- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جىبەك جولى ەكونوميكالىق بەلدەۋى ستراتەگياسى شينجياڭنىڭ شەكارا اتتاعان ەلەكتروندى ساۋداسىنا جاڭا وراي اكەلدى
2015.03.27 16:42 كەلۋ قاينارى : شينجياڭ حالىق راديو ستانسياسى تورابى
جىبەك جولى ەكونوميكالىق بەلدەۋى ستراتەگياسى شينجياڭنىڭ شەكارا اتتاعان ەلەكتروندى ساۋداسىنا جاڭا وراي اكەلدى، رايونىمىز شەكارا اتتاعان ەلەكتروندى ساۋداعا سۇيەنىپ، توراپتاعى جىبەك جولىن اشادى.بىرنەشە كۇننەن بەرى، شينجياڭ ازيا-ەۆروپا حالىقارالىق ماتەريال ساۋدا ورتالىعى شەكتى سەرىكتەستىگىنىڭ باس جوراسى جاڭ حۇڭپيڭ ساۋىردە بەيجيڭدە اشىلاتىن جۇڭگو-وزبەكستان ەكونوميكا-ساۋدا بىرلەسكەن كەڭەسىنىڭ قاربالاستىعىمەن بولدى. 4 جىلدىڭ الدىندا، ول كۇيتۇن قالاسىندا شينجياڭداعى تۇڭعىش شەكارا اتتاعان ەلەكتروندى ساۋدا تەكشەسى ــ ازيا-ەۆروپا حالىقارالىق ماتەريال ساۋدا تەكشەسىن قۇردى، وسى رەتكى كەڭەستە وسى تەكشەنىڭ شەكارا اتتاپ اقشا تولەۋ، قىرۋار تاۋار ساۋدا ۇلەسى سياقتى مازمۇندارى ماڭىزدى تاقىرىپ رەتىندە زەرتتەپ تالقىلانادى.
جاڭ حۇڭپيڭ تىلشىگە بىلاي دەدى: باستاپقى ەكى جىلدا، تەكشەمىز حالىقارالىق فينانس داعدارىسىنىڭ ىقپالىنا ۇشىرادى، قازىر «جىبەك جولى ەكونوميكالىق بەلدەۋى جانە 21-عاسىر تەڭىز جىبەك جولى» ستراتەگياسى العا قويىلدى، تەكشەنىڭ قيىنشىلىقتان قۇتىلاتىندىعىنا سەنىمىم كامىل. 2011-جىلدان 2014-جىلعا دەيىن، ساۋدا سومامىز مولشەرمەن 70 ميلليون يۋان حالىق اقشاسىنداي بولدى، الايدا بيىل، بىزدىڭ 100 ميلليون يۋاننان اساتىندىعىنا سەنىمىمىز بار. مەملەكەت «جىبەك جولى ەكونوميكالىق بەلدەۋى جانە 21-عاسىر تەڭىز جىبەك جولى» ستراتەگياسىن العا قويدى، اۋەلى جولدار ءوزارا تۇتاستى، وتە-موتە شينجياڭ تاياۋدا باتىسقا ارناۋلى پويەز قاتىناتىپ، حالىقارالىق زات اينالىمى تىزبەگىن اشتى، كاسىپورىنداردىڭ ساۋدانى الدىمەن جۇرگىزەتىندىگى، ودان كەيىن زات اينالىمى، ساقتاۋ سياقتى تۇتاس كاسىپ تىزبەگىن اشاتىندىعى داۋسىز.
ەلەكتروندى ساۋدا ۇعىمى بارعان سايىن جالپىلاسۋدا، ال شەكارا اتتاعان ەلەكترلى ساۋدا مەملەكەت اراسىنداعى كەدەرگىنى بۇزدى، كاسىپورىن ءۇشىن الىپ ايتقاندا، توراپ ارقىلى جەر شارى بويىنشا زاتتى ساتىپ الۋدى، ساتۋدى جۇزەگە اسىرۋعا بولادى؛ تۇتىنۋشىلار ءۇشىن الىپ ايتقاندا، باسقا ەلدىڭ جاقسى، ارزان تاۋارلارىن ساتىپ الۋىنا وتە قولايلى. جاڭ حۇڭپيڭ قۇرعان ازيا-ەۆروپا حالىقارالىق ماتەريال ساۋدا تەكشەسىن ميسالعا الساق، ەلىمىزدەگى ساتىپ الۋشى ساۋداگەرلەر وسىدان پايدالانىپ، ورتا ازياداعى 5 ەلدىڭ جانە رەسەيدىڭ ماقتا، قىسقا تالشىقتى ماقتا سياقتى ءبىر مىڭ 400 دەن ارتىق قىرۋرا تاۋارىن ساتىپ الۋىنا بولادى، سونىمەن بىرگە، شەتەلدەگى ساۋداگەرلەر دە ەلىمىزدە وندىرىلگەن ماشينا جابدىقتارى، ءۇي جيھازدارى، ءۇي قۇرىلىسى ماتەريالدارى سياقتى ونەركاسىپ ونىمدەرىن ساتىپ الادى.جىبەك جولى ەكونوميكالىق بەلدەۋى ستراتەگياسىنىڭ اسەرىندە، بۇرىنعىدان دا كوپ كاسىپكەر شەكارا اتتاعان ەلەكتروندى ساۋدا ىستەر تەكشەسىنىڭ دامۋ كومەسكى كۇشىن بايقادى، سونىمەن بىرگە، شينجياڭ جىبەك جولى ەكونوميكالىق بەلدەۋىندەگى وزەكتى رايون بولعاندىقتان، اناعۇرلىم كوپ ادام شينجياڭعا نازار اۋداردى، مۇنىڭ ىشىندە ما يۇن دە بار. وتكەن جىلدىڭ سوڭىندا، ما يۇن شينجياڭعا كەلگەندە، اليبابا توبىنىڭ ءوزىنىڭ توراپ تەكشەسىنەن جانە ساندى مالىمەتىنەن پايدالانىپ، شينجياڭدا شەكارا اتتاعان ەلەكتروندى ساۋدا ىستەرىنىڭ دامۋىن ىلگەرىلەتىپ، توراپ جىبەك جولىن اشاتىنىن ايتا كەلىپ: شينجياڭنىڭ كەپتىرىلگەن جەمىس-جيدەك جاعىندا ابزالدىلىعى زور، ساپاسى دا جاقسى، اۋدان ءوڭىرى ەلەكتروندى ساۋدا ىستەرىن جىجياڭ مەن گۋاڭدۇڭدا سىناق رەتىندە جۇرگىزەمىز، سىناق رەتىندە جۇرگىزگەننەن كەيىن، كەڭ كولەمدە جالپىلاستىرامىز، كوپتەگەن از ۇلت ايەلدەرى توقىعان شارپىنىڭ، ەل ىشىندە جانە وزگە ەلدەردە دە ساتىلعانىن ەستىدىم، سوندىقتان دا ءبىز شينجياڭ ونىمدەرىن نەگىز ەتەمىز،-دەدى.
بيىلعى مەملەكەتتىك ەكى ماجىلىستە، زۇڭلي لي كىچياڭ ۇكىمەت قىزمەتىنەن باياندامادا، مىنانى اتاپ كورسەتتى: «عالامتور ارەكەت جوسپارىن بەلگىلەپ، جىلجىمالى عالامتور، بۇلت ەسەپ، ساندى مالىمەت» سياقتىلاردى وسىزامانعى جاساۋ كاسىبىمەن ۇشتاستىرىپ، عالامتور كاسىپورىنىن حالىقارالىق بازارعا بەت الدىرۋعا باستاۋ كەرەك. شينجياڭنىڭ شەكارا اتتاعان ەلەكتروندى ساۋدا ىستەرى «جىبەك جولى ەكونوميكالىق بەلدەۋ»، «عالامتور» سىندى ەكى ءىرى ارەكەت ستراتەگياسىنا تۋرا كەلىپ وتىر. وسى ەكى ستراتەگياعا ساي، بيىل رايونىمىز ءۇرىمجى قۇرلىق جولى ەكونوميكالىق بەلدەۋى نىسانىن اتقارادى. اۆتونوميالى رايوندىق ساۋدا ىستەر مەڭگەرمەسىنىڭ باستىعى حى ي-ميڭ وسى نىساننىڭ عالامتوردا ءتورتىنشى، بەسىنشى جاقتىڭ زات اينالىم ىستەرىن جانە شەكارا اتتاعان ەلەكتروندى ساۋدا ىستەرىن دامىتىپ، ءار ۇلت تىلىندە ينفورماتسيامەن قامداپ، ءۇرىمجى قالاسىنىڭ باتىس بولەك يمپورت-ەكسپورت ونىمدەرىن جيناۋ-جونەلتۋ ورتالىعىنا جانە قۇرىلىق، تەمىر جول، اۆياتسيا بىرىككەن زات تاسىمال جۇيەسىنە اينالدىراتىنىن ايتا كەلىپ: كورشىلەس ەلدەردىڭ عالامتورداعى ءوزارا سەلبەستىگىن بارىنشا ىلگەرىلەتىپ، ءۇرىمجىنى زات تاسىمالىنداعى جيناۋ-جونەلتۋ ورتالىعىنا اينالدىرادى، وسىلاي بولعاندا، ورتا ازيا، باتىس ازيا، اۋەلى ەۆروپا جەدەل زات اينالىم ورتاسىن قالىپتاستىرۋعا بولادى،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
