- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ۇلت، ءدىن قىزمەتىن كۇش سالا جاقسى ىستەۋى كەرەك
2015.05.28 15:29 كەلۋ قاينارى : شينجياڭ گازەتى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 27 - مامىر تۇستەن بۇرىن اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن باسقارىپ اشتى. ءماجىلىس ورتالىقتىڭ بىرلىكساپ قىزمەتى ءماجىلىسىنىڭ رۋحىن جەتكىزدى، ۇيرەندى. جاڭ چۇنشيان بىلاي دەپ باسا دارىپتەدى: شينجياڭ ءۇشىن ايتقاندا، بىرلىكساپتىڭ ەرەكشە ءارى كەلەلى ماڭىزى بار، سوندىقتان بىرلىكساپتىڭ مارتەبەلى ورنى مەن رولىن تەرەڭ ءتۇسىنىپ، «بەس ورتاق تانىمدى» كۇشەيتىپ، ۇلت، ءدىن قىزمەتىن كۇش سالا جاقسى ىستەپ، ورتالىقتىڭ جاڭا جاعدايداعى بىرلىكساپ قىزمەتى تۋرالى تالاپتارى مەن ورنالاستىرۋلارىن دايەكتى تياناقتاندىرۋىمىز كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باس شۋجي شي جينپيڭنىڭ ورتالىقتىڭ بىرلىكساپ قىزمەتى ماجىلىسىندە سويلەگەن ءسوزىن تولىق جەتكىزدى، اۆتونوميالى رايوندىق پارتكومنىڭ ورىنباسار شۋجيى چى جۇن ءتوراعا يۇي جىڭشىڭنىڭ ءسوزىن جەتكىزدى، اۆتونوميالى رايوندىق پارتكومنىڭ تۇراقتى مۇشەسى شاۋكەت يمىن ءماجىلىس جاعدايىن حابارلادى.
جاڭ چۇنشيان سوزىندە بىلاي دەدى: «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، «ەكى 100 جىل» كۇرەس نىساناسىن قۇلشىنا جۇزەگە اسىرۋدىڭ شەشۋشى ساتىندە، پارتيا ورتالىق كوميتەتى ورتالىقتىڭ بىرلىكساپ قىزمەتى ءماجىلىسىن اشتى. باس شۋجي شي جينپيڭ ماڭىزدى ءسوز سويلەپ، پارتيا مەن مەملەكەت ىستەرىنىڭ جالپى جاعدايى تۇرعىسىنان، جاڭا جاعدايدا بىرلىكساپ قاجەت پە، قاجەت ەمەس پە، قانداي بىرلىكساپ قاجەت، سونداي - اق بىرلىكساپتى قالاي بەكەمدەۋ جانە دامىتۋ كەرەك دەگەن سياقتى كەلەلى نازاريالىق، امالياتتىق ماسەلەلەرگە نازاريالىق جانە امالياتتىق دەڭگەيدە تۇبەگەيلى جاۋاپ بەرىپ، ءبىرقىدىرۋ جاڭا يدەيا، جاڭا تالاپ، جاڭا ورنالاستىرۋدى ايقىن العا قويىپ، پارتيانىڭ بىرلىكساپ نازارياسىن بارىنشا بايىتتى جانە دامىتتى؛ ءسوزدىڭ يدەياسى تەرەڭ، قۇرىلىمى شىمىر، قولدانىسقا يكەمدى. ءتوراعا يۇي جىڭشىڭ قورىتىندى سوزىندە باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، بىرلىكساپتىڭ مارتەبەلى ورنى مەن رولىن، ماڭىزدى پرينسيپىن، قىزمەت ءتۇيىنىن ىشكەرىلەي ءتۇسىنۋ جونىندە ايقىن تالاپتار قويدى. ءماجىلىس شىعارعان «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسى (سىناق رەتىندە اتقارىلادى)» − پارتيامىزدىڭ بىرلىكساپ قىزمەتى جونىندەگى تۇڭعىش پارتيالىق زاڭ - ەرەجەسى، بىرلىكساپ قىزمەتىنىڭ تۇزىمدەنۋ، ارناعا ءتۇسۋ، تارتىپتەنۋ قۇرىلىسىن ىلگەرىلەتۋدىڭ ماڭىزدى بەلگىسى. جاڭ چۇنشيان بىلاي دەپ اتاپ كورسەتتى: جاڭا جاعدايداعى بىرلىكساپ قىزمەتىن جاقسى ىستەۋ − «ءتورتتى جاپپاي ورىنداۋ» ستراتەگيالىق ورنالاستىرۋىنا قىزمەت ەتىپ، ورتاق تانىمدى، جۇرت تىلەگىن، اقىل - پاراساتتى، كۇش - قۋاتتى توعىستىرۋدىڭ قاجەتى. جەر - جەر، تاراۋلار، قالىڭ پارتيالى كادرلار باس شۋجي شي جينپيڭنىڭ ماڭىزدى ءسوزىنىڭ رۋحىن، ورتالىقتىڭ بىرلىكساپ قىزمەتى ءماجىلىسىنىڭ رۋحىن جانە «ەرەجەنى» ۇيرەنۋدى قازىرگى جانە الداعى ءبىر مەزگىلدەگى ماڭىزدى ساياسي مىندەت ساناپ، يدەيا مەن ارەكەتتى ورتالىقتىڭ ورنالاستىرۋى مەن تالابى بويىنشا شىن مانىندە بىرلىككە كەلتىرۋى كەرەك.
جاڭ چۇنشيان بىلاي دەپ باسا دارىپتەدى: بىرلىكساپتىڭ مارتەبەسى مەن رولىن تەرەڭ ءتۇسىنۋ كەرەك. شينجياڭ ءۇشىن ايتقاندا، بىرلىكساپ ءتىپتى ەرەكشە ءارى كەلەلى ماڭىزعا يە. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى «شينجياڭدى زاڭمەن جونگە سالۋ، شينجياڭدى ىنتىماق ارقىلى ورنىقتىرۋ، شينجياڭدى ۇزاق ۋاقىت گۇلدەندىرۋ» سىندى شينجياڭدى باسقارۋدىڭ جالپى جوباسىن ايقىندادى. باس شۋجي شي جينپيڭ شينجياڭداعى ەڭ نەگىزگى بۇقارالىق قىزمەت ۇلتتار ىنتىماعى مەن ءدىن جاراسىمدىلىعى، شينجياڭ ماسەلەسىندەگى ەڭ بولاشاقتىق مانگە يە ماسەلە، سايىپ كەلگەندە، ۇلتتار ىنتىماعى ماسەلەسى ەكەنىن ايقىن اتاپ كورسەتتى. بۇل ءبىزدىڭ بىرلىكساپتىڭ رولىنا ءمان بەرىپ جانە ونى ساۋلەلەندىرىپ، دەموكراتيالىق پارتيا - توپتاردىڭ، پارتيادا، توپتا جوق قايراتكەرلەردىڭ، ۇلتتاردىڭ، دىندەردىڭ، جاڭا قوعامدىق جىكتەردىڭ، ەل ءىشى - سىرتىنداعى باۋىرلاستاردىڭ كۇشىن شوعىرلاندىرۋىمىزعا ءتىپتى مۇقتاج.
جاڭ چۇنشيان بىلاي دەپ اتاپ كورسەتتى: جەر - جەر، تاراۋلار، پارتيالى كادرلار، وتە - موتە، پارتيالى باسشى كادرلار باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ رۋحىن، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ جانە ورتالىقتىڭ ۇلت قىزمەتى جونىندەگى ءماجىلىسىنىڭ رۋحىن ىشكەرىلەي ۇيرەنۋمەن ۇشتاستىرا وتىرىپ، بىرلىكساپتىڭ ماڭىزدى مارتەبەسىن يدەيالىق تۇرعىدان ايقىنداپ، اماليات بارىسىندا قولدانۋ كەرەك.
جاڭ چۇنشيان مىنانى اتاپ كورسەتتى: جاڭا جاعدايداعى بىرلىكساپ قىزمەتىنىڭ ءتۇرلى مىندەت، تالابىن تياناقتاندىرۋ كەرەك. باس شۋجي شي جينپيڭ سوزىندە جاڭا جاعدايداعى بىرلىكساپ قىزمەتىن ويداعىداي ىستەۋدە پارتيانىڭ باسشىلىعىنا، ءسوز جوق، تاباندى بولۋ، بىركەلكىلىك پەن كوپ تۇرلىلىك قاتىناسىن، ءسوز جوق، دۇرىس ءبىر جايلى ەتۋ، دوستاسۋعا، ءسوز جوق، شەبەر بولۋ كەرەك دەپ باسا دارىپتەدى. باس شۋجي شي جينپيڭ تاعى ۇلت قىزمەتى، ءدىن قىزمەتى جالپى جاعدايعا ساياتىن قىزمەت، ءدىندى سوتسياليستىك قوعامعا ۇيلەستىرۋگە بەلسەنە جەتەكشىلىك ەتۋدە، ءسوز جوق، جۇڭگوشالاندىرۋ باعىتىنا تاباندى بولۋ، ءدىن قىزمەتىنىڭ زاڭمەن باسقارىلۋ دەڭگەيىن، ءسوز جوق، جوعارىلاتۋ، ءدىننىڭ قوعامدىق رولىنا، ءسوز جوق، ديالەكتيكالىق كوزقاراسپەن قاراۋ، ءدىني قايراتكەرلەردىڭ رولىن ساۋلەلەندىرۋگە، ءسوز جوق، ءمان بەرۋ، ءدىننىڭ ەكونوميكانىڭ دامۋىن، قوعامنىڭ جاراسىمدىلىعىن، مادەنيەتتىڭ كوركەيۋىن، ۇلتتاردىڭ ىنتىماعىن، وتاننىڭ تۇتاستىعىن جەبەۋگە قىزمەت كورسەتۋىنە جەتەكشىلىك ەتۋ كەرەك دەپ ەرەكشە اتاپ كورسەتتى. جاڭ چۇنشيان مىنانى باسا دارىپتەدى: ۇلتتار ىنتىماعى مەن ءدىن جاراسىمدىلىعىن ارقاۋ ەتىپ، بىرلىكساپ قىزمەتىن ويداعىداي ىستەۋ كەرەك. ۇلتتار ىنتىماعىن كۇشەيتىپ، «بەس ورتاق تانىمدى» نىعايتىپ، ءدىن ىستەرىن زاڭ بويىنشا باسقارىپ، نەگىزگى ساتىنىڭ نەگىزىن ۇزبەي بەكەمدەپ، ۇلتتاردىڭ بەرەكە - بىرلىگىن، ءبىر نيەتپەن كۇش بىرىكتىرۋىن، جاراسىمدى دامۋىن جەبەۋ كەرەك.
جاڭ چۇنشيان مىنانى باسا دارىپتەدى: پارتيانىڭ باسشىلىعىن شىنايى كۇشەيتىپ، بىرلىكساپ قىزمەتىنىڭ دەڭگەيىن ۇزبەي جوعارىلاتۋ كەرەك. ءار دارەجەلى پارتكومدار بىرلىكساپ قىزمەتىن ماڭىزدى ورىنعا قويىپ، بىرلىكساپ قىزمەتىن پارتكومنىڭ ماڭىزدى كەڭەستىك كۇن تارتىبىنە، پارتيا، ۇكىمەت باسشىلىق القاسىنىڭ قىزمەتىن باعالاۋ مازمۇنىنا، ۇگىت قىزمەت جوسپارىنا، پارتيا مەكتەپتەرىنىڭ، اكىمشىلىك ينستيتۋتتارىنىڭ، سوتسياليزم ينستيتۋتتارىنىڭ ماڭىزدى وقۋ - وقىتۋ باعدارلاماسىنا ەنگىزۋ كەرەك. پارتكوم ءبىر تۇتاس باسشىلىق ەتكەن، بىرلىكساپ ءبولىمى باس بولىپ سايكەستىرەتىن، قاتىستى تاراۋلار ءوز مىندەتتەرىنە جاۋاپتى بولاتىن قىزمەت مەحانيزمىن ورناتىپ، كەمەلدەندىرىپ، پارتيانىڭ جالپى جاعدايدى مەڭگەرۋ، ءار جاقتى سايكەستىرۋدەگى باسشىلىق ۇيتقىلىق رولىن تولىق ساۋلەلەندىرىپ، پارتكوم ءبىر تۇتاس باسشىلىق ەتەتىن، بىرلىكساپ ءبولىمى باس بولىپ سايكەستىرەتىن، قاتىستى تاراۋلار ءوز مىندەتتەرىنە جاۋاپتى بولاتىن ۇلكەن بىرلىكساپ قىزمەت جۇيەسىنە تاباندى بولۋ كەرەك. بىرلىكساپ تاراۋلارى ءوز جاۋاپكەرشىلىكتەرىن بەلسەنە اتقارىپ، ساياسيدا تاباندى، كاسىپتە شوگەل، ستيلدە ىسىلعان بولۋى، فۋنكتسيالىق رولىن ساۋلەلەندىرىپ، اۆتونوميالى رايوننىڭ بىرلىكساپ قىزمەتىن كۇشەيتۋگە ءتيىستى ۇلەس قوسۋى كەرەك.
ءماجىلىس تاعى باسقا ىستەردى اقىلداستى.
نايىم ياسىن، حان يۇڭ، حۋاڭ ۋي، جۋ حايلۇن، باي جىجيە، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
