بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

كوك شىبىق مەرەكەسىنىڭ قىسقا دەمالىسىندا، رايونىمىزدىڭ جەر-جەرى ساياحاتتىڭ قاۋىرت كەزىن قارسى الدى

2015.04.08 16:59     كەلۋ قاينارى : شينجياڭ حالىق راديو ستانسياسى تورابى

  كوك شىبىق مەرەكەسىنىڭ قىسقا دەمالىسىندا، رايونىمىزدىڭ جەر-جەرى ساياحاتتىڭ قاۋىرت كەزىن قارسى الدى.

  كوك شىبىق مەرەكەسى كەزىندە، تۇرپاننىڭ اۋا رايى نولدەن جوعارى 20 سەلتسي گرادۋس مولشەرىندە بولىپ، كۇن ءشايداي اشىلىپ، كوكتەم بەينەسىنە ەندى، 30 مىڭعا جۋىق ادام وتتى القاپقا كەلىپ، كوكتەمنەن ءلاززاتتاندى. تۇرپان ءشول وسىمدىگى باقشاسىندا، ورىك گۇلى، شاپتول، المۇرت گۇلدەرى اشىلىپتى، ساياحاتشىلار گۇلدەردى تاماشالاپ، سۋرەتكە ءتۇسىپ، ەستەلىك قالدىردى. ۇرىمجىدەن بارعان ساياحاتشى لين يان بىلاي دەدى: وسى رەت وتباسىمىزبەن تۇرپانعا كەلدىك، وتە قۋانىشتامىز، ءشول وسىمدىگى باقشاسىندا گۇل اشقان وسىمدىكتەردى كورىپ، قىزىقتى قيمىلدارعا قاتىناستىق. تۇرپاننىڭ كوكتەمى وتە كورىكتى ەكەن.

  دەمالىس 3 اق كۇن بولعاندىقتان، جاقىن ماڭدا ساياحاتتاۋ كوپشىلىكتىك كوككە شىعۋداعى العاشقى تالعامى بولدى. كۇيتۇندە، قالا ورتالىعىنا 10 كيلومەتر جەتپەيتىن چۋانگۋ سۋ قويماسى مەن تاس ورمان كورىنىس رايونى ەرەكشە دۋمانعا بولەندى، قالا تۇرعىندارى ءوز كولىكتەرىن ايداپ، وسى جەرگە كەلىپ، باتبىراۋىق ۇشىرىپ، تاۋعا شىعىپ، سۋرەتكە ءتۇسىپ، شاتتىققا مەيلىنشە بولەندى، ساياحاتشى ۋاڭ چۇنچياۋ بىلاي دەدى: بالامدى چۋانگۋ سۋ قويماسىنىڭ جاعاسىنداعى تاس ورمانعا ەرتىپ اكەلدىم، بالامنىڭ تۇڭعىش رەت كەلۋى بولاتىن، كوپ تاستاردى كورىپ قاتتى قۋاندى، بالانى تابيعات قۇشاعىنا ورالتقاندا عانا، تۇرمىستى قىزۋ سۇيە الادى، بۇگىن وتە كوڭىلدى بولدى.

  حوتان اۋدانىنىڭ ۇلۇۋات كورىنىس رايونىندا، ساياحاتشىلار قاعىر تاۋدىڭ اراسىندا از كەزىگەتىن كوگالدا سالقىندادى. قۇمىلدان كەلگەن ساياحاتشى يان مىرزا بىلاي دەدى: بۇل جەرگە تۇڭعىش رەت كەلۋىم، ويلاعانىمنان باسقاشا بولدى، قاراعاندا سىرتى تاقىر تاۋ سياقتى بولعانىمەن ىشىندە سامالدىق، كول، شاتىرشا بار ەكەن.

  جۇرتتىڭ ءبارى بىلەتىن ساياحات كورىنىس رايوندارىنان سىرت، كوپتەگەن قالا دا وزدەرىنىڭ ەرەكشە ساياحاتىن اشتى. وسى دەمالىستا، سانجىنىڭ قۇتىبي اۋدانى ىرشىليديان قالاشىعى «قالامشا، گۇل-ءشوپ» ەرەكشەلىگى ارقىلى نەشە مىڭ ساياحاتشىنى باۋرادى. جالپى كولەمى 2 مىڭ مۋ، 260 ميلليون يۋان قارجى قوسىلعان وسىمدىك باقشاسىندا، الۋان ءتۇرلى اعاش ءتۇرىن تاماشالاۋعا كەلگەن ادامداردىڭ اياعى ۇزىلمەدى. ساياحاتشى ليۋ ياڭ بىلاي دەدى: قۇتىبي اۋدانىندا مۇنداي جەر بار ەكەنىن ويلاعام جوق، باقشانىڭ كولەمى دە ۇلكەن، وسىمدىك ءتۇرى دە كوپ ەكەن، بالالار بىلىمگە يە بولىپ قالماستان، كوڭىلدەرى كوتەرىلىپ قالدى.

  ارال قالاسىندا، ۇكىمەت الاڭىنداعى 250 نەشە ءتۇپ قىزعالداقتار جايقالا اشىپ، ادامدار كوز مەيىرىن قاندىردى. قىزعالداقتى ارناۋلى تاماشالاۋ ءۇشىن لي حانىم اقسۋدان ءجۇز كيلومەتردەن ارتىق جەر باسىپ اۆتوموبيلگە ارناۋلى وتىرىپ كەلدى، ول بىلاي دەدى: بۇرىن ءشي-اندا جۇرگەندە قىزعالداقتى كورگەم، الايدا ارالدان دا، وسى ءشولدىڭ جيەگىنەن دە قىزعالداقتى كورەمىن دەپ ويلاماعان ەدىم، وتە عاجايىپ ەكەن.بۇگىنگى كۇنى، ساياحاتشىلار ساياحاتتاۋ مەن ودان ءلازاتتانۋعا بارعان سايىن ءمان بەرۋدە، اقسۋ قالاسىندا، ماڭىنداعى شارۋالار تاعامجايى وزگەشە جەرگىلىكتى مادەنيەتى جانە ەرەكشە اۋىل تاعامى ارقىلى ماڭىنداعى تۇرعىندارعا كوڭىل كوتەرەتىن جەر دايىندادى. اقسۋ قالاسىنىڭ تۇرعىنى لي ميڭ جىجياڭدىق دوسى حۋاڭ جىگاڭدى شارۋالار تاعامجايىنا كوڭىل كوتەرۋگە ەرتىپ كەلدى. حۋاڭ جىگاڭ بىلاي دەدى: قالادا تۇراتىن، تۇرمىس ريتىمى نەداۋىر تەز، اۋىل تۇرمىسى جوقتىڭ قاسى بولعان ءبىز ءۇشىن اۋىلعا كەلىپ، ولاردىڭ كوكونىس ەككەنىن كورگەننىڭ ءوزى ءلاززاتتانۋ ەسەپتەلەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.