- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ۇلكەن بازار» سىزگە شينجياڭدىقتاردىڭ تۇرمىسىن تانىستىرادى
2014.07.24 13:10
التاي اقپارات تورابى، 24-شىلدە. «التاي گازەتىنىڭ» ءتىلشىسى دۋ پىڭفەي حابارلايدى.
«ۇلكەن بازار» پيەساسى 16 ـ شىلدە، التاي ۇلتتار مادەنيەت قيمىل ورتالىعىندا ساحناعا كوتەرىلدى.ءتىلشىنىڭ ۇعىسۋىنشا، «ۇلكەن بازار» پيەساسىن شينجياڭ كوركەمونەر تەاترحاناسى پيەسا ۇيىرمەسى جاساپ ورىنداعان، 3 پەردەلى 6 مايداننان قۇرام تاپقان، 2 ساعات ۋاقىتپەن قويىلادى. «ۇلكەن بازار» پيەساسى كەيىپكەرلەر بەينەسى ارقىلى شينجياڭنىڭ رەفورما جاساپ، ەسىك اشقان 30 جىلدان بەرگى ءار ۇلت بۇقاراسىنىڭ ءبىر-بىرىنە قۋات بەرىپ،ءوزار كومەكتەسىپ، شىنايى ساۋدا جۇرگىزگەن اڭگىمەسىن بەينەلەيدى.
«ۇلكەن بازار» پيەساسى شينجياڭنىڭ جەرلىك ەرەكشەلىگىنە يە، ۋاقيعا جەلىسىنىڭ دامۋىنا ىلەسە، كورەرمەندەر رەفورما جاساپ، ەسىك اشقاننان بەرگى شينجياڭداعى ءار ۇلت حالقى تۇرمىسىنىڭ قوعام مەن ەكونوميكانىڭ دامۋى بارىسىنداعى وزگەرىستەرىن سەزىندى. كوركەم ساحنالىق كورىنىس، ارتيستەردىڭ جەرلىك تىلمەن سويلەگەن ٴازىل ـ قالجىڭدارى مايدانداعى كورەرمەندەردىڭ جاقسى باعاسىنا يە بولدى.
ايماقتىق پارتكومنىڭ مۇشەسى، ايماقتىق پارتكوم ۇگىت ءبولىمنىڭ باستىعى رازبەك قامزا ۇلى ۇسىنىس بويىنشا وسى ويىن ءنومىرىن كوردى ءارى التاي ايماقتىق پارتكوم، اكىمشىلىك مەكەمەسى جانە ءار ۇلت كادر ـ بۇقاراسى اتىنان شينجياڭ كوركەمونەر تەاترحاناسى پيەسا ۇيىرمەسىندەگى بارلىق ارتيستەردىڭ كەلگەنىن قىزۋ قارسى الاتىندىعىن ءبىلدىردى. سونىمەن بىرگە، ول تاعى ايماعىمىزداعى ادەبيەت ـ كوركەمونەرشىلەردى شابىتتاندىرا كەلىپ بىلاي دەدى: «وسى رەت ‹ۇلكەن بازار› پيەساسىنىڭ قويىلۋىن وراي ەتىپ، ءبىر تۇلعالى كوپ نەگىزدى، توعىسپالى اشىق، التايدىڭ وڭىرلىك ەرەكشەلىگىنە يە وسىزامانعى مادەنيەتتى كۇش سالا دامىتىپ، وسىزامانعى مادەنيەت كوزقاراسى مەن ارەكەت ءتاسىلىن كۇش سالا ۇگىتتەپ، العا باسۋ، اشىق ۇستاۋ، كەڭ پەيىل بولۋ، مادەنيەتتى، عىلمي كوزقاراستى دارىپتەپ، وسىزامانعى مادەنيەتتىڭ اۋىل ـ قىستاققا، الەۋمەتتىك اۋماققا، وتباسىنا جەتۋىن جەبەپ، وسىزامانعى مادەنيەتتى التاي توپىراعىندا تامىر تارتتىرۋ كەرەك. قۇن كوزقاراسى جاعىندا وسىزامانعى مادەنيەت كوزقاراسىن ايگىلەپ، مازمۇن جاعىنان ءاز ۇلت بۇقاراسىنىڭ رەال تۇرمىسىن بەينەلەپ، فورما جانە شەبەرلىك جاعىنان بۇقارانى وزىنە باۋرايتىن ءبىر توپ مادەني تۋىندىلاردى جاراتىپ، بۇقارانى رۋحي جانە اۋەسى جاعىنان سالت ـ سانا، وسىزاماندانۋعا قاراي بەت الۋعا جەتەلەۋ كەرەك. ءداستۇرلى مادەنيەتتىڭ ءداۋىر تالابىمەن ورگانيكالى ۇشتاسۋىن، ۇلتتىق مادەنيەتتىڭ وسىزامانعى مادەنيەتپەن توعىسۋىن جەبەپ، ءار ۇلت بۇقاراسىنىڭ سەنىمى مەن ماقتانىش سەزىمىن ۇزدىكسىز نىعايتىپ، ولاردىڭ مەكەنگە دەگەن قىزۋ سۇيىسپەنشىلىگىن قوزعاۋ كەرەك».
التاي قالاسى ىنتىماق جولىندا تۇراتىن قارت مامەتجان تىلشىگە بىلاي دەدى: «بۇل پيەسانى كورگەننەن كەيىن، وتكەنگە ورالعانداي بولدىم، بيىل 73 جاسقا كەلدىم، ەلىمىزدىڭ وسى جىلدارداعى دامۋىن كوزىممەن كوردىم، پيەساداعى ارتيستەر ايتقانداي، ءار ۇلت بۇقاراسى ءوزار كومەكتەسىپ، ءبىرىن-ءبىرى ايالاپ، تىعىز ىنتىماقتاسقاندىقتان، وسىنداي تاماشا تۇرمىسقا كەنەلىپ وتىرمىز».
وسى پيەسانىڭ جاسالۋى تۋرالى ءسوز بولعاندا، شينجياڭ كوركەمونەر تەاترىنىڭ ورىنباسار باستىعى، شينجياڭ پيەسا ۇيىرمەسىنىڭ باستىعى، مەملەكەتتىك 1 ـ دارەجەلى رەجيسسەر گى يە بىلاي دەدى: «‹ۇلكەن بازار› پيەساسى بۇقارا قىزىعا كورىپ، ۇناتىپ تىڭدايتىن فورما ارقىلى شينجياڭدىقتاردىڭ تۇرمىسىن، ماڭىمىزداعى وزگەرىستەردى ساحناعا الىپ شىقتى. ‹ۇلكەن بازار› پيەساسى شينجياڭدىقتاردىڭ تۇرمىسىنىڭ شاعىن بەينەسى، پيەسياداعى ءار ۇلت ساۋداگەرلەرىنىڭ اراسىنداعى ادامدى تەبىرەنتەتىن اڭگىمەلەر ارقىلى شينجياڭداعى ءار ۇلت حالقىنىڭ كورىكتى مەكەندى ورتاق قۇرۋداي تاريحىن بەينەلەدى».
ۇعىسۋعا قاراعاندا، «ۇلكەن بازار» پيەساسىن جاساۋعا ءبىر جىلدان استام ۋاقىت كەتكەن، 50 گە جۋىق ءارتيىس، جۇمىسشى ـ قىزمەتكەرلەر قاتىناسىپ، 800 مىڭ يۋان قارجى قوسىلعان، شينجياڭداعى قارجى ەڭ كوپ قوسىلعان پيەسا. قازىرگە دەيىن «ۇلكەن بازار» پيەساسى شىحىزى، جىڭ اۋدانى، اقسۋ، ۋجياچۇي، قارامايلى قاتارلى جەرلەردە 100مايداننان استام قويىلىپ، كورەرمەن سانى 100 مىڭ ادامعا (رەت) تاياعان. «ۇلكەن بازار» پيەساسى التاي ۇلتتار مادەنيەت قيمىل ورتالىعىندا 16 ـ شىلدە كەشكى ساعات 9 دا، 17 ـ شىلدە تۇستەن كەيىنگى ساعات 4 تە جانە كەشكى ساعات 9 دا، 18 ـ شىلدە تۇستەن كەيىنگى ساعات 4 تە جانە كەشكى ساعات 9 دا جيىنى 5 رەت قويىلدى. سول كۇنى ايماقتاعى ءتورت باسشىلىق القاسىنداعى باسشىلاردان داي جيانشين، زىڭ شۋلا، ني شياۋجي، ساعاتبەك قالامبەك ۇلى قاتارلىلار ويىن نومىرلەرىن كوردى.
كەلۋ قاينارى: التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
