- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شىنايى ىستەپ، الدا ءجۇرىپ، ۇلگى بولىپ، ءۇرىمجىنى ىرىستى قالا ەتىپ قۇرىپ شىعۋ كەرەك
جاڭ چۇنشيان ۇرىمجىدە قىزمەت تەكسەرگەندە مىنانى تالاپ ەتتى
2014.11.12 13:25
«شينجياڭ گازەتىنەن». ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 6–قاراشادان 9–قاراشاعا دەيىن ءۇرىمجى قالاسىندا قىزمەت تەكسەرىپ، ورتالىق پەن اۆتونوميالى رايوننىڭ شەشىم –ورنالاستىرۋلارىن اناعۇرلىم دايەكتى تياناقتاندىرىپ، «جالپى نىسانانى ارقاۋ ەتۋ، ءالسىز تۇيىندەردى تابۋ، دەلولاردان ساباق الۋ، قىزمەتتەردى تياناقتاندىرۋ» تالابىن ورىنداۋ جونىندە تەكسەرۋ – زەرتتەۋ جۇرگىزدى.
4 كۇندە جاڭ چۇنشيان ءۇرىمجى قالاسىنىڭ تيانشان رايونىنا، سايباق رايونىنا، جوعارى جاڭا تەحنيكا اشۋ رايونىنا (جاڭا قالا رايونى)، شۇيموگوۋ رايونىنا، ەكونوميكالىق تەحنيكالىق اشۋ رايونىنا (توۋتۇنحى رايونى)، ميدۇڭ رايونىنا بارىپ، ءبىرىنشى شەپتەگى جولداستارعا امانداسىپ، ولاردان حال سۇرادى، الەۋمەتتىك اۋماقتاعى بۇقارانى ارالاپ، نەگىزگى ساتى كادرلارىمەن جانە ءدىني قايراتكەرلەرمەن اڭگىمەلەسىپ، نەگىزگى ساتىنىڭ ۇيىمدىق قۇرىلىسى، قوعامدىق باسقارۋ، قاتاڭ سوققى بەرۋ، قاتاڭ ساقتانۋ، سونداي–اق ەكونوميكالىق، قوعامدىق دامۋ، جاڭا رايون قۇرىلىسى، قالا باسقارۋ، لاستانۋدان ساقتانۋ جانە ونى تىزگىندەۋ جاقتارىنداعى قىزمەتتەردى تەكسەردى.
جاڭ چۇنشيان ءۇرىمجى قالاسىنىڭ «ءتورت ورىندى تۇراقتاندىرۋ» تالابىنا ساي، جىبەك جولى ەكونوميكالىق بەلدەۋىندەگى «بەس ورتالىق» قۇرۋ توڭىرەگىندە شىنايى ىستەپ، الدا ءجۇرىپ، بەس جاقتان ۇلگى كورسەتىپ، ءۇرىمجىنى ىرىستى قالا ەتىپ قۇرىپ شىعۋدى تالاپ ەتتى.
قوعامدىق باسقارۋ ونىمدىلىگىن جانە ورنىقتىلىقتى قورعاۋ، توسىن جاعدايلاردى ءبىر جاقتى ەتۋ قابىلەتىن جوعارىلاتتى
سوڭعى جىلداردان بەرى، ءۇرىمجى قالاسى «بۇقارانى ءبىرىنشى ورىنعا قويۋ، حالىق تۇرمىسىن الدىمەن ەسكەرۋ، نەگىزگى ساتىنى ماڭىزدى ساناۋ» كوزقاراسىنا تاباندى بولىپ، الەۋمەتتىك اۋماق قۇرىلىسىنا ۇسىنىلىمدى ۇزدىكسىز ارتتىرىپ، الەۋمەتتىك اۋماقتاردا قىزمەتكەر، بازا، قاراجات، اسحانا، ساقشى بولىمشەسى بولۋ سىندى «وننىڭ بار بولۋىن» جۇزەگە اسىرىپ، نەگىزگى ساتى پارتيا ۇيىمىنىڭ ورنىقتىلىقتى قورعاۋ، بۇقاراعا قىزمەت وتەۋ جۇمىستارىن جاقسى ىستەۋىنە بەرىك نەگىز قالادى.
تيانشان رايونى داۋان بولىگى اۋماعىن باسقارۋ كوميتەتى يان–ان جاڭا قىستاعى الەۋمەتتىك اۋماعىندا جىلجىمالى جان سانى %93 تى ۇستايدى. جىلجىمالى جان سانىنا قىزمەت وتەۋ، ولاردى باسقارۋ قىزمەتىن جاقسى ىستەۋ ءۇشىن الەۋمەتتىك اۋماق ەكىنشى دەمەنيسونالدىق كادتى جۇمىس جۇيەسىن پايدالاندى، قىزمەتكەرلەر ءۇيىن جالعا بەرۋشىنىڭ ەكىنشى دەمەنيسونالدىق كادىن قولفون ارقىلى سكانەرلەسە بولعانى، ادام سانى، اتى–ءجونى، كۋالىك ءنومىرى سياقتى ينفورماتسيالاردى كورۋگە بولادى. بۇل دەر كەزىندە سالىستىرىپ - تەكسەرىپ، الەۋمەتتىك اۋماق قىزمەتىن باعىتتامالى تۇردە ىستەۋگە پايدالى.
داۋان بولىگىن باسقارۋ كوميتەتى «اۋلالىق باسقارۋ، تورلاۋ، قوعامدانعان باسقارۋ، سيفرلانعان تىرەك» قۇرىلىسىن جولعا قويىپ، قوعامدىق باسقارۋ ءونىمى جانە ورنىقتىلىقتى قورعاۋ، توسىن جاعدايدى ءبىر جاقتى ەتۋ قابىلەتىن بارىنشا جوعارىلاتتى. جاڭ چۇنشيان ەكراندى باقىلاۋ جۇيەسى ارقىلى داۋان بولىگىن باسقارۋ كوميتەتى شي–ۋاڭ كوشەسى قاراۋىلىنىڭ جاتتىعۋىن كوردى.
ءۇرىمجى وڭتۇستىك پويەز ۆوكزالىندا جاڭ چۇنشيان ۆوكزالدىڭ الدىنداعى الاڭنىڭ جوندەلۋ جاعدايىن كورىپ ۇعىستى. ول تيانشان رايوندىق قوعام حاۋىپسىزدىگى بولىمشە مەكەمەسىنىڭ ميڭحۋا كوشەسى ساقشى بولىمشەسىنە، جوعارى، جاڭا تەحنيكا اشۋ رايونى (جاڭا قالا رايونى) قوعام حاۋىپسىزدىگى بولىمشە مەكەمەسى شارلاۋ ۇلكەن اترەتىنىڭ جيالى–فۋ حالىققا قىزمەت وتەۋ پۋنكتىنە كەلىپ، كەزەكشىلىك ىستەۋ، مىندەت وتەۋ، قۇرىلعى، جابدىق جاعدايىمەن تانىسىپ، مىندەت وتەپ جاتقان حالىق ساقشىلارىنا امانداسىپ، ولاردان حال سۇرادى.
حيجياشان بولىگى 4 جىلدا شىت جاڭا بەينەگە ەندى
ورتالىقتىڭ شينجياڭ قىزمەتى اڭگىمە ماجىلىسىنەن بەرى ءۇرىمجى قالاسى حالىق تۇرمىسىن قامتاماسىزداندىرۋ جانە جاقسارتۋ سەرپىنىن ۇزدىكسىز ارتتىردى، حالىق تۇرمىسىنا جۇمسالعان شىعىستىڭ الەۋمەتتىك قازىنانىڭ مەجە ەسەپ شىعىسىنداعى ۇلەس سالماعى 2009–جىلعى %55 تەن ارتىپ، 2013–جىلى %74 كە جەتتى.
تيانشان رايونىنىڭ حيجياشان بولىگىندە كوپ ۇلت ارالاس قونىستانعان، جىلجىمالى حالىقتىڭ شوعىرى مول، نەگىزدىك قۇرىلعى قۇرىلىسى مەشەۋ ەدى. 2010–جىلى مامىردا جاڭ چۇنشيان شينجياڭعا قىزمەتكە كەلگەننەن سوڭ ەڭ الدىمەن وسى حيجياشان اۋماعىندا قىزمەت تەكسەرىپ، وتباسىلارىن ارالاپ، تۇرعىنداردىڭ پىكىرىن تىڭدادى ءارى «حالىق تۇرمىسىن الدىمەن ەسكەرۋ، بۇقارانى ءبىرىنشى ورىنعا قويۋ، نەگىزگى ساتىنى ماڭىزدى ساناۋ» جەتەكشى يدەياسىن العا قويىپ، ءۇرىمجى قالاسىنىڭ لاشىقتى وڭىرلەردى جاڭالاۋ قارقىنىن تەزدەتۋىن تالاپ ەتتى. سول كەزدە جاڭ چۇنشيان حيجياشانداعى تۇرعىندارعا «سىزدەر جاڭا ۇيگە كوشىپ كىرگەن سوڭ تاعى دا كەلەمىن» دەپ ۋادە بەرگەن ەدى.
ءتورت جارىم جىلدان كەيىن جاڭ چۇنشيان تاعى دا حيجياشانعا ات باسىن بۇردى. لاشىقتى اۋماق شىت جاڭا بەينەگە ەنىپ، 33 عيمارات، 4 مىڭ 382 بەيقۇت ۇيدەن قۇرالعان زاماناۋي بيىك عيماراتتى شاعىن اۋماققا اينالىپتى. جاڭ چۇنشياننىڭ كەلگەنىن ەستىگەن جۇرت ونى قاۋمالاپ الىپ، شۋجيگە تۇرمىستاعى وزگەرىستەردى ايتتى. «بۇرىن بۇل جەر لاس، بىلىققان ەدى، كورگەن جانعا جاعىمسىز اسەر بەرەتىن. قازىر شاعىن اۋماقتىڭ بەينەسىن كورىپ كوڭىلىم سەرگىپ قالادى» دەدى الەۋمەتتىك اۋماق تۇرعىنى قۋانا. جاڭ چۇنشيان بىلاي دەدى: پارتيا مەن ۇكىمەتتىڭ ەڭ ۇلكەن ارمانى − بۇقارانىڭ كۇن كورىسىن جاقسارتۋ. سىزدەردىڭ قوس قولدارىڭىزعا سۇيەنىپ، بىرگە قۇلشىنىپ، ءتىپتى دە جاقسى ءومىر كەشۋلەرىڭىزدى ءۇمىت ەتەمىن.
حالىق تۇرمىسى ىستەرى حالىقتىڭ جۇرەگىمەن توعىستى
سايباق رايونى حۇڭمياۋزى ءمالى باسقارماسىنىڭ پيڭديڭشان الەۋمەتتىك اۋماعىندا جاڭ چۇنشيان الەۋمەتتىك اۋماقتىڭ كاسىپتەندىرۋ جونىنەن تاربيەلەۋ تۇيىنىنە ارنايى بۇرىلدى. 10 نەشە از ۇلت ايەلى قولونەر بۇيىمدارىن جاساۋدى ۇيرەنىپ جاتىپتى. قاراستى اۋماقتاعى ايەلدەر وسى ونەرىنە سۇيەنىپ اي سايىن 1000–2000 يۋان كىرىس كىرگىزەدى ەكەن.
ىرگەدەگى بولمەدە حانزۋ ءتىلى كۋرسىنىڭ اشىلعانىنا 18 كۇن بولىپتى، ۇيرەنگەندەرىنە ۇزاق بولماسا دا وقۋشىلاردىڭ حانزۋ ءتىلى ورەسى ايتارلىقتاي ءوسىپ قالىپتى، اۋەلى جاڭ چۇنشيان شۋجيمەن حانزۋشا تىلدەسۋگە جاراپتى. «حانزۋ ءتىلىن ويداعىداي ۇيرەنۋ ىشكى ولكەلەرگە بارىپ قىزمەت ىستەۋدەگى العاشقى قادام»، «جاقسى كۇن وتكىزۋ ءۇشىن، ءسوزجوق، قۇلشىنا ۇيرەنۋ كەرەك»، «قۇلشىنعاندا عانا وزگەرتۋگە بولادى، قۇلشىنساق قانا وزگەرتە الامىز» ... وقۋشىلار وزدەرىنىڭ حانزۋ ءتىلىن ۇيرەنۋدەن العان اسەرلەرىن جاپا – تارماعاي ايتىپ جاتىر. جاڭ چۇنشيان ولاردى ۇزدىكسىز قۇلشىنا ۇيرەنىپ، ءومىردىڭ تىڭ پاراعىن اشۋعا شابىتتاندىردى. حالىق تۇرمىسى ىستەرىنىڭ ءبارى حالىقتىڭ جۇرگىمەن توعىسىپ جاتادى. تۇرعىنداردىڭ كوكونىس ساتىپ الۋى، ءجۇرىپ – تۇرۋى قولايلى ما، جوق پا، جاڭ چۇنشيان بارىنە ايىرىقشا نازار اۋداردى. يان – ان جاڭا قىستاعى الەۋمەتتىك اۋماعى مەن پيڭديڭشان الەۋمەتتىك اۋماعىندا جاڭ چۇنشيان كوكونىس، قوسىمشا ازىق – تۇلىكتەردى ساتۋ ورىندارىنا بارىپ كوردى. مۇندا كۇنىنە 30 نەشە ءتۇرلى كوكونىستەن 500 كيلوگرامنان استامى ساتىلادى ەكەن. قالالىق پارتكوم مەن حالىق ۇكىمەتى كوكونىستەرگە شەكتى باعا بەلگىلەپ، دۇكەندەگى ەلەكتروندى ەكران مەن عالامتور ارقىلى باعانى اشىق جاريالاپ، قالا تۇرعىندارىنىڭ ۇيلەرىنىڭ ماڭايىندا جاڭا، باعاسى ارزان ءار ءتۇرلى كوكونىس ساتىپ الۋىنا شىنايى كەپىلدىك ەتىپتى.
داۋان بولىگىن باسقارۋ كوميتەتىندە جاڭ چۇنشيان الەۋمەتتىك اۋماق تۇرعىندارىمەن جانە الەۋمەتتىك اۋماق كادرلارىمەن اڭگىمەلەستى.
جاڭ چۇنشيان: حالىق تۇرمىسىن الدىمەن ەسكەرۋ، بۇقارانى ماڭداي الدى ورىنعا قويۋ، نەگىزگى ساتىنى ماڭىزدى ساناۋ كەرەك. نەگىزگى ساتى كادرلارى بارلىق قىزمەتتە حالىق ءۇشىن قىزمەت وتەۋ ءتۇبىرلى ماقساتىن ارقاۋ ەتىپ، بۇكىل ىنتا – پەيىلىمەن حالىق ءۇشىن قىزمەت وتەۋى، بۇقاراعا سەنۋ، بۇقارانى اتتانىسقا كەلتىرۋ، بۇقاراعا سۇيەنۋ ورنىقتىلىقتى قورعاۋدىڭ ەڭ بەكەم نەگىزى، ەڭ ۇلكەن كۇشى ،–دەدى.
قالا ورتاسىن جاقسارتىپ، قالا دەڭگەيىن ءوسىردى
قىس ماۋسىمىنداعى اتموسفەرانىڭ لاستانۋى ءوز كەزىندە ءۇرىمجى تۇرعىندارىنىڭ اڭىسى ەڭ كۇشتى ماسەلە ەدى. 2010– جىلى مامىرداعى تەكسەرۋ–زەرتتەۋدە جاڭ چۇنشيان: بەلدى بەكەم بۋىپ، زور كۇش جۇمساپ، جان – جاقتى مىقتى يگەرۋ ارقىلى بۇل ماسەلەنى تىڭعىلىقتى شەشۋ كەرەك، قالا تۇرعىندارىنىڭ ىس – تۇتەك باسقان مۇنارلى ورتادا تىرشىلىك ەتۋىنە، استە، بولمايدى، – دەگەن ەدى.
ورتالىق پەن اۆتونوميالى رايوننىڭ قولداۋىندا ءۇرىمجى قالاسى اتموسفەرانىڭ لاستانۋىن وڭاۋدى ەڭ ۇلكەن حالىق تۇرمىسى ينجەنەرياسىنا بالاپ، 4 جىلدا جالپى 33 ميلليارد 200 ميلليون يۋان قارجى قوسىپ، اتموسفەرانىڭ لاستانۋىن وڭاۋعا قاتىستى 110 نىساندى اتقارىپ، «كومىر جاعۋ ارقىلى جىلۋمەن قامداۋدى تابيعي گاز جاعۋ ارقىلى جىلۋمەن قامداۋعا وزگەرتۋ» ينجەنەرياسىن ءتۇيىندى تۇردە جۇرگىزدى، سونىمەن ءۇرىمجى بۇكىل ەلىمىزدەگى تابيعي گاز جاعۋ ارقىلى جىلۋمەن قامداۋدى تۇڭعىش رەت جۇزەگە اسىرعان قالاعا اينالدى. بيىل ماۋسىم ايىندا ءۇرىمجى قالاسى بۇكىل ەلىمىزدە اتمەسفەرا ساپاسى ولشەمگە تولعان كۇن سانى%100كە جەتكەن 5 قالانىڭ ءبىرى بولدى. جاڭ چۇنشيان قالالىق جىلۋمەن قامداۋ باس سەرىكتەستىگىنە كەلىپ، پارقازان ۇيلەرىن ارالاپ، جان - جاقتىلى تەكسەرۋ جۇرگىزدى. قالا ورتاسىن ساپالاندىرۋ، قالا دەڭگەيىن ءوسىرۋ ءۇشىن ءۇرىمجى قالاسى جۋىق جىلداردان بەرى ءبىرسىپىرا نەگىزدىك قۇرىلعى قۇرىلىسى ينجەنەرياسىن اتقارىپ، وسى زامانعى جالپىلىق قاتىناس تورابى قۇرىلىسىن جاپپاي قولعا الدى. جوعارى قارقىندى تەمىر جولدىڭ جاڭا جولاۋشىلار بەكەتى، مەترونىڭ 1 - ءنومىرلى لەنياسى سياقتى كەلەلى ينجەنەريالار جاپپاي باستاپ سالىندى. اۆتونوميالى رايوندىق دەنە تاربيە ورتالىعىنىڭ ماڭايىنداعى رەليستى قاتىناس 1 - ءنومىرلى لەنياسىنىڭ مەردىگەرلىككە العان 11 - بولىگىندەگى جۇمىس ورنىندا جاڭ چۇنشيان جۇمىستىڭ اياق الىسىن ەگجەي - تەگجەيلى ۇعىستى.
2011 - جىلى قاراشادا جاڭ چۇنشيان جوعارى قارقىندى تەمىر جول اۋماعىنا تەكسەرۋ جۇرگىزگەن كەزدە: جوعارى قارقىندى تەمىر جول اۋماعىنىڭ جوبا - جوسپارىنا وسكەلەڭ ءمان بەرىپ، قۇرىلىس مىندەتىن تىڭ باستاما، بيىك ورە، جوعارى ونىمدىلىكپەن ورىنداۋ كەرەك، - دەگەن بولاتىن. سودان بەرى 4 جىل وتە شىقتى، قۇرىلىس جۇرگىزىلۋ ۇستىندەگى ءۇرىمجى جوعارى قارقىندى تەمىر جول اۋماعىنىڭ جوباداعى جالپى جەر اۋدانى 2.37 شارشى كيلومەتر، وزەكتى رايوننىڭ كولەمى 7.8 شارشى كيلومەتر، قازىردىڭ وزىندە 42 نىسان كەلىپ ىرگە تەۋىپ، جالپى قوسىلعان قارجى 42 ميلليارد 100 ميلليون يۋانعا جەتتى.
نەگىزدىك قۇرىلعى قۇرىلىستارىن كەمەلدەندىرۋمەن بىرگە، ءۇرىمجى قالاسى قالانى جاسىلداندىرۋ، كورىكتەندىرۋگە دە كۇش جۇمسادى، 5 جىلدا جالپى 5 ميلليارد يۋاننان استام قارجى قوسىلىپ، تىڭنان كوبەيگەن جاسىلدانعان اۋماق 272 مىڭ 600 مۋعا جەتكەن. جاڭ چۇنشيان شۇيموگوۋ رايونىندا ءۇرىمجى قالاسىنىڭ باۋ - باقشا، جاسىلداندىرۋ قىزمەت مالىمەتىن تىڭدادى. جاڭ چۇنشيان شۇيموگوۋ باقشاسىن جاياۋ ارالاپ، شۇيموگوۋ وزەنى بويىنداعى كورىنىس ورىندارىن وزگەرتىپ سالۋ ينجەنەرياسىن تەكسەردى، ەكونوميكالىق - تەحنيكالىق اشۋ رايونىنىڭ دالۇيگوۋ كورىنىس تەكشەسىنە شىعىپ، قالانى جاسىلداندىرۋ جانە كورىنىس تۇيىندەرىنىڭ قۇرىلىس جاعدايىن ۇعىستى. قىس كەزىندە، قار تازالاۋ جول ىركىلىسسىزدىگىن، قالا تۇرعىندارىنىڭ ءجۇرىس - تۇرىسىن قامتاماسىز ەتەتىن ماڭىزدى قىزمەت. شۇيموگوۋ رايونى ورتا تازالىعى بازاسىندا، جاڭ چۇنشيان تازالىقشى جۇمىسشىلاردان حال سۇرادى.
جاڭ چۇنشيان مەن ونىڭ سەرىكتەرى دۇڭفىڭ اۆتوكولىگى شينجياڭ شەكتى سەرىكتەستىگى، حۇڭيۇن حۇڭحى شينجياڭ تەمەكى زاۆودى، جوعارى - جاڭا تەحنيكا رايونى بيولوگيالىق ءدارى - دارمەك ينكۋباتورى، شينجياڭ يندولان ءدارى - دارمەك شەكتى سەرىكتەستىگى سياقتى كاسىپورىندار مەن نىسانداردىڭ جاعدايىمەن تانىستى.
«5 جاقتان ۇلگى كورسەتىپ»، ىرىستى قالا قۇرايىق
9 - قاراشا تۇستەن بۇرىن جاڭ چۇنشيان ءۇرىمجى قالالىق پارتكوم القا مۇشەلەرىمەن اڭگىمە ءماجىلىس وتكىزدى. كوپشىلىكتىڭ باياندامالارىن تىڭداپ بولعان سوڭ، جاڭ چۇنشيان بىلاي دەدى: جاقىنعى جىلداردان بەرى، ءۇرىمجى قالاسىنىڭ نەگىزگى ساتى نەگىزىندە ءتۇبىرلى وزگەرىس جارىققا شىعىپ، ەكونوميكا، قوعام قارىشتاپ دامىپ، حالىق تۇرمىسى شىنايى جاقساردى، رەفورما، وزگەرىس جاساۋ، جاۋاپكەرلىكتى باتىل ارقالاۋ، وسى زامان مادەنيەتىن جەتەكشى ەتۋ رايى بارعان سايىن كۇشەيىپ، قوسىن قۇرىلىسىندا كەلەلى وزگەرىس تۋىلىپ، قوعامنىڭ گۇلدەنىپ - كوركەيۋى مەن جاراسىمدىلىعى ساقتالدى. ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، پارتيا قۇرىلىسى جانە ەكولوگيالىق وركەنيەت قۇرىلىسى جاقتارىندا وراسان زور جەتىستىكتەر قولعا كەلدى. اۆتونوميالى رايوندىق پارتكوم مەن ۇكىمەت بۇنى تولىق تۇراقتاندىردى. بۇل ناتيجەلەر پارتيا ورتالىعىنىڭ تاباندى باسشىلىعى، تۇتاس ەل حالقىنىڭ پارمەندى قولداۋى بولعاندىقتان، قالادا قۋاتتى پارتكوم القاسى، جاقسى كادرلار قوسىنى، شىنايى يگەرىپ، ناقتاپ ىستەيتىن، اتقارۋ، تياناقتاندىرۋدى دىتتەگەن جەرىنە جەتكىزەتىن تاماشا ستيل بولعاندىقتان قولعا كەلىپ وتىر.
ءبىرىنشى، «3تە باتىل بولۋدى» وزەك ەتىپ، ورنىقتىلىقتى بار كۇشپەن يگەرۋ كەرەك. باس شۋجي شي جينپيڭنىڭ ماڭىزدى سوزدەرىنىڭ رۋحى مەن يۇي جىڭشىڭ ءتوراعانىڭ نۇسقاۋ تالاپتارىن دايەكتى تياناقتاندىرىپ، اۆتونوميالى رايوننىڭ «20 - تامىز»، «8 - قىركۇيەك»، «29 - قازان» ماجىلىستەرىنىڭ رۋحىن جاقسى تياناقتاندىرىپ، قوعامدىق جالپى جاعدايدىڭ ورنىقتىلىعىنا كۇش سالا كەپىلدىك ەتۋ كەرەك. «30 - ءساۋىر»، «22 - مامىر»، «28 - شىلدە» دەلولارىنان تەرەڭ ساباق الىپ، وتكەندى عيبىرات ەتىپ، بىرەۋى ارقىلى وزگەسىن تۇسپالداپ، ماسەلەنى شەشۋدى كوزدەۋدى، تومەنگى شەكتە ويلاۋدى كۇشەيتىپ، بەيعامدىقتى، الاڭعاسارلىقتى، كوزسىز سەنىمدى، نەمقۇرايدى قاراۋدى ءۇزىلدى - كەسىلدى جەڭىپ، كوزدەۋ ءتۇيىنى مەن كۇش سالۋ ءتۇيىنىن قوعام ورنىقتىلىعى مەن باياندى تىنىشتىققا اۋدارۋ كەرەك.
ەكىنشى، ۇلتتار ىنتىماعىن كۇشەيتىپ، ءدىني جاراسىمدىلىقتى جەبەپ، «ۇشقارىلىقتى الاستاۋدى» تەرەڭدەي ىلگەرىلەتۋ كەرەك.
ءۇشىنشى، جىبەك جولى ەكونوميكالىق بەلدەۋىن قۇرۋ تاريحي ورايىن مىقتى يگەرىپ، شينجياڭ ەرەكشەلىگىنە يە جاڭاشا قالالاندىرۋ قۇرىلىسىن تەزدەتۋ كەرەك.
ءتورتىنشى، حالىق تۇرمىسىن تۇتقا ەتىپ، شينجياڭدى زاڭمەن جونگە سالۋدى مورالمەن جونگە سالۋمەن ۇشتاستىرۋدان جازباۋ كەرەك.
بەسىنشى، كاسىپ قۇرىلىمىن رەتتەۋدى تەزدەتىپ، جالپىلىق قۋاتى مىعىم، باسەكەگە قابىلەتتى قالا قۇرۋ كەرەك.
التىنشى، پارتيانى قاتاڭ جونگە سالۋعا تاباندى بولىپ، «3تە قاتاڭ، 3تە شىنايى» جانە «ساياسيدا قابىلەتتى، قابىلەتى كۇشتى، ستيلى جاقسى، كوڭىل كۇيى ورنىقتى» كادرلار قوسىنىن كۇش سالا قۇرۋ كەرەك.
جاڭ چۇنشيان مىنالاردى تالاپ ەتتى: ءۇرىمجى ناقتى ءىس ىستەپ، الدا ءجۇرىپ، قوعام ورنىقتىلىعى مەن باياندى تىنىشتىقتى قورعاۋدان، نەگىزگى ساتىنىڭ نەگىزىن بەكەمدەۋدەن، ۇلتتار ىنتىماعى مەن ءدىني جاراسىمدىلىقتى جەبەۋدەن، «ۇشقارىلىقتى الاستاۋدان»، وسى زامان مادەنيەتىن جەتەكشى ەتۋدە، حالىق تۇرمىسىن جاقسارتىپ، تىرشىلىك ەتۋگە، جۇمىس جۇرگىزۋگە قولايلى بولۋدان، عىلمي دامۋدان جاقسى ونەگە كورسەتىپ، ءۇرىمجىنى ىرىستى قالا ەتىپ قۇرىپ شىعۋ كەرەك.
اۆتونوميالى رايونىڭ باسشىلارىنان شوكرات زاكىر اڭگىمە ماجىلىسكە قاتىناستى، حۋاڭ ۋي، شاۋكەت يمىن، جۋ حايلۇن، شيۇڭ شۋانگو قىزمەت تەكسەرۋدە بىرگە بولدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
