بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

تەكسەرىپ وتكىزىپ الۋعا دايىندىق دەيتىن جەلەۋمەن قۋلىققا باسقاندى قويايىق

2015.03.27 16:44     كەلۋ قاينارى : شينجياڭ حالىق راديو ستانسياسى تورابى

  جۋىقتا كوپتەگەن اتا-انا مەن قالا تۇرعىندارىنىڭ ايتۋىنشا، قاڭتاردىڭ ورتا شەنىندە گۋاڭدۇڭ ولكەسى چاۋجوۋ قالاسىنىڭ شياڭچياۋ رايونى «ءبىلىم بەرۋدەگى كۇشى مىعىم رايون» قىزمەتى بويىنشا ولكەنىڭ تەكسەرۋىنە دايىندالۋ ءۇشىن، ونداعى مەكتەپتەر الۋان ايلاعا باسىپتى: چىڭنان باستاۋىش مەكتەبى كىلاستاعى وقۋشى سانى ولشەمگە ساي بولۋ ءۇشىن، «ولشەمدى ساننان اسىپ كەتكەن» 100 وقۋشىنى جاۋىپ تۇرعان جاڭبىردا «ەكسكۋرتسيالاپ كەلۋگە» شىعارىپ جىبەرگەن؛ كەي مەكتەپ وقۋشىلاردى سىرتتان كينو كورىپ كەلۋگە ۇيىمداستىرعان نەمەسە ساباق كەستەسىن شۇعىل وزگەرتكەن، تاعى بىرەۋلەرى مەكتەپتى اشەكەيلەۋمەن ابىگەرگە تۇسكەن. ال «تازا قالا» قۇرىلىسى بويىنشا تەكسەرۋدەن ءوتۋ ءۇشىن، ۇساق-تۇيەك ساۋداگەر، باقالشىلاردىڭ ءىزىن جاسىرسا؛ جاڭاشا اۋىل-قىستاقتىڭ كەلبەتىن اشا تۇسۋ ءۇشىن، جولدىڭ ەكى جاعىنداعى قۇرىلىستاردى قورشاپ داۋال تۇرعىزىپ،ونى مادەنيەت داۋالى دەگەن اتپەن سىرلاپ قوياتىندارى دا جوق ەمەس، «تەكسەرۋدى قابىلداۋدى» جەلەۋ ەتەتىن تاپ وسىنداي قۋلىق-سۇمدىقتاردان ومىردە تاعى تالايى بار.

  وقۋشىلاردى جايشىلىقتا «ەكسكۋرتسيالاۋعا» ۇيىمداستىرسا، ايتىپ-ايىتپاي بارەكەلدى دەرمىز. سىرتقا شىعارىپ كينو كورسەتۋ وقۋشىلاردىڭ كوڭىلىن كوتەرىپ، مادەني تۇرمىسىن بايىتاتىن ءتيىمدى شارا ەكەنى دە شىندىق. ءبىراق جايشىلىقتا سولەكەت سەزىلمەيتىن بۇل قيمىلداردىڭ ءدال ولكەلىك تەكسەرۋ گرۋپپاسى «ءبىلىم بەرۋدەگى كۇشى مىعىم رايون» قىزمەتىن تەكسەرىپ-وتكىزىپ الۋعا كەلەر كەزىنە تۋرالاپ ورنالاستىرىلۋى باسقا ءماندى اڭعارتسا كەرەك. سىرتقا شىعىپ ەكسكۋرتسيالاۋعا نە ءۇشىن «ءىشىنارا وقۋشىلار» جىبەرىلەدى؟ كينو كورۋگە نەگە كىلاستاعى ورىن سانى 50-نومىردەن كەيىنگى وقۋشىلار عانا بارادى؟ تەكسەرىپ-وتكىزىپ الۋ ولشەمىندەگى «ءار كىلاستاعى وقۋشى سانى 50 دەن اسپاۋى ءتيىس» دەيتىن مىندەتتى كورسەتكىشتىڭ ءوزى-اق بۇل ماسەلەنى تۇسىندىرۋگە جەتىپ جاتىر. كۇندە قولدانىپ جۇرگەن ساباق كەستەسىن اۋىستىرۋ، وقىتۋشى-قىزمەتكەرلەردى كىلاستاردى اشەكەيلەۋگە جۇمىلدىرۋ سياقتى شارالار دا تەكسەرىپ-وتكىزىپ الۋدى قابىلداۋ قىزمەتىنە سايكەستى «قوسالقى شارالار» ەكەنى انىق.

  تەكسەرىپ-وتكىزىپ الۋ قىزمەتىنىڭ «ءار كىلاستاعى وقۋشى 50 دەن اسپاۋى كەرەك» دەيتىن مىندەتتى كورسەتكىش الدىندا، جەرگىلىكتى وقۋ-اعارتۋ تاراۋلارى وقۋشىلاردىڭ «بەلگىلەنگەن ساننان» اسىپ كەتۋى جاپپاي ورىن العان جاعداي دەگەندى ايتىپ اقتالادى. مەكتەپتە جانە ونىڭ ارتىنداعى وقۋ-اعارتۋ تاراۋلارىندا ايتۋعا اۋىز بارمايتىن قيىنشىلىقتار بار دەگەن كۇندە دە، ولاردىڭ وسى ماسەلە تۋرالى جاۋاپكەرلىكتەن قاشقالاقتاۋىنا جول جوق. تەكسەرۋدەن ءوتىپ كەتۋ ءۇشىن قۋلىققا باسسا، وندا تەكسەرىپ-وتكىزىپ الۋدا نە ءمان قالادى؟ تەكسەرىپ-وتكىزىپ الۋعا دايىندالۋشىلار بولسىن، تەكسەرىپ-وتكىزىپ الۋعا كەلۋشىلەر بولسىن، بارلىعى دا «بولدى-ءبىتتى» اۋەنگە باسسا، مۇنداي «ءبىلىم بەرۋدەگى كۇشى مىعىم رايون» قالاي اتى زاتىنا ساي بولماق؟

  وقۋشى سانىن جاسىرىپ-جاباۋدا، ەڭ الدىمەن مەكتەپ بۇلتارتپاس جاۋاپكەرلىك ارقالايدى. دەسەدە بۇل ماسەلەدە «مەكتەپتىڭ مىڭمەن جالعىز الىسىپ جاتپاعانى» بەسەنەدەن بەلگىلى، ويتكەنى تەكسەرىپ-وتكىزىپ الۋ قىزمەتى وقۋ-اعارتۋ سالاسىنىڭ قىزمەت ناتيجەسىنە، جەرگىلىكتى ۇكىمەت تاراۋلارىنىڭ ساياسي ناتيجەسىنە بايلانىستىرىلاتىن، ءتۇرلى سيلىق، قوسىمشا قاراجات دەگەن سياقتىلارعا ساياتىن جۇمىس. ءبىلىم بەرۋ بويىنشا جالپى ۇسىنىلىم جەتىسپەيتىن، ءبىلىم بەرۋ بايلىقتارىنىڭ ءبولىسى تەڭسىز جاعدايدا، تەكسەرىپ-وتكىزىپ الۋدىڭ ولشەمىنە جەتىپ، سيلىق، قوسىمشا قاراجاتقا قول جەتكىزىپ، سول ارقىلى ءبىلىم بەرۋگە ۇسىنىلىمدى جانداندىرۋ ءۇشىن، كەيبىر وقۋشىلاردىڭ جاڭبىرعا مالشىنىپ سىرتتا ءجۇرۋى كەيبىرەۋلەرگە «ءتيىمدى ەسەپ» سياقتى كورىنەتىنى بار. تەكسەرىپ-وتكىزىپ الۋداعى الدامكوستىك ارەكەتتەر قاتىستى تاراۋلاردىڭ تەكسەرىپ-وتكىزىپ الۋ، باعالاۋ سياقتى قىزمەتتەردەگى ولقىلىقتارىن ءپاش ەتتى: تەكسەرۋگە بارۋدان بۇرىن الدىن الا حابارلاندىرۋ جىبەرىلەدى، سوسىن جۇرت جابال اتقا قونىپ، تەكسەرۋدەن ءوتىپ كەتۋگە دايىندالادى. تەكسەرۋشىلەر مەن تەكسەرىلۋشىلەر اراسىندا قاباق قاقتى، كوز قىستى جازىلماعان قاعيدا ءومىر سۇرەدى. مۇنىڭ ىشىندە تورەشىلدىك، فورماشىلدىق، قۋلىق-سۇمدىق، ءتىپتى اۋەلى قوعامدىق بايلىقتاردىڭ ورنالاسۋى ۇيلەسىمسىزدىگى، ءبىر كەلكىسىزدىگى جاتاتىنى بەلگىلى. «تەكسەرۋ»، «وتكىزىپ الۋ»، «باعالاۋ» قىزمەتتەرىندە تەك سوعان قاتىستى مەكەمەلەر عانا باس رول الىپ، بۇقارا سويلەۋ ۇقىعى جوق، سىرتتاي باقىلاۋشى عانا بولاتىن بولسا، وندا ول ءبىزدىڭ جارقىن ومىرگە دەگەن ءۇمىتىمىزدىڭ جەلگە ۇشقانى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.