- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
زاڭمەن جونگە سالۋ جالپى حالىقتىڭ سەنىمىنە اينالسىن شينجياڭدى زاڭمەن جونگە سالىپ، زاڭمەن جونگە سالىناتىن شينجياڭ قۇرايىق
شينجياڭ ۋاكىلدەر ۇيىرمەسى ەڭ جوعارى حالىق سوتى مەكەمەسىنىڭ جانە ەڭ جوعارى حالىق پروكۋراتۋراسىنىڭ قىزمەتىنەن باياندامانى قارادى
2015.03.13 13:21 كەلۋ قاينارى : ءتاڭىرتاۋ تورابى
12 - ناۋرىزدا مەملەكەتتىك 12 - كەزەكتى حالىق قۇرىلتايىنىڭ 3 - ماجىلىسىنە قاتىناسقان شينجياڭ ۋاكىلدەر ۇيىرمەسى جالپى جيىن وتكىزىپ، زاڭ شىعارۋ زاڭىنا وزگەرىس ەنگىزۋ جونىندەگى قاۋلى جوبانى، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەتىنەن باياندامالاردى قارادى. مەملەكەتتىك حالىق قۇرىلتايىنىڭ ۋاكىلى نيشان يبىرايىم زاڭدىق باقىلاۋ سەرپىنىن كۇشەيتۋدى ۇسىنىس ەتتى.
مەملەكەتتىك 12 - كەزەكتى حالىق قۇرىلتايى 3 - ماجىلىسىنە قاتىناسقان شينجياڭ ۋاكىلدەر ۇيىرمەسى 12 - ناۋرىز تۇستەن كەيىن جالپى جيىن وتكىزىپ، زاڭ شىعارۋ زاڭىنا وزگەرىس ەنگىزۋ جونىندەگى قاۋلى جوبانى، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەتىنەن باياندامانى قارادى.
ۋاكىل جاڭ چۇنشيان جيىنعا قاتىناستى.
جيىن زاڭ شىعارۋ زاڭىنا وزگەرىس ەنگىزۋ جونىندەگى قاۋلى جوبانى قاراپ ماقۇلداپ، ۋاكىلدەر ۇيىرمەسى جالپى جيىننىڭ قاۋلى جوبا مەن ەكى باياندامانى قاراۋ جاعدايىن ءماجىلىستىڭ حاتشىلار باسقارماسىنا تاپسىردى.
ەڭ جوعارى حالىق سوتى مەكەمەسىنىڭ جانە ەڭ جوعارى حالىق پروكۋراتۋراسىنىڭ قىزمەتىنەن باياندامانى قاراعان كەزدە، ۋاكىل ەركىن يمىرباقى بىلاي دەدى: ەكى بايانداما دا وبيەكتيۆتى، كۇشتى جازىلعان، مەن وسى ەكى باياندامانى قۇپتايمىن. مەملەكەتتى زاڭمەن جونگە سالۋدى جاپپاي ىلگەرىلەتۋدە، شينجياڭدى زاڭمەن جونگە سالىپ، زاڭمەن جونگە سالىناتىن شينجياڭ قۇرۋدا، مەن زاڭمەن جونگە سالۋ ۇگىتىن ونان ارى كۇشەيتىپ، زاڭمەن جونگە سالۋدى جالپى حالىقتىڭ سەنىمىنە اينالدىرىپ، زاڭمەن جونگە سالىناتىن ورتا قالىپتاستىرىپ، تيپتىك دەلو مىسالدارىن ءتۇسىندىرۋ، ۇگىتتەۋ ارقىلى حالىق بۇقاراسىنىڭ زاڭ - تۇزىمدەردى اناعۇرلىم ايقىن تۇسىنۋىنە مۇمكىندىك جاساۋدى؛ ۇكىم اتقارۋدىڭ قيىن بولۋى ماسەلەسى جونىندە زەرتتەۋ مەن ويلانۋدى ونان ارى كۇشەيتىپ، جاڭا شارالار، جاڭا ادىستەر جونىندە ۇزبەي ىزدەنىس جاساپ، اتقارۋدىڭ قيىن بولۋ ماسەلەسىن جاقسى شەشۋدى ۇسىنىس ەتەمىن.
ۋاكىل شوكىرات زاكىر سوزىندە بىلاي دەدى: ەڭ جوعارى حالىق سوتى مەكەمەسىنىڭ جانە ەڭ جوعارى حالىق پروكۋراتۋراسىنىڭ قىزمەتىنەن باياندامادا بيىل ءبىر جارقىن ءتۇيىن كورنەكتىلەنگەن، ياعني جالالى، جالعان، قاتە دەلولاردىڭ تۋىلۋى جونىندە ەكى مەكەمە ءوزىن - ءوزى جازعىرعان جانە تەكسەرگەن، سونداي - اق ءوز - وزىنە سىن جۇرگىزگەن. اسىرەسە، ەڭ جوعارى حالىق سوتى مەكەمەسىنىڭ قىزمەتىنەن باياندامادا، قاتە دەلولاردىڭ تۋىلۋى جونىندە ءوزىن - ءوزى قاتاڭ جازعىرىپ، ءار دارەجەلى سوت مەكەمەلەرىنىڭ ونان تەرەڭ ساباق الۋىن تالاپ ەتىپ، جالالى، جالعان، قاتە دەلولاردىڭ تۋىلۋىنان ءونىمدى تۇردە ساقتانۋ، دەر كەزىندە تۇزەتۋ مەحانيزمىن ونان ارى كەمەلدەندىرگەن. وتكەن ءبىر جىلدا، ەڭ جوعارى حالىق سوتى مەكەمەسىنىڭ جالالى، جالعان، قاتە دەلولالاردى تۇزەتۋگە كوڭىل ءبولۋى حالىق بۇقاراسىنىڭ ورتاسىندا تاماشا اسەر قالىپتاستىردى. مەن پارتيانىڭ باسشىلىعىندا، حالىق قۇرىلتايىنىڭ باقىلاۋىندا، سوت مەكەمەلەرىنىڭ دەلو ىستەرىن دەربەس جۇرگىزۋىن ونان ارى ىلگەرىلەتۋدى ۇسىنىس ەتەمىن.
ۋاكىل نايىم ياسىن بىلاي دەدى: ەكى بايانداما بىلتىرعى قىزمەتتى وبيەكتيۆ تۇردە قورىتىندىلاعان، ورىن تەپكەن ماسەلەلەرگە تەرەڭ تالداۋ جاساعان، بيىلعى قىزمەتتەردى ورنالاستىرۋ شارالارى دا ءبىرشاما ايقىن بولعان. شىندىققا جۇگىنگەن، ناقتىلىققا تالپىنعان ەكى بايانداما جالپى جاعدايعا قىزمەت كورسەتۋ، حالىق ءۇشىن زاڭ اتقارۋ ماقساتىن تولىق ايگىلەگەن. سوت مەكەمەسى مەن پروكۋراتۋرانىڭ نەگىزگى زاڭ مەن زاڭداردى ونان ارى باتىل دايەكتى اتقارىپ، ادامدى نەگىز ەتىپ، حالىق ءۇشىن زاڭ اتقارۋدان جازباي، حالىق قۇرىلتايىنىڭ باقىلاۋى مەن قوعامداعى ءار سالانىڭ باقىلاۋىن سانالىلىقپەن قابىلداپ، ءادىليانىڭ ادىلدىگىنە كەپىلدىك ەتىپ، ءادىليانىڭ الەۋمەتتىك سەنىمدىلىگىن جوعارىلاتۋىن ءۇمىت ەتەمىن. اۋىل - قالاشىق دارەجەلى نەگىزگى ساتىداعى سوت مەكەمەلەرى قىزمەتكەرلەرىنىڭ شتاتىن ونان ارى كوبەيتىپ، نەگىزگى ساتى سوت مەكەمەسى قۇرىلىسىن كۇشەيتۋدى ۇسىنىس ەتەمىن.
ۋاكىل گو ليانشان سوزگە شىققاندا بىلاي دەدى: ەكى بايانداما تىم كولەمدى بولماعانىمەن، مازمۇنى تولىق، جازۋ ستيلى شىنايى بولعان، كوزقاراستارىنا كوپتەگەن مالىمەتتەردى تياناق ەتكەن، ورىن تەپكەن ماسەلەلەرگە نەمقۇرايدى قاراماعان، ماسەلەلەردى جاسىرىپ - جاپپاعان، 2015 - جىلعى قىزمەتتى ناقتى، اتقارۋعا بولاتىنداي ورنالاستىرعان. ەڭ جوعارى حالىق سوتى مەكەمەسى مەن ەڭ جوعارى پروكۋراتۋرانىڭ شينجياڭنىڭ «ءۇش ءتۇرلى كۇشكە» سوققى بەرۋ جانە قاتاڭ سوققى بەرۋ ارناۋلى ارەكەتىنە جەتەكشىلىك ەتۋ قىزمەتىن ونان ارى كۇشەيتۋىن، شينجياڭنىڭ قوعام حاۋىپسىزدىگى، پروكۋراتۋرا، سوت جۇيەسىن ينفورماتسيالاندىرۋ قۇرىلىسىنا ونان ارى جەتەكشىلىك ەتىپ، كومەك بەرۋىن ۇسىنىس ەتەمىن.
ۋاكىل نيشان يبىرايىم سوزگە شىققاندا بىلاي دەدى: ەكى بايانداما جالپى جاقتى قامتۋمەن بىرگە، ماڭىزدى تۇيىندەردى كورنەكتىلەندىرگەن، زاڭدىق اتاۋ - تەرميندەردى قولدانۋعا كوڭىل ءبولىپ، باياندامانىڭ عىلميلىعىنا، جۇيەلىلىگىنە، قۇنتتىلىعىنا كەپىلدىك ەتۋمەن بىرگە، جالپىعا ۇعىنىقتى، تۇسىنۋگە جەڭىل بايانداۋلاردى كوپ قولدانىپ، جۇرتتىڭ ءبىر وقىپ تۇسىنۋىنە مۇمكىندىك جاساعان، بايانداما بۇقاراعا جاناسىمدى، ۇيرەنۋگە، تۇسىنۋگە وڭاي جازىلعان. زاڭدىق باقىلاۋ سەرپىنىن ونان ارى كۇشەيتىپ، نەگىزگى ساتىداعى سوت مەكەمەسى، پروكۋروتۋرا قىزمەتكەرلەرىن باعىتتامالى تۇردە قابىلداۋدى جانە باۋلۋدى ۇسىنىس ەتەمىن.
قاتىستى ورىنداردىڭ جاۋاپتى جولداستارىنان ەڭ جوعارى حالىق سوتى مەكەمەسىنىڭ ورىنباسار باستىعى جياڭ بيشين، ەڭ جوعارى حالىق پروكۋراتۋراسىنىڭ پروكۋرورلىق كوميتەتىنىڭ ارناۋلى مۇشەسى جاڭ دىلي جيىنعا قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
