- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ ءار ۇلت ءار سالا جاستارى ۋاكىلدەرىنىڭ «جاستىق ارمان ــ كورىكتى شينجياڭ»اتتى اڭگىمە ءماجىلىسى اشىلدى
2015.05.05 17:28 كەلۋ قاينارى : شينجياڭ حالىق راديو ستانسياسى تورابى
«4-مامىر» جاستار مەرەكەسى قارساڭىندا، اۆتونوميالى رايوننىڭ ءار ۇلت ءار سالا جاستارى ۋاكىلدەرىنىڭ «جاستىق ارمان ــ كورىكتى شينجياڭ» اتتى اڭگىمە ءماجىلىسى 3-مامىر تۇستەن بۇرىن ۇرىمجىدە اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان اڭگىمە ماجىلىسىنە قاتىناسىپ، ءار قايسى شايقاس شەپتەگى جاستاردىڭ ۋاكىلدەرىمەن كوسىلە پىكىر اۋىستىردى، ءارى ماڭىزدى ءسوز سويلەپ، شينجياڭداعى ءار ۇلت، ءار سالاداعى جاس دوستارعا، كوممۋنيستىك جاستار وداعى ۇيىمىنا جانە قالىڭ وداق كادىرىنە مەرەكەلىك سالەم جولدادى.اڭگىمە ماجىلىسىنەن بۇرىن، جاڭ چۇنشيان سياقتى كىسىلەر 14-كەزەكتى شينجياڭ جاستارىنىڭ 4-مامىر وردەنىن العاندارمەن كەزدەستى، ءارى ولارعا سيلىق تاقتاسىن بەردى.
اڭگىمە ماجىلىسىندە، «مەملەكەت بويىنشا اۋىل-قىستاقتاعى اۋقاتتانۋعا باستاۋشىلار» وبۇل اسەن وبۇل حاسىم، سۇيىسپەنشىلىگى ارقىلى جازا وتەۋشىنى اسەرلەندىرگەن تۇرمە ساقشىسى ۋاڭ يۇڭجۋان، ارمانىن ىسكە اسىرىپ، جاستاردى كاسىپتەنۋگە باستاعان احات تۇرسىن، اۆتونوميالى رايوننىڭ «ۇشقارىلىقتى الاستاۋداعى» بۇقارادان شىققان ۇگىت-لەكسيا جۇرگىزۋشىسى ايشامگۇل ىدىرىس، تاڭداۋلى جەتەكشىنىڭ ۋاكىلى دياۋ ۋيچيۋڭ، جاپا-ماشاحاتقا شىداپ ءىلىمدى زەرتتەۋ قىزمەتىمەن شۇعىلدانىپ، عىلىم-تەحنيكا شىڭىنا شىققان نۇربول لۇقتارقان ۇلى، بيڭتۋانعا تابان تىرەپ، اۋىل شارۋاشىلىق ماشينالارىن زەرتتەۋ قىزمەتىنە ات سالىسقان ساۋ سىلين، «جىبەك جولى ەكونوميكالىق بەلدەۋى جانە 21-عاسىر تەڭىز ءۇستى جىبەك جولى» قۇرىلىسىنا جاستىق جالىنىن ارناعان مۇساجان ماكراك سياقتى 8 ۋاكىل ىلگەرىندى-كەيىندى ءسوز سويلەپ، جاستىق ارمانىن كوسىلە اڭگىمەلەپ، كورىكتى شينجياڭ قۇرۋداعى اسەرلى اڭگىمەلەرىنە ورتاقتاستىردى.
جاستاردىڭ ءسوزىن مۇقيات تىڭداعاننان كەيىن، جاڭ چۇنشيان بىلاي دەدى: كوپشىلىك باستان وتكەن قۋانىشتارى مەن قيىنشىلىقتارىنا ورتاقتاستىردى، سەندەردىڭ بويلارىڭنان شينجياڭنىڭ قازىرگى زامان جاستارىنىڭ كەلبەتىن، ناعىز ازاماتتىڭ رۋحاني بەت-بەينەسىن كوردىك، جاستاردان ءداۋىر قادامىنا ىلەسىپ، ءداۋىر ورايىن مىقتى يگەرىپ، جاستىق جالىنىن ارناپ، شينجياڭنىڭ ءتىپتى مەملەكەتتىڭ رەفورما، دامۋ، ورنىقتىلىعى ءۇشىن ۇلەس قوسۋلارىڭدى ءۇمىت ەتەمىز.جاڭ چۇنشيان جاستاردان مىنانداي ءۇمىت كۇتتى جانە تالاپ قويدى: جاستار شينجياڭ رۋحىن ساۋلەلەندىرەتىن جاڭاشىل جاستاردان بولىپ، شينجياڭ رۋحىن ءومىر جولىنا باعدار ەتىپ، ءومىردىڭ تۇڭعىش باستاماسىن جاقسى باستاپ، وتانشىل بولۋدى، وتاننىڭ ءۇمىتىن اقتاۋدى، شينجياڭدى ورنىقتىرىپ، شينجياڭدى كوركەيتۋدى مىندەتى ەتىپ، وتانمەن تاعدىرلاس بولىپ، شينجياڭمەن بىرگە دامۋى كەرەك؛ وسىزامانعى مادەنيەتتى ءامالياتتان وتكىزەتىن جاڭاشىل جاستاردان بولىپ، سوتسياليستىك وزەكتى قۇن كوزقاراسىن ساۋلەلەندىرىپ، ويرەنۋگە شەبەر بولىپ، عىلىمدى قاستەرلەپ، اقيقاتتى جاقتاپ، بولشەكتەيتىن بارلىق ۇشقارى ءىس-ارەكەتپەن باتىل كۇرەس جاساپ،باتىلدىقپەن كەۋدە كەرىپ العا شىعۋلارى، ءۇن-ءتۇنسىز جۇرەتىن كوپ ساندى ادامنىڭ قاتارىندا بولماۋى ءتيىس؛ ۇلتتار ىنتىماعىن قورعايتىن جاڭاشىل جاستاردان بولىپ، ۇلتتار ىنتىماعىنا ءتيىمدى سوزدەردى كوپ ايتىپ، ۇلتتار ىنتىماعىنا ءتيىمدى ىستەردى كوپ ىستەپ، ءار ۇلت دوستارىمەن كوبىرەك دوستاسۋ كەرەك؛ زاڭدى قۇرمەتتەيتىن، زاڭدى ۇيرەنەتىن، زاڭعا بويسىناتىن جاڭاشىل جاستاردان بولۋ كەرەك. «زورلىقتى كۇشكە قارسى تۇرىپ، زاڭ-ءتۇزىمدى، ءتارتىپتى دارىپتەۋگە» تاباندى بولىپ، زاڭ بىلىمدەرىن بەلسەنە ۇيرەنىپ، زاڭمەن جونگە سالۋدى امالياتتان وتكىزۋگە قاتىناسىپ، زاڭمەن جونگە سالىناتىن شينجياڭ قۇرۋعا ۇلەس قوسۋى؛ يگىلىك، تىڭ تىرلىك، ابزالدىلىق جاراتاتىن جاستاردان بولىپ، جىبەك جولى ەكونوميكالىق بەلدەۋى وزەكتى رايون قۇرىلىسىن قۇرۋ ورايىن مىقتى يگەرىپ، ءىرى ىستەردى تىندىرۋعا كۇش سالىپ، كىشىگىرىم ىستەردى نىعايتىپ، قوعامدا تاسقىنداعان ومىرشەڭدىك قۋاتقا يە باسەكەلىك كۇش قالىپتاستىرۋ اياق الىسىن ىلگەرىلەتۋ كەرەك.جاڭ چۇنشيان مىنانى تالاپ ەتتى: ءار دارەجەلى كوممۋنيستىك جاستار وداعى ۇيىمى قوعامنىڭ ءار سالاسىنداعىلاردى اتتانىسقا كەلتىرىپ، «ۇشقارلىقتى الاستاۋ» قيمىلىن بەلسەنە جۇرگىزىپ، رەفورما جاساپ جاڭالىق جاراتۋ رۋحىمەن كوممۋنيستىك جاستار وداعى قىزمەتىنىڭ اياق الىسىن ىلگەرىلەتۋى قاجەت. ءار دارەجەلى پارتكوم مەن حالىق ۇكىمەتى كوممۋنيستىك جاستار وداعى قىزمەتىنە شىن مانىندە جەتەكشىلىك ەتۋ كەرەك. كەزەكتە جاستار اراسىندا جىلجىمالى جان سانى ماسەلەسى بارعان سايىن كورنەكتىلەنۋدە، قاتىستى ءارقايسى جاق جۇمىس ىزدەگەن جاستاردىڭ جاعدايىنا ءمان بەرىپ، ولاردى قۇشاق جايا قارسى الىپ، كىشپەيىلدىلىكپەن قابىلداپ، جاڭا جاعدايدا جىلجىمالى جان سانىنا قىزمەت وتەۋ مەن باسقارۋ ءادىسىن ىشكەرىلەي زەرتتەۋى ءتيىس.
جاڭ چۇنشيان جاستاردى 4-مامىر جاستار رۋحىنا ۇزدىكسىز مۇراگەرلىك ەتىپ جانە ونى ساۋلەلەندىرىپ، قاجىرلىلىقپەن شايقاس جاساپ، تاباندىلىقپەن العا ۇمتىلىپ، جۇڭگو ارمانىن ورىنداۋ ۇلى ءىسى مەن جىبەك جولى ەكونوميكالىق بەلدەۋى وزەكتى رايونىن قۇرۋ ۇلى ساپارىندا، ارمانىنا قانات ءبىتىرىپ، جاستىق كوكتەمنىڭ كەرەمەتىن ايگىلەپ، تاماشا ناتيجە جاراتۋعا ۇندەدى.اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز اڭگىمە ءماجىلىسىن باسقاردى.شوكرات زاكىر، حان يۇڭ، باي جىجيەلەر اڭگىمە ماجىلىسىنە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
