- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءۇرىمجى قالاسىنىڭ سايباق رايونى شارۋا جۇمىسكەرلەردىڭ ەڭبەكاقىسىن اي سايىن بەرۋدىڭ سىناق تۇيىندەرىن اشتى
2015.05.28 15:33 كەلۋ قاينارى : شينجياڭ گازەتى
14 - مامىردا سىچۋاننان كەلگەن شارۋا جۇمىسكەر چىن دىساي جۇمىس ىستەگەن 21 جىلدان بەرگى تۇڭعىش ەڭبەكاقى كارتچكاسىن الدى. «ەڭ ۇلكەن ارمانىم ءبىر جىلدىق جاپالى ەڭبەگىمنىڭ تابىسىن الىپ ۇيىمە قايتىپ، وتباسىمداعىلارمەن قاۋىشۋ، ەندى مىنە قولىمدا ەڭبەكاقى كارتچكاسى بار، جۇمىستى دا الاڭسىز ىستەيتىن بولدىق»، − دەدى ول.
سول كۇنى «تيانشان شۇرات E توبى» نىسانىنىڭ قۇرىلىسىن جۇرگىزۋشى جاققا سايباق رايوندىق ۇكىمەت جاعىنان «جۇمىسكەر ىستەتۋدەگى ۇلگىلى ورىن» اتاعى بەرىلدى، جۇمىس باسىندا 197 شارۋا جۇمىسكەر ەڭبەكاقى كارتچكاسىن الدى.
«تيانشان شۇرات E توبى» نىسانىنىڭ قۇرىلىسىن جۇرگىزۋشى حىڭزۇن توبى قۇرىلىس شەكتى سەرىكتەستىگىنىڭ جاۋاپتىسى ۋاڭ تيڭچياڭ: «بۇرىن تۇرمىس قاراجاتى جۇمىس قوجايىنى ارقىلى جۇمىسشىلارعا بەرىلەتىن، مۇنداي تولەۋ تاسىلىنە كەپىلدىك ەتۋ قيىن، جۇمىسشىلاردىڭ قولىنا اقشا تيمەسە، جۇمىسكەر ىستەتۋشى ورىنمەن ارادا قايشىلىق تۋىلادى. قازىر 8 ساعاتتىق ەڭبەكاقى اي سايىن تىكەلەي بەرىلەدى، سيلىق اقشا جىل اياعىندا بەرىلەدى، جۇمىسشىلاردىڭ نەگىزدىك تۇرمىسى قامتاماسىز ەتىلدى».
سايباق رايوندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ورىنباسار باستىعى جاڭ جيڭ بىلاي دەدى: قالالاندىرۋ قۇرىلىسىنىڭ اياق الىسى ۇزدىكسىز تەزدەپ، قۇرىلىس سالاسىندا جۇمىسكەرگە دەگەن سۇرانىس جىل سايىن ارتۋدا، ءبىراق شارۋا جۇمىسكەرلەر جۇمىس بارىسىندا جوقتاما جاساۋدىڭ قيىندىعى، اي سايىن ەڭبەكاقى تاراتۋدىڭ قيىندىعى، ەڭبەك قاتىناسىن بەلگىلەۋدىڭ قيىندىعى، جۇمىس ۇستىندە جارالانسا، ۇقىعىن قورعاۋدىڭ قيىندىعى سياقتى ماسەلەلەرگە جولىعىپ وتىر، سوندىقتان جۇمىسكەر ىستەتۋدەگى قايشىلىقتى تۋ باستان شەشۋگە تۋرا كەلەدى. سايباق رايوندىق ۇكىمەت «تيانشان شۇرات E توبى» نىسانىن سىناق ءتۇيىنى ەتە وتىرىپ، شارۋا جۇمىسكەرلەردىڭ ەڭبەكاقىسىن اي سايىن بەرۋدىڭ تاجىريبەلىك ءادىسى ۇستىندە ىزدەنىس جاسادى. شارۋا جۇمىسكەرلەردىڭ ەڭبەكاقىسىن اي سايىن بەرۋ ءتۇزىمىن سىناق رەتىندە ىلگەرىلەتۋدىڭ سىرتىندا، سايباق رايونى ءۇرىمجى قالاسى بويىنشا ءبىرىنشى بولىپ جولعا قويعان «333» قىزمەت ءادىسى دە سىناق تۇيىندەرىندە اتقارىلدى. بۇل شارۋا جۇمىسكەرلەردىڭ زاڭدى ۇقىق - مۇددەسىنىڭ ونان ارى شىن مانىندە قامتاماسىز ەتىلەتىندىگىن بىلدىرەدى.
ۇعىسۋىمىزشا، «333» قىزمەت ءادىسى مىناۋ ەكەن. «3 مەكەمە» قولداپ، كەپىلدىك ەتەدى: سايباق رايوندىق قارىز اقشانى اداقتاۋ كەڭسەسى، باستىسى، قۇرىلىس سالاسىنداعى شارۋا جۇمىسكەرلەردىڭ توپتىق ارىزدانۋى، توپتاسىپ ەڭبەكاقى سۇراۋ سياقتى توسىن وقيعالاردى شەشەدى؛ سايباق رايوندىق ەڭبەك قامتاماسىزداندىرۋ باقىلاۋ - تەكسەرۋ اترەتى كاسىپورىنداردىڭ جۇمىسكەر ىستەتۋ ارەكەتىن قۋزاپ تەكسەرەدى؛ سايباق رايوندىق ەڭبەك، كادرلار داۋ - شارىنا تورەلىك ايتۋ سوتى ءادىليالىق تورەلىك ايتۋ سياقتى تارتىپتەر ارقىلى ەڭبەكشىلەر مەن جۇمىسكەر ىستەتۋشى ورىنداردىڭ زاڭدى ۇقىق - مۇددەسىن قامتاماسىز ەتەدى.
«3 جاق» جۇمىسكەر ىستەتۋدى ارناعا ءتۇسىردى. سايباق رايوندىق ەڭبەك اكىمشىلىك تاراۋى قۇرىلىس ورىندارىنا قاراتا جۇمىسكەر ىستەتۋدى ارناعا ءتۇسىرۋ جۇمىسىن ارنايى تەكسەردى؛ قۇرىلىس جۇرگىزۋشى جاق جوقتاما ءتۇزىمىن جولعا قويىپ، ەڭبەكاقىنى اي سايىن بەرۋدى تياناقتاندىردى. جۇمىسكەر ىستەتۋشى ورىن مەن شارۋا جۇمىسكەرلەر ەڭبەك توقتامىنا قول قويادى، قۇرىلىس جۇرگىزۋشى كاسىپورىن شارۋا جۇمىسكەرلەر ءۇشىن جۇمىس ۇستىندە جارالانۋ قامسىزداندىرۋىن ساتىپ الىپ بەرەدى؛ سايباق رايوندىق ەڭبەك اكىمشىلىك تاراۋى قۇرىلىس جۇرگىزۋشى جاقتىڭ قاتىستى بەلگىلەمەلەرگە بويسۇنعان - بويسۇنباعانىن تەكسەرىپ، شارۋا جۇمىسكەرلەردىڭ ۋاكىلدەرىمەن بەتپە - بەت اڭگىمەلەسەدى. «3 جاقتىڭ باقىلاۋى» ءوز رولىن ساۋلەلەندىردى. قۇرىلىس سالۋشى ورىن، قۇرىلىس جۇرگىزۋشى ورىن، باقىلاۋ سەرىكتەستىگى شارۋا جۇمىسكەرلەردىڭ ەڭبەكاقى، جوقتاما جاعدايىن باقىلاپ، شارۋا جۇمىسكەرلەردىڭ ەڭبەكاقىسىنىڭ تولىق بەرىلگەن - بەرىلمەگەندىگىن باقىلايدى.
جاڭ جيڭ: ءبىز تاجىريبەلەردى ۇزدىكسىز قورىتىندىلاپ، بۇكىل رايونىمىز كولەمىندە ءاربىر شارۋا جۇمىسكەردىڭ زاڭدى ۇقىق - مۇددەسىن شىن مانىندە قامتاماسىز ەتەمىز، − دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
