- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان اۆتونوميالى رايونىنىڭ پارتيا ۇكىمەت ورىندارى ۋاكىلدەر ۇيىرمەسىن باستاپ تاجىكستاندا ساپاردا بولدى
2015.04.27 16:23 كەلۋ قاينارى : شينجياڭ حالىق راديو ستانسياسى تورابى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى ساياسي كوميتسارى جاڭ چۇنشيان 18-ساۋىردەن 20-ساۋىرگە دەيىن شينجياڭ ۇيعۇر اۆتونوميالى رايونىنىڭ پارتيا ۇكىمەت ورىندارى ۋاكىلدەر ۇيىرمەسىن باستاپ تاجىكستاندا ساپاردا بولدى.20-ءساۋىر كۇنى تۇستەن بۇرىن، جاڭ چۇنشيان جانە ونىڭ ساپارلاستارى تاجىكستاننىڭ استاناسى دۋشانبەدە تاجىكستاننىڭ زۇڭتۇڭى ەمومالي راحمانمەن كەڭەس وتكىزدى. جاڭ چۇنشيان الدىمەن مەملەكەت ءتوراعاسى شي جينپيڭنىڭ زۇڭتۇڭ ەمومالي راحمانعا دەگەن ىقىلاستى سالەمىن جەتكىزدى.
جاڭ چۇنشيان بىلاي دەدى: جۇڭگو مەن تاجىكستاننىڭ دوستىعى ۇزاق ۋاقىتقا جالعاسقان، وتە-موتە وتكەن جىلى باس شۋجي شي جينپيڭ تاجىكستانعا ءساتتى ساپارلاپ، ەكى ەلدىڭ باسشىلارى ءبىر سىپىرا ماڭىزدى ورتاق تانىمعا كەلدى، ءارى «جۇڭگو مەن تاجىكستاننىڭ ستراتەگيالىق قاتىناستى اناعۇرلىم دامىتۋ جانە تەرەڭدەتۋ جونىندەگى بىرلەسكەن مالىمدەمەسىنە» بىرگە قول قويىپ، جۇڭگو مەن تاجىكستاننىڭ قاتىناسىن دامىتۋعا باعدار كورسەتىپ، تىڭ قوزعاۋشى كۇش قوستى. جۇڭگونىڭ شينجياڭى تاجىكستاننىڭ كورشىسى، جاقسى دوسى، سەرىگى. ۋاكىلدەر ۇيىرمەسىنىڭ وسى رەت تاجىكستانعا ساپارلاۋى ءتوراعا شي جينپيڭ مەن زۇڭتۇڭ راحماننىڭ ءبىر سىپىرا ماڭىزدى ورتاق تانىمىن جەرگىلىكتى ساتى كولەمىندە تياناقتاندىرىپ، جىبەك جولى ەكونوميكالىق بەلدەۋىن بىرگە قۇرۋ جاعىندا، جۇڭگونىڭ شينجياڭى مەن تاجىكستاننىڭ ءار قايسى سالاداعى اۋىس-كۇيىسى، سەلبەستىگىن اناعۇرلىم كۇشەيتۋ ءۇشىن بولىپ تابىلادى.
جاڭ چۇنشيان بىلاي دەدى: جىبەك جولى ەكونوميكالىق بەلدەۋى قۇرىلىسىن بىرگە ىلگەرىلەتۋدە، تاجىكستان شينجياڭنىڭ ەڭ الدىمەن بايلانىس جاسايتىن باعىتى، ءبىز تاجىكستاندى شينجياڭ مەن ورتا ازيا رايونىنىڭ سەلبەستىكتى ورىستەتەتىن ءتۇيىنى ەتۋدى قالايمىز. ەكى جاقتىڭ جىبەك جولى ەكونوميكالىق بەلدەۋ قۇرىلىسىن ارقاۋ، «5 تى تۇتاستىرۋدى» باستى مازمۇن ەتىپ، اۋىس-كۇيىستى جانە سەلبەستىكتى كۇشەيتىپ، كەيبىر سالالاردا الدىمەن ناتيجەگە قول جەتكىزۋگە كۇش سالىپ، ۇلگى قالىپتاستىرۋعا بولادى. ەكى جاقتان قاتىناس جاعىندا تۇتاسۋدى اناعۇرلىم كۇشەيتۋدى، وتە-موتە جۇڭگو مەن تاجىكستان وتكەلى تاس جولىن ۇزارتۋدى؛ اۋىل شارۋاشىلىعى سەلبەستىگىن كۇشەيتىپ، ەلەكتر ەنەرگيا، كەن ءونىمى بايلىعى سياقتى سالاداعى سەلبەستىكتى تەرەڭدەتۋدى؛ ەكى جاقتىڭ گۋمانيتارلىق سالاداعى اۋىس-كۇيىسى مەن سەلبەستىگىن ۇزدىكسىز قولداپ جانە ىلگەرىلەتىپ، ەكى ەل حالقىنىڭ دوستىعىن ارتتىرۋدى؛ حاۋىپسىزدىك سەلبەستىگىن اناعۇرلىم تەرەڭدەتىپ، «ءۇش ءتۇرلى كۇشكە» ۇزدىكسىز بىرگە قاتاڭ سوققى بەرىپ، رايون حاۋىپسىزدىگى ورنىقتىلىعىن قورعاپ، جىبەك جولى ەكونوميكالىق بەلدەۋى قۇرىلىسىنا جەتەكشى بولۋدى ءۇمىت ەتەمىز.راحمان ءتوراعا شي جينپيڭنىڭ ىقىلاستى سالەم جولداعانىنا العىس ايتىپ، جاڭ چۇنشياننىڭ شينجياڭ ۇيعۇر اۆتونوميالى رايونىنىڭ پارتيا، ۇكىمەت ورىندارى ۋاكىلدەر ۇيىرمەسىن باستاپ تاجىكستانعا ساپارلاي كەلگەنىن قارسى الدى.
راحمان بىلاي دەدى: تاجىكستان جۇڭگونىڭ شينجياڭىمەن سەلبەستىك جاساۋعا ەرەكشە ءمان بەرەدى. ەكى جاقتىڭ ورتاق قۇلشىنۋىندا، جۇڭگو مەن تاجىكستان وتكەلى رولىن اناعۇرلىم ساۋلەلەندىرۋدى، اۋىل شارۋاشىلىعىن الدىمەن سەلبەسۋ باعدارى ەتىپ، شينجياڭنىڭ ابزالدىلىعىنان، شينجياڭنىڭ ماقتا، پاميدور ءوسىرۋ، سۋ ۇنەمدەپ سۋارۋ، دەرت-دەربەز جانە جاندىك زيانىنان ساقتانۋ سياقتى جاقتارداعى تاجىريبەسىنەن ويداعىداي پايدالانىپ، تاجىكستاننىڭ اۋىل شارۋاشىلىق ءوندىرىس دەڭگەيىن جوعارىلاتۋدى ءۇمىت ەتەدى؛ سوڭعى جىلداردان بەرى، تاجىكستان حالقىندا حانزۋ ءتىلىن ۇيرەنۋ ورلەۋى كوتەرىلدى، ەكى جاقتان وقۋ-اعارتۋ سياقتى جاقتاعى اۋىس-كۇيىستى كۇشەيتۋدى ءۇمىت ەتەمىز؛ شاڭحاي سەلبەستىك ۇيىمىنا مۇشە ەل بولعان تاجىكستان جۇڭگونىڭ شينجياڭى مەن لاڭكەستىككە قارسى تۇرۋ جاعىندا سەلبەستىكتى كۇشەيتىپ، «ءۇش ءتۇرلى كۇشكە» بىرگە قارسى تۇرادى.كەڭەستە ەكى جاق تاعى، جاڭا كەزەكتى جۇڭگو مەن تاجىكستان سەلبەستىگى كەلىمىسىن جاساسۋدى اقىلداستى.كەڭەس اياقتاعاننان كەيىن، جاڭ چۇنشيان تاجىكستاننىڭ اقپارات قۇرالدارىمەن كەزدەسىپ، ۋاكىلدەر ۇيىرمەسىنىڭ وسى رەتكى ساپارىنىڭ ماقساتى مەن قول جەتكىزگەن جەتىستىگىن تانىستىردى.20-ءساۋىر تۇستەن كەيىن، جاڭ چۇنشيان راحىمانمەن بىرگە ەرەكشە ترانسفورماتور شەكتى سەرىكتەستىگى ۇستىنە الىپ قۇرعان تاجىكستان ۇكىمەتىنە قاراستى وڭىردەگى 500 كيلوۆولتتىق ەلەكتر تورابى ينجەنەرياسىن جانە ەرەكشە ترانسفورماتور شەكتى سەرىكتەستىگى قارجى شىعارىپ قۇرعان جۇڭگو-تاجىكستان دوستىق مەكتەبىن باستاپ سالۋ سالتىنا قاتىناستى.
جاڭ چۇنشيان ءسوز سويلەپ، بىلاي دەدى: قاراستى وڭىردەگى ەلەكتر تورابى تاجىكستان ۇكىمەتىنە قاراستى ءوڭىردى توكپەن قامداۋعا كەپىلدىك ەتىپ، تاجىكستان مەملەكەتتىك ەلەكتر تورابىنىڭ نەگىزگى تورابىن اناعۇرلىم كەمەلدەندىرىپ، تاجىكستاننىڭ «سۋ ەلەكتر ارقىلى مەملەكەتتى كوركەيتۋ» ستراتەگياسىن جەبەيدى، بۇل جۇڭگونىڭ شينجياڭىنىڭ تاجىكستانمەن جاساسقان سەلبەستىگىنىڭ تاعى ءبىر بەلگى سيپاتتى ينجەنەرياسى. جۇڭگو-تاجىكستان دوستىق مەكتەبى الدا تاجىكستانداعى ءبىر مىڭ 200 جاس پەن وسپىرىمگە تاماشا وسىزاماندانعان ۇيرەنۋ ورتاسىن جاراتادى. وسى ەكى نىسان ـــ جۇڭگونىڭ شينجياڭىنىڭ تاجىكستانمەن بولعان ەرەكشە دوستىق سەلبەستىك قاتىناسىنىڭ جاندى دالەلى، سونداي-اق جۇڭگونىڭ شينجياڭى مەن تاجىكستاننىڭ جىبەك جولى ەكونوميكالىق بەلدەۋىن بىرلىكتە قۇرۋىنىڭ ناقتى شاراسى.
راحىمان ءسوز سويلەپ، بىلاي دەدى: جۇڭگونىڭ، اسىرەسە، جۇڭگونىڭ شينجياڭىنىڭ قالتقىسىز كومەگىندە، تاجىكستان ءبىرسپىرا ينجەنەريا قۇرىلىس نىسانىنىڭ اياق الىسىن ىلگەرىلەتتى. تاجىكستان حالقى جۇڭگو حالقىنىڭ، شينجياڭ حالقىنىڭ دوستىعىن شىنايى سەزىندى، وسى نىسانداردى جوعارى باعالايدى. قاراستى وڭىردەگى 500 كيلوۆولتتىق ەلەكتر تورابى ينجەنەريا قۇرىلىسى تاجىكستان جوباسىندا توتەنشە ماڭىزدى ورىنعا يە، تاجىكستاننىڭ ءارقايسى جەرىندەگى حالىقتىڭ تۇرمىسىن جاقسارتۋ، جاڭا ونەركاسىپ كاسىپورىندارىنىڭ ەلەكتر ەنەرگياسىن قاجەتسىنۋ ماسەلەسىن شەشۋ، سونداي-اق ەكونوميكانىڭ ءارقايسى جاقتاعى دامۋىندا ەرەكشە ماڭىزدى رول اتقارادى. جۇڭگو-تاجىكستان دوستىق مەكتەبى الدا تاجىكىستاننىڭ وقۋ-اعارتۋىن دامىتۋدا، ماڭىزدى رول اتقارادى، وسى ەكى نىسان، ءسوزجوق، جۇڭگو مەن تاجىكستاننىڭ سەلبەستىگىندەگى تاعى ءبىر تيپتىك تابىس، جۇڭگو مەن تاجىكستاننىڭ ناقتى سەلبەستىگىنىڭ تىڭ بەلەسىنە اينالادى.جاڭ چۇنشيان راحىمانمەن بىرگە ەكى نىساننىڭ جۇمىس باستاۋىنىڭ نەگىز قالاۋ حاتىنا قول قويدى، ءارى جەرگىلىكتى ورىننىڭ سالتى بويىنشا، نەگىزىن قالاۋ حاتىن التىن ءتۇستى قالامساۋىتىنا سالدى، قالامساۋىتى الدا بەتوننىڭ ىشىنە سالىنىپ، قۇرىلىستىڭ باستاپ سالىنعاندىعىنىڭ سيمولى ەسەپتەلەدى.
19-ءساۋىر تۇستەن كەيىن، جاڭ چۇنشيان باستاعان كىسىلەر تاجىكستان ۇكىمەتىنىڭ زۇڭليى راسۋەرزودانىڭ سەرىك بولۋىندا، دانگارا قالاسىن كوزدەن كەشىردى. 20-ءساۋىر تۇستەن بۇرىن، جاڭ چۇنشيان راسۋەرزودامەن بىرگە كەڭەس وتكىزدى. ەكى جاق سەلبەستىك مەحانيزىمىن اناعۇرلىم كەمەلدەندىرىپ، جىبەك جولى ەكونوميكالىق بەلدەۋىن بىرلىكتە قۇرۋ جاعدايىندا، جۇڭگونىڭ شينجياڭى مەن تاجىكستاننىڭ ءارقايسى سالاداعى سەلبەستىگىن جاپپاي جوبالاپ، ەكونوميكالىق ساۋدا، اۋىل شارۋاشىلىق، ەلەكتر-ەنەرگيا، عالامتور قاتىناسى، گۋمانيتارلىق اۋىس-كۇيىس، حاۋىپسىزدىك سياقتى سالاداعى سەلبەستىكتى اناعۇرلىم تەرەڭدەتەتىندىكتەرىن ايتتى.وسىنىڭ الدىندا، جاڭ چۇنشيان تاعى سۋگت وبلىسىنىڭ ورتالىعى حۇجاند قالاسىندا، سۋگت وبىلىسىنىڭ باستىعى ابدۋراحىمان كجيليمەن كەڭەس وتكىزدى.
تاجىكستانداعى ساپارىندا، جاڭ چۇنشيان باستاعان كىسلەر تاعى جەكە-جەكە دۋشانبە قالاسى، حۇجاند قالاسى جانە دانگارا قالاسىنا بارىپ، شينجياڭ كاسىپورىندارىنىڭ تاجىكستانداعى نىسان قۇرىلىسىنىڭ احۋالىن كوزدەن كەشىردى.
دۋشانبە قالاسىنا بارعاندا، جاڭ چۇنشيان باستاعان كىسلەر تاعى ديقان ابدۇرەيىمنىڭ ۇيىنە بارىپ، جەرگىلىكتى ديقانداردىڭ ءوندىرىس-تۇرمىس احۋالىن ەگجەي-تەگجەيلى ۇعىستى.ەلىمىزدىڭ تاجىكستانداعى باس ەلشىسى فان شيانرۇڭ دا كوزدەن كەشىردە بىرگە بولدى، ءارى كەڭەسكە قاتىناستى. اۆتونوميالى رايوننىڭ جانە بيڭتۋاننىڭ باسشىلارىنان ەركىن تۇنياز، كۇڭ شيڭلۇڭدار ساپاردا بىرگە بولدى، ءارى اتالعان قيمىلدارعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
