- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون پارتكوم تۇراقتى كوميتەتىنىڭ ءماجىلىسىن اشىپ، باس شۋجي ءشي جينپيڭنىڭ ماڭىزدى جاۋاپ حاتىنىڭ رۋحىن جەتكىزدى
2014.09.19 14:50 كەلۋ قاينارى : شينجياڭ حالىق راديو ستانسياسى تورابى
18-قىركۇيەك تۇستەن بۇرىن، اۆتونوميالى رايون پارتكوم تۇراقتى كوميتەتىنىڭ ءماجىلىسىن اشىپ، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى ءشي جينپيڭنىڭ لوپنۇر اۋدانى شيڭپيڭ اۋىلى داشي قىستاعى پارتيا ياچەكاسىنىڭ شۋجيى ساۋۇر ماڭلىككە جانە جالپى قىستاق تۇرعىندارىنا جازعان جاۋاپ حاتىنىڭ رۋحىن جەتكىزدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءماجىلىستى باسقاردى، ءارى ءسوز سويلەدى.
جاڭ چۇنشيان بىلاي دەپ اتاپ كورسەتتى: پارتيا 18-قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى شينجياڭنىڭ دامۋى مەن ورنىقتىلىعىنا وسكەلەڭ ءمان بەرىپ، شينجياڭنىڭ نەگىزگى ساتى ۇيىمى قۇرىلىسى مەن نەگىزگى ساتى كادىرلار قوسىنىنا، شينجياڭداعى ءار ۇلت بۇقاراسىنىڭ ءوندىرىسى مەن تۇرمىسىنا ەرەكشە كوڭىل ءبولىپ، شينجاڭنىڭ دامۋى مەن ورنىقتىلىعىنا قاتىستى ءتۇرلى قىزمەتتەر جونىندە نەشە 10 رەت ماڭىزدى نۇسقاۋ بەردى، وسى رەت تاعى داشي قىستاعىنا ارنايى جاۋاپ حات قايتارىپ، بىزدەن نەگىزگى ساتى ۇيىمىنىڭ شايقاس بەكىنىسىندىك رولىن تولىق ساۋلەلەندىرىپ، پارتيانىڭ جاقسى ساياساتتارىن ءار ءبىر وتباسىلارىنا دەيىن تياناقتاندىرىپ، ءوندىرىستى، ۇلتتار ىنتىماعى قىزمەتىن ويداعىداي ىستەپ، ءار ۇلت جۇرتشىلىعىنىڭ تۇرمىسىن كۇننەن كۇنگە جاسقارتۋدى ءۇمىت ەتتى. باس شۋجيدىڭ ماڭىزدى جاۋاپ حاتى ــ شينجياڭداعى ءار ۇلت بۇقاراسنا دەگەن زور شابىت، ءارى ءبىزدىڭ ءتۇرلى قىزمەتتى اناعۇرلىم ويداعىداي ىلگەرىلەتۋىمىزدە پارمەندى جەبەۋشى بولدى. حاتتا العا قويىلعان تالاپتار شينجياڭداعى ءار دارەجەلى پارتيا ۇيىمى مەن قالىڭ پارتيالى كادىرلارعا قويىلعان تالاپ، ءبىزدىڭ بۇدان كەيىنگى قىزمەتىمىزدە توتەنشە زور جەتەكشى جانە باعىتتامالى رول اتقارادى. ءبىز سەنىمدى اناعۇرلىم بەكەمدەپ، قول جەتكىزگەن ناتيجەلەرىمىزدى ەسەلەپ قادىرلەپ، ءىس جۇزىندىككە تىعىز بايلانىستىرىپ، دايەكتى تياناقتاندىرۋدى مىقتى يگەرىپ، باس شۋجيدىڭ ماڭىزدى جاۋاپ حاتىنىڭ رۋحىن ءتۇرلى قىزمەتكە تياناقتاندىرۋىمىز كەرەك.
جاڭ چۇنشيان باس شۋجيدىڭ ماڭىزدى جاۋاپ حاتىنىڭ رۋحىن دايەكتىلەندىرۋ، نەگىزگى ساتى ۇيىمى قۇرىلىسىن اناعۇرلىم كۇشەيتۋ جونىندە مىنانداي 4 ءتۇرلى تالاپتى العا قويدى: ءبىرىنشى نەگىزگى ساتى نەگىزدىك قىزمەتىن شىنايى كۇشەيتۋدىڭ بورىشتىلىعى مەن كوكەيتەستىلىگىن ويداعىداي مىقتى يگەرۋ كەرەك. باس شۋجي شي جينپيڭ: «شينجياڭدى كوركەيتۋدىڭ، ورنىقتىرۋدىڭ ءتۇيىنى نەگىزگى ساتىدا»، دەپ قايتالاي دارىپتەدى. ءبىز نەگىزگى ساتى ۇيىمى قۇرىلىسىن كۇشەيتۋدى ايقىن تانۋىمىز كەرەك، بۇل شينجياڭنىڭ پارتيا قۇرىلىسىنىڭ ماڭگىلىك باستى تاقىرىبى، ءارى جاڭا جاعدايعا توتەپ بەرۋدەگى شۇعىل مىندەت. ءار ءبىر پارتيالى باسشى كادىر نەگىزگى ساتىنىڭ يدەيالىق تانىمىن ويداعىداي مىقتى يگەرىپ، نەگىزگى ساتىنى مىقتى يگەرىپ، نەگىز قالاۋدا ناقتىلى ارەكەتكە كەلىپ، نەگىزگى ساتىعا ءمان بەرۋدى، نەگىزگى ساتىنى كۇشەيتۋدى، نەگىزگى ساتىعا قىزمەت وتەۋدى ورنىقتىلىقتى قورعاۋدىڭ جانە باياندى تىنىشتىقتى جۇزەگە اسىرۋدىڭ نەگىزگى جولى ەتىپ، نەگىزگى ساتى ۇيىمدىق قۇرىلىسى مىندەتىن قوعامنىڭ ورنىقتىلىعىن قورعاۋ مەن باياندى تىنىشتىعىن جۇزەگە اسىرۋدىڭ ءتۇرلى قىزمەتىنە دايەكتىلەندىرۋىمىز كەرەك.
ەكىنشى، ءالسىز دە بىتىراڭقى نەگىزگى ساتى پارتيا ۇيىمىن رەتتەۋدى ۇزدىكسىز مىقتى يگەرۋ كەرەك. رەتتەۋ قىزمەتىندە، ءسوزجوق، ۇنەمىلىككە، ۇزاق ۋاقىت ءونىمدى بولۋىنا تاباندى بولىپ، ءار دارەجەلى پارتكومنىڭ شۋجيى پارتيانى باسقارۋ جاۋاپكەرلىگىن شىن مانىندە ويداعىداي اتقارۋمەن بىرگە، باستى جاۋاپتى ادام جانە تىكەلەي جاۋاپتى ادام بورىشىن ويداعىداي اتقارىپ، جەرگىلىكتى ورىننىڭ ءارقايسى جاقتاعى بايلىعىن ءبىر تۇتاس ۇيلەسىمدى بىرىكتىرىپ، قىستاق، الەۋمەتتىك اۋماق، شەب بويىنشا بەكەمدەپ، «ۇستىنەن وڭاۋ» ارقىلى بىرتىندەپ تۇبىرىنەن وڭاپ، قوعامنىڭ ورنىقتىلىعى مەن باياندى تىنشتىعىن قورعايتىن ۇيىمدىق نەگىزدى بەكەمدەۋ كەرەك.
ءۇشىنشى، ورتالىق پەن اۆتونوميالى رايوندىق پارتكومنىڭ نەگىزدى بەكەمدەۋگە قاتىستى ءتۇرلى شەشىمدەرى مەن ورنالاستىرۋلارىن تياناقتاندىرۋدى مىقتى يگەرۋگە كۇش سالۋ ءتيىس. ءىشىنارا مەكەمە ورىندار تولىق تياناقتاندىرماي وتىر. ءار دارەجەلى پارتيا ۇيىمى ورتالىق پەن اۆتونوميالى رايوننىڭ نەگىزدى بەكەمدەۋگە قاتىستى ءتۇرلى شەشىمدەر مەن ورنالاستىرۋلارىن اناعۇرلىم دايەكتى تياناقتاندىرىپ، نەگىزگى ساتىعا ءمان بەرىپ، نەگىزگى ساتىنى كۇشەيتىپ، نەگىزگى ساتىعا قىزمەت وتەپ، دارىندىلاردى الىپ قالۋعا تاماشا ورتا جاراتىپ، نەگىزگى ساتىعا تامىر تارتۋ قىزعىندىلىعىن قوزعاپ، قوعام ورنىقتىلىعىنىڭ نەگىزىن بەكەمدەۋ قاجەت.
ءتورتىنشى، جۇرت جۇرەگىن توعىستىرۋ قىزمەتىن جاپپاي وداعىداي ىستەۋ كەرەك. اۋىلداستاردىڭ كۇش-قۋاتىن ۇيسىتىرىپ، بەرىك قامال قۇرۋ، مىنە بۇل باس شۋجيدىڭ نەگىزگى ساتى ۇيىمىنا بۇقارالىق قىزمەتتى ويداعىداي ىستەۋ جونىندە العا قويعان تىڭ تالابى. نەگىزگى ساتىداعى قىزمەت وتەگىش پارتيا ۇيىمىن قۇرۋ قيمىلىن جۇرگىزۋدى نەگىزگى تۇلعا، اۋىل-قىستاق جانە الەۋمەتتىك اۋماقتى ءتۇيىن ەتىپ، ۇلتتار ىنتىماعىن كورنەكتىلەندىرۋدى، ءدىني جاراسىمدىلىقتى، قوعام ورنىقتىلىعىن باستى تاقىرىپ ەتىپ، دامۋعا قىزمەت وتەۋ، حالىق تۇرمىسىنا قىزمەت وتەۋ، بۇقاراعا قىزمەت وتەۋ، پارتيا مۇشەلەرىنە قىزمەت وتەۋ قىزمەتىن تىڭعىلىقتى ىستەۋ ءتيىس. 2-توپتاعى پارتيانىڭ بۇقارالىق لۋشيان تاربيەسى جانە امالياتتىق قيمىلى مەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق جۇرەگىن توعىستىرۋ» قىزمەتىنىڭ جاقسى تاجىريبەسى مەن ءادىسىن قورتىندىلاپ جانە ۇگىتتەپ، قاتاڭ سوققى بەرۋ ارناۋلى ارەكەتىنە تىعىز سەلبەسىپ، بۇقارامەن قارىم-قاتىناس جاساۋ اياق الىسىن ىلگەرىلەتۋ، بۇقاراعا ۇگىتتەۋ، بۇقارانى ۇيىمداستىرۋ، بۇقاراعا قىزمەت وتەۋ، بۇقارانى ىنتىماقتاستىرۋ قىزمەتىن ىشكەرىلەي جۇرگىزۋ قاجەت.
جاڭ چۇنشيان مىنانى اتاپ كورسەتتى: باس شۋجيدىڭ رايونىمىزداعى ءار ۇلت كادرلارى مەن بۇقاراعا دەگەن قامقورلىعىن تەز ارادا نەگىزگى ساتىعا جەتكىزىپ، ونى ءتۇرلى قىزمەتتى ويداعىداي ىستەۋدىڭ قوزعاۋشى كۇشىنە اينالدىرىپ، رايونىمىزداعى ءار ۇلت كادرلارى مەن بۇقارانى كورىكتى مەكەندى ورتاق قۇرۋعا، باقىتتى تۇرمىس جاراتۋعا شابىتتاندىرىپ، جۇڭگو ارمانىنىڭ تىڭ داستانىن جازۋعا قۇلشىنۋىمىز كەرەك.اۆتونوميالى رايوننىڭ باسشىلارىنان: نۇر باكىر، حۋاڭ ۋي، سۇڭ ايرۇڭ، جۋ حايلۇن، ەركىنجان تۇراحۇن، شيۇڭ شۋانگو، عانيبات سابىكەي ۇلى، لي شۇەجۇندەر ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
