بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايون ەكولوگيالىق قورشاعان ورتانى قورعاۋعا وسكەلەڭ ءمان بەردى

2014.12.12 15:33     كەلۋ قاينارى : شينجياڭ حالىق راديو ستانسياسى تورابى

  «قورشاعان ورتانى قورعاۋدى ماڭداي الدى ورىنعا قويىپ، ەكولوگيالىق رايون قۇرۋ» تانىمىنان «بايلىقتى باياندى اشۋ، ەكولوگيالىق ورتانى باياندى قورعاۋ» جولىمەن جۇرۋگە تاباندى بولۋعا، ودان «4 تە باتىل بولۋ»، «3 كە قاتاڭ تيىم سالۋ» سياقتى ءبىر سىپىرا تالاپتاردى ايقىن العا قويعانعا دەيىن، اۆتونوميالى رايون ەكولوگيالىق ورتانى قورعاۋ مەن قۇرۋعا وسكەلەڭ ءمان بەرىپ، كاسىپكە بۇرىلىس جاساپ، دارەجەسىن جوعارىلاتۋدى ۇزدىكسىز جەبەپ، حالىققا باقىت جاراتتى.

  2013-جىلى ءۇرىمجى قالاسىنىڭ اۋا ساپاسىنىڭ جاقسى بولعان كۇن سانى 304 كۇنگە جەتتى. بيىل ءۇرىمجى قالاسىنىڭ اۋا ساپاسى جالعاستى جاقسى قالپىن ساقتاپ، قاڭتاردان قازانعا دەيىن، ءۇرىمجى قالاسىنىڭ اۋا ساپاسى 2-دارەجەلىدەن جاقسى بولعان كۇن سانى 256 كۇنگە جەتىپ، الدىنداعى جىلدىڭ وسى مەزگىلىندەگىدەن 6 كۇن ارتتى. بۇل شينجياڭنىڭ اتموسفەرا بىلعانىشىنىڭ الدىن الۋ جانە وڭاۋ جوسپارىنداعى جەتىستىكتەرىنىڭ بىرىنە اينالدى.ۇعىسۋعا قاراعاندا، اۆتونوميالى رايون «شينجياڭنىڭ اتموسفەرا بىلعانىشىنىڭ الدىن الۋ جانە وڭاۋ جوسپارىن اتقارۋ جوباسى» سياقتى حۇجاتتاردى باسىپ تاراتىپ، اتموسفەرا بىلعانىشىنىڭ الدىن الۋ جانە وڭاۋ ءبىر توپ شارالارىن اتقارعان، 2014-جىلى لاس زاتتى از شىعارۋ ءتۇيىندى نىسانىنان 668 ىن ورنالاستىرىپ، 458 ىن ورىنداعان. قازان ايىنىڭ اياعىنا دەيىن، رايونىمىز بويىنشا مەملەكەتتىڭ 2014-جىلعى لات زاتتى ازايتۋ نىسانى جاۋاپكەرلىك حاتى نىسانىنىڭ %73 ى ورىندالىپ بولعان.

  سونىمەن بىرگە، اۆتونوميالى رايون تازا سۋ ارەكەت جوسپارىن اتقارۋدىڭ نەگىزدىك قىزمەتتەرىن بەلسەنە ويداعىداي ىستەپ، قورشاعان ورتا ساپاسىنان الدىن الا ەسكەرتۋ بەرۋ، تالداۋ جاساۋ قىزمەتىن ورىستەتىپ، جەر-جەردىڭ قاراستىلىعىنداعى رايوننىڭ باستى جەر بەتى سۋىنىڭ لاستانۋىنىڭ الدىن الۋ جانە وڭاۋ جوباسىن جاساۋىنا جەتەكشىلىك ەتتى. ءتۇيىندى وزەن اعارى، كول سۋلارىنىڭ لاستانۋىنىڭ الدىن الۋ جانە وڭاۋ جاعىندا دا، اۆتونوميالى رايون قاتاڭ شارا قولداندى. باعراش كولىن مەملەكەتتىڭ تۇڭعىش توپتاعى 8 كولدىڭ ەكولوگيالىق ورتاسىن قورعاۋ سىناق ءتۇيىنى قىزمەتى كولەمىنە ەنگىزۋ نەگىزىندە، سايرام كولى تاعى مەملەكەتتىڭ ءتۇيىندى قورعالاتىن كول كولەمىنە ەنگىزدى. سونىمەن بىرگە، اۆتونوميالى رايون كولدەردىڭ ەكولوگيالىق ورتاسىن قورعاۋ سىناق ءتۇيىنى ارناۋلى قورىن قۇردى. 2014-جىلعا دەيىن، ورتالىق پەن اۆتونوميالى رايون ىلگەرىندى-كەيىندى 418 ميلليون يۋان قارجى قوسىپ، ەكولوگيالىق ورتانى قالپىنا كەلتىرۋ جانە قورعاۋ، لاستانۋ قاينارىن وڭاۋ سياقتىلاردى باستى مازمۇن ەتكەن ەكولوگيالىق ورتانى قورعاۋ نىسانىن اتقاردى.ەنەرگيا ۇنەمدەپ، لاس زاتتى ازايتۋ ەكولوگيالىق وركەنيەتتى قۇرۋدىڭ ناقتىلى ءامالياتى. ەنەرگيا ۇنەمدەپ، لاس زاتتى ازايتۋ قىزمەتىن ويداعىداي ىستەۋ ەكونوميكالىق قۇرىلىمدى رەتكە سالىپ، ەكونوميكانىڭ ارتۋ تاسىلىنە بۇرىلىس جاساپ، باياندى دامۋدى جۇزەگە اسىرۋدىڭ قاجەتتى تالعامى. اۆتونوميالى رايون بيىل ەنەرگيا ۇنەمدەپ، لاس زاتتى ازايتۋ قىزمەتىن كۇشەيتىپ، تۇڭعىش رەت ورتالىقتىڭ مەجە-ەسەبىنەن 56 ميلليون 920 مىڭ يۋان قوسىمشا قاراجاتتى تياناقتاندىرىپ، 72 نەگىزگى ساتىنىڭ ەنەرگيا ۇنەمدەۋدى باقىلاۋ-تەكسەرۋ قۋاتى قۇرىلىسىن قولدادى. الدىڭعى ءۇش توقساندا، 2014-جىلعى ورتالىقتىڭ مەجە-ەسەبىندەگى قارجى مەن قازىنانىڭ سيلاۋ قارجىسىنان ءبىر ميلليارد 370 ميلليون يۋاندى تياناقتاندىرىپ، 226 ءتۇيىندى ەنەرگيا ۇنەمدەۋ قۇرىلىسى، بايلىقتى جان-جاقتىلى پايدالانۋ سياقتى نىسان قۇرىلىسىن قولدادى، ءارى اۆتونوميالى رايوننىڭ 4-توپتاعى اينالمالى شارۋاشىلىق سىناق ءتۇيىنى قىزمەتىن اتقاردى. ۇعىسۋعا قاراعاندا، بيىل شينجياڭ جاڭا ەنەرگيا ارقىلى توك تاراتۋ گەناراتور اگرەگاتى قۇرىلىسى قارقىنىن جەدەلدەتىپ، گەناراتور اگرەگاتى سالىستىرماسىن ۇزدىكسىز جوعارىلاتقان.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.