- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
باعىتتامالى كومەكتەسۋدىڭ تىڭ ورلەۋى شينجياڭعا سەرپىن بەردى
ءتىلشىمىز حان چينيان
2014.06.03 13:23 كەلۋ قاينارى : ءتاڭىرتاۋ تورابى
كەرەمەت عاجايىپتارعا جۇكتى وسى ءبىر ۇلى ءداۋىر گۇلدەنگەن، قۇدىرەتتى، جاراسىمدى، ورنىقتى كوركەم شينجياڭ قۇرۋدى جەدەلدەتۋدىڭ تىڭ ورلەۋىن كوتەردى.
بۇگىنگى كۇنى شينجياڭعا باعىتتامالى كومەكتەسۋ قىزمەتى شينجياڭداعى كوپتەگەن ادامنىڭ تاعدىرىن وزگەرتتى؛ شينجياڭنىڭ قارىشتاپ دامۋ قادامى نىعايا ءتۇستى؛ شينجياڭنىڭ جاراسىمدى، ورنىقتى اياق الىسى اناعۇرلىم بايىپتى بولا ءتۇستى.
شينجياڭعا باعىتتامالى كومەكتەسۋ سىندى «بۇكىل ەلدىڭ كۇشىن بىرىكتىرىپ، شينجياڭداي وسى ءبىر ۇلى وتاننىڭ شۇرايلى القابىن نەعۇرلىم كورىكتەندىرۋ» تاريحي پاراعىنا − جۇڭگو كوممۋنيستەرىنىڭ ماڭداي تەرى تامعان، جۇڭحۋا ۇلتىنىڭ ۇلى گۇلدەنۋ نۇرلى بولاشاعىن قۇلپىرتا ءتۇستى.
وسى ءبىر دابىرالى مەملەكەتتىك قيمىل شينجياڭداعى ءار ۇلت حالقىنىڭ جەكە ارمانىمەن، وڭىرلىك گۇلدەنۋ - قۇلدىراۋىمەن، «جۇڭگو ارمانىمەن» تىعىز بايلانىستى.
شينجياڭعا باعىتتامالى كومەكتەسۋ شينجياڭنىڭ جاسامپازدىق جاساۋ ارىنىن تەبىندەتتى
ماحمۇت تۇرسىن كوپشىلىكتىڭ ءوزىن «ماكە» دەپ اتاۋىن ۇناتادى، ول شىنجىننىڭ شينجياڭعا باعىتتامالى كومەكتەسۋ بويىنشا قۇرىلعان قاشقار مۇگەدەكتەر قوعامىنىڭ ەرىكتىسى بولعاننان كەيىن، كوپشىلىك ونى وسىلاي اتاپ كەتتى. ونىڭ نازارىندا 4 جىلدان بەرى اۋىلىندا كوپتەگەن وزگەرىستەر تۋىلدى: توپ - توپ ەرىكتىلەر سوناۋ الىستاعى شىنجىننان قاشقارعا كەلىپ، مۇگەدەك ۇيعۇر ازاماتتارىنا كومەكتەسىپ، ولاردىڭ تۇرمىسقا دەگەن سەنىمىن قايتادان تۇلەتتى؛ شىعىس بولەكتەگى توپ - توپ كاسىپورىنشىلار قارجى جانە زاتتىق ماتەريالدار الا كەلىپ، جەرگىلىكتى ورىنداعى كەدەي وتباسىلارىنا جىلۋ اتاپ، قالتقىسىز كومەكتەستى؛ شينجياڭعا كومەكتەسۋ نىساندارى ارت - ارتىنان ىرگە تەۋىپ، بۇرىنعى قاعىر دالادان وسىزاماندانعان مەكتەپ، شيپاحانا بوي كوتەردى...
كوز الداعى وزگەرىستەردى كورگەن ونىڭ ارمانىنا قانات ءبىتتى. كوپ رەت كاسىپتەنسەدە ناتيجە شىعارا الماعان ول شينجياڭعا باعىتتامالى كومەكتەسۋ كادرلارىنىڭ كومەگىندە، شىنجىن ەرىكتىلەرىمەن سەلبەسىپ «ۇجدان» ساۋدا شەكتى سەرىكتەستىگىن قۇرىپ، ينتەرنەتتە شينجياڭنىڭ ساپالى جەمىس - جيدەكتەرىن ساتتى.
شينجياڭعا باعىتتامالى كومەكتەسۋ قىزمەتى اماحمۇت سياقتى سانسىزداعان قاراپايىم ادامنىڭ تاعدىرىن وزگەرتۋمەن بىرگە، جاڭا تانىم، جاڭا وي جەلىسىن، جاڭا ءورىس سيلاپ قانا قويماي، شينجياڭنىڭ دامۋى مەن ورنىقتىلىعىن جەبەيتىن ماڭىزدى قوزعاۋشى كۇشكە اينالدى.
4 جىل ۇزىن سونار تاريحتىڭ قاس قاعىم ءساتى عانا، الايدا شينجياڭداعى ءار ۇلت حالقى شينجياڭعا باعىتتامالى كومەكتەسەتىن 19 ولكە، قالادان كەلگەن كادرلارمەن، دارىندىلارمەن بىرگە پارتيا ورتالىق كوميتەتىنىڭ مىعىم جەتەكشىلىگىندە، سونداي - اق اۆتونوميالى رايوندىق پارتكومنىڭ پارمەندى ىلگەرىلەتۋىندە تىزە قوسا شايقاس جاساپ، دۇنيەنى ءدۇر سىلكىندىرگەن ءداۋىر ءانىن اسقاقتاتا شىرقاپ، «قۇلشىنعاندا عانا وزگەرتۋگە بولادى، قۇلشىنساق بولعانى وزگەرتە الامىز» دەگەن ايبىندى داستان جازدى.
ورتالىقتىڭ ءبىر تۇتاس ورنالاستىرۋىنا ساي، 19 ولكە، قالا جەكە - جەكە شينجياڭنىڭ باعىتتامالى كومەك قابىلدايتىن 12 ايماق، (وبلىس) قالاسىنىڭ 82 اۋدانىمەن (قالا) جانە شينجياڭ ءوندىرىس - قۇرىلىس بيڭتۋانىنىڭ 12ديۆيزياسىمەن بايلانىس ورناتتى. وسىدان بۇرىنعى كادرلاردىڭ باعىتتامالى كومەكتەسۋىمەن ۇقسامايتىنى، جاڭا كەزەكتى شينجياڭعا باعىتتامالى كومەكتەسۋ قىزمەتىنىڭ فورماسىنا اناعۇرلىم جاڭالىق ەنگىزىپ، شينجياڭعا ەكونوميكا، وقۋ - اعارتۋ، عىلىم - تەحنيكا، كادر، دارىندى سياقتى جاقتاردان جان - جاقتىلى باعىتتامالى كومەكتەسىپ، «قان قۇيۋ» مەن «قان جاساۋدى»، «قاتتى بولشەك» پەن «جۇمساق بولشەكتى»، «كومەكتەسۋ» مەن «ءوزارا تيىمدىلىك جاساۋدى» ۇشتاستىرىپ، شينجياڭنىڭ قارىشتاپ دامۋى مەن جاراسىمدى ورنىقتىلىعىن جان - جاقتى ىلگەرىلەتتى.
بۇگىنگى كۇنى 19 ولكە، قالا اۆتونوميالى رايوننىڭ جەرگىلىكتى قارجىسىنا 56 ميلليارد 460 ميلليون يۋان (بيڭتۋان قامتىلمايدى، تومەندە دە ۇقساس) قارجى قوستى، وتكەن جىلدىڭ سوڭىنا دەيىن شينجياڭعا باعىتتامالى كومەكتەسۋ نىساندارىنان 3223ى اتقارىلىپ، 35 ميلليارد 920 ميلليون يۋان باعىتتامالى كومەك قارجىسى بوساتىلدى.
ورتالىقتىڭ شەشىم، ورنالاستىرۋىن دايەكتى تياناقتاندىرۋدا شينجياڭعا باعىتتامالى كومەكتەسۋ كۇشى شينجياڭنىڭ تۇلعالىق رولىمەن بىرىككەن كۇش قالىپتاستىرۋىنا جەبەۋشى بولىپ، شينجياڭ ەكونوميكاسىن ارتتىرۋعا پارمەندى قوزعاۋشى كۇش سيلادى. شينجياڭنىڭ حالىقتىق جالپى ءوندىرىس قۇنى 2009 - جىلعى 427 ميلليارد 710 ميلليون يۋاننان 2013 - جىلعى 851 ميلليارد يۋانعا ارتىپ، ارتۋ قارقىنى 2009 - جىلعى 30 - ورىننان 2013 - جىلعى 6 - ورىنعا كوتەرىلدى، دامۋ ارىنى ارتىپ، شينجياڭ دامۋدىڭ ۇتىمدى كەزەڭىنە قادام تاستادى.
شينجياڭعا باعىتتامالى كومەكتەسۋ شينجياڭدى ءتۇرلى جاقتان يگىلىككە كەنەلدىردى
ورتالىقتىڭ شينجياڭعا باعىتتامالى كومەكتەسۋ جاڭا كەزەكتى قىزمەتىنىڭ ستراتەگياسى اتقارىلعاننان بەرى، شينجياڭنىڭ كەڭ - بايتاق دالاسىندا زور وزگەرىستەر تۋىلدى. مۇنايدان، تابيعي گازدەن، كومىردەن، ماقتادان جانە جەمىس ورمانىنان مول ءونىم الىناتىن اقسۋ ايماعىندا ءداستۇرلى اۋىل شارۋاشىلىق ءىرى اۋماعى وسىزاماندانعان اۋىل شارۋاشىلىعى مەن ونەركاسىپتەندىرۋ قاتار جۇرگىزىلگەن داۋىرگە جىلدام قادام تاستاۋدا، جەرگىلىكتى ورىننىڭ بايلىق باسىمدىعى دامۋدىڭ قوزعاۋشى كۇشىنە اينالۋدا.
4 جىلدىڭ الدىندا سۇرەڭسىز بولىپ جاتاتىن قاشقار ايماعى پوسكام اۋدانى اقتام اۋىلىندا بەيقۇت ءۇي سالىپ، حالىقتى اۋقاتتاندىرۋ ينجەنەرياسى اتقارىلعاندىقتان بۇل كۇندەرى دۋماندى قالاشىققا اينالىپ، قاز - قاتار تىزىلگەن بەيقۇت ۇيلەر جەرگىلىكتى ورىنعا كورىك قوستى. ساۋداعا بەيىمى بار مامەتالي زەيىت ورتالىق ساۋدا رايونىنان ەرتەرەك تۇراقتى ساۋدا دۇكەنىن ساتىپ العان بولاتىن. ول بىلاي دەدى: ناۋايحانا اشايىن دەپ العان ەدىم، ءار كۇنگى ساۋدا سوماسى 500 يۋان اينالاسىندا تۇرادى ەكەن. قازىر بۇل جەردىڭ ورتاسى اۋدان قالاشىعىنان قالىسپايدى!
جەرگىلىكتى ورىنداعى اۋىل كادرى بىزگە بىلاي دەدى: ورتالىق پەن اۆتونوميالى رايوننىڭ ۇسىنىلىمدى ارتتىرۋىندا، شينجياڭعا باعىتتامالى كومەكتەسۋ قارجىسىنىڭ قولداۋىندا، سونداي - اق ەگىنشى - مالشىلاردىڭ بەلسەنە ات سالىسۋىندا ەگىنشىلەر بەيقۇت ۇيگە يە بولىپ قانا قويماي، تام جيۋ، جول جوندەۋ سياقتى تەحنيكالاردى ۇيرەنۋىنە مۇمكىندىك تۋىلىپ، ولاردىڭ اۋقاتتانۋ ارناسى كەڭەيە ءتۇستى.
شينجياڭعا باعىتتامالى كومەكتەسەتىن 19 ولكە، قالادان تىس، ورتالىقتىڭ مەملەكەت ورگاندارى مەن كاسىپورىندارى دا قاعىس قالمادى. شينجياڭنىڭ گۇما اۋدانىنا باعىتتامالى كومەكتەسكەن جۇڭگو چاڭجياڭ ءۇش قىساڭ توبى سەرىكتەستىگى جەرگىلىكتى ورىن نەگىزگى ساتى ۇيىمىنىڭ قىزمەت ىستەۋ شارت - جاعدايىن جاقسارتۋعا كۇش سالۋمەن بىرگە، ءۇش قىساڭ كينو - تەاترحاناسى سياقتى نىسانداردى سالىپ، جەرگىلىكتى ورىنداعى بۇقارانىڭ كۇندەلىكتى مادەني تۇرمىسىن بايىتىپ، بۇقارانىڭ القاۋىنا بولەندى.
ورتالىقتىڭ تالابى جانە «بۇقارانى ماڭداي الدى ورىنعا قويۋ، حالىق تۇرمىسىن الدىمەن ويلاستىرۋ، نەگىزگى ساتى ماڭىزدى» سىندى بيلىك جۇرگىزۋ تانىمى بويىنشا اۆتونوميالى رايون مەن شينجياڭعا باعىتتامالى كومەكتەسەتىن ولكە، قالالار حالىق تۇرمىسىن قامتاماسىز ەتۋمەن جاقسارتۋدى، باستان - اياق بارلىق قىزمەتتىڭ ارقاۋى جانە تابان تىرەر تياناعى ەتتى، اۆتونوميالى رايوننىڭ ءۇرتىس 4 جىل بويى ورىستەتكەن «حالىق تۇرمىسى قۇرىلىسى جىلى» قيمىلىنا ۇشتاستىرىپ، كومەك قابىلدايتىن ورىنداعى ءار ۇلت بۇقاراسىنىڭ ءوندىرىس، تۇرمىس شارت - جاعدايىن جاقسارتۋدى قىزمەتكە كىرىسۋ ءتۇيىنى ەتىپ، شينجياڭعا باعىتتامالى كومەكتەسۋ قارجىسىنىڭ %74تەن استامىن حالىق تۇرمىسىن جاقسارتۋعا ىستەتتى، شينجياڭعا باعىتتامالى كومەكتەسۋ قارجىسىنىڭ %95تەن استامىن اۋدانعا (قالا)، سونداي - اق ودان تومەن نەگىزگى ساتىعا پايدالانىپ، كومەك قابىلدايتىن ورىن ەرەكشە قاجەتسىنىپ وتىرعان ءبىرسىپىرا حالىق تۇرمىسى نىساندارىن ءتۇيىندى تۇردە اتقاردى، سونىمەن 4 ميلليونعا جۋىق ەگىنشى - مالشىنىڭ باسپانا شارت - جاعدايى كورنەكتى تۇردە جاقساردى.
قىسقا عانا 4 جىلدا تيانشاننىڭ تۇستىگى مەن تەرىستىگىندە ەگىنشى - مالشىنىڭ باسپانا شارت - جاعدايى جاقسارىپ قانا قويماي، باعىتتامالى كومەك قابىلداعان ورىنداردىڭ وقىتۋ شارت - جاعدايى دا كورنەكتى جاقسارىپ، جەرگىلىكتى ورىنداعى بۇقارا شينجياڭعا باعىتتامالى كومەكتەسۋدىڭ شىنايى يگىلىگىن كوردى.
شينجياڭعا باعىتتامالى كومەكتەسۋ قىزمەتى شينجياڭدىقتاردىڭ تانىمىن جاڭالادى
«ەگەر شاڭحايدا ءبىر جارىم جىل وقىماعان بولسام بۇگىنگى كۇنىم بولماس ەدى»، - دەدى قاعىلىق اۋدانى قاعىلىق قالاشىعى باق ءمالى الەۋمەتتىك اۋماعى قىزمەت وتەۋ ورتالىعىنىڭ ورىنباسار مەڭگەرۋشىسى اينۇر تۇرعىن.
وقۋدان قايتىپ كەلگەن ول حانزۋ ءتىلىن جاتىق يگەرىپ الدى، اۋەلى، شينجياڭ اكسەنتىندە شاڭحايلىقتارشا «تاماق جەدىڭ بە؟»، «لاڭمان جە»، «ساۋ بول» دەگەن سوزدەردى ايتا الاتىن بولدى، قىزمەت بارىسىندا تىلدەن قينالىپ كەتپەدى.
بىرنەشە جىلدىڭ الدىندا اينۇر بانكەنىڭ سىناۋىنان ءوتىپ، بەتپە - بەت ەمتيحانعا ءساتتى كىرەدى، الايدا حانزۋ تىلىمەن ءوزىن تانىستىرۋ تالاپ ەتىلگەندە ول كىدىرىپ قالادى، ايتايىن دەگەنى كوڭىلىندە سايراپ تۇرعانىمەن اۋزىن اشا المايدى.
بۇگىنگى كۇنى مەيلى ونىڭ ءتىل جانە كومپيۋتەر بىلىمىندە بولسىن، الدە بۇقارامەن پىكىر اۋىستىرۋ، قىزمەت ورنىن قاراستىرۋ سياقتى قابىلەتتەرىندە بولسىن تۇگەلدەي ىلگەرىلەۋشىلىكتەر تۋىلدى.
جاڭا كەزەكتى شينجياڭعا باعىتتامالى كومەكتەسۋ قىزمەتىنىڭ ىلگەرىلەۋىنە ساي، كومەك قابىلدايتىن ورىننىڭ كوپتەگەن كادرى دامىعان ولكەگە، اۆتونوميالى رايونعا، قالاعا ۇيرەنۋگە، تەكسەرۋ جۇرگىزۋگە جىبەرىلدى.
بۇگىنگى كۇنى «سىرتتان ەنگىزۋ، سىرتقا شىعارۋ» سياقتى كوپ ءتۇرلى تاربيەلەۋ ادىستەرىنىڭ ورىستەتىلۋىنە ساي، شينجياڭعا باعىتتامالى كومەكتەسەتىن 19 ولكە، قالا شينجياڭعا ءتۇرلى كادر دارىندىلاردان 545 مىڭ ادام - رەت تاربيەلەپ بەردى، كومەك قابىلدايتىن ورىنداردان 6800 كادر دارىندىنى باعىتتامالى كومەكتەسەتىن ولكە، قالاعا ۋاقىتتىق مىندەت جۇكتەپ شىنىعۋعا جىبەردى، سول ارقىلى شينجياڭ كادر دارىندىلار قوسىنىن اناعۇرلىم ساپالىلاندىرىپ، تىرەكتى كادرلار كۇشىن زورايتىپ، جالپىلىق ساپانى ءوسىردى.
ىشكى ولكەدەگى دامىعان ولكەگە، اۆتونوميالى رايونعا، قالاعا بارىپ تەكسەرۋ جۇرگىزۋ ارقىلى «قۇلشىنعاندا عانا وزگەرتۋگە بولادى، قۇلشىنساق عانا وزگەرتە الامىز» دەگەن تانىم شينجياڭداعى ءار ۇلت كادرلارى مەن بۇقاراسىنىڭ ورتاق تانىمىنا اينالدى.
«ازىناپ ۇزاقتى كۇن سوققان بوران، ارى ءوتىپ كەتتى يۇيمىننىڭ قاقپاسىنان». وتكەن 4 جىلعا قايرىلا قاراساق ادامدى تەبىرەنتەدى؛ شينجياڭنىڭ بولاشاعىنا كوز تاستاساق، ادامدى ۇمىتتەندىرەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
