بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>شينجياڭ حابارلارى

300 ميلليون يۋان قارجى شىعارىپ، بۇلىكشىلەردى قورشاپ ۇستاعان بۇقاراعا سيلىق بەرۋدى ۇيعاردى

2014.08.04 15:43   كەلۋ قاينارى : حالىق تورابى



  حالىق تورابى، 3 - تامىز، ءۇرىمجى. شينجياڭ ۇيعۇر اۆتونوميالى رايونى 2 - تامىزدا پارتكوم تۇراقتى مۇشەلەرىنىڭ (كەڭەيتىلگەن) ءماجىلىسىن اشىپ، 28 - شىلدە ياركەن اۋدانىندا تۋىلعان اۋىر زورلىقتى كۇش لاڭكەستىك شابۋىلداۋ دەلوسىنىڭ جاعدايىن حابارلاندىردى. ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان كەزەكتەگى شينجياڭنىڭ ورنىقتىلىعىن قورعاۋ قىزمەتىن جاقسى ىستەۋ جونىندە ورنالاستىرۋلار جاسادى.

  قوعام حاۋىپسىزدىك ورگاندارىنىڭ بار كۇشپەن بارلاۋىنىڭ ارقاسىندا، 28 - شىلدە ياركەن اۋدانىندا تۋىلعان اۋىر زورلىقتى كۇش لاڭكەستىك دەلوسى نەگىزىنەن انىقتالدى. بۇل ەل ىشى - سىرتىنداعى لاڭكەستىك ۇيىمداردىڭ ءوزارا استاسىپ، ۇيىمدى، ماقساتتى تۇردە جان - جاقتىلى جوسپارلاۋىندا تۋىلعان، سۇرقيا، اۋىر زورلىقتى كۇش لاڭكەستىك وقيعاسى. دەلودا جازىقسىز بۇقارادان 37 ادام ءولىپ (مۇنىڭ ىشىندە 35 حانزۋ، 2 ۇيعۇر بار)، 13 ادام جارالانعان، 31 اۆتوكولىك شاعىلعان، مۇنىڭ ىشىندە 6 كولىك ورتەلگەن، وقيعانى ءبىر جاقتىلى ەتۋ بارىسىندا، 59 بۇلىكشى اتىپ ءولتىرىلىپ، دەلومەن قاتىسى بار 215 ادام ۇستالعان، اتالمىش «قاسيەتتى سوعىس» تۋى جانە قىلىش، بالتا سەكىلدى دەلو قۇرالدارى قولعا تۇسكەن.

  تاعى ءبىر حابارعا قاراعاندا (تىلشىلەر حان ليچۇن، حۋ رىنبا حابارلايدى) شينجياڭ ۇيعۇر اۆتونوميالى رايونى 300 ميلليون يۋان قارجى شىعارىپ، تاياۋداعى قورشاپ تۇتقىنداۋ ارناۋلى قيمىلىنا قاتىناسقان بۇقارا مەن قاتىستى قىزمەتكەرلەردى سيلاۋدى ۇيعارعان. 3 - شىلدە تۇستەن كەيىن، قاراقاش اۋدانى حالىق الاڭىندا ون مىڭ ادامدىق جينالىس اشىپ، الدىڭعى مەزگىلدەگى تۇڭعىش توپتاعى قورشاپ تۇتقىنداۋ ارناۋلى قيمىلىندا جارىققا شىققان وزات كوللەكتيۆتەر مەن وزات جەكەلەردى ماداقتاپ، ماراپاتتادى، تاراتىلعان سيلىق اقشا 4 ميلليون 230 مىڭ يۋان بولدى.

  (جۇڭگو ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت