بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

جۇڭگو تەمىر جول قۇرىلىسى جارنا شەكتى سەرىكتەستىگى ۇرىمجىدە دۇنيە ءجۇزى بويىنشا وزىق دەڭگەيدەگى تۋنەل، رەليس جابدىقتارى بازاسىن قۇرماقشى

جاڭ چۇنشيان جاڭ زۇڭيانمەن اڭگىمە ءماجىلىسىن وتكىزدى

2015.05.29 14:13     كەلۋ قاينارى : ءتاڭىرتاۋ تورابى

  جۇڭگو قۇرىلىس كاسىبىنىڭ سەركەسى − جۇڭگو تەمىر جول قۇرىلىسى جارنا شەكتى سەرىكتەستىگى ۇرىمجىدە دۇنيە ءجۇزى بويىنشا وزىق دەڭگەيدەگى جەر استى جابدىقتارى مەن رەلس جابدىقتارى بازاسىن قۇرىپ، «ءبىر بەلدەۋ، ءبىر جولدىڭ» ءوزارا بايلانىس جاساۋ، توعىسۋ نەگىزدىك قۇرىلعى قۇرىلىسىنا قىزمەت كورسەتەدى. بۇل بولاشاقتا شينجياڭنىڭ بۇكىل دۇنيەگە تەمىر جول، مەترو، تاس جول قۇرىلىسىنا قاجەتتى جوعارى دەڭگەيدەگى قۇرىلىس ماشينالارىن شىعاراتىنىن كورسەتەدى.

  28 - مامىر تۇستەن بۇرىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ۇرىمجىدە جۇڭگو تەمىر جول قۇرىلىسى جارنا شەكتى سەرىكتەستىگىنىڭ باستىعى جاڭ زۇڭيانمەن جانە ونىڭ ساپارلاستارىمەن اڭگىمە ءماجىلىسىن وتكىزدى.

  جۇڭگو تەمىر جول قۇرىلىسى جارنا شەكتى سەرىكتەستىگى ەلىمىزدەگى، ءتىپتى، دۇنيە جۇزىندەگى قۋاتى نەداۋىر مىعىم، كولەمى ەرەكشە ۇلكەن امبەباپ قۇرىلىس توبى، جۇڭگو تەمىر جول قۇرىلىسى جارنا شەكتى سەرىكتەستىگى ۇرىمجىدە قۇراتىن جاڭا بازا اۋىر ماشينا توبىنىڭ بارلىق ءوندىرىس بازاسى اراسىندا جاساۋ قابىلەتى ەڭ جوعارى بازا بولماقشى.

  جۇڭگو تەمىر جول قۇرىلىسى جارنا شەكتى سەرىكتەستىگى شينجياڭعا ەرتەدە كەلىپ، ينجەنەريا قۇرىلىسى قىزمەتىمەن اينالىسقان، وعان قاراستى 1 - بارلاۋ، جوبالاۋ مەكەمەسى شينجياڭدا تەمىر جولدىڭ جوبا جۇمىستارىن ۇستىنە الىپ وتىر، وزگە قاراستى سەرىكتەستىكتەر شينجياڭنىڭ جەر - جەرىندەگى ءتۇرلى نەگىزدىك قۇرىلعى قۇرىلىستارىنا ۇزاق ۋاقىتتان بەرى بەلسەنە ات سالىسىپ، ءۇرىمجى مەتروسىنىڭ، تۇرپان - كورلا 2 - جەلىسىنىڭ ورتا تيانشان تۋنەلىنىڭ، لانجوۋ - شينجياڭ تەمىر جولىنىڭ جۇمىس ورىندارىنىڭ بارىنەن ولاردىڭ قىزمەتكەرلەرىن كەزىكتىرۋگە بولادى.

  جاڭ چۇنشيان بىلاي دەدى: شينجياڭنىڭ جاعراپيالىق ورنى تەمىر جول، قاتىناس تاراۋلارىن شينجياڭمەن تابيعي بايلانىستىرعان. «ءبىر بەلدەۋ، ءبىر جول» قۇرىلىسى شينجياڭنىڭ دامۋىنا وراسان زور وراي الا كەلدى، سونداي - اق كاسىپورىنداردىڭ دامىپ الۋەتتەنۋىنە اناعۇرلىم زور تەكشە ازىرلەپ بەردى. وسى كەلەلى ورايدى بۇلجىتپاي مىقتى يگەرىپ، ەلىمىزدىڭ جەلى بويىنداعى ەلدەرمەن ەكونوميكالىق، قوعامدىق تىعىز بايلانىسىن ۇزبەي ساقتاۋ ءۇشىن ەڭ اۋەلى، ءوزارا بايلانىس جاساۋ، توعىسۋدى جۇزەگە اسىرۋ كەرەك. تاس جول قاتىناس قۇرىلىسىنىڭ بازار بولاشاعى نۇرلى، جۇڭگو تەمىر جول قۇرىلىسى جارنا شەكتى سەرىكتەستىگى ەرشىمدى ەڭبەگىمەن تولاعاي تابىستارعا قول جەتكىزە الادى.

  جاڭ چۇنشيان مىنالاردى العا قويدى:

  ءبىرىنشى، ۇرىمجىدە دۇنيە ءجۇزى بويىنشا وزىق دەڭگەيدەگى جەر استى جابدىقتارى مەن رەليس جابدىقتارى بازاسىن قۇرۋ، شينجياڭعا جانە «ءبىر بەلدەۋ، ءبىر جولداعى» مەملەكەتتەردىڭ نەگىزدىك قۇرىلعى قۇرىلىستارىنا قىزمەت كورسەتۋ كەرەك؛

  ەكىنشى، جۇڭگو تەمىر جول قۇرىلىسى جارنا شەكتى سەرىكتەستىگىنىڭ نەگىزگى قۇرىلىس كۇشىن شينجياڭنىڭ نەگىزدىك قۇرىلعى قۇرىلىستارىنا قىزمەت كورسەتۋگە، ات سالىسۋعا جەتەلەۋ كەرەك؛

  ءۇشىنشى، جۇڭگو تەمىر جول قۇرىلىسى جارنا شەكتى سەرىكتەستىگى سياقتى قۋاتتى كاسىپورىنداردىڭ شينجياڭ بانكەسىن قۇرۋ قىزمەتىنە ات سالىسىپ، شينجياڭعا بانكە كاسىپ سالاسىنداعى جوعارى دەڭگەيلى باسقارۋشى دارىندىلاردى اكەلۋىن قارسى الامىز؛ ءتورتىنشى، سۋ يگىلىگى قۇرىلعىسى، قالا قۇرىلىسى قۇرىلعىسى، قاتىناس قۇرىلعىسى، الەۋمەتتىك قىزمەت، بايلىق ورتاسى سياقتى كوپتەگەن سالالاردان لايىقتىPPP (ۇكىمەت پەن جەكەنىڭ سەلبەسۋ فورماسى، الەۋمەتتىك نەگىزدىك قۇرىلعىنىڭ نىسان ارقىلى قارجى قۇراۋ فورماسى) نىسانىن تاڭداپ، جۇڭگو تەمىر جول قۇرىلىسى جارنا شەكتى سەرىكتەستىگىمەن سەلبەسە قۇرىلىس جۇرگىزۋ كەرەك

  . جاڭ زۇڭيان جۇڭگو تەمىر جول قۇرىلىسى جارنا شەكتى سەرىكتەستىگىنىڭ نەگىزگى جاعدايىن جانە ەل ءىشى - سىرتىندا كوتەرمەگە العان ينجەنەريالاردىڭ قۇرىلىس جاعدايىن قىسقاشا تانىستىردى. ول بىلاي دەدى: جۇڭگو تەمىر جول قۇرىلىسى جارنا شەكتى سەرىكتەستىگىنىڭ شينجياڭمەن تىعىز بايلانىسى بار، ءبىز كەلەسى قادامدا «ءبىر بەلدەۋ، ءبىر جول» قۇرىلىسىنىڭ كەلەلى ورايىن ارقاۋ ەتىپ، ۇرىمجىدە دۇنيە ءجۇزى بويىنشا وزىق دەڭگەيدەگى جابدىق جاساۋ بازاسىن قۇرامىز، بازانى كەلەر جىلى سالىپ بولىپ وندىرىسكە قوسىپ، شينجياڭنىڭ ەكونوميكالىق، قوعامدىق دامۋىنا ات سالىسۋعا قۇلشىنامىز.

  اڭگىمە ءماجىلىسىن اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى جۋ حايلۇن باسقاردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.