- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ابدىراقىپ تۇمنياز ىشكى ولكەدەگى شينجياڭ ورتا مەكتەپ كلاسىنىڭ وقۋشىلارىنان حال سۇرادى
2015.03.05 15:18 كەلۋ قاينارى : شينجياڭ حالىق راديو ستانسياسى تورابى
3-ناۋرىز تۇستەن كەيىن، مەملەكەتتىك حالىق قۇرىلتايىنىڭ ۋاكىلى ابدىراقىپ تۇمنياز ماجىلىستەن بۇرىنعى دايىندالۋ ۋاقىتىنان پايدالانىپ، بەيجيڭ اۋىل شارۋاشىلىق ۋنيۆەرسيتەتىنە قاراستى ورتا مەكتەپكە بارىپ، سول ارادا وقىپ جاتقان ىشكى ولكەدەگى شينجياڭ ورتا مەكتەپ كلاسىنىڭ وقۋشىلارىنان حال سۇرادى. بۇل ونىڭ ىشكى ولكەدەگى ورتا مەكتەپ كلاسىنا بارىپ بالالارمەن اڭگىمەلەسكەن 8-جىلى. ابدىراقىپ تۇمنياز بالالارعا اۋىلدىڭ بادام جانە مەيىز سياقتى دامدەرىن اپاردى، بالالار دا ءوز قولىمەن جازعان باقىت جازۋىن وعان ۇسىندى، تارتۋدى قولىنا العان ابدىراقىپ تۇمنياز قۋانىشپەن: «بۇل جۇڭحۋا ۇلتتارىنىڭ مادەنيەتى، ءبىزدىڭ ءىزباسارلارىمىز دا جۇڭحۋا ۇلتتارىنىڭ مادەنيەتىن ءتۇسىنۋى كەرەك»،-دەدى.
بەيجيڭ اۋىل شارۋاشىلىق ۋنيۆەرسيتەتىنە قاراستى ورتا مەكتەپ 2007-جىلدان باستاپ شينجياڭ ورتا مەكتەپ كلاسىن اشتى. قازىر شينجياڭ ورتا مەكتەپ كلاسىندا 315 وقۋشى وقيدى، ۇيعۇر، حانزۋ، قازاق، تاجىك، قىرعىز سياقتى 10 شاقتى ۇلت بار. اۋىلدان كەلگەن تۋىسقانىنا كەزىككەن بالالار وزدەرىنىڭ ۇيرەنۋ جانە تۇرمىس جاعدايىن تالاسا-تارماسا تانىستىرا جونەلدى. ورتا مەكتەپتىڭ 2-جىلدىعىندا وقيتىن اسەنجان تۇرسىن: «بۇل اراعا كەلگەنىمە 3 جىل بولدى، وقۋ جاعىندا زور ىلگەرلەۋشىلىككە قول جەتكىزۋدەن سىرت، ءار جاقتان العا باستىم. مەن جەرگىلىكتى وقۋشىلارمەن ارالاس كلاستا وقيمىن. بەيجيڭدىك وقۋشىلارمەن جاقسى ارالاسامىن. تاياۋدا ولاردىڭ ۇيلەرىنە بارىپ ويناپ قايتتىم. ولاردىڭ اكە-شەشەلەرىدە بىزگە سەرىك بولدى، بىرگە شاڭعى تەپتىك، ءارى ولاردىڭ ۇيىندە شوشىرە ءتۇيىپ، ەرەكشە كوڭىلدى كۇندەردى وتكىزىپ، وتباسىندىق مەيىردى سەزىندىم»،-دەدى.
كۇشارلىق ابيدا ابلەت: العاش كەلگەندە كوڭىل كۇيىم ونشا جاقسى بولمادى.ءبىر ماۋسىمنان كەيىن، ساباقتاستار مەن وقىتۋشىلاردىڭ تاربيە بەرىپ ناسيحات ايتۋىندا مەن بۇل كوللەكتيۆتى قىزۋ ءسۇيىپ، وقۋشىلار ۇيىمىنا مۇشە بولدىم.مەن جاقسى وقىپ، جوعارىلاپ وقىپ، اتا مەكەنىمدى كوركەيتۋگە ءبىر كىسىلىك ۇلەسىمدى قوسامىن،-دەدى.وقۋشىلاردىڭ تانىستىرۋىن تىڭداعاننان كەيىن، ابدىرەحىپ تۇنياز قاتتى ريزا بولدى. 2008-جىلدان باستاپ، ول ءار جىلى ەكى ءماجىلىس كەزىندە بەيجيڭدەگى شينجياڭ ورتا مەكتەپ كلاسىنىڭ وقۋشىلارىنان حال سۇراپ جاعداي ۇعىسىپ، ولاردى وسىنداي تاماشا ۇيرەنۋ ورايىن مىقتى يگەرۋگە شابىتتاندىرىپ كەلەدى.ول بىلاي دەيدى: وسى وقۋشىلاردىڭ جاقسى وقۋى شينجياڭداعى ءار ۇلت حالقىنىڭ تىلەگى. جۇڭحۋا ۇلتتارىنىڭ وزىق مادەنيەتىن جاقسى ۇيرەنۋ كەرەك، بۇل وتە ماڭىزدى. مۇنان تىس عىلىم-تەحنيكانى، وسى زامانعى مادەنيەت بىلىمدەرىن جاقسى ۇيرەنىپ، شينجياڭنىڭ دامۋىنا، وتاننىڭ گۇلدەنىپ-كوركەيۋىنە ۇلەس قوسۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
