- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
چۋاننيڭ بيولوگيالىق –تەحنيكالىق اشۋ سەرىكتىگى ءوندىرىس جەلىسىن ەكىگە ازايتتى
ساراپتاۋ ناتيجەسىندە قاتىستى كورسەتكىشتەر ولشەمنەن اسسا، وندىرىستەن توقتاتىلادى
2015.01.28 13:44
ءوز حابارىمىز. قاڭتاردىڭ 15-كۇنى وبلىس باسشىلارى مەن وبلىستىق ورتانى قورعاۋ، تەكسەرۋ گرۋپپاسى ىلە چۋاننيڭ بيولوگيالىق-تەحنيكالىق اشۋ شەكتى سەرىكتىگىنە بارىپ ناق مايداندا جۇمىس جۇرگىزگەن ءارى زاڭ بويىنشا تەكسەرگەننەن كەيىن قاڭتاردىڭ 21-كۇنى وبلىستىق ورتانى قورعاۋ، تەكسەرۋ گرۋپپاسى وبلىستىق ۇكىمەت باس حاتشىسىنىڭ ورىنباسارى تىڭ شۋەگاڭنىڭ جەتەكشىلىگىندە تاعى ءبىر رەت چۋاننيڭ بيولوگيالىق-تەحنيكالىق اشۋ شەكتى سەرىكتىگىنە كەلىپ، تەكسەرۋ جۇرگىزدى. تەكسەرۋ گرۋپپاسىنداعىلار چۋاننيڭ بيولوگيالىق –تەحنيكالىق اشۋ شەكتى سەرىكتىگىندەگى جالپى 20 ءوندىرىس جۇيەسىنىڭ تەك ەكەۋىنىڭ عانا قالىپتى ءوندىرىس جۇرگىزىپ جاتقانىن كوردى. سەرىكتىكتىڭ ءوندىرىس باس باقىلاۋشىسى دىڭ شۇيحىڭ بىلاي دەدى: وبلىستىق پارتكوم، حالىق ۇكىمەتى جانە ورتانى قورعاۋ تاراۋلارى ناق مايداندا جۇمىس جۇرگىزىپ، تەكسەرگەن سوڭ ءبىز ءوندىرىس جۇيەسىن ەكىگە قىسقارتتىق. بوگدە ءيىس شىعۋ جاعدايىنىڭ تۇبەگەيكى تەجەلەتىندىگىنە سەنەمىز. سەرىكتىك قاقپاسىنىڭ ماڭىندا اۆتونوميالى رايوندىق، وبلىستىق، قالالىق ورتانى تەكسەرۋ پۋنكتىنىڭ قىزمەتكەرلەرى سەرىكتىك ماڭىنداعى اۋا ساپاسىنا تەكسەرۋ جۇرگىزدى، وبلىستىق ورتانى تەكسەرىپ، باقىلاۋ پۋنكتىنىڭ ورىنباسار باستىعى قالمۇرات بىلاي دەدى: قاڭتاردىڭ 14-كۇنىنەن باستاپ، 17 تۇردەن ۇلگى الىپ تەكسەرگەنىمىزدە 11 ءتۇردىڭ ولشەمنەن اسقاندىعى ءمالىم بولعان ەدى. قاڭتاردىڭ 19-كۇنى ۇلگى الىپ تەكسەرىلەتىن ءتۇردى 20 عا كوبەيتكەنىمىزدە، 5 ءتۇردىڭ ولشەمنەن اسقاندىعى انىقتالدى.
ىلە وبلىستىق ورتانى باقىلاپ، باسقارۋ بولىمشە اترەتىنىڭ باستىعى جاڭ جىپيڭ بىلاي دەدى: ەندەگى جەردە ءبىز ورتانى تەكسەرىپ، باقىلاۋ پۋنكتىنىڭ تەكسەرۋ ناتيجەسىنە نەگىزدەلەمىز. تەكسەرۋدە تاعى دا ولشەمنەن اسىپ كەتسە، تەك ءبىر رەت اسىپ كەتسە دە، ءبىز زاڭ بويىنشا دەلو تۇرعىزىپ، وبلىستىق ورتانى قورعاۋ مەكەمەسىنە جولداپ، كاسىپورىندى ءوندىرىستى توقتاتۋعا بۇيىرامىز. ەگەر كاسىپورىن ءوندىرىستى توقتاتپاسا، وبلىستىق حالىق ۇكىمەتىنىڭ بۇيرىق ءتۇسىرىپ وندىرىستەن توقتاۋىنا جولدايمىز.
قاڭتاردىڭ 20-كۇنى تۇننەن 21-قاڭتار تاڭ سارىگە دەيىن قۇلجا قالاسىنىڭ ءىشىنارا وڭىرلەرىندە بوگدە ءيىس قايتا تارالۋ جاعدايىنا قاراتا قالالىق ورتانى باقىلاپ-باسقارۋ ۇلكەن اترەتىنىڭ باستىعى ما يۇن مىناداي تۇسىنىك جاسادى: تۇرعىنداردىڭ اڭىسىن تاپسىرىپ العاننان كەيىن ءبىز ىستەستىك رايونىندا تەكسەرۋ جۇرگىزىپ، سوڭىندا باسقا ءبىر كاسىپورىننىڭ لاس زاتتاردى ىعىستىرۋ قۇرىلعىسىنىڭ قاقپاعى بۇزىلىپ، سودان بوگدە ءيىس تاراعانىن انىقتاپ، بۇل كاسىپورىننىڭ تەز ارادا جوندەۋىن تالاپ ەتتىك ءارى ناق مايداندا باقىلادىق. ەكى ساعاتتان استام ۋاقىتتا بۇزىلعان قاقپاق جوندەلىپ، ىسكە قوسىلدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
