بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

«وتانعا ادال بۇرحان شاھيدي جولداستىڭ ومىرىندەگى سۋرەتتەر كورمەسى» شينجياڭداعى كورمەسىنىڭ باستالۋ سالتى وتكىزىلدى

2014.11.05 10:26     كەلۋ قاينارى : شينجياڭ حالىق راديو ستانسياسى تورابى

  3-قاراشا تۇستەن بۇرىن، «وتانعا ادال بۇرحان شاھيدي جولداستىڭ ومىرىندەگى سۋرەتتەر كورمەسى» شينجياڭداعى كورمەسىنىڭ باستالۋ سالتى اۆتونوميالى رايوندىق مۇراجايدا وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان باستالۋ سالتىنا قاتىناستى، سونداي-اق ءار ۇلت بۇقاراسىمەن بىرلىكتە كورمەنى تاماشالادى.

  باستالۋ سالتىنان بۇرىن جاڭ چۇنشيان بۇرحان شاھيديدىڭ تۋىس-تۋعاندارىمەن كەزدەستى. جاڭ چۇنشيان بىلاي دەدى: بۇرحان جولداس ادال كوممۋنيستىك جاۋىنگەر، ۇلى وتانشىل، ايگىلى قوعام قايراتكەرى، ۇيعۇر حالقىنىڭ تاڭداۋلى ۋاكىلى. بۇرحان جولداستىڭ ءومىرى شۇعىلاعا، اقيقاتقا، العا باسۋعا ۇمتىلعان ءومىر. ول ءوزىنىڭ وتانى مەن ۇلتىن قىزۋ سۇيەدى، تار جول تايعاق كەشۋلەردە وتانشىلدىق جىگەرىن مۇقالتپاي، پارتيا مەن حالقتىڭ ىستەرىنە باستان-اياق ادال بولىپ، ۇلتتار ىنتىماعىن نىعايتىپ، وتاننىڭ تۇتاستىعىن قورعاپ، پارتيانىڭ ىستەرىنە ومىرلىك كۇش-قۋاتىن ارنادى. اسىرەسە 1949-جىلى قىركۇيەكتە ول تاۋ جىيۋە جياڭجۇنمەن بىرگە پارتيا ورتالىق كوميتەتى، ءتوراعا ماۋزىدۇڭنىڭ ۇلى ۇندەۋىنە ءۇن قوسىپ، جەدەلحات جاريالاپ، كوتەرىلىس جاساپ، شينجياڭنىڭ بەيبىت جولمەن ازات بولۋىن ىسكە اسىردى. وسى تاريحي ۇلەستى شينجياڭ حالقى جانە ەلىمىزدىڭ ءار ۇلت حالقى ماڭگى ۇمىتپايدى. بۇرحان جولداستىڭ «شينجياڭداعى 50 جىل» اتتى ەستەلىگى ءۇش رەت قايتا-قايتا باسىلىپ، ونىڭ وتانعا ماحابباتى، شينجياڭعا ماحابباتى جان-جاقتىلى بەينەلەندى. ول وتاننىڭ تۇتاستىعىن، ۇلتتار ىنتىماعىن باتىل قورعاپ، شينجياڭ قىزمەتىنە كوپتەگەن ويلارىن قالدىرىپ، شينجياڭ قىزمەتىن ويداعىداي ىستەۋگە قۇندى تاجىريبە مەن تاريحي ۇلگى كورسەتتى.

  جاڭ چۇنشيان بىلاي دەپ اتاپ كورسەتتى: بۇرحان جولداستان ۇيرەنىپ جانە ونى ەسكە الىپ، تۇتاس رايونىمىزدىڭ ءار ۇلت كادرلارى مەن بۇقاراسىنىڭ، وتە-موتە جاستارىنىڭ بۇرحان جولداستىڭ وتاندى جانە حالىقتى قىزۋ سۇيەتىن وتانشىلدىق رۋحىنان ۇيرەنۋگە، ونىڭ پارتياعا، سوتسياليزمگە ادال بولىپ، جۇڭحۋا ۇلتتارىنىڭ مۇددەسى ءۇشىن تالىقپاي كۇرەس جاسايتىن ۇزدىك قاسيەتىنەن ۇيرەنۋگە، ونىڭ ىنتىماقتىلىق مەن ءبىر تۇتاستىقتى باتىل قورعاپ، ۇلتتىق بولشەكتەۋگە ايقىن قارسى تۇرىپ، جالپى جاعدايدى كوزدە ۇستاپ باتىلدىقپەن مىندەتتى ۇستىنە الاتىن وسكەلەڭ قاسيەتىنەن، قوعامنىڭ وڭ ەنەرگياسىن شوعىرلاندىرىپ، شينجياڭنىڭ قوعام ورنىقتىلىعى مەن باياندى تىنشتىعىن قورعاۋعا ەسە قوسۋىنان ۇيرەنۋگە مۇمكىندىك جاساۋ كەرەك.

  بۇرحان شاھيدي جولداستىڭ بالالارى: «اكەمىزدىڭ توڭكەرىستىك رۋحىنا ۇرپاقتار بويى مۇراگەرلىك ەتىپ جانە ونى جالعاستىرىپ، كوممۋنيزم جونىندەگى تانىمنان جازباي، وتاننىڭ تۇتاستىعىن، ۇلتتار ىنتىماعىن قورعاپ،قوعامعا وڭ ەنەرگيا تاراتىپ، شينجياڭدى كوركەيتۋگە ۇلەس قوسامىز»،-دەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر بىلاي دەدى، بۇرحان شاھيدي جولداستىڭ كوزىنىڭ تىرىسىندەگى سۋرەتتەر كورمەسىن اشۋ كەزەكتەگى شينجياڭنىڭ جاڭا جاعدايى مەن ۇگىت، ءتالىم-تاربيە قىزمەتىنىڭ تىڭ تالابىنا سايكەسىپ، وسى زامانعى مادەنيەتتى جەتەكشى ەتۋدەن جازباي، تاڭداۋلى توڭكەرىستىك تاريحي ءداستۇردى ساۋلەلەندىرۋگە تاباندى بولىپ، شينجياڭ رۋحىن امالياتتا ايگىلەپ، وڭ ەنەرگيا تاراتۋدا اسا بەلسەندى دە رەيال ماڭىز الادى.

  اشىلۋ سالتى اياقتاعان سوڭ، جاڭ چۇنشيان، مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى سمايىل احمەت سياقتى كىسىلەر، بۇرحان شاھيديدىڭ بالا-شاعا، تۋىس-تۋعاندارىمەن جانە ءار ۇلت بۇقاراسىمەن بىرگە سۋرەت كورمەسىن كوردى.بۇرحان شاھيدي 20-عاسىردىڭ 20-جىلدارىنان باستاپ شينجياڭ حالقىنىڭ يمپەريالزمگە قارسى تۇرۋ، گومينداڭ كەرتارتپاشىلارىنىڭ كەرى ۇستەمدىگىنە قارسى تۇرۋ كۇرەسىن باتىل قولداپ جانە وعان بەلسەنە قاتىناسۋمەن بىرگە، وتاندى بولشەكتەۋگە سۇقتانعان ءار قانداي ارەكەتكە تۋى ايقىن تۇردە باتىل قارسى تۇردى. رەسپۋبليكامىز قۇرىلعاننان كەيىن، ول جۇڭگو كوممۋنيستىك پارتياسىنا كىرىپ، پارتيانىڭ باسشىلىعىندا سوتسياليستىك توڭكەرىس پەن قۇرىلىس ىستەرىنە بەلسەنە ات سالىستى،كەزىندە مەملەكەتتىك ساياسي كەڭەستىڭ ورىنباسار ءتوراعاسى، شينجياڭ ولكەلىك 1-كەزەكتى ۇكىمەتتىڭ ءتوراعاسى سياقتى مىندەتتەردى وتەدى، 1989-جىلى تامىزدا 95 جاسىندا بەيجيڭدە قايتىس بولدى.

  سۋرەت كورمەسىن مەملەكەتتىك ساياسي كەڭەستىڭ كەڭسەسى، ورتالىق بىرلىكساپ ءبولىمى، مەملەكەتتىك ۇلت-ءدىن ىستەرى كوميتەتى، اۆتونوميالى رايوندىق پارتكوم، مەملەكەتتىك ساياسي كەڭەستىڭ ۇلت جانە ءدىن ىستەرى كوميتەتى بىرلەسىپ وتكىزدى،ول شينجياڭ حالقىنىڭ ازاتتىق ىستەرىنە ات سالىسۋ، شينجياڭنىڭ ەكونوميكالىق قۇرىلىسىنا ات سالىسۋ، جاڭا جۇڭگونىڭ قۇرىلۋىنا ۇلەس قوسۋ، اقتىق دەمىنە دەيىن كۇرەسۋ دەگەن 4 بولىمگە ءبولىندى، وندا جۇزدەن ارتىق سۋرەت بار.وسىدان ىلگەرى، سۋرەت كورمەسى بەييڭدەگى ءىشىنارا جوعارى مەكتەپتەردە كورمەگە قويىلعان بولاتىن.اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۇەجۇن اشىلۋ سالتىن باسقاردى، شوكرات زاكىر، حان يۇڭ، باي جىجيە، ەركىن تۇنياز، ليۋ شينچي، گۇلشات ابدىقادىر سياقتى باسشىلار جوعارىداعى قيمىلدارعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.