بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭدا تۇراتىن مەملەكەتتىك ساياسي كەڭەستىڭ مۇشەلەرى حالىقتىڭ باقىت جولىن قاراستىردى

2015.03.05 15:17     كەلۋ قاينارى : شينجياڭ حالىق راديو ستانسياسى تورابى

  3-ناۋرىز تۇستەن كەيىن، شينجياڭدا تۇراتىن مەملەكەتتىك ساياسي كەڭەستىڭ مۇشەلەرى شينجياڭ حالقىنىڭ سەنىمى مەن ءۇمىتىن ارقالاپ، حالىق سارايىنا بارىپ، مەملەكەت ءىسىن ورتاق اقىلداسىپ، مەملەكەتتىڭ كوركەيۋىن جەبەپ، حالىقتىڭ باقىت جولىن قاراستىردى. ناۋرىز ايىنداعى بەيجيڭدە كوكتەم سامالى ەسىپ، كۇن شۋاعى توگىلىپ، حالىق سارايى دۋمانعا بولەندى. شينجياڭداعى مەملەكەتتىك ساياسي كەڭەستىڭ مۇشەلەرى مەن وزگە مۇشەلەر قىزۋ تالقىعا ءتۇسىپ، شينجياڭنىڭ سۇبەلى تابىستارى جانە تاماشا جاعدايىمەن ورتاقتاسىپ، شينجياڭنىڭ نۇرلى بولاشاعىنا كوز جىبەردى. وتكەن ءبىر جىل شينجياڭ جونىنەن قالىپتان تىس، قيىن ءارى كۇردەلى ءبىر جىل بولدى. اۆتونوميالى رايوندىق پارتكوم، حالىق ۇكىمەتىنىڭ باسشىلىعىندا، ورنىقتىلىق نەگىزىندە العا ۇمتىلۋ، رەفورما جاساپ، جاڭالىق ەنگىزۋ نەگىزگى ريتىمىنە تاباندى بولىپ، ەكونوميكانى ورنىقتى ارتتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جەتكىزۋدى ءتۇيىن ەتىپ، «حالىق جاعدايىن ۇعىسۋ، حالىق تۇرمىسىنا تيىمدىلىك جەتكىزۋ، حالىق تىلەگىن توعىستىرۋ» قيمىلىن دانەكەر ەتىپ، ءبىر قىدىرۋ كەلەلى شارا قولدانىپ، ءار جاقتىلى قىزمەتتىڭ ورنىقتىلىق نەگىزىندە ءونىمدى بولۋىن، العا باسۋىن ىسكە اسىردى. شينجياڭداعى مەملەكەتتىك ساياسي كەڭەستىڭ مۇشەلەرى اۆتونوميالى رايوندىق پارتكومنىڭ وزەكتى قىزمەتىن ارقاۋ ەتىپ، مىندەتىن مۇقيات اتقارىپ، بەلسەنە ۇسىنىس-پىكىر بەردى.

  قىزمەت بايانداماسىن مۇقيات تىڭداعاننان كەيىن، حالىق سارايىنان شىققان شينجياڭداعى مەملەكەتتىك ساياسي كەڭەستىڭ مۇشەلەرى ارت-ارتىنان، بورىشتارىن شىن كوڭىلمەن، شىن نيەتپەن، شىن سەزىممەن ادا ەتەتىندىگىن، اناعۇرلىم شۇعىلالى تاماشا ناتيجەلەر جاراتاتىندىعىن ايتتى. شينجياڭداعى مەملەكەتتىك ساياسي كەڭەستىڭ مۇشەسى ماۋكەن سەيتقامزا ۇلى: «يۇي جىڭشىڭ ءتوراعانىڭ بايانداماسى شىندىقتى ءىس جۇزىنەن ىزدەپ، جۇرتتى جەلپىندىردى. ەندى عانا وتكەن ءبىر جىلدا حالىق ساياسي ءماسىليحات كەڭەسى جالعاستىرۋ نەگىزىندە دامىپ، دامۋ نەگىزىندە جاڭالىق جاساپ، وتانشىلدىق، سوتسياليستىك ۇلى تۋىن بيىك ۇستاپ، ۇلتتار ىنتىماعى سىندى ءتۇيىندى ارقاۋ ەتىپ، ساياسي ءماسىليحات، دەموكراتيالىق باقىلاۋ، ۇكىمەت ىسىنە ارالاسۋ، كەڭەس بەرۋ فۋنكتسياسىن مۇقيات ورىنداپ، قارىم-قاتىناستى سايكەستىرىپ، كۇشتى شوعىرلاندىرىپ، ۇسىنىس-پىكىر بەرىپ، جالپى جاعدايعا قىزمەت وتەپ، جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىن ورىنداۋعا بەلسەنە ۇلەس قوستى»،-دەدى.

  وزبەكتىڭ ۇلتتىق كيىمىن كيگەن مەملەكەتتىك ساياسي كەڭەستىڭ مۇشەسى فاتيما ماحمۇت: مەملەكەتتى زاڭمەن جونگە سالۋ جونىندە اقىل-كەڭەس بەرىپ، مۇشەلىك مىندەتىمىزدى جاقسى وتەپ، از ۇلت رايوندارىنىڭ دامۋىن ىلگەرىلەتۋگە ۇلەس قوسامىز،-دەدى.

  مەملەكەتتىك ساياسي كەڭەستىڭ مۇشەسى گو لينا بىلاي دەدى : باياندامادا مەملەكەتتىك ساياسي كەڭەستىڭ وتكەن ءبىر جىلدا باتىس بولەكتىڭ دامۋىنا ەرەكشە نازار اۋدارعاندىعى، حالىق تۇرمىسىنا، وقۋ-اعارتۋ سياقتى جاقتارداعى مازمۇندار كوپ ايتىلدى، باياندامانىڭ شينجياڭنىڭ دامۋىنا ايرىقشا ماڭىزدى رول اتقاراتىندىعى داۋسىز.مەنىڭ ماجىلىسكە الا كەلگەن ۇسىنىس جوبام ۇلتتىق رايوندارداعى شاعىن قالاشىقتىڭ نەگىزدىك قۇرىلعى قۇرىلىسىن جاقسارتۋ، شينجياڭدى ورتا تازالىعى جاعىندا ەڭ تازا جەرگە اينالدىرۋ سياقتى مازمۇنداعى ۇسىنىس جوبالار.مەملەكەتتىك ساياسي كەڭەستىڭ مۇشەسى پارحات ابدىرەيىم: مەنىڭ ماجىلىسكە الا كەلگەن شينجياڭنىڭ جوعارى مەكتەپتەرىندەگى وقىتۋشىلار قوسىنىنىڭ سانىن مولايتۋ جونىندەگى ۇسىنىس جوبام وقۋ-اعارتۋ مينىستىرلىگىنىڭ نازارىن اۋدارسا يگى ەدى. شينجيڭنىڭ جوعارى مەكتەپتەرىندەگى وقىتۋشى قوسىنى شينجياڭنىڭ دامۋ جاعدايىنا سايكەسۋى، بۇكىل مەملەكەتتىڭ وسى جاعىنداعى اياق الىسىمەن تەڭەسۋى كەرەك،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.