- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ءبىر بەلدەۋ، ءبىر جول» ستراتەگياسى بيىل رەسمي اتقارىلادى
قارجى قوسىلاتىن ءتۇيىندى وڭىرلەر شينجياڭ، جياڭسۋ سياقتى 6 ولكە، اۆتونوميالى رايونعا شوعىرلاندى
2015.03.07 14:09 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 6 - ناۋرىزدا بەيجيڭنەن بەرگەن حابارى. مەملەكەتتىك كەڭەستىڭ زۇڭليى لي كىچياڭ 5 - ناۋرىزدا ۇكىمەت قىزمەتىنەن جاساعان بايانداماسىندا «ءبىر بەلدەۋ، ءبىر جول» قۇرىلىسىن وڭىرلەردى اشۋمەن، ايقارا ۇستاۋمەن ۇشتاستىرىپ، جاڭا ازيا - ەۆروپا ۇلى قۇرلىق كوپىرى، قۇرلىق، تەڭىز شەكارا وتكەلى ءتۇيىنى قۇرىلىسىن كۇشەيتۋدى العا قويدى.
«ءبىر بەلدەۋ، ءبىر جول» دەگەنىمىز «جىبەك جولى ەكونوميكالىق بەلدەۋى» مەن «21 - عاسىرداعى تەڭىز ءۇستى جىبەك جولىنىڭ» قىسقاشا اتالۋى. بۇل ستراتەگيا 2013 - جىلى العا قويىلىپ، 2015 - جىلى دايىندالىپ، جوبا - جوسپار جاسالعان، بيىل ناقتى ىلگەرىلەتۋ كەزەڭىنە وتەدى. 2015 - جىلى جاڭا كەزەڭدە سىرتقا ەسىك اشقان وسى ستراتەگيادا قانداي تىڭ جەتىستىك بولماق؟
اشىلۋ ۇستىندەگى مەملەكەتتىك ەكى جيىندا سۇحپاتىمىزدى قابىلداعان ۋاكىلدەر، مۇشەلەر جانە ماماندار: 2015 - جىلى «ءبىر بەلدەۋ، ءبىر جول» ستراتەگياسى رەسمي اتقارىلادى ءارى بيىلعى مەملەكەتتىڭ جانە جەرگىلىكتى ورىننىڭ تۇتاس جىلدىق قىزمەتىمەن توعىسقان نەگىزگى ارناعا اينالادى، بۇل ستراتەگيا جىبەك جولى بويىنداعى وڭىرلەردە «شەشەك اتىپ» قانا قويماي، ءىشىنارا ءتۇيىندى سالالاردا دا جاڭالىق جاراتىلادى، -دەدى.
كەزەكتە «ءبىر بەلدەۋ، ءبىر جول» بويىنداعى كوپتەگەن ولكە، قالا وسى ستراتەگيانىڭ جاپپاي اتقارىلۋىنا تولىق دايىندىق كورىپ بولدى. ۇعىسۋعا قاراعاندا، شاعىن كولەمدە تاراتىلعان «ءبىر بەلدەۋ، ءبىر جول» جالپى جوباسى تاياۋدا جاريالانادى. جوبا شىعارىلعان كەيىن، شينجياڭ، فۋجيان سياقتى «ءبىر بەلدەۋ، ءبىر جولداعى» ءتۇيىندى وڭىرلەر دە ناقتى اتقارۋ ەرەجەسىن جاسايدى ەكەن.
مەملەكەتتىك ساياسي كەڭەستىڭ مۇشەسى، جۇڭگو (حاينان) رەفورما، دامۋ ىستەرىن زەرتتەۋ اكادەمياسىنىڭ باستىعى چى فۋلين بىلاي دەدى: «ءبىر بەلدەۋ، ءبىر جول» جاڭا جاعدايداعى جۇڭگودا جان - جاقتى ەسىك اشۋدىڭ تىڭ جۇلگەسىن قالىپتاستىرۋدىڭ كەلەلى شاراسى، ءوزارا بايلانىس جاساپ، قارىم - قاتىناس ورناتۋ، ەكونوميكادا، ساۋدادا سەلبەستىك جاساسۋ، جۇمساق ورتا قۇرىلىسى جاعىندا كوپتەگەن تيىمدىلىكتەرگە يە بولادى، وتكەندە ەسىك اشۋدىڭ «سوڭىنا» قالعان ءىشىنارا وڭىرلەر «الدىڭعى شەپكە» اينالادى.
«ءبىر بەلدەۋ، ءبىر جول» قۇرىلىسى ارقىلى شىعىس پەن باتىسقا، وڭتۇستىك پەن سولتۇستىككە تۇتاسقان ەۆروپا - ازيا تەڭىز، قۇرلىق سترەولدى قاتىناس ارناسى قالىپتاسادى، بيىل «ءبىر بەلدەۋ» قۇرىلىسىندا جۇڭگونىڭ باتىس بولىگى مەن جىبەك جولى بويىنداعى ەلدەردىڭ، وڭىرلەردىڭ تاس جول، تەمىر جول سياقتى قاتىناس تورابى جاقتارىنداعى سايكەسۋى جانە سەلبەسۋى ءتۇيىندى ىلگەرىلەتىلەدى؛ «ءبىر جول» قۇرىلىسىندا سۋ جولى تاسىمالى اشىلادى جانە شىعىس وڭتۇستىك ازيا، وڭتۇستىك ازيا سياقتى جىبەك جولى بويىنداعى ەلدەردە پورتتار شوعىرى قۇرىلادى، - دەدى چى فۋلين.
«ءبىر بەلدەۋ، ءبىر جول» ستراتەگياسى قايسى سالالاردان ءتۇيىندى تۇردە قامال الادى؟ سۇحپاتتى قابىلداعان كوپتەگەن كاسىبي ادامدار بىلاي دەدى: بۇل ستراتەگيا نەگىزدىك قۇرىلعىلار بويىنشا ءوزارا بايلانىس جاساۋ، قارىم - قاتىناس ورناتۋدى ءتۇيىن ەتىپ، قارجى قوسۋ مەن ساۋداعا قولايلىلىق جاساۋدى بارىنشا ىلگەرىلەتەدى.
ناقتى كاسىپ جونىندە، جۇڭيۋان توبى دامۋدى زەرتتەۋ ورتالىعىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى باي پەيجۇن بىلاي دەپ اتاپ كورسەتتى: «ءبىر بەلدەۋ، ءبىر جول» بويىنشا ءتۇيىندى قارجى قوسىلاتىن وڭىرلەر شينجياڭ، جياڭسۋ سياقتى 6 ولكە، اۆتونوميالى رايونعا شوعىرلاندى، قاتىناس - تاسىمال، قۇرىلىس ماتەريالدارى، ەنەرگيا قۇرىلىسى، ساۋدا، ساياحات، مادەنيەت، جاساۋ كاسىبى سىندى 5 ءىرى كاسىپ جاپپاي يگىلىك كورەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
