانا العا ۇمتىلساق، شينجياڭنىڭ تاماشا بولاشاعىنىڭ شىنايى جۇزەگە اساتىنىنا كامىل سەنەمىز.
26. مامەت وشىر ۋىنسۋ اۋدانى تۇقۇلا اۋىلى قۇرۇل قىستاعىنداعى ديقان سۋرەتشى
قازىر اۋىل - قىستاقتىڭ بەت - بەينەسى جاڭارىپ، تۇرمىس كۇننەن - كۇنگە جاقساردى، كوڭىلىمىز توق، ۇلى وتانىمىزدىڭ ءتىپتى دە قۇدىرەتتى، حالقىنىڭ ءتىپتى دە باي - باقىتتى بولۋىن تىلەيمىز.
27. لي جۇن شينجياڭ پەداگوگيكا ۋنيۆەرسيەتى ساياسات جانە الەۋمەتتىك باسقارۋ ينستيتۋتىنىڭ دوتسەنتى
ۇلتتار ىنتىماعى شينجياڭداعى ءار ۇلت حالقىنىڭ جۇرەگىندەگى ماۋەلەپ وسكەن گۇل ىسپەتتى. 4 جىلدان بەرى شينجياڭداعى ءار ۇلت حالقى تىنىستاس، تاعدىرلاس، جۇرەكتەس بولا وتىرىپ، كورىكتى اتا مەكەندەرىن بىرگە قۇردى. ولار تار جول، تايعاق كەشۋدى باستان كەشكەنىمەن، ءار ۇلت جۇرتشىلىعىنىڭ كۇش بىرىكتىرە ماپەلەپ، ايالاۋىندا ىنتىماق گۇلى ءبۇر جارىپ، شەشەك اتىپ، قاۋلاپ وسەتىندىگىنە كامىل سەنەمىز.
28. مامۇت ابدۇۋالي شينجياڭ قوعامدىق عىلىمدار اكادەمياسى تاريح ينستيتۋتىنىڭ ورىنباسار باستىعى، تەتە اعا زەرتتەۋشى
4 جىلدىق قۇلشىنىس، 4 جىلدىق شىنىعۋ، 4 جىلدىق ءونىم − شينجياڭداعى ءار ۇلت جۇرتشىلىعىنىڭ تالىقپاي العا تالپىنۋىنا دەم بەردى. شينجياڭنىڭ بولاشاعىنىڭ ءتىپتى دە جارقىن، تۇرمىسىمىزدىڭ كۇننەن - كۇنگە جاقسارا بەرۋىن تىلەيمىن.
29. گو لي شينجياڭ وۋ - لي - دى عىلىم - تەحنيكا شەكتى سەرىكتەستىگىنىڭ باس مەڭگەرۋشىسى
4 جىلدان بەرى ورتالىقتىڭ شينجياڭ قىزمەتى جونىندەگى اڭگىمە ءماجىلىسى رۋحىنىڭ جەتەكشىلىگىندە، 19 تۋىسقان ولكە، اۆتونوميالى رايون، قالانىڭ باعىتتامالى كومەگىندە، تيانشان ۇلاندارىنىڭ قيىنشىلىقتان تايسالماي، قاجىرلىلىقپەن كۇرەس جاساۋىنىڭ ارقاسىندا، كورىكتى شينجياڭدا زور وزگەرىستەر تۋىلدى. اتا مەكەنگە باقىت تىلەيمىن، كورىكتى شينجياڭعا ماراپات جاۋدىرامىن!
30. ءدىلمۇرات شينجياڭ جازۋشىلار وداعىنىڭ ورىنباسار باس حاتشىسى
مەن شينجياڭ سىندى وسى ىرىستى ولكەدە تىرشىلىك ەتىپ جاتقان ءار ۇلت باۋىرلاستارىن قىزۋ سۇيەمىن. ءوزىم شۇعىلدانىپ وتىرعان اۋدارما كاسىبىن قۇرال ەتىپ، «كوڭىل پەرنەسىن شەرتىپ، وزگەلەرگە سۇيىسپەنشىلىك باعىشتاي ءبىل» دەگەن جۇرەك جاردى ءسوزىمدى ايتقىم كەلەدى. شينجياڭنىڭ اسەم كورىنىسى، شينجياڭداعى قورمال ءار ۇلت جۇرتشىلىعى قادىرلەۋىڭىزگە ابدەن تاتيدى، شينجياڭنىڭ بولاشاعى، ءسوزسىز، جارقىن.
31. چاعان شينجياڭ كوركەمونەر تەاترى ءان - ءبي ۇيىرمەسىنىڭ 2 - دارەجەلى ارتيسى
اتا مەكەن − شينجياڭنىڭ گۇلدەنىپ - كوركەيۋىن، باياندى تىنىشتىق ورناۋىن شىن جۇرەگىمنەن تىلمەيمىن.
32. ۋاڭ ۋي
الەمدەگى دوستاردىڭ كوركى كوز سۇرىندىرەتىن كەرىم ولكەمىزگە كەلۋىن قۇشاق جايا قارسى الامىز! مەكەنىمىزدىڭ كوركەم كورىنىسىنە تاڭ قالمايتىن جان بولماس، جەمىس مەكەنى اتالعان شينجياڭدا الۋان جەمىستىڭ حوش ءيىسى اڭقيدى، مۇنداعى ۇلتتىق سالت - سانانىڭ بوگەنايى بولەك. بايىرعى جىبەك جولى شينجياڭنىڭ دامۋىنا وزگەشە ءتۇس قوسىپ كەلەدى. جىبەك جولىنىڭ اشىلماعان سىرىنا ءۇڭىلىپ، تىڭ بولاشاق جاراتۋعا قۇلشىنايىق!
33. ابدۇعاني قۇربان مەملەكەت بويىنشا پوچتا سالاسىنداعى وزات جەكە، شينجياڭ پوچتا سەرىكتەستىگى قاشقار ايماقتىق بولىمشە سەرىكتەستىگىنىڭ پوچتاليونى
نەگىزگى ساتىداعى ءبىر پوچتاليون رەتىندە، پوچتا كاسىبىنىڭ قاربالاستىعىن، توقتاۋسىزدىعىن سۇيەمىن. جالپىلىق قىزمەت ەتۋ جانە ەرەكشە قىزمەت وتەۋ مىندەتىن ويداعىداي وتەۋگە كۇش سالامىن، تۇتاس شينجياڭنىڭ پوچتا ىستەرىنىڭ تىڭ بەلەسكە كوتەرىلۋىن ءۇمىت ەتەمىن.
34. الىمجان ءماتتوقتى اۆتونوميالى رايوندىق ۇلتتار ىنتىماعىنىڭ ۇلگىسى، اۆتونوميالى رايوندىق تۇرمە باسقارۋ مەكەمەسىنىڭ قىزمەتكەرى
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، شينجياڭدا زور وزگەرىستەر تۋىلدى. ءار ۇلت جۇرتشىلىعىنىڭ قارىشتاپ دامۋ جانە باياندى تىنىشتىقتى جۇزەگە اسىرۋ سەنىمى ەسەلەپ ارتىپ، ءتىپتى دە ىنتىماقتاسىپ، اتا مەكەندەرىنە دەگەن سۇيىسپەنشىلىگى ءتىپتى دە كۇشەيدى. ءبىز بۇگىنگىدەي تاماشا تۇرمىستى اناعۇرلىم قاستەرلەۋىمىز، ءار ۇلت ۇل - قىزدارى اناعۇرلىم ىنتىماقتاسىپ، جۇدىرىقتاي جۇمىلىپ، ءوزارا ءتۇسىنىپ، قولداپ، قارايلاسىپ، تار جول، تايعاق كەشۋدەن بىرگە ءوتىپ، قۋانىش - قايعىدا بىرگە بولىپ، ءبىر وتباسىنىڭ ادامدارىنداي جاراسىمدى، بەرەكەلى، ىنتىماقتى ءوتىپ، ورتاق دامىپ، بىرگە گۇلدەنىپ - كوركەيۋىمىز قاجەت.
35. شياڭ حۇڭجى ءۇرىمجى قالاسى حۇڭم−ياۋزى ءمالىسى تۋگۇڭ الەۋمەتتىك اۋماعىنىڭ مەڭگەرۋشىسى
بارلىق ادامنىڭ ارمان - تىلەگى بولادى. الەۋمەتتىك اۋماق قىزمەت وتەۋ ۇيىمىنىڭ ءتىپتى دە كەمەلدى، ءتۇزىمىنىڭ اقاۋسىز، دامۋىنىڭ مۇلتىكسىز بولۋى، تۇرعىنداردىڭ الاڭسىز، باقىتتى تۇرمىس كەشىرۋى مەنىڭ ەڭ ۇلكەن ارمانىم.
36. جيا شياۋگۋاڭ اۆتونوميالى رايوننىڭ عىلىم - تەحنيكا العاباسارلىعى ەرەكشە سيلىعىنىڭ يەگەرى، اۆتونوميالى رايوندىق جۇڭگوشا ءدارى - دارمەك، ۇلتتىق ءدارى - دارمەك زەرتتەۋ ورنىنىڭ باستىعى
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعان 4 جىلدان بەرى رايونىمىزدىڭ ءار كاسىپ، ءار سالاسىندا زور وزگەرىس جارىققا شىقتى. شينجياڭنىڭ جۇڭگوشا ءدارى - دارمەك، ۇلتتىق ءدارى - دارمەك كاسىبىنىڭ اياق الىسى جاي بولعانىمەن، باسىمدىلىعى تىنباي كورنەكتىلەندى. 2020 - جىلى شينجياڭنىڭ بيولوگيالىق ءدارى - دارمەك ءونىم قۇنىنىڭ ءبىر نەمەسە ەكى قاتتالاتىنىنا، عىلىم - تەحنيكانىڭ جاڭا ءدارى - دارمەكتەردى تاپقىرلاۋ، جاساۋ جاعىندا مۇنان دا زور رول اتقاراتىنىنا كامىل سەنەمىن.
37. وشۇر قاسىم جۇڭگو ينجەنەريالىق عىلىمدار اكادەمياسىنىڭ اكادەميگى، شينجياڭ ۋنيۆەرسيتەتى ينفورماتسيا عىلىمى جانە ينجەنەريا ينستيتۋتىنىڭ پروفەسسورى
عىلىم - تەحنيكا قىزمەتكەرى رەتىندە 4 جىلدان بەرى شينجياڭنىڭ عىلىم - تەحنيكا ىستەرىنىڭ قارىشتاپ دامىعانىنا كۋا بولدىم. ءبىز كوز الدا جىبەك جولى ەكونوميكالىق بەلدەۋى قۇرىلىسى سياقتى سونى ورايلاردى مىقتاپ يگەرىپ، ارىنداي العا ۇمتىلىپ، شينجياڭدى ءتىپتى دە كوركەم ەتىپ قۇرۋىمىز كەرەك.
38. يمىنجان مامەت شينجياڭ جاستار بىرلەستىگىنىڭ ورىنباسار باس حاتشىسى
بىلتىر بەيجيڭنەن شينجياڭعا قايتىپ قىزمەت ىستەگەننەن كەيىن، قىزمەت بابىمەن وڭتۇستىك شينجياڭنىڭ 5 ايماق، وبلىسىنداعى 20 نەشە اۋدان، قالاعا بارعان بولاتىنمىن. وسى 4 جىلدا وڭتۇستىك شينجياڭدا زور وزگەرىستەر، مۇنان دا ماڭىزدىسى، جۇرتتىڭ تانىمىندا زور وزگەرىستەر جارىققا شىققان ەكەن، جەر - جەردە شارۋاشىلىق قۇرعان جاستاردىڭ قاتارى مولايىپ، جۇرت شينجياڭ جاستارىنىڭ بولاشاعىنا تولىق سەنىم ارتتى.
39. زۇمۇر قۇدايبەردى مەملەكەتتىك ەڭبەك ەرى، تاڭداۋلى سۋديا، اقتاۋ اۋداندىق حالىق سوتى مەكەمەسى اقدالا سوتىنىڭ باستىعى
وسى 4 جىلدا شينجياڭنىڭ توتەنشە تەز دامىعانىن، زور وزگەرىستەر جارىققا شىققانىن سەزىنىپ وتىرمىن. شينجياڭنىڭ ءتىپتى دە ورنىقتى بولۋىن، گۇلدەنىپ - كوركەيۋىن تىلەيمىن. ورنىقتى ورتا بولعاندا عانا ويداعىداي دامۋعا بولادى. شينجياڭنىڭ بولاشاعىنا زور ءۇمىت ارتامىن.
40. جىڭ شيڭچۇن باتىس بولەك جوسپارىنداعى ەرىكتى، توقسۇن اۋداندىق پارتكوم ۇيىمداستىرۋ ءبولىمىنىڭ كادرى
مەن 2007 - جىلى شىلدەدە شاندۇڭنان شينجياڭعا كەلگەن باتىس بولەك جوسپارىنداعى ەرىكتىمىن، توقسۇن اۋدانىندا قىزمەت ىستەيمىن. ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى شينجياڭدا وزگەرىستەر، جاڭالىقتار جارىققا شىعىپ وتىرعانىن تەرەڭ سەزىندىم. شينجياڭ سىندى ىرىستى جەردە شاڭىراق كوتەرىپ، وسىندا تامىر تارتتىم. شينجياڭدا جارىققا شىققان زور وزگەرىستەر كىسىنى جەلپىندىرەدى. شينجياڭنىڭ بولاشاعىنىڭ ءتىپتى دە جارقىن بولاتىنىنا كامىل سەنەمىن! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
