- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حان يۇڭ گۋاڭدۇڭداعى شينجياڭدىقتاردان حال سۇرادى
2014.07.18 12:58 كەلۋ قاينارى : ءتاڭىرتاۋ تورابى
اۆتونوميالى رايوندىق پارتكومنىڭ ورىنباسار شۋجيى حان يۇڭ 13 - شىلدەدەن 16 - شىلدەگە دەيىن گۋاڭدۇڭدا شينجياڭدىقتاردىڭ قىزمەت، ۇيرەنۋ، تۇرمىس جاعدايىمەن تانىسىپ، جاعدايلارىن ۇعىستى.
ۇعىسۋىمىزشا، گۋاڭدۇڭ − شينجياڭدىقتار ەڭ شوعىرلانعان ولكە - اۆتونوميالى رايونداردىڭ ءبىرى ەكەن. ۇزاق ۋاقىتتان بەرى، گۋاڭدۇڭ ولكەلىك پارتكوم، ۇكىمەت شينجياڭدىقتارعا بارىنشا ءمان بەرىپ، قامقورلىق جاساپ كەلگەن، ولارعا قىزمەت وتەپ، باسقارۋدى كۇشەيتىپ، شينجياڭدىقتاردىڭ گۋاڭدۇڭ ولكەسىندە جۇمىس ىستەۋىنە، ساۋدامەن شۇعىلدانۋىنا، ۇيرەنۋىنە، تۇرمىس كەشىرۋىنە تاماشا ورتا ازىرلەپ بەرگەن.
حان يۇڭ 4 كۇندە گۋاڭجوۋ، شىنجىن، دۇڭگۋان قالاسىنداعى الەۋمەتتىك اۋماقتارعا، مەكتەپتەرگە، زاۆودتارعا بارىپ، گۋاڭدۇڭداعى شينجياڭدىق جۇمىسكەرلەردەن، شينجياڭعا باعىتتامالى كومەكتەسكەن كادرلاردان، شينجياڭ ورتا مەكتەپ كلاسىنداعى، شينجياڭ كاسىپتىك كلاسىنداعى وقىتۋشى - وقۋشىلاردان حال سۇراپ، ولاردىڭ تۇرمىس، قىزمەت، ۇيرەنۋ جاعدايىن ۇعىسىپ، ولارعا اۆتونوميالى رايوندىق پارتكوم مەن ۇكىمەتتىڭ سالەمىن جەتكىزدى.
گۋاڭجوۋ قالاسى باييۇن رايونى شىجيڭ ءمالىسى − گۋاڭجوۋداعى كولەمدى كيىم - كەشەك تولايىم ساتۋ بازارى، زات تاسىمالداۋ بازارى ورنالاسقان جەر، كەلىپ - كەتەتىن ادامدار كوپ، شينجياڭدىق از ۇلتتاردان دا بۇل جەردە ساۋدامەن اينالىساتىندار، جۇمىس ىستەيتىندەر كوپ كەزدەسەدى. از ۇلت بۇقاراسىنا قىزمەت وتەۋ، باسقارۋ جۇمىسىن اناعۇرلىم جاقسى ىستەپ، از ۇلت بۇقاراسىنىڭ سول جەردىڭ قىزمەتى مەن تۇرمىسىنا ونان ارى ۇيلەسۋىنە مۇمكىندىك جاساۋ ءۇشىن، بيىل 25 - ماۋسىمدا شىجيڭ ءمالىسى قالا بويىنشا از ۇلت بۇقاراسىنا قىزمەت وتەۋ، باسقارۋ پۋنكتىن، از ۇلت بۇقاراسىنا زاڭدىق كومەك بەرۋ قىزمەت پۋنكتىن قۇرىپ، از ۇلت بۇقاراسىنا قىزمەت وتەۋ قوسىنىن ۇيىمداستىردى. وسى 2 پۋنكت، ءبىر اترەت قۇرىلعان سوڭ، قايشىلىقتار مەن داۋ - شارلاردى دەر كەزىندە ءونىمدى تۇردە ءبىر جايلى ەتىپ، از ۇلت بۇقاراسىنىڭ زاڭدى ۇقىق - مۇددەسىن قورعاۋ جاعىندا كورنەكتى ونىمدىلىككە قول جەتكىزدى. حان يۇڭ ءمالىنىڭ قىزمەتىنە وڭ باعاسىن بەردى ءارى مالىدە ىستەيتىن شينجياڭدىق قىزمەتكەرلەردى جەرگىلىكتى ۇكىمەتكە سايكەسە جاقسى ىستەپ، شينجياڭدىق اۋىلداستارعا جاقسى قىزمەت كورسەتىپ، شينجياڭدىقتاردىڭ تاماشا وبرازىن سومداۋعا شابىتتاندىردى.
دۇڭگۋان قالالىق توقىما، كيىم - كەشەك مەكتەبىندە قاشقار، اقسۋ سياقتى جەرلەردەن 151 وقۋشى ورتا كاسىپتىك كلاستا وقىپ جاتىر. وسى كلاستاعى وقۋشىلاردىڭ ۇيرەنۋ ناتيجەسىنىڭ ايتارلىقتاي ەكەنىن، دۇڭگۋان قالاسى بويىنشا وتكىزىلگەن كيىم - كەشەك جوبالاۋ جارىسىندا جاقسى ناتيجەلەر العانىن ەستىپ، حان يۇڭ ەرەكشە ءسۇيىندى. ول مەكتەپ وقىتۋشىلارىنىڭ قاجىرلى ەڭبەگىنە العىس ايتا كەلىپ، كاسىپتىك كلاستاعى وقۋشىلاردى ورايدى قاستەرلەپ، جاقسىلىقتى ءبىلىپ، قۇلشىنا ونەر ۇيرەنىپ، وتان مەن تۋعان جەردىڭ ءۇمىتىن اقتاۋعا شابىتتاندىردى.
گۋاڭدۇڭداعى كەزىندە حان يۇڭ شينجياڭدىق جۇمىسكەرلەرمەن، شينجياڭعا كومەكتەسۋشى كادرلارمەن، شينجياڭ ورتا مەكتەپ كلاسىنىڭ وقىتۋشىلارىمەن اڭگىمەلەستى.
شىنجىن قالاسى − شينجياڭ ورتا مەكتەپ كلاستارىن اشقان العاشقى توپتاعى قالالاردىڭ ءبىرى. 2000 - جىلى 120 وقۋشى قابىلداسا، بيىل قابىلداعان وقۋشى سانى 326عا جەتتى، مەكتەپتەگى وقۋشى سانى 1200دەن اسادى. شىنجىن قالالىق سۇڭگاڭ ورتا مەكتەبى مەن پيڭشان جوعارى دارەجەلى ورتا مەكتەبى − شينجياڭ ورتا مەكتەپ كلاسىن اشۋ مىندەتىن ۇستىنە العان مەكتەپتەر.
حان يۇڭ ىشكى ولكەلەردەگى شينجياڭ ورتا مەكتەپ كلاستارىنا شىنايى سۇيىسپەنشىلىگىن ارناپ، قان - تەرىن سارىققان ءار دارەجەلى باسشىلارعا جانە ۇستازدارعا اۆتونوميالى رايوندىق پارتكوم، ۇكىمەت اتىنان شىنايى العىس ايتتى. حان يۇڭ بىلاي دەپ اتاپ كورسەتتى: يدەيالىق ساياسي تاربيەنى جانە ۇلتتار ىنتىماعى تاربيەسىن جەلى ەتە وتىرىپ، ءمورال تاربيەسىن جۇرگىزۋمەن قاتار، «وقۋشىلارعا سۇيىسپەنشىلىك ارناۋ، قاتاڭ تالاپ قويۋ، ىجداعاتتى بولۋ» پرينسيبىنەن جازباي، قاتاڭ باسقارۋ بارىسىندا وقۋشىلاردى تاماشا ۇيرەنۋ، تۇرمىس داعدىسىن قالىپتاستىرىپ، تولىمدى قۇرىلىسشىلار مەن سەنىمدى ءىزباسارلاردى كوپتەپ جەتىلدىرۋگە قۇلشىنۋ كەرەك.
اۆتونوميالى رايوننىڭ باسشىلارىنان ءجۇرات يمىن، چىڭ جىنشان تەكسەرۋ قيمىلدارىنا قاتىناستى. گۋاڭدۇڭ ولكەسىنىڭ باسشىلارىنان لين شاۋچۇن، لي چۇنشىڭ قاتىستى ءىس - شارالارعا قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
