- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بايىرعى جىبەك جولى تۇتاسىپ، ارالىق جاقىنداي ءتۇستى
2015.06.04 14:48 كەلۋ قاينارى : شينجياڭ حالىق راديو ستانسياسى تورابى
تىلشىلىك كاسىبىمەن شۇعىلدانىما 20 جىل بولدى، ءار جىلى كەم دەگەندە ءبىر دە ەكى اي وڭتۇستىك جانە سولتۇستىك شينجياڭدا ءىسساپارمەن جۇرەمىن، نە قالا-قالاشىق، اۋىل-قىستاقتارعا بارامىن، نەمەسە تاۋ قويناۋىنا ەنەمىن، ءيا قۇمدى ءشولدىڭ ىشكى ءوڭىرىن ارالايمىن، جولدا جۇمسالاتىن ۋاقىت ۇنەمى ۇزاققا سوزىلاتىن، ال جول قۇرىلىسىنىڭ ادامداردىڭ تۇرمىسىنا اكەلگەن وزگەرىسى ەرەكشە زور. 2011-جىلى قاراشادا ءتىلشى ءشول تاس جولىمەن نيە اۋدانىنىڭ ياۋاتۇڭگىز قىستاعىنا بارىپ، بارلىق وتباسىلارىنىڭ تاس كەرپىش جانە قاڭىلتاق كەرپىشتى ءۇي سالىپ، قىستاقتىڭ مەكتەپ، شيپاحانا قۇرعانىن كوردى. ياۋاتۇڭگىز قىستاعىنىڭ ماعىناسى «جابايى دوڭىز كەزىپ جۇرەتىن جەر». تاكلاماكان ءشولىنىڭ ىشكى وڭىرىنە ورنالاسقان وسى قىستاق دۇنيەدەن بولەكتەنىپ، وعان تۇيەمەن نەمەسە ەسەكپەن نەشە كۇندە ارەڭ جەتۋگە بولاتىن، كوپ ساندى قىستاق تۇرعىندارى ءومىربويى اۋدانعا بارىپ كورمەگەن، الايدا تاس جولدىڭ سالىنۋىنا بايلانىستى وسىنىڭ ءبارى وزگەردى. قىستاقتا ونەتىن جاي پىساتىن بالداي ءتاتتى قاۋىن بەيجيڭ، شاڭحاي، گۋاڭدۇڭ، اۋەلى شىعىس وڭتۇستىك ازيانىڭ جەر-جەرىنە ساتىلىپ، قىستاق تۇرعىندارىنىڭ تازا كىرىسى تەزارادا ون مىڭ يۋاننان استى. بۇل ارا كەزىندە شينجياڭ بويىنشا ەڭ الىس، مەشەۋ جەر ەدى، بۇگىنگى كۇندە بۇل جەر حوتان ايماعى بويىنشا ەڭ اۋقاتتى وڭىرگە اينالدى.
2011-جىلى 30-قىركۇيەكتە، ىلە كەڭسەي كوپىرىنەن اۆتوموبيل قاتىناپ، ءتىلشى كوپىر ۇستىندە وسى ءبىر تاريحي مەزەتتىڭ كۋاگەرىنە اينالدى. كەڭسايدىڭ تاۋى بيىك، جولى قاتەرلى، قار كوشكىنى، تاسقىن، سىرعىما سياقتى جاراتىلىستىق اپاتتار ۇنەمى تۋىلىپ تۇرادى، تىلشىلىك ىستەۋ بارىسىندا، ۇزاق جىلدار بويى وسى لەنيادا قاتىناعان ءبىر جۇك اۆتوموبيل شوفەرى تەبىرەنىپ كوزىنە ىستىق جاس الدى، ول تىلشىگە، بۇرىن كەڭسايدان وتكەنگە ەكى دە ءۇش ساعات ۋاقىت جۇمسالىپ، قارلى بوراندى كۇندەرى ۇنەمى تاۋ ىشىندە نەشە كۇن قامالىپ قالاتىندىعىن، ال قازىر كوپىر سالىنىپ، تۇنەل اشىلىپ، قۇلجاعا ءبىر ساعات ىشىندە جەتۋگە بولاتىندىعىن ايتتى. اۆتونوميالى رايون قۇرىلعان 60 جىلدان بەرى، وتە-موتە ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى شينجياڭنىڭ تاس جول قۇرىلىسى كۇن سايىن جاڭالاندى، بايىرعى جىبەك جولى تىڭ تىنىسىن بايقاتتى. ءتىلشى ۇنەمى شينجياڭنىڭ قاتىناس كارتاسىن اقتارىپ كورەدى، قازىر جوعارى قارقىندى تاس جول ءار كۇنى ۇزارۋدا، وتە-موتە سوڭعى 4 جىلدا تاس جول ءار جىلى ءبىر مىڭ كيلومەترلىك قارقىنمەن ۇزارىپ بارادى. وڭتۇستىك شينجياڭدا كورلا، اقسۋدان قاشقارعا، حوتانعا دەيىن، سولتۇستىك شينجياڭدا ىلە، قارامايلى، التاي، شونجى، موريعا دەيىن تۇگەلدەي جوعارى قارقىندى تاس جول سالىندى، ال جەر-جەردەگى اۋىل-قىستاق تاس جولدارى قان تامىر تارىزدەنىپ اۋىل-قىستاقتارعا تارالىپ، ەگىنشى-مالشى بۇقاراسىنىڭ ەسىگىنىڭ الدىنا جەتتى. تاس جول قۇرىلىسىنىڭ قارىشتاپ دامۋى ادامداردىڭ سىرتقا شىعۋىنا قولايلىلىق اكەلدى، جولداعى ۋاقىت بارىنشا قىسقارىپ، اۆتوموبيل جايلى دە ورنىقتى بولدى. بۇگىنگى كۇندە مەملەكەت «ءبىر بەلدەۋ، ءبىر جول» ستراتەگياسىن ورتاعا قويىپ، بايىرعى جىبەك جولى بۇرىنعى جاندى بەينەسىنە قايتا ەنىپ، شينجياڭ مەن دۇنيە ءجۇزىنىڭ ارالىعى جاقىنداي ءتۇستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
