بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ارناۋلى تاقىرىپتىق حابارلار>>شينجياڭ قىزمەتى تۋرالى اڭگىمە ءماجىلىسى

قورشاعان ورتانىڭ جاقسارۋى شينجياڭنىڭ كەلبەتىن اسىردى

ءتىلشىمىز دۋ ۋىنجيڭ

2014.06.03 13:27     كەلۋ قاينارى : ءتاڭىرتاۋ تورابى

  «2013 - جىلى ءۇرىمجى ەل ىشىندە قاتاڭ قاداعالاناتىن قالالاردىڭ اراسىندا اۋا تازالىعى بويىنشا الدىڭعى 20 - ورىنعا كوتەرىلدى، 2013 - جىلعى اۋا تازالىعىنىڭ جاقسى بولۋ كورسەتكىشى %38 تەن استى».

  2014 - جىلى مامىردا وسى الاقاي اقپار ءۇرىمجى قالا تۇرعىندارىنىڭ ۋيچاتىنا تارادى، بۇل حابارعا دوستار الاڭىندا لايك باسۋشىلار (ماداقتاۋ بىلدىرگەندەر) دا از بولعان جوق: «سۇلۋ شينجياڭ، كوك اسپان مەن ءمولدىر سۋ»، «سۇلۋ شينجياڭدى كوز قاراشىعىمىزداي قورعايىق»...

  4 جىلدان بەرگى ءۇرىمجى اسپانىنىڭ لاستانۋىن وڭاۋ ناتيجەسى شينجياڭنىڭ قورشاعان ورتانى جاقسارتۋداعى جارقىن بەينەسىن كورسەتتى.

  ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن، ج ك پ اۆتونوميالى رايوندىق 8 - قۇرىلتايى مەن ىلە قازاق وبلىسىندا، التايدا اشىلعان قورشاعان ورتا تاقىرىبىنداعى ارنايى جيىندار «ەكولوگيانى باستى ورىنعا قويىپ، ەكولوگياسى تاماشا رايون قۇرۋدان» جازباۋدى بەلگىلەپ، «بايلىقتى باياندى اشۋ، ەكولوگيانى باياندى قورعاۋ» تانىمىنان جازباي، «تورتتەن جازباۋ» جانە «ۇشكە قاتاڭ تيىم سالۋدى» ورتاعا قويدى.

  4 جىلدان بەرى شينجياڭ دامۋدى تەزدەتۋمەن قوسا، قورشاعان ورتانى قورعاۋ ارناۋلى قيمىلىن بەلسەنە ورىستەتىپ، باعالاۋ - سارالاۋ، بەكىتۋ بۋىنىن قاتاڭ ۇستاپ، قورشاعان ورتا زاڭىن قاتاڭ اتقارىپ، قورشاعان ورتاعا قاتىستى زاڭعا قايشى ارەكەتتەردى ءونىمدى تۇردە تەجەپ، ەكولوگيالىق ورتا مەن تىرشىلىك ورتاسىنىڭ جاعدايىن ۇزدىكسىز جاقسارتىپ، باياندى دامۋعا بەرىك نەگىز قالادى.

  الدىمەن قورعاۋ شەشۋشى تالعام

  ءۇرىمجىنىڭ قىسى تۇمانمەن تۇمشالانىپ تۇرا بەرسە، ىلە القابىنىڭ جاسىل ەكولوگياسىن قالاي جالعاستىرامىز... «GDP»عا جابىسىپ الۋ كەرەك پە، جوق الدە، قورشاعان ورتانى قورعاۋعا الدىمەن مان بەرۋ كەرەك پە ؟

  «جاسىل مەن قارا» تۋرالى تاڭداۋ شينجياڭداعى ءار ۇلت بۇقاراسى مەن ۇرپاقتاردىڭ باقىتىنا قاتىستى تالعام.

  جاڭا وي جەلى، جاڭا شارالار ىركەس - تىركەس شىعارىلدى. 2010 - جىلى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان كەيىن، ج ك پ اۆتونوميالى رايوندىق 7 - كەزەكتى كوميتەتىنىڭ توعىزىنشى جالپى (كەڭەيتىلگەن) ماجىلىسىندە اۆتونوميالى رايون ايقىن تۇردە مىنالاردى العا قويدى: قورشاعان ورتانى الدىمەن قورعاۋ، ەكولوگياسى تاماشا رايون قۇرۋ تانىمىن بەرىك ورناتۋ، قورشاعان ورتا قۇرىلىسىن كۇشەيتىپ، شينجياڭنىڭ كورىكتى تاۋ - وزەندەرىنىڭ، شۇراتتارىنىڭ ماڭگى ساقتالۋىنا كەپىلدىك ەتۋ كەرەك.

  ىلە - شالا، سول جىلى شىلدە ايىندا اۆتونوميالى رايون قۇلجا قالاسىندا ىلە القابىنداعى ەكولوگيالىق ورتانى قورعاۋ قىزمەتى اڭگىمە ءماجىلىس اشتى.

  2011 - جىلى قازان ايىندا ج ك پ اۆتونوميالى رايوندىق 8 - قۇرىلتايىندا اۆتونوميالى رايون «قورشاعان ورتانى الدىمەن قورعاۋ، ەكولوگياسى تاماشا رايون قۇرۋدان جازباۋدى» عىلمي قارىشتاپ دامۋ، توپ جارىپ، توپتان وزۋ سياقتى 9 ءتۇرلى قىزمەتتىڭ ماڭداي الدى ورنىنا قويىپ، اشۋ، قۇرۋ ىستەرىنىڭ بارلىعىندا، ءسوزسىز، بايلىقتى باياندى اشۋدى، ەكولوگيالىق ورتانى باياندى قورعاۋدى ورتاعا قويدى.

  2012 - جىلى شىلدەدە اۆتونوميالى رايوننىڭ ەكولوگيالىق ورتانى قورعاۋ جونىندەگى اڭگىمە ءماجىلىسى التايدا اشىلدى، سول جىلى جىل سوڭىندا پارتيا 18 - قۇرىلتايى بايانداماسىندا ەكولوگيالىق وركەنيەت قۇرىلىسى سوتسياليستىك وسىزامانداندىرۋ قۇرىلىسىنىڭ جالپى ورنالاستىرۋىنا قامتىلىپ، ۇنەمشىلدىككە باسىمدىق بەرۋ، قورعاۋعا باسىمدىق بەرۋ، تابيعي تۇردە قالپىنا كەلتىرۋ باعىتىنان جازباۋدى ورتاعا قويىپ، كورىكتى شينجياڭ قۇرۋعا ۇران تاستادى.

  وسىدان سوڭ ج ك پ اۆتونوميالى رايوندىق 8 - كەزەكتى كوميتەتىنىڭ ءتورتىنشى جالپى (كەڭەيتىلگەن) ءماجىلىسى مىنالاردى ورتاعا قويدى: ەكولوگيالىق ورتانى قورعاۋدى شىنايى تۇردە ماڭىزدى نەگىزدىك قىزمەت رەتىندە قاراپ، ونى ەكونوميكا، ساياسي، مادەنيەت، قوعامدىق قۇرىلىس سياقتى ءارقايسى جاقتارعا جانە تۇتاس بارىسقا كىرىستىرىپ، حالىق تۇرمىسىنا قاتىستى قورشاعان ورتا ماسەلەسىن دۇرىس شەشۋ كەرەك.

  2013 - جىلى ناۋرىز ايىنىڭ سوڭىندا اۆتونوميالى رايوندىق ەكولوگيالىق وركەنيەت قۇرىلىسىن ىلگەرىلەتۋ قيمىلى باستالدى. جوعارى دەڭگەيدە جوبالاپ، جوعارى دەڭگەيمەن ىلگەرىلەتىپ، ەكولوگيالىق ورتانى قورعاۋ قىزمەتىن قارىشتاپ دامۋ مەن باياندى تىنىشتىق سىندى جالپى جاعدايعا قامتىپ، باسىمدىق بەرە ورنالاستىردى، بۇل جاقىنعى جىلداردان بەرگى اۆتونوميالى رايوننىڭ ەكولوگيالىق وركەنيەت قۇرىلىسىنداعى ايقىن ەرەكشەلىك بولىپ قالىپتاستى.

  ەكولوگيالىق ورتانى قورعاۋ جونىندە ارناۋلى تاقىرىپتا 3 جىلدا 3 رەت اشىلعان اڭگىمە ءماجىلىسى اۆتونوميالى رايوننىڭ ەكولوگيالىق وركەنيەت قۇرىلىسىن ىلگەرىلەتۋ جونىندەگى بەكىمى مەن نىق قادامىن ايگىلەدى.

  ارەكەتتىڭ قىبلاناماسى − دۇرىس نازاريا.

  ىلە قازاق اۆتونوميالى وبلىسى موڭعۇلكۇرە اۋدانى شينجياڭدا بىردەن - ءبىر قۇمدى جەر جوق اۋدان، مىنە وسى جاسىل القاپتىڭ استىندا لىقسىعان كومىر كەن جاتىر. اۋدان «12 - بەسجىلدىق» دامۋ جوباسىن بەلگىلەگەن كەزدە، موڭعۇلكۇرەلىكتەر سۋى مول، ءشوبى شۇيگىن جاسىل جايلاۋلارىن قورعاۋدى تاڭدادى.

  ەكولوگيانى قورعاۋداعى ەلەۋلى وزگەرىس

  اۋاسى تازا كوك اسپاندى، سۋى تۇنىق كولدى، جاسىلمەن كومكەرىلگەن جايلاۋدى قورعادى.

  جاڭا وزگەرىس جاڭا تابىس سيلادى، تيانشاننىڭ تۇستىگى مەن تەرىستىگىندە ەكولوگيانى قورعاۋدىڭ الىپ شىمىلدىعى اشىلدى.

  4 جىلدان بەرى اۆتونوميالى رايوننىڭ ەكولوگيالىق ورتانى قورعاۋدا، ەكولوگيالىق وركەنيەت قۇرىلىسىندا ماقتانارلىق تابىستارعا قول جەتتى.

  4 جىلدان بەرى اۆتونوميالى رايون جانە ءۇرىمجى قالاسى «كومىردى گازعا اۋىستىرۋدى» باستى ءتۇيىن ەتكەن 8 ۇلكەن ءتۇر 22 نىسان بويىنشا اۋا لاستانۋىن وڭاۋ ينجەنەرياسىندا العاشقى تابىستارعا قول جەتكىزدى. ءۇرىمجى قالالىق قورشاعان ورتانى قورعاۋ مەكەمەسى جاريالاعان ەڭ جاڭا مالىمەتتەر 2013 - جىلى اۋا تازالىعىنىڭ جاقسى بولۋ كورسەتكىشىنىڭ %83تەن جوعارى بولعانىن كورسەتتى.

  ىلە قازاق اۆتونوميالى وبلىسىنىڭ تەكەس اۋدانى مەن موڭعۇلكۇرە اۋدانىGDP بويىنشا باعالاۋدى كۇشىنەن قالدىرىپ، ەكولوگيالىق ورتانى قورعاۋ جانە ەكولوگيالىق ورتا قۇرىلىسى كورسەتكىشىن باعالاۋعا ەنگىزدى.

  2014 - جىلى تيانشان 1 - ءنومىرلى مۇزدىعىن قورعاۋ رايونى قۇرىلىپ، ءۇرىمجىنىڭ سۋ قاينارى باستاۋ كوزىنەن باستاپ قورعاۋعا الىندى.

  ورتالىق پەن اۆتونوميالى رايون76 ميلليون يۋان قارجى قوسىپ، باعراش كولى ەكولوگيالىق ورتاسىن قورعاۋدىڭ سىناق ءتۇيىنى قىزمەتىن ىلگەرىلەتتى؛ سايرام كولى مەملەكەتتىك وزەن - كولدەردى قورعاۋ بويىنشا ورتالىق قازىنادان ءتۇيىندى تۇردە كومەك كورسەتۋ قاراماعىنا الىندى.

  قارامايلى قالاسى قارامايلى رايونى، ىلە قازاق اۆتونوميالى وبلىسى مەملەكەت بويىنشا ەكولوگيالىق وركەنيەت قۇرىلىسىنىڭ سىناق ءتۇيىنى بولىپ بەلگىلەندى.

  اۋىل - قىستاقتىڭ بەت - بەينەسى جاڭاردى، اۆتونوميالى رايوننىڭ اۋىل - قىستاق ورتاسىن جالپىلىق وڭاۋ بويىنشا قىستاق - كەنتتەر قاتارى 1542گە جەتتى، اۆتونوميالى رايون مەملەكەت دارەجەلى ەكولوگيالىق اۋدانىنان بىرەۋىن (قارامايلى قالاسى قارامايلى رايونى)، مەملەكەت دارەجەلى ەكولوگيالىق اۋىلدان 24ىن، مەملەكەت دارەجەلى ەكولوگيالىق قىستاقتان جەتەۋىن؛ اۆتونوميالى رايون دارەجەلى ەكولوگيالىق رايوننان ءبىرىن، اۆتونوميالى رايون دارەجەلى ەكولوگيالىق اۋىل - قالاشىقتان 87سىن، اۆتونوميالى رايون دارەجەلى ەكولوگيالىق قىستاقتان 405ىن قۇرىپ شىقتى.

  جىلدان - جىلعا مولايعان تابىستار اۆتونوميالى رايوننىڭ ەكولوگيالىق وركەنيەت قۇرىلىسىندا نىق قاداممەن العا باسىپ بارا جاتقانىن كورسەتتى.

  قورشاعان ورتانى قورعاۋ زاڭ - ەرەجەمەن، تۇزىمدەرمەن كەپىلدەندىرىلدى

  تۇنىق سۋ، اشىق اسپاندى قورعاۋ ەڭ قاتاڭ ءتۇزىم، ەڭ قاتاڭ زاڭمەن باسقارۋدى قاجەت ەتەدى.

  2013 - جىلى قاراشا ايىندا ج ك پ اۆتونوميالى رايوندىق 8 - كەزەكتى كوميتەتىنىڭ التىنشى جالپى (كەڭەيتىلگەن) ءماجىلىسى بىلاي دەپ ورتاعا قويدى: ءالسىز ەكولوگيا شينجياڭنىڭ دامۋىن تۇساپ تۇرعان ۇلكەن بوگەت، تۇزىمدىك جاقتان ىسكە كىرىسۋگە ءتىپتى دە ءمان بەرىپ، شينجياڭ ەرەكشەلىگىنە يە جەرگىلىكتى سيپاتتاعى قورشاعان ورتانى قورعاۋ تۋرالى زاڭ - ەرەجە، ساياسات - شارالار جۇيەسىن بىرتىندەپ كەمەلدەندىرۋ كەرەك.

  اۆتونوميالى رايون بايلىقتى باياندى اشۋ، ەكولوگيالىق ورتانى باياندى قورعاۋ سىندى دامۋ پرينسيبىنە ساي، ەنەرگيانى ۇنەمدەپ، جاراقسىز زاتتاردىڭ شىعارىلۋىن ازايتۋدىڭ جاۋاپكەرشىلىك مەحانيزمىن ورناتتى.

  اۆتونوميالى رايونىمىزدىڭ قورشاعان ورتانى قورعاۋ تاراۋلارى زاڭ اتقارۋدىڭ جاڭا تاسىلدەرى جونىندە ىزدەنىس جاساپ، مەملەكەت مەڭگەرەتىن ءتۇيىندى 266 كاسىپورىنمەن قورشاعان ورتانى قورعاۋعا ۋادە بەرۋ كەلىسىمىنە ەرىكتى تۇردە قول قويىستى.

  اۆتونوميالى رايونىمىز «اۆتونوميالى رايوندىق قورشاعان ورتانى قورعاۋ مەڭگەرمەسىنىڭ قورشاعان ورتانى قورعاۋ بويىنشا شاقىرىپ الىپ، ءناسيحات بەرۋ ءادىسىن» (سىناق رەتىندە اتقارىلادى) جاريالاپ، قورشاعان ورتانى قورعاۋعا قاتىستى 7 ءتۇرلى زاڭعا قايشى ارەكەتتەر بويىنشا شاقىرىپ الىپ، ءناسيحات بەرۋدى ايقىن بەلگىلەدى. 2013 - جىلى اۆتونوميالى رايوندىق قورشاعان ورتانى قورعاۋ مەڭگەرمەسى، باقىلاۋ - تەكسەرۋ مەڭگەرمەسى تۇڭعىش رەت ىلە شينتيان كومىر - حيميا جاۋاپكەرلىك شەكتى سەرىكتەستىگى سياقتى قورشاعان ورتانى قورعاۋدا زاڭعا قايشىلىق جاساعان 3 كاسىپورىندى شاقىرىپ الىپ، ءناسيحات بەردى، سونداي - اق 2 كاسىپورىنعا جوعارى شەك بويىنشا جالپى 2 ميلليون 400 مىڭ يۋان ايىپ سالدى.

  كەزەكتە «ەكولوگيالىق وركەنيەت قۇرىلىسىن تەزدەتۋ تۋرالى شەشىم» اۆتونوميالى رايوندىق پارتكومعا جولداندى؛ «شينجياڭنىڭ ەكولوگيالىق ورتاسىن فۋنكتسيالار بويىنشا رايوندارعا ءبولۋ جوباسىنا» پىكىر الۋ جانە ونى دالەلدەۋ، وعان تۇزەتۋ ەنگىزۋ قىزمەتتەرى ورىندالىپ، اۆتونوميالى رايوندىق حالىق ۇكىمەتىنىڭ ۇنەمىلىك ىستەر جينالىسىندا تەكسەرىپ - بەكىتۋگە جولدانۋ الدىندا تۇر؛ «اۆتونوميالى رايوندىق لاستانۋ قاينارىن اۆتوماتتى تەكسەرۋ جۇيەسىن قوعام بويىنشا جۇرگىزۋدى باسقارۋ ءادىسى»، «اۆتونوميالى رايوننىڭ ەكولوگيالىق ورتا قۇرىلىسىندا ۇلگى كورسەتۋشى رايونداردى باسقارۋ بەلگىلەمەسى» رەسمي جاريالاندى. «اۆتونوميالى رايوندىق كومىر، مۇناي، تابيعي گاز اشۋ بويىنشا قورشاعان ورتانى قورعاۋ ەرەجەسى (جوبا)» اۆتونوميالى رايوندىق 12 - كەزەكتى حالىق ۇكىمەتىنىڭ 8 - رەتكى ۇنەمىلىك ىستەر ءماجىلىسىنىڭ تالقىلاپ بەكىتۋىنەن ءوتتى ءارى اۆتونوميالى رايوندىق 12 - كەزەكتى حالىق قۇرىلتايى تۇراقتى كوميتەتىنىڭ 4 - رەتكى ءماجىلىسىنىڭ تەكسەرىپ - بەكىتۋىنەن ءوتتى؛ «اۆتونوميالى رايوندىق رادياتسيالىق لاستانۋدان ساقتانۋ، وڭاۋ ءادىسىنىڭ» جوباسىنا پىكىر الۋ قىزمەتى اياقتالدى؛ «اۆتونوميالى رايوندىق قورشاعان ورتانى قورعاۋ ەرەجەسىنە» تۇزەتۋ ەنگىزۋدىڭ الدىڭعى مەرزىمدىك ماتەريال جيناۋ، رەتتەۋ قىزمەتى جۇرىلۋدە...

  ادامدى تۇزىممەن باسقارىپ، جۇمىستى زاڭ بويىنشا جۇرگىزگەندە عانا، كورىكتى شينجياڭ قۇرا الامىز، ۇرپاقتارعا تۇنىق سۋ، اشىق اسپان قالدىرا الامىز. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.