بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

قۇس جولى كوگىلدىر كوگىنەن كورىنگەنءۇرىمجى اتموسفەراسىنا نازار

2015.01.26 16:52     كەلۋ قاينارى : شينجياڭ حالىق راديو ستانسياسى تورابى

  بيىلعى اۆتونوميالى رايوننىڭ ەكى ءماجىلىسى كەزىندە، ءۇرىمجى قالاسىنىڭ كوك اسپانىندا قالىقتاعان اقشا بۇلت پەن ماي توڭعىسىز جىلى كۇن كوپ نازارىن اۋداردى. جەر-جەردەن كەلگەن ساياسي كەڭەس مۇشەلەرى مەن حالىق قۇرىلتايى ۋاكىلدەرى رايونىمىزدىڭ ءتۇرلى ىستەرىندە بۇرىن بولماعان تىڭ ىلگەرلەۋدى، تىڭ وزگەرىستى، تىڭ ونىمدىلىكتى اڭعارىپ، ءۇرىمجى قالاسىندا اتقارىلعان «كوگىلدىر اسپان» ينجەنەرياسىنىڭ كىسى سۇيىنەرلىك كەسەك تابىسىنا جوعارى باعالارىن بەردى.

  شىنىندا «كوگىلدىر اسپان» ينجەنەرياسى-ءۇرىمجى قالاسىنىڭ اتموسفەراسىن وڭاعان ەڭ ۇتىمدى شارا، قالاداعى ەڭ ماڭىزدى حالىق تۇرمىسى نىسانى ەدى. بۇرىندارى كەڭىستىكتى تورلاعان قويۋ ىس-تۇتەكتەن ءۇرىمجى قالاسىنىڭ اسپانىنان جۇلدىزدى قويىپ ارلى-بەرلى ۇشىپ جۇرگەن ايروپلاننىڭ ءوزىن كورمەي ماتورىنان شىققان گۇرىلىن ەستيتىنبىز. قازىر، ءۇرىمجى قالاسىنىڭ كەڭىستىگىندە قالىقتاعان ايروپلاندى قويىپ، تۇندەرى سامسىعان جۇلدىزدار شوعىرىن كورەتىن بولدىق. اتموسفەرانىڭ وڭالۋىنا بايلانىستى بۇل كۇندەرى تۇنىپ تۇرعان كوك اسپان كەش باتقاننان تاڭ اتقانعا دەيىن سىنىن بۇزبايدى. كوك اسپان، اقشا بۇلت، جامىراعان جۇلدىز-ۇرىمجى قالاسىنىڭ تۇنگى تازا اتموسپەراسىنىڭ ايعاعى. ال جازدىڭ ايرىقشا اشىق كۇندەرى ىمىرت ۇيرىلىپ قاس قارايعاندا قالا حالقى قۇس جولىنا تامسانا قارايتىن بولدى.

  22-قاڭتار تاڭەرتەڭ، ەكى ماجىلىستىڭ اشىلعانىنا ءتورتىنشى كۇنگە اياق باستى. ءۇرىمجى قالاسىندا قۇلان يەكتەنىپ تاڭ اتىپ كەلەدى. تەرەزەنىڭ پەردەسىنەن الا كولەڭكە تاڭ جارىعى بولار بولماس بىلىنەدى. ۇلكەن كوشەلەردەن اۋىق-اۋىق اۆتوموبيل گۇرىلى قۇلاققا جەتەدى. ەلەڭ-الاڭنان قوزعالىپ كۇنلۇن قوناقجايىنا بەت الدىق. بۇل كەز تاڭ ەندى بالىق باۋىرلانىپ اتىپ جىمىڭداعان جۇلدىزدار تولىق سونە قويماعان ەدى. اينالامىزداعى توبەسى كوكتى تىرەگەن ءزاۋلىم عيماراتتاردىڭ سۇلباسى ايقىن كورىنەدى. ال قيعاش باتىس جاق كوكتەن ءبىر تال شوق جۇلدىز جارقىراپ كوزگە ايرىقشا ىستىق كورىندى. بۇگىن ءۇرىمجى اسپانى شايداي اشىق. توڭكەرىلگەن توبەمىزدە جۇلدىزدار دەرلىك سونە قويماعان. كوشە تۇيىلىسىندەگى بيىك عيماراتتاردىڭ اراسىنان كەڭىستىكتەگى سان ساناقسىز شاشىلعان مارجانداي جالت-جۇلت ەتىپ ساۋلە شاشقان جۇلدىزعا تولى توڭكەرىلگەن كوگىلدىر كوككە تامسانىپ قاراسىپ كەلەمىز. تاڭ الدىنداعى ايسىز ءتۇن قاراڭعىسىندا جۇلدىز تولعان كوككە كوز سالۋ ءبىر عانيبەت ءىس. شىنىندا، بۇل جىلدارى ءۇرىمجى قالاسىنىڭ كەڭىستىگىنەن ۇنەمى سامسىعان جۇلدىزدار شوعىرىن كورەتىن بولدىق، ايرىقشا اشىق كۇندەرى ءبىر قابات جۇقا اق تۇمانداي كوكتى ورتاسىنان ءبولىپ تۇرعان قۇس جولىن كورىپ قالىپ ءجۇرمىز. دەمەك باتىس بولەكتەگى ونەركاسىپتەنگەن ءۇرىمجى قالاسى جاراقسىز گاز كەڭىستىگىن تورلاعان ورىننان بىرتىندەپ قۇتىلىپ كوگىلدىر اسپانىنان جۇلدىزدار جىمىڭداسقان اتموسفەراسى وڭالعان قالاعا اينالعاندىعىن شىنايى سەزىندىك.مۇنداي تاڭعالىستى كوڭىل كۇي ءبىز دە عانا ەمەس،ەكى ماجىلىسكە كەلگەن ساياسي كەڭەس مۇشەلەرى مەن حالىق قۇرىلتايى ۋاكىلدەرىنە ورتاق ەدى. حالىق قۇرىلتايىنا داعۇر ۇلتىنان ۋاكىل بولىپ قاتىناسقان چي سىڭحۋ: ءۇرىمجى قالاسىنىڭ اۋاسى تازارعان ەكەن دەيدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.