بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ءۇرىمجىنىڭ نانشانىندا ءبىر جۇپ حانزۋ جاس قازاق ۇلتىنىڭ ءداستۇرى بويىنشا ەرەكشە توي سالتىن وتكىزدى

2015.06.04 14:50     كەلۋ قاينارى : شينجياڭ حالىق راديو ستانسياسى تورابى

  30-مامىر ءۇرىمجىنىڭ نانشانىندا ءبىر جۇپ حانزۋ جاس قازاق ۇلتىنىڭ ءداستۇرى بويىنشا ەرەكشە توي سالتىن وتكىزدى. تاڭەرتەڭ ەرتە، جاسىل تۇسپەن كومكەرىلگەن تاۋ قويناۋىنداعى ءۇرىمجى گانگۋ اۋىلىنىڭ بايياڭگۋ قىستاعى تۇرعىندار كوميتەتىنەن كوڭىلدى ءان اۋەنى تارالدى، كۇيەۋ جىگىت زوۋ چيڭ، جاس كەلىن جاڭ يۇي مەن ولاردىڭ اكە-شەشەسى قازاقتىڭ ءداستۇرلى كيىمىن كيىپ، قاقپا الدىنا ەرتە شىعىپ، نەكە سالتىنا قاتىناسۋعا كەلگەن قوناقتاردى قارسى الدى. تۇستەن بۇرىن ساعات 11 دەن اسقاندا، ولاردىڭ قازاق، حانزۋ، حۇيزۋ، ۇيعۇر دوس-جاراندارى ىلگەرىندى-كەيىندى كەلىپ، اۋلا ءىشى دىر-دۋمانعا بولەندى. سول ارادا بارىنەن دە جاس كەلىننىڭ شەشەسى سۋ سايشيا ەڭ قاربالاس ەدى. ول: «وسى جەردە دۇنيە ەسىگىن اشىپ ەرجەتتىم، اكەم مال شارۋاشىلىق رايونىندا قىزمەت ىستەدى، ۇلتتار ارا قاتىناس توتەنشە جاقسى، ولارمەن ءبىر شاڭىراقتىڭ جاندارىنداي تاتۋ-ءتاتتى وتەمىز، وسى ورايدا از ۇلت دوستارىمىزبەن بىرلىكتە ەرەكشە توي سالتىن وتكىزدىك»،-دەدى.

  سيلى قوناقتاردىڭ ىستىق ىقىلاستى تىلەكتەرىن قابىلداعان جاس جۇبايلاردىڭ جۇزدەرىنەن كۇلكى لەبى ەستى. جاس كەلىن: «قازاق مەيماندوس ۇلت، كەلگەن قوناقتى ىستىق ىقىلاسپەن قارسى الادى. وسىنداي ءتاسىل ارقىلى كوپشىلىككە توي سالتىندا كوڭىلدىلىك باعىشتاماقشىمىز. بۇل ەلدەن ەرەكشە توي سالتى بولدى، قازاق ۇلتىنىڭ كيىمى دە ەرەكشە ادەمى»،-دەدى.

  توي سالتىنىڭ جاقسى وتۋىنە ءۇرىمجى اۋداندىق وقۋ-اعارتۋ مەكەمەسىنىڭ قىزمەت گرۋپپاسىنداعىلار بار كۇشپەن كومەكتەستى. ولاردىڭ كەيبىرەۋى توي سالتىن باسقارسا، كەيبىرەۋى كەسكىنگە الۋمەن قاربالاس بولدى. تويدا كوپشىلىك قازاقتىڭ قاراجورعا بيىنە باستى.ۇزاق جىلدىق كورشىسى گۇلباق الدارىندا وسكەن قىزدىڭ تويىندا بىلاي دەدى : ونىڭ شەشەسى مەن مەنىڭ شەشەم دوس بولاتىن. ءبىز 24 جىلدىق كورشىمىز. ءبىزدىڭ ىنتىماعىمىز بەن بەرەكە-بىرلىگىمىز وتە جاقسى. كىمنىڭ ۇيىندە قيىنشىلىق بولسا، ءوزارا كومەكتەسىپ، اپەكە-سىڭلىلەردەي جاقسى ءوتىپ كەلەمىز.توي سالتىنان كەيىن، كوپشىلىك بايگە، لاق تارتۋ، قىزقۋار سياقتى قىزعىلىقتى ويىنداردى كورىپ ءماز بولدى.مالشى تۇرسىنعازى بىلاي دەدى : بۇگىن ەرەكشە قۋانىپ تۇرمىن. مىنا بالا قازاقتىڭ كيىمىن كيگەن ەكەن، وتە جاراسىپتى.حانزۋ بولسىن، قازاق بولسىن جانە باسقا ۇلتتار بولسىن، ءبارى دە ۇلتتار ۇلى شاڭىراعىنىڭ ءبىر مۇشەسى، ەلىمىزدەگى 56 ۇلت ءبىر وتباسىنىڭ ادامىنداي.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.