- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان بايىنعولين موڭعۇل اۆتونوميالى وبلىسىندا تەكسەرۋ - زەرتتەۋ جۇرگىزدى
2015.05.28 15:31 كەلۋ قاينارى : شينجياڭ گازەتى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى جاڭ چۇنشيان 23 - مامىردان 25 - مامىرعا دەيىن بايىنعولين موڭعۇل اۆتونوميالى وبلىسى مەن بيڭتۋاننىڭ 2 - ديۆيزياسىندا تەكسەرۋ - زەرتتەۋ جۇرگىزدى.
جاڭ چۇنشيان مەن ونىڭ جولداستارى 3 كۇن ىشىندە بايىنعولين موڭعۇل اۆتونوميالى وبلىسىندا 1500 كيلومەتردەن استام جول باسىپ، كورلا قالاسىن، چارقىلىق اۋدانىن، بۇگۇر اۋدانى مەن بيڭتۋاننىڭ 2 - ديۆيزياسىن ارالادى.
بيڭتۋان توڭكەرىستىك قاسيەتتى ساقتاپ، توڭكەرىستىك داستۇرگە ويداعىداي مۇراگەرلىك ەتۋى ءتيىس
بيڭتۋان 2 - ديۆيزياسىنىڭ 31 - پولكى تاكلاماكان ءشولى مەن قۇمتاۋ ءشولىنىڭ تۇيىلىسىندە، ەلىمىزدەگى قۇمدى بوراننىڭ نەگىزگى قاينارلارىنىڭ ءبىرى. 2000 - جىلدان باستاپ 31 - پولىك ءشول جيەگىندە بوراننان ساقتانۋ، قۇمدى ورنىقتىرۋ، ەكولوگيانى قورعاۋ ينجەنەرياسىن اتقاردى. ون نەشە جىل تىنباي قۇلشىنۋ ارقىلى ەكى ۇلكەن ءشولدىڭ ارالىعىنا ەكولوگيالىق ورمان، ىقتاسىن ورمان، جول ورمانى، اتىز - ارىق توعايى مەن كازارمالىق ورمان سياقتى 5 ەكولوگيالىق ورمان قالتقىسىن تۇرعىزدى. جاڭ چۇنشيان جانە ونىڭ ساپارلاستارى 13 - پولكتىڭ قولباسشىلىق شتابىنىڭ تەرىستىگىندەگى ەكولوگيالىق قورعانىس ورمانعا ات باسىن بۇردى. بۇل جەر قۇمتاۋ قۇمىن بوگەيتىن 1 - دالدا، ۇزىندىعى 11 كيلومەتر، كەڭدىگى 200 مەتر، توراڭعى، شىرعاناق، جيدە، جىڭعىل سياقتى ءبىر ميلليون 900 مىڭ تۇپتەن استام ەكولوگيالىق اعاش ەگىلگەن.
«سەندەر ەكولوگيانىڭ قورعاۋشسىسىڭدار، ەڭبەكتەرىڭ ءسىڭدى، كوپشىلىككە راقىمەت، وزدەرىڭە قۇرمەت بىلدىرەمىز!». جاڭ چۇنشيان ۇزاق ۋاقىتتان بەرى وسى جەردە تاباندىلىقپەن ەڭبەك ەتىپ كەلگەن ورمان قورعاۋشىلارىنا امانداسىپ، حال سۇرادى ءارى ولاردىڭ ەڭبەگىنە وسكەلەڭ باعا بەردى.
بيڭتۋان 2 - ديۆيزياسىنىڭ 36 - پولكى دە ءشولدىڭ جيەگىنە ورنالاسقان. 2006 - جىلدان باستاپ 36 - پولك قاعىر دالاعا 35 مىڭ مۋلىق ەكولوگيالىق - ەكونوميكالىق ورمان وتىرعىزدى. پولىك قىزمەتكەرى چىن چيميڭ ەكولوگيالىق - ەكونوميكالىق ورماننان 103 مۋ جەردى كوتەرمەگە الىپ شىلان ەككەن. ول: وسى ەكولوگيالىق - ەكونوميكالىق ورمان پولك - الاڭنىڭ قۇمدى بوراننان ساقتانۋىنا پايداسىن تيگىزۋمەن بىرگە، كوركىنە كورىك قوسىپ، كوپشىلىكتىڭ كىرىس ارناسىن كەڭەيتتى. تەك وسىنىڭ وزىنەن جىلىنا 200 مىڭ يۋانداي كىرىس كىرەدى، - دەدى.
جۋىق جىلداردان بەرى، 36- پولك قالا - قالاشىقتاندىرۋ قۇرىلىسىن جاپپاي ىلگەرىلەتىپ، كوپتەگەن قىزمەتكەرلەر روتادان پولىك شتابى تۇرعان قالاشىققا كەلىپ قونىستاندى. كاڭشين الەۋمەتتىك اۋماعىندا جاڭ چۇنشيان الەۋمەتتىك اۋماق تۇرعىندارىمەن بىرگە سامالدىقتا شۇيىركەلەسە اڭگىمەلەستى. ول كوپشىلىكتىڭ روتادان قالاشىققا كوشىپ كەلگەننەن كەيىنگى تۇرمىس احۋالىن ەگجەي - تەگجەيلى سۇراپ ۇعىستى.
بيىل 74 جاسقا كەلگەن تىڭ يگەرۋشى قارت كادر ۋاڭ ميڭجىن جاڭ چۇنشياندى ۇيىنە قوناققا شاقىردى. ۋاڭ ميڭجىن وتكەن كۇندەرىن ەسىنە الىپ: 1966 - جىلى اسكەري قوسىنمەن بىرگە شينجياڭعا كەلگەنىمدە جەرتولەدە تۇرعان ەدىك. ال قازىر كەڭ دە جارىق قابات ۇيدە تۇرىپ جاتىرمىز. پارتيا مەن مەملەكەتتىڭ قامقورلىعىندا پولىك - الاڭداعى جۇمىسشى - قىزمەتكەرلەردىڭ تۇرمىسى كۇننەن - كۇنگە جاقسارۋدا، - دەيدى.
جاڭ چۇنشيان: اعا بۋىن بيڭتۋاندىقتار شينجياڭداعى ءشول جيەگى مەن شەكارا بويلارىنا تامىر تارتىپ، «وتاندى قىزۋ ءسۇيۋ، قالتقىسىز ۇلەس قوسۋ، قاجىرلىلىقپەن يگىلىك جاراتۋ، ءورىس اشا العا ىلگەرىلەۋ» رۋحىن ساۋلەلەندىرىپ، قۇرىلىس اتويشىلارى، نەگىزگى تىرەكتىلەر، قۇرىش قورعان رولىن اتقارىپ، تىڭ يگەرىپ شەكارانى قورعاۋدىڭ، قاعىر دالانى جاسىلداندىرۋدىڭ مۇعجيزاسىن جاسادى. ءبىز قارت كادرلارعا شىنايى سۇيىسپەنشىلىكپەن قامقورلىق جاساپ، ولاردىڭ رۋحىن ۇرپاقتان - ۇرپاققا جالعاي بەرۋىمىز كەرەك، - دەدى.
جاڭ چۇنشيان: بيڭتۋاننىڭ اسكەري قاسيەتى، توڭكەرىستىك ءداستۇرى بار، وسى توڭكەرىستىك قاسيەت پەن توڭكەرىستىك ءداستۇردى ويداعىداي ساقتاپ، شينجياڭ رۋحى مەن بيڭتۋان رۋحىن ساۋلەلەندىرىپ، «ءۇش ۇلكەن قاتىناستى» دۇرىس ءبىر جايلى ەتىپ، شەكارانى ورنىقتىرۋ، شەكارانى بەكەمدەۋدەگى ورنىقتىرعىش، ءار ۇلت جۇرتشىلىعىن ۇيىستىرۋداعى دومنا پەش، وزىق وندىرگىش كۇش پەن وزىق مادەنيەتتىڭ ۇلگىلى رايونى بولىپ، بيڭتۋان ىستەرىندە تىنباي تىڭ جاعداي اشۋى كەرەك، - دەدى. قوعام ورنىقتىلىعىن قورعاۋ مەن «ۇشقارىلىقتى الاستاۋ» قىزمەتى جاڭ چۇنشياننىڭ وسى جولعى تەكسەرۋ - زەرتتەۋىنىڭ ءتۇيىنى.
25 - مامىردا جاڭ چۇنشيان مەن ونىڭ ساپارلاستارى بۇگۇر اۋدانىنىڭ تەرەكبازار اۋىلىنا كەلدى. بىلتىر 21 - قىركۇيەكتە بۇل جەردە اۋىر زورلىقتى كۇش لاڭكەستىك شابۋىل دەلوسى تۋىلعان ەدى. دەلو تۋىلعاننان كەيىن جەرگىلىكتى ورىنداعى پارتكوم وتكەننەن ساباق الىپ، «ىرىقتى شابۋىلداۋدى» ورنىقتىلىق قىزمەتىنىڭ ارقاۋى ەتىپ، جاپپاي اداقتاۋ قىزمەتىن قانات جايدىرىپ، «ءار ادامنىڭ تىزىمدىگى، ءار وتباسىنىڭ ارحيۆى» بولۋدى جۇزەگە اسىردى. سونىمەن بىرگە، زاڭ بويىنشا سوققى بەرۋ مەن ءتالىم - تاربيە بەرۋ، ءجون سىلتەۋدى بىردەي يگەرۋگە، قاتاڭ يگەرۋگە تاباندى بولىپ، زاڭ - بەلگىلەمەنى، ساياساتتى ۇگىتتەۋ، دەلولار ارقىلى ساقتاندىرۋ تاربيەسىن اتىز باستارىنا دەيىن جەتكىزىپ، وتباسىلارىن ارالاپ، ءبىر - بىردەن ۇگىت لەكسيا جاسادى.
تەرەكبازار اۋىلىنداعى كادر - جۇرتشىلىقپەن ارقا - جارقا كەڭەس وتكىزگەندە قىستاق تۇرعىنى، 67 جاستاعى روزىحان نۇر كوز جاسىن كولدەتتى، ونىڭ ۇلى مەن كەلىنى بىلتىرعى «21 - قىركۇيەك» زورلىقتى كۇش لاڭكەستىك ارەكەتىنە قاتىناسقان ەكەن. روزىحان نۇر: ەگەر بالالارىمنىڭ ءدىني ۇشقارى يدەيانىڭ ارباۋىنا تۇسكەنىن ەرتەرەك سەزگەن بولسام، ءسوز جوق، ولاردى توساتىن ەدىم، وندا ايانىشتى جاعداي دا تۋىلماس ەدى، ولاردىڭ تۇبىنە ءدىني ۇشقارى يدەيا جەتتى! - دەدى.
اڭگىمە كەزىندە جاڭ چۇنشيان ءدىني ۇشقارى يدەيانىڭ ءتۇپ - تامىرى، حاۋىپ - قاتەرى، كوپشىلىكتى قايتكەندە ءدىني ۇشقارى يدەيادان سانالىلىقپەن ساقتاندىرۋعا بولادى دەيتىن جاقتاردا جەرگىلىكتى ورىنداعى كادر - جۇرتشىلىقپەن بىرگە ىشكەرىلەي تالقى جۇرگىزدى.
«ۇشقارىلىقتى الاستاۋ» بارىسىندا اۆتونوميالى رايوندىق پارتكوم العا قويعان «بەس كىلت» يدەيالىق قارۋ ءارى قىزمەت ءادىسى سانالادى. بۇگىر اۋدانى «بەس كىلتتى» بەس جاقتاعى ناقتى قىزمەتكە اشالاپ، «10 ارناۋلى قيمىلدى»، مادەنيەت، سپورت، كوڭىل اشۋ قيمىلدارىن وتكىزۋ، قىستاق تۇرعىندارىنا ارناپ توي قىزمەتتەرىن كورسەتۋ، «وتانشىل ءدىني قايراتكەرلەر وتاۋىن» قۇرۋ، اۋدان باسشىلارىنىڭ قىستاقتاردا تۇيىندەردە تۇرىپ تەكسەرۋى سياقتى ادىستەر ارقىلى «بەس كىلتتى» ءبىر - بىردەن اشالاپ، شىن مانىندە تياناقتاندىردى.
كورلا قالاسى جاڭاشار اۋىلىنىڭ شىلانباق الەۋمەتتىك اۋماعى قالا مەن اۋىلدىڭ تۇيىلىسىندە، بۇل جەردە جالعا بەرىلگەن ءۇي كوپ، جىلجىمالى تۇرعىنداردىڭ توپانى مولداۋ بولعاندىقتان، كوپتەگەن وتباسى قوعام اماندىعى جاعدايىنا ونشا رازى ەمەس ەدى. مۇنداي جاعدايدى جاقسارتۋ ءۇشىن، الەۋمەتتىك اۋماق، ساقشى كەڭسەسى، «حالىقتىڭ جاعدايىن ۇعىسۋ، حالىقتىڭ تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت گرۋپپاسى بىرلەسىپ قىزمەت ىستەدى. بۇگىندە الەۋمەتتىك اۋماقتا جەر كوگالدانىپ، جول اسفاليتتانىپ، كوشە بويلارى جارىقتانۋمەن بىرگە، ىشكى باقىلاۋ جۇيەسى ورناتىلىپ، «ساقتانۋ، تەكسەرۋ، مەڭگەرۋ» ءبىر تۇلعالاندىرىلعان ينتەلەكتۋالدى شاعىن اۋماق قالىپتاستى، جىلجىمالى تۇرعىندار «دەر كەزىندە تىركەلىپ، يكەمدىلىكپەن يگەرىلدى»، الەۋمەتتىك اۋماقتىڭ قوعام اماندىعى جاعدايى كورنەكتى تۇردە جاقسارىپ، تۇرعىنداردىڭ رازىلىق دارەجەسى بارىنشا جوعارىلادى.
جاڭ چۇنشيان بىلاي دەدى: بايىنعولين وبلىسى قوعام ورنىقتىلىعىن قورعاۋ جاعىندا ىرىقتى تۇردە شابۋىلداپ، جەرگىلىكتى ورىننىڭ ناقتى جاعدايىنا قاراي شارالاردى اشالاي ءتۇسىپ، ورنىقتىلىقتى قورعاۋدىڭ شارالارىن تياناقتاندىرىپ، جۇمىستى جاڭالىق اشۋ تانىمىمەن، سەرپىندى ىستەپ، بەلگىلى ونىمگە قول جەتكىزدى. بايىنعولين وبلىسىنىڭ وسى كۇيدى ۇزبەي ساقتاپ، نەگىزگى نىسانانى ارقاۋ ەتىپ، ءالسىز بۋىنداردى تاۋىپ، دەلولاردان تاجىريبە - ساباق قابىلداپ، قىزمەتتىڭ تياناقتاندىرىلۋىن يگەرىپ، بايىنعولين وبلىسىنىڭ قوعام ورنىقتىلىعى مەن باياندى تىنىشتىعىن قامتاماسىزداندىرۋىن ءۇمىت ەتەمىن.
23 - مامىر كۇنى كەشتە جاڭ چۇنشيان چارقىلىق اۋدانىندا سول جەردەگى اۋدان، اۋىل، قىستاق، الەۋمەتتىك اۋماق كادرلارىنىڭ، «ءتورت ءتۇرلى قارتتاردىڭ»، ءدىني قايراتكەرلەردىڭ، وقىتۋشىلار مەن شيپاگەرلەردىڭ ۋاكىلدەرىمەن اڭگىمەلەستى. ەكى اڭگىمە ءماجىلىس ارقىلى نەگىزگى ساتىنىڭ ۇيىمدىق قۇرىلىسىن كۇشەيتۋ، جاستار مەن ورەندەردى تاربيەلەۋ جاقتارىندا ءالى قانداي ماسەلەلەر ورىن تەۋىپ وتىرعانىن، بۇل جونىندە قانداي پىكىر - ۇسىنىستار بارلىعىن، ءدىني قايراتكەرلەردىڭ رولىن قالاي ساۋلەلەندىرۋ ارقىلى «ۇشقارىلىقتى الاستاۋ» قىزمەتىن ىلگەرىلەتۋ كەرەكتىگىن ەگجەي - تەگجەيلى ۇعىستى. كوپشىلىك سوزىندە «بەس كىلتتىڭ» «ۇشقارىلىقتى الاستاۋداعى» ماڭىزدى رولىن تىلگە الدى.
جاڭ چۇنشيان بىلاي دەدى: يدەياداعى ماسەلەنى يدەيالىق تاسىلمەن شەشۋ، مادەنيەتتەگى ماسەلەنى مادەنيەتتىك تاسىلىمەن شەشۋ، سالت - ساناداعى ماسەلەگە قۇرمەت ەتۋ پوزيتسياسىن ۇستانۋ، ءدىن ماسەلەسىندە ءدىننىڭ زاڭدىلىعى بويىنشا تىڭعىلىقتى قىزمەت ىستەۋ، زورلىقتى كۇش لاڭكەستىگى ماسەلەسىن زاڭمەن جونگە سالۋ جانە قاتاڭ سوققى بەرۋ تاسىلىمەن شەشۋ كەرەك، «بەس كىلت» − پارتيا ورتالىق كوميتەتىنىڭ تالابى نەگىزىندە، شينجياڭنىڭ ءىس جۇزىندىك جاعدايىمەن ۇشتاستىرىلا العا قويىلعان، ماسەلەنى شەشۋدىڭ كىلتى. «بەس كىلتتى» ۇزدىكسىز ويداعىداي ءتۇسىنىپ، تياناقتاندىرىپ، ول جونىندە ۇزدىكسىز ىزدەنىس جاساپ، ءمانىن بايىتىپ، كەمەلدەندىرىپ، «ۇشقارىلىقتى الاستاۋ» قىزمەتىن «بەس كىلت» ءادىسىن شىن مانىندە قولدانا وتىرىپ ناقتاپ تياناقتاندىرۋ كەرەك. وسى جولعى ساپارىندا جاڭ چۇنشيان چارقىلىق اۋداندىق زات اينالىمى باقشاسىنىڭ جوبالانۋ جاعدايىن جانە ميران ەجەلگى قالا جۇرتىنىڭ قورعالۋ جاعدايىن تەكسەردى.
جاڭ چۇنشيان بىلاي دەدى: بايىنعولين وبلىسى ەجەلدەن «جىبەك جولىنىڭ» تورابى، دۇنيەدەگى ءتورت ۇلكەن وركەنيەتتىڭ توعىسقان، كوپ ءتۇرلى مادەنيەتتىڭ ارالاسقان جەرى، مىڭداعان جىلدىق جاۋىن - شاشىندى باستان وتكەرگەن. كەشەگىنى بۇگىنگە عيبىرات ەتۋدە، بايىنعولين وبلىسىنداعى ءار ۇلت حالقىندا تاريحي جاۋاپكەرشىلىك سەزىمى بولۋى، مەملەكەت مۇددەسىن بارىنەن جوعارى قويۋ، ەكولوگيالىق ورتانى قورعاۋعا باسا ءمان بەرۋدەي تاڭداۋلى ءداستۇردى ساۋلەلەندىرۋى، بايىنعولين وبلىسىنداعى ءار ۇلت حالقى وسى زامانعى شينجياڭدىقتار بولۋعا ۇمتىلۋى قاجەت.
جاڭ چۇنشيان بايىنعولين وبلىسىنداعى ءار ۇلت كادرلارىنىڭ پارتيا ورتالىق كوميتەتى مەن اۆتونوميالى رايوندىق پارتكومنىڭ شەشىم - ورنالاستىرۋلارىن دايەكتى تياناقتاندىرىپ، پارتيا مەن حالىقتىڭ قالاۋىنان شىعاتىن جاقسى كادرلار، شينجياڭ ەرەكشەلىگىنە يە جاقسى كادرلار، «ساياسيدا تاباندى، ستيلى جاقسى، قابىلەتى كۇشتى، كوڭىل كۇيى ورنىقتى» كادرلار بولىپ، قيىنشىلىقتى سىن - سايىس، جاپا - ماشاقاتتى تابىس، كۇردەلى جاعدايدى باسىنان كەشۋدى شىنىعۋ ساناپ، ءتۇسىنۋ، اتقارۋ جانە تياناقتاندىرۋ قابىلەتىن كۇشەيتىپ، بايىنعوليننىڭ جاڭاشا كاسىپتەنۋىنىڭ وڭتۇستىك شينجياڭ بويىنشا الدىڭعى لەكتە، جاڭاشا قالا - قالاشىقتانۋىنىڭ وڭتۇستىك شينجياڭ، ءتىپتى، شينجياڭ بويىنشا الدىڭعى لەكتە، تۇرعىنداردىڭ جان باسىندىق ورتاشا كىرىسىنىڭ شينجياڭ بويىنشا الدىڭعى لەكتە ءجۇرۋ نىساناسىن جۇزەگە اسىرۋعا قۇلشىنىپ، ءار ۇلت حالقىنا قاناعاتتانارلىقتاي جاۋاپ بەرۋىن تالاپ ەتتى.
اۆتونوميالى رايوندىق ساياسي كەڭەستىڭ ورىنباسار ءتوراعاسى ليۋ جيانشين تەكسەرۋ - زەرتتەۋدە بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
